হাউশিং অমসুং অর্বান পোবর্তী এল্লিবেসন মন্ত্রালয়
স্বচ্ছ ভারত মিসন চহি ১০ শুবগী থৌরম পাংথোকপা
স্বচ্ছ ভারত দিবসতা স্বচ্ছতা হি সেবা কেম্পেন লোইশিনখ্রে
Posted On:
01 OCT 2024 8:00PM by PIB Imphal
“ওক্তোবর ২দা স্বচ্ছ ভারত মিসন চহি ১০ মপুং ফারনি। থৌরম অসি ভারতকী পুৱারীদা মসিবু অসুক য়াম্না চাউবা জন অন্দলোন অমা ওইহনখিবা মখোয়শিং অদুবু থাগৎনিংঙাইনি। মসি মহাত্ম গান্ধিগী মফমদসু সদ্ধাঞ্জলিনি।”
~ প্রধান মন্ত্রী নরেন্দ্র মোদী
শক্তাকপা
মী চিনবা শহর অমগি অপিকপা কাচিন অমদা, অয়ুক অঙনবদা মফমদুগী মীওইশিং পুনলি, খুৎতা শুমচিৎ পায়দুনা, অওনবা অমা পুরক্নবা হোৎনৈ। মসি হৌজিক ভারত পুম্বদা স্বচ্ছতা হি সেবা কেম্পেন হায়না খংনদুনা লৈবাক পুম্বদা শন্দোক্লে। স্বভাব স্বচ্ছতা, সন্সকার স্বচ্ছতা (এস ৪) থিমগী মখাদা হৌদোকখিবা, ২০২৪গী কেম্পেন অসিনা মীওইশিংবু অমত্তা ওইনা পুন্সিহল্লে, মখোয়বু অকোয়বগী থৌদাং লৌনবা অমসুং লু-নানবা, মশা-মউ ফবা লৈবাক অমগী মায়কৈদা থবক তৌনবা তকশিল্লে।
২০২৫গী ওক্তোবর ২দা ১৫৫শুবা গান্ধি জয়েন্তিগী থৌরমদা, স্বচ্ছ ভারত দিবসনা স্বচ্ছতা বি সেবা ২০২৪ কেম্পেন লোইশিল্লগনি। মসি নিংশিংনবগীদমক জল শক্তিগী কেন্দ্র মন্ত্রী শ্রী সি.আর. পতিলনা নাগরিকশিংবু ওক্তোবর ২দা অয়ুক পুং ৯দগী ১০গী মনুংদা ‘শরমধন ফোর স্বচ্ছতা’দা শরুক য়াদুনা স্বচ্ছতা বি সেবা কেম্পেনগী মখাদা লু-নালহনবদা থৌদাং য়ানবা তকশিল্লি।
২০২৪গী সেপ্তেম্বর ১৭দগী ওক্তোবর ২ ফাওবা চত্থরিবা স্বচ্ছতা বি সেবা কেম্পেননা মরুওইবা য়ুম্বী অহুমদা মীৎয়েং থম্লি: থওইদ্রবা মফমশিং রিবাইব তৌবা, মীয়াম্না শরুক য়াবদা থৌগৎপা, অমসুং সেনিতেসন ৱার্করশিংগী ৱেলফেয়র ফগৎহনবা। মসি মহাত্ম গান্ধিগী মপোক কুমওনদা স্বচ্ছ ভারত দিবস পাংথোক্তুনা লোইশিনগনি।
স্বচ্ছ ভারত দিবস ২০২৪
২০২৪গী ওক্তোবর ২দা, স্বচ্ছতাগীদমক খ্বাইদগী মরুওইবা জন অন্দলোনদা অমা ওইরিবা- স্বচ্ছ ভারত মিশন হৌখিবগী চহি ১০ মপুং ফারকপদা, প্রধান মন্ত্রী শ্রী নরেন্দ্র মোদীনা ১৫৫শুবা গান্ধি জয়েন্তিগী থৌরমদা অয়ুক পুং ১০দা বিগ্যান ভবন, নই দিল্লীদা স্বচ্ছ ভারত দিবস ২০২৪দা শরুক য়াগনি।
থৌরম মনুংদা প্রধান মন্ত্রীনা লুপা করোর ৯,৬০০ হেনবগী সেনিতেসন অমসুং ক্লিনলিনেসকা মরী লৈনবা প্রোজেক্ত কয়া অমা শঙ্গাগনি অমদি উরেপ উয়ুং তমগনি। মসিদা অতল মিসন ফোর রেজিবেনেসন এন্দ অর্বান ত্রান্সফোর্মেসন (অমরুত) অমসুং অমরুত ২.০গী মখাদা অর্বান ৱাতর অমসুং সিৱেজ সিস্তেম হেনগৎহনবদা মীৎয়েং থম্বা লুপা করোর ৬,৮০০ হেন্না য়াওরি। মসিগী মথক্তা, নেস্নেল মিসন ফোর ক্লিন গঙ্গেগী মখাদা গঙ্গে বেসিন এরিয়াশিংদা ৱাতর ক্বালিতী অমশুং ৱেস্ত মেনেজমেন্ত ফগৎহনবদা মীৎয়েং থম্বা লুপা করোর ১,৫৫০ হেনবগী প্রোজেক্ত ১০ য়াওগনি। মখা তারকপদা, গোবর্ধন স্কিমগী মখাদা লুপা করোর ১,৩৩২ হেনবগী কমপ্রেস বাইওগ্যাস প্লান্ত প্রোজেক্ত ১৫ হৌদোক্কনি।
নুমিৎ অদুমক্তদা, অখন্নবা অনৌবা খোংথাং কয়া অমসুং লৌখৎকনি, মদুদা স্পিসিয়েল গ্রাম সভাস ফোর স্বচ্ছতা, ত্রান্সফোর্ম কম্যুনিতী তোইলেত য়ুনিত সেলেব্রেত তৌবা, সাফাই মিত্রশিং অমসুং অতোপ্পা স্তেত চেম্পিয়নশিং ইকায় খুম্নবা য়াওরি।
কেম্পেন হঙ্গৎনা য়েংবা
২০১৪গী ওগস্ত ১৫দা প্রধান মন্ত্রী শ্রী নরেন্দ্র মোদীনা লাল কিলাদগী শক্তি লৈরবা পাউজেল অমা পীখি, মদুদা স্বচ্ছতাবু নেস্নেল প্রায়োরিতী ওইহন্নবা ফোংদোকখি অমসুং নাগরিকশিংদা মিসন অসিদা শরুক য়ানবা ফোংদোকখি। মসিনা মরম ওইরগা ২০১৪গী ওক্তোবর ২দা স্বচ্ছ ভারত মিসন হৌদোকখি, মদুনা স্বচ্ছতাবু মীপুম খুদিংমক্কী থৌদাং ওইহন্নবগীদমক ‘অপুনবা-সরকার’ এপ্রোচ্ছ তৌখি। স্বচ্ছতাগীদমক মালেমগী খ্বাইদগী চাউবা অন্দলোন ওইহন্নবগীদমক লৈবাক পুম্বা অমত্তা ওইখি।
স্বচ্ছতা হি সেবা অসি প্রধান মন্ত্রী নরেন্দ্র মোদীