“ঐখোয়গী লৈঙাক্না লৌমীশিংগী য়াইফনবা মপুং ফানা লেপ্লি‍। মরম অসিনা থৌ পুবগা অহান্বা খুৎয়েক পীগদবা ফাইল অসি লৌমীশিংগী য়াইফনবগা মরী লৈনবা ওইবদা মতিক চাই‍। ঐখোয়না তুংদা লৌমীশিং অমসুং লৌউ-শিংউ সেক্তরগীদমক হেন্না কন্না হোৎনবা পাম্মি‍।”

• প্রধান মন্ত্রী নরেন্দ্র মোদী

প্রধান মন্ত্রী নরেন্দ্র মোদীনা মহারাস্ত্রগী ৱাসিমদা ওক্তোবর ৫, ২০২৪দা প্রধান মন্ত্রী কিসান সম্মান নিধী (PM-KISAN)গী ১৮শুবা ইন্সতোলমেন্ত থাদোকখ্রে‍। থৌরম অদুদা লৈবাক পুম্বদগী লৌমী করোর ৯.৪না মরক্কী মীওইশিং য়াওদনা দাইরেক্ত বেনিফিত ত্রান্সফর (DBT)গী খুত্থাঙদা লুপা করোর ২০,০০০ হেনগদবা শেনফমগী দাইরেক্ত ফাইনেন্সিএল বেনিফিতশিং ফংখি‍। ১৮শুবা ইন্সতোলমেন্ত অসি য়েন্থোকপগা লোয়ননা, স্কীম অসিগী মখাদা থাদোকখিবা শেনফম লুপা করোর লাখ ৩.৪৫ য়ৌবগা লোয়ননা লৈবাক পুম্বগী লৌমী করোর ১১ হেন্বদা চৈঙাক পীগনি অমসুং খুঙ্গং চাওখৎহন্বা অমসুং লৌউ-শিংউগী লমদা নুংঙাই য়াইফবা পুরক্নবা লৈঙাক্না লেপ্লিবা খোঙফম হেন্না চেৎশিনহল্লগনি‍।[1]

PM কিসান সম্মান নিধী স্কীমগী বেকগ্রাউন্দ

ফেব্রুৱারী ২, ২০১৯দা হৌদোকখিবা প্রধান মন্ত্রী কিসান সম্মান নিথী (PM-KISAN) অসি ভারতকী লৌউ-শিংউ সেক্তরদা অওন্বা পুরকপা শাফু অমা ওইরে‍। স্কীম অসিগী মখাদা লৌমীশিংদা মান্নবা ইন্সতোলমেন্ত অহুম থোক্না চহিদা লুপা ৬০০০গী শেনফম য়েন্থোক্তুনা থা মরি খুদিংগী লুপা ২০০০ ফংহল্লি‍। শেনফম অসি বেনিফিসরীশিংগী বেঙ্ক একাউন্ততা দাইরেক্ত বেনিফিত ত্রান্সফর (DBT) মেকানিজমগী খুত্থাঙদা হকথেংননা থাজিন্দুনা মসিবু মালেমগী ওইনা খ্বায়দগী চাউবা অমসুং খ্বায়দগী অরোন অথুপ লৈতবা DBT স্কীম ওইহল্লি‍।[2]

PM-KISANগী মরুওইবা ৱাফমশিং:

১.    অচৌবা আউতরীচ অমসুং দিজিতেল ইন্তিগ্রেসসন: PM-KISAN অসি ভারতকী দিজিতেল ইনফ্রাস্ত্রকচরবু শীজিন্নরিবা ফ্লেগসিপ থৌশিল অমনি‍। অপন্বা লৈতবা এনরোলমেন্ত, ওথেন্তিকেসন, অমসুং দিসবর্সমেন্তকী থৌওংগী খুত্থাঙদা, স্কীম অসিনা লৌমী মিলিয়ন কয়াদা য়ৌদুনা মরক্কী মীওইশিং লৌথোক্লি অমসুং মথৌ তাবা মীওইশিংদা তেংবাং হকথেংননা য়ৌহল্লি‍। মসিনা শেঞ্জা থুমজা অমসুং পন্থবগী চাং শাথিনা হন্থহন্দুনা একাউন্তেবিলিতী অমসুং ইফিসিএন্সীগী লমদা চাউনা অহোংবা পুরক্লি‍।

২.    মরুওইবা মতমশিংদা শেলগী তেংবাং: লুপা ২০০০গী ইন্সতোলমেন্ত অসি লৌমীশিংদা মহৈ মরোংগী সাইকলগা চুননা থা মরি খুদিংগী মতম চানা শেলগী তেংবাং ফংহন্নবা শেম্বনি‍। মসিনা লৌমীশিংবু মরু, হার লৈবা, অমসুং মহৈ মরোং মশা ফনা থম্বনচিংবদা লৌউ-শিংউবগী থারুকশিংদা মরুওইবা তাঙ্ককশিংদা মরুওইবা ইনভেস্তমেন্ত তৌবা ঙমহন্দুনা মহৈ মরোং নীংথিনা পুথোকপদা মতেঙ পাংলি‍।

৩.    শেন্দোয় চাবশিংদগী ঙাকথোকপা: PM-KISAN না লৌমীশিংবু শেন্দোয় চাউনা লৌবা শেল পুথোকপা মীওইশিংদা তাংবগী চাং হন্থহন্দুনা মপাঙ্গল হাপ্লি‍। মতম চানা শেলগী তেঙবাং পীবনা লৌমীশিংবু শেন্দোনগী কোমদা পুত্থগদবগী ঙাকথোক্তুনা হেন্না সস্তেনেবল ওইবা অমসুং মরোমদোম লেপচবা ঙম্বা লৌউ-শিংউগী থৌওং পুরকপা ঙমহল্লি‍।

৪.    পুম্নমক কোনশিন্বা অমসুং মান্নবা ঙাক্লৌ: স্কীম অসি মহৌশাদগী চৎনরক্লিবা সপ্পোর্ত মেকানিজম্না হেক হেক নাথৈদুনা থম্বিরম্বা কাঙলুপ ওইরিবা স্মোল অমসুং মার্জিনেল লৌমীশিং য়াওহন্নবা শেম শাবনি‍। খ্বায়দগী খুদোংচাদ্রবা লৌমীশিংদা ফাওবা তেঙবাং ফংহন্দুনা, PM-KISANনা তোঙান তোঙানবা লৌমী কাঙলুপশিংগী মরক্তা লৈরিবা শেন্থোক খেন্নবগী চাং হন্থহন্বদা মরুওইবা থৌদাং লৌদুনা লৌউ-শিংউ সেক্তরদা ইনক্লুজিব গ্রোথ পুরকই‍।

 

PM-KISAN: কোওপরেতিব ফেদরেলিজমগী তরং তরংবা খুদম

স্কীম অসি স্তেতশিংনা ইলিজিবল ওইবা লৌমীশিং রেজিস্তর অমসুং ভেরিফাই তৌরগা ভারত লৈঙাক্না স্কীম অসিগী ১০০% ফন্দিং তৌদুনা কোওপরেতিব ফেদরেলিজমগী তরং তরংবা খুদম অমা ওইরি‍। স্কীম অসিগী পুম্নমক কোনশিন্বা মতৌ অসি, বেনিফিসরী মশিংগী য়ামদ্রবদা শরুক মরি থোকপগী অমদি নুপীঈশিং ওইরিবা, অদুগা স্কীম অসিগী বেনিফিসরীশিংগা ৮৫%না স্মোল অমসুং মার্জিনেল লৌমীশিং ওইরিবসিনা তাক্লি‍।

PM-KISAN: ইনক্লুজিবিতী য়োকখৎপা

স্কীম অসিগী পুম্নমক কোনশিন্বা মতৌ অসি, বেনিফিসরী মশিংগী য়ামদ্রবদা শরুক মরি থোকপগী অমদি নুপীঈশিং ওইরিবা, অদুগা স্কীম অসিগী বেনিফিসরীশিংগা ৮৫%না স্মোল অমসুং মার্জিনেল লৌমীশিং ওইরিবসিনা তাক্লি‍।

