দিপার্তমেন্ত ওফ পোস্তনা ইন্নোভেতিব ওইবা সর্বিসশিং অমসুং অনৌবা তেক্নোলোজীশিংগা লোইননা মখোয়গী সর্বিস হোরাইজনশিং অদু লেপ্তনা চাউথোরক্তুনা লৈবাক অসিগী খ্বাইদগী অরোইবা মফম ফাওবা য়ৌশিল্লি। মোবাইল, ইমেল অমসুং সোসিয়েল মীদিয়াগা য়ুগ অসিদফাওবা চিথিগী মরু ওইবা অদুমক লৈরি। সরকার অমসুং কোর্তকা মরি লৈনবা চিথিশিং, আধার কার্দশিং, পাসপোর্তশিং, দ্রাইবিং লাইসেন্সশিং, ভোতর ID কার্দশিং, PAN কার্দশিং, বেঙ্ক চেক বুকশিং অমসুং ATM কার্দশিং য়াওনা মরু ওইবা চে-চাংশিং হৌজিক ফাওবা পোস্ত ওফিসশিংগী খুত্থাংদা থারি। নোর্থ গুজরাত রিজনগী পোস্তমাস্তর জেনরেল, শ্রী কৃষ্ণ কুমার য়াদৱনা এহ্মদবাদকি শাহিবাগতা রিজনেল PMG ওফিসতা ‘নেস্নেল পোস্তেল ৱীক’ হৌদোকপা মতমদা অমসুং ‘মেলস এন্দ পার্সেল দে’দা পাংথোকখিবা ‘কস্তমর মীত’তা ৱা ঙাংবা মতমদা ৱাফম অসি ফোংদোকখি। থৌরম অসিদা, দাইরেক্তর পোস্তেল সর্বিসেস, সুকুমারি মীতা কে. শাহনশু পোস্তেল সর্বিসশিংগী মতাংদা হায়খি অমসুং এক্সপোর্তরশিংগা লোইননা কুপথনা খন্ন-নৈনবা কয়া অমশু পাংথোকখ্রে।

পোস্তমাস্তর জেনরেল, শ্রী কৃষ্ণ কুমার য়াদৱনা হায়খি মদুদি দিপার্তমেন্ত ওফ পোস্তনা মেলশিং অমসুং পার্সেল সর্বিসশিংগী লমদা ইন্নোভেশন কয়া অমা ইমপ্লিমেন্ত তৌরি। ইন্দিয়া পোস্তনা তোঙান তোঙানবা বিজনেস সেক্তরশিং, খুদম ওইনা স্পীদ পোস্ত, বিজনেস পার্সেল, দাকঘর নির্য়াত কেন্দ্র, বিজনেস পোস্ত, মীদিয়া পোস্ত, বিল মেস সর্বিস, রিতেল পোস্ত, লোজিস্তিক্স পোস্ত, দাইরেক্ত পোস্ত, ই-পোস্ত, ই-পেমেন্ত, আধার সর্বিসেস অমসুং পাসপোর্ত সর্বিসশিংগী অখন্নবা তঙাইফদবশিং অদুবু পীবা ঙম্নবা শেম্লবা সর্বিসশিংগী মখল কয়া অমা পীরি। দাখঘর নির্য়াত কেন্দ্রশিং (DNK)বু পোস্তেল চেননেলগী খুত্থাংদা কমর্সিয়েল এক্সপোর্তশিং প্রোমোত তৌনবা এক্সপোর্তরশিংগীদমক্তা ৱান-স্তোপ সোল্যুসন অমা ওইনা লিংখৎখ্রে। ৱান দিস্ত্রিক্ত ৱান প্রোদক্ত (ODOP), জিয়োগ্রাফিকেল ইন্দিকেশন (GI), অমসুং MSMEশিংনা দাকঘর নির্য়াত কেন্দ্রশিংগী খুত্থাংদা ইন্তরনেস্নেল মার্কেতশিংদা য়ৌদুনা, “ভোকল ফোর লোকল” অমসুং “আত্মানির্ভর ভারত”কী ৱাখল্লোন অদুবু হেন্না কনখৎহল্লি।