তেক্নোলোজী ফোর ত্রান্সপেরেন্সী ^[3]

প্রধান মন্ত্রী কিসান সম্মান নিধী (PM-KISAN) স্কীম অসি মতিং লৈনা, ত্রান্সপেরেন্ত ওইনা, অমসুং লৌমী পুম্নমক্না ফংবা য়াহন্নবা মওথদা লৈহন্নবগীদমক, ভারত লৈঙাক্না মসিগী দিজিতেল ইনফ্রাস্ত্রকচর লেপ্পা লৈতনা ফগৎহল্লি‍। লৌমীদা য়ুম্ফম ওইবা থৌওং অসিনা স্কীম অসিগী কান্নবশিং মরক্কী মীওইশিং য়াওদনা লৈবাক্কী মফম খুদিংদা লৈরিবা ইলিজিবল ওইবা লৌমীশিংদা য়ৌহন্দুনা সিস্তেমদা থাজবা অমসুং মতিং লৈবা হেনগৎহল্লি‍।

PM-KISANগী মরুওইবা তেক্নোলোজিকেল হায়লাইতশিং:

১.    দিজিতেল প্লেতফোর্ম কয়াগা পুনশিন্নবা: PM-KISAN পোর্তেল অসি মখাদা পীরিবা মরুওইবা নেস্নেল প্লেতফোর্ম কয়াগা অপন্বা লৈতনা পুনশিল্লে:

• • UIDAI (য়ুনিক আইদেন্তিফিকেসন ওথোরিতী ওফ ইন্দিয়া) আধার ওথেন্তিকেসন তৌনবা,
  • PFMS (পব্লিক ফাইনেন্সিএল মেনেজমেন্ত সিস্তেম) শেলথুম ত্রান্সফর তৌনবা,
  • NPCI (নেস্নেল পেমেন্ত কোর্পোরেসন ওফ ইন্দিয়া) সিক্যুর পেমেন্ত তৌনবা,
  • ইনকম তেক্স দিপার্তমেন্ত শেন্থোক ভেরিফাই তৌনবা‍।

পুনশিল্লিবা অসিনা স্কীম অসিগা মরী লৈনবা থৌওং খুদিংমক সিক্যুর, ইফিসিএন্ত অমসুং ত্রান্সপেরেন্ত ওইহন্দুনা লৌমীশিংগী বেঙ্ক একাউন্ততা হকথেংননা রিএল তাইমদা শেল থাজিন্বা য়াহল্লি‍।

স্কীম অসিগী পুম্নমক কোনশিন্বা মতৌ অসি, বেনিফিসরী মশিংগী য়ামদ্রবদা শরুক মরি থোকপগী অমদি নুপীঈশিং ওইরিবা, অদুগা স্কীম অসিগী বেনিফিসরীশিংগা ৮৫%না স্মোল অমসুং মার্জিনেল লৌমীশিং ওইরিবসিনা তাক্লি‍।

২.    ইজী এক্সেস অমসুং গ্রীভান্স রিদ্রেসেল: লৌমীশিংনা হৌজিক্তি PM-KISAN portal দা ৱাকৎ থাঙ্গৎপা নৎত্রগা হকথেংননা মতেঙ লৌবা য়ারে‍। হেন্না পর্সনেলাইজ তৌরবা এক্সপিরিএন্সকীদমক, মখোয়না মখোয়গী ৱাফমশিং খুদক্তা তাবিনবা 24x7 হেল্পলাইন শীজিন্নবসু য়াই‍।