পোস্তমাস্তর জেনরেল, শ্রী কৃষ্ণ কুমার য়াদৱনা লোকল এন্ত্রপ্রেনরশিংবু গ্লোবল মার্কেতশিংদা কনেক্ত তৌবদা পোস্তল নেতৱার্ককী ইজ অমসুং এফিসিয়েন্সীগী মতাংদা মরু ওইনা পনখি। মহাক্না হায়খি মদুদি স্পীদ পোস্ত অমসুং বিজনেস পার্সেলশিং খন্দোক্নবা অমসুং য়েন্থোক্নবগীদমক্তা স্পেসিয়েল সোর্তিং হবশিং অমসুং নোদল দেলিভরী সেন্তরশিং থমখ্রে। ই-কমর্স প্রোদক্তশিংগীদমক্তা কেস-ওন দেলিবরী পীখ্রে। পোস্তমেন মোবাইল এপ্লিকেসন (PMA)গী খুত্থাংদা পোস্তল আইতেমশিংগী দেলিভরী স্তেতস অদু রিয়ল তাইমদা অপদৎ তৌরি। ওনলাইন ত্রেক অমসুং ত্রেস ফেসিলিতীশু পীখ্রে। দিপার্তমেন্ত ওফ পোস্তনা মেল অমসুং পার্সেলশিং য়াংনা থানবগী অনৌবা ত্রান্সপোর্ত পোলিসী অমা পুথোরকখ্রে। ইন্দিয়া পোস্ত অমসুং ইন্দিয়ন রেলৱেজনা অপুনবা ওইনা জোইন্ত পার্সেল প্রোদক্ত অমা ওইনা ‘রেল পোস্ত গতি শক্তি এক্সপ্রেস কার্গো সর্বিস’ হৌদোকখ্রে। মহাক্না ক্লিক এন্দ বুক সর্বিসকী ফেসিলিতী, পার্সেল পেকেজিং য়ুনিৎশিং, পোস্ত ওফিসতা QR কোদশিংগী খুত্থাংদা দিজিতেল পেমেন্তশিং তৌবা য়াহনবগী মতংদশু পনখি। PMG, শ্রী কে.কে. য়াদৱনা মখাতানা হায়খি মদুদি ইনতরনেস্নেল মেল য়াম্না য়াংনা থাবা য়ানবগীদমক্তা, এহ্মদবাদকী শাহিবাগতা ফোরেন পোস্ত ওফিস অমসুং সুরত্তা ইন্তরনেস্নেল বিজনেস সেন্তর লিংখৎখ্রে। ওন-স্পোত কস্তম ক্লিয়রেন্স লৈ। ইন্তরনেস্নেল পার্সেল সর্বিস অসি মালেম শিনথুংনা দেস্তিনেশন কন্ত্রী অমসুং রিজন ২০০গী মথক্তা লৈ।

থৌরম অদু মার্কেতিং একজিক্যুতিব, শ্রী চিরায়ু ব্যাসনা হোস্ত তৌখি, এসিস্তেন্ত দাইরেক্তর, শ্রী এম.এম. শৈখনা ৱেলকম স্পীচ পীখি অমসুং এসিস্তেন্ত দাইরেক্তর, শ্রী রিতুল গান্ধিনা ভোত ওফ থেঙ্কস পীখি। থৌরম অদু এসিস্তেন্ত সুপরিন্তেনদেন্ত, শ্রী রিবিন্দর পর্মারনা শিনখি অমসুং ইনস্পেক্তর ভাৱিন প্রজাপতিনা পাৱর পোইন্ত প্রেজেন্তেশন পীখি।

থৌরম অসিদা, পোস্তেল সর্বিসকী দাইরেক্তর, সুকুমারি মীতা শাহ, এহ্মদবাদ সিতী দিভিজনগী সুপরিন্তেন্দেন্ত, শ্রী গিৱিন্দ শর্মা, দেপ্যুতী সুপরিন্তেন্দেন্ত, শ্রী ভি.এম. ভাহোরা, দেপ্যুতী চীফ পোস্তমাস্তর GPO, শ্রী আলপেশ শাহ, এসিস্তেন্ত দাইরেক্তর, শ্রী এম.এম. শৈখ, শ্রী রিতুল গান্ধি, সুমারি মঞ্জুলা পতেল, এসিস্তেন্ত সুপরিন্তেন্দেন্ত, শ্রী রবিন্দর পর্মার, শ্রী রোনক শাহ, ইনস্পেক্তর পোস্ত, শ্রী ভাৱিন প্রজাপতি, শ্রী য়োগেন্দ্র রাথোর অমসুং মার্কেতিং একজিক্যুতিব, শ্রী খেমচান্দ রাথোর, শ্রী দিপাল মেহতানা এহ্মদবাদকী নোর্থ গুজরাত রিজনদগী ওফিসিয়েল কয়া অমাগা লোইননা  অমসুং কোর্পোরেত ইনস্তিত্যুশনশিং অমসুং দিপার্তমেন্তশিংদগী মীহুৎশিংনা থৌরম অদুদা শরুক য়াখি।

******