৩.    কিসান ই-মিত্র (AI-পৱার্দ চেতবোত): স্কীম অসিগী মখাদা পায়খৎপা মশক থোকপা ইনোভেসন অমদি খোঞ্জেলদা য়ুম্ফম ওইবা চেতবোত Kisan e-Mitra অসিনি‍। প্লেতফোর্ম অসিনা লৌমীশিংবু ৱাহং হংবা য়াহল্লি অমসুং মখোয়গী মরোলদা খুদক্তা পাউখুম ফংহল্লি‍। হৌজিক্কী ওইনা মসিনা হিন্দী, ইংলিস, ওরিয়া, তামিল, বঙ্গলা, মলয়ালম, গুজরাতী, পঞ্জাবী, কন্নরা, তেলুগু, অমসুং মরাথী য়াওনা লোল ১১ সপ্পোর্ত তৌবগা লোয়ননা ভারতকী খেন্নবা লোলী লেন্দস্কেপ পম্নমক কোনশিল্লি‍।

৪.    কম্মন সর্ভিস সেন্তরশিং অমসুং IPPBগা লোয়ননা দোরস্তেপ সর্ভিস: স্কীম অসি হেন্না এসেসিবল ওইহন্নবা, লৈবাক শিন্বা থুংনা লৈরিবা কম্মন সর্ভিস সেন্তর (CSCs) লাখ ৫ ওনবোর্দ তৌখ্রে‍। CSCs শিং অসিনা স্কীম অসিগী সর্ভিসশিংবু লৌমীশিংগী থোঙজিলদা য়ৌহন্দুনা মখোয়বু রেজিস্তর তৌবা, মখোয়গী দিতেল অপদেত তৌবা, নৎত্রগা মতেঙ লৌবদা লায়হল্লি‍।

মসিগী মথক্তা, ইন্দিয়ন পোস্ত পেমেন্ত বেঙ্ক (IPPB) কা PM-KISAN স্কীমগা পুনশিন্বনা বেনিফিসরীশিংগী আধার লিঙ্ক তৌবা বেঙ্ক একাউন্ত হাংদোকপদা মতেঙ ওই‍। সর্ভিস অসিনা খ্বায়দগী মনুং হঞ্জিনবা মফমশিংদা লৈরিবা লৌমীশিংদা ফাওবা অপন্বা লৈতনা বেঙ্কিং সর্ভিস শীজিন্নবা ঙমহল্লি‍।

৫.    এগ্রি স্তেক হৌদোকপা: ভারত লৈঙাক্না হৌজিক্তি লৌমীশিংদা মপুং ফাবা সর্ভিসশিং পীননবা শেম শারবা তেক্নোলোজিকেল ফ্রেমৱর্ক অমা ওইনা Agri Stack হৌদোরক্লি‍। এগ্রি স্তেক্কী খুত্থাঙদা লৌমী খুদিংমক্না মখোয়গী আধারগা লিঙ্ক তৌবা তোপ তোপ্পা ফার্মর ID ফংগনি‍। হায়রিবা ফার্মী ID অসি লম অমসুং মহৈ মরোংগী ইনফোর্মেসনগা শম্নহন্দুনা হেন্না লনাই ওইবা অমসুং ইচঙ থৌবা গভর্নেন্স পুরক্কনি‍। এগ্রি স্তেক্না PM-KISAN ফংহনবগী ফীভম ফগৎহন্বতা নত্তনা লৌমীশিংনা তোঙান তোঙানবা লৈঙাক্কী স্কীম অমসুং সর্ভিসশিং ফংনবা থোঙসু হাংদোক্কনি‍। দিজিতাইজ তৌরবা সিস্তেম অসিনা লৌমীশিং ১০০% কভরেজ অমসুং সেচুরেসন ফংহন্দুনা লৌউ-শিংউগা মরী লৈনবা সর্ভিস কয়াগী ৱন-স্তোপ সোলুসন ফংহনগনি হায়না থাজবা থম্লি‍।

অসিগুম্বা তেক্নোলোজিকেল ইন্তরভেন্সনশিংগা লোয়ননা, PM-KISAN অসি মতিং লৈবা, লৌমীশিংবু মপাঙ্গল হাপ্পা, অমসুং ভারতকী লৌউ-শিংউ সেক্তরবু সস্তেনেবিলিতী অমসুং ইনক্লুজিবিতীগী মায়কৈদা পুদুনা চৎলিবা মোদেল অমদা ওল্লক্লি‍। স্কীম অসি মোদর্নাইজেসন তৌবনা তুংগী ওইবা স্মার্ত, দিজিতেল্লী-ইনেবল্দ লৌউ পথাপকী মায়কৈদা থাংজিল্লকপা মশক থোকপা খোঙথাং অমা ওইরি‍।

PM-KISAN: মায় পাকপা অমসুং ফংবা ঙমখিবশিং

১৮শুবা ইন্সতোলমেন্ত অসি য়েন্থোকপগা লোয়ননা, PM-KISAN স্কীমগী মখাদা লৈবাক পুম্বগী লৌমী করোর ১১ হেন্বনা লুপা করোর লাখ ৩.৪৫ গী শেনফম ফংখ্রে‍।

মসিগী মনুংদা লুপা করোর লাখ ১.৭৫দি লৌমীশিংনা দাইরেক্ত কেস বেনিফিত খ্বায়দগী হেন্না মথৌ তাখিবা মতম, কোবিদ লাইচৎ মনুংদা ইলিজিবল ওইবা লৌমীশিংদা থাখিবনি‍। মখা তানা, লৈঙাক্কী য়াইফ-থৌরাংগী স্কীমশিং গ্রাম পঞ্চায়ত লাখ ২.৬০ হেন্বদা সেচুরেসন পুরক্নবা পায়খৎখিবা বিক্সিত ভারত সংকল্প য়াত্রাগী মনুং চন্না, পার্তিকুলর্লী ভল্নরেবল ত্রাইবেল গ্রুপশিংগী (PVTG) লৌমীশিং য়াওনা ইলিজিবল ওইবা লৌমী করোর অমা হেন্ববু PM KISAN স্কীমদা হাপচিনখ্রে‍।[4]

হৌখিবা চহি মঙাসিদা প্রধান মন্ত্রী কিসান সম্মান নিধী (PM-KISAN) স্কীম্না শিংথানিংঙাই ওইবা পন্দোলশিং লোমদুনা, মসিগী মীৎয়েঙ শান্বা মতৌ, পাক শন্না য়ৌশিন্বা, অমসুং লৌমীশিংগী একাউন্ততা হকথেংননা ফন্দ ত্রান্সফর তৌবগীদমক ৱর্ল্দ বেঙ্ককুম্বা লূপশিংনা থাগৎনরকখি‍।

উত্তর প্রদেশকী লৌমীশিংদা মীৎয়েঙ থম্বা ইন্তরনেস্নেল ফুদ পোলিসী রিছর্চ ইন্সতিত্যুৎ (IFPRI)গী স্তগী অমনা লৌমী অয়াম্বনা শেল ককহৌবা য়াওদনা শেমফম শুনা PM-KISAN গী কান্নবা ফংলি হায়খি‍। স্তদী অসিনা শেনফম অসি লৌমীশিংনা লৌউ-শিংউগী মথৌ তাবা পোৎলমশিং, খুদম ওইনা খুৎশু খুৎলায়, মরু, হার, অমসুং তিলহাৎ হিদাক্নচিংবা লৈবদা অয়াম্বনা শীজিন্নৈ হায়রি‍। ঙাক্লৌ অসিনা লৌমীশিংগী পোত্থোক পুথোকপগী চাং হেনগৎহন্বদা অমসুং শেলথুমগী মরা চেৎপা ফীভম পুরকপদা মরুওইবা থৌদাং য়ারী‍।^[5]

রিফরেন্সশিং:

1. https://pmkisan.gov.in/
2. লোক সভা স্তার্ত ৱাহং নম্বর ৫৬, তাং- ফেব্রুৱারী ০৬, ২০২৪
3. https://pib.gov.in/PressReleaseIframePage.aspx?PRID=2010184
4. https://pib.gov.in/PressReleasePage.aspx?PRID=2023689
5. https://www.manage.gov.in/KrishiSakhi/Login.aspx
6. https://agristack.gov.in/#/
7. https://pib.gov.in/PressReleasePage.aspx?PRID=2025877

প্রধান মন্ত্রী কিসান সম্মান নিধী (PM-KISAN)

***********

(Release ID: 2062437) Visitor Counter : 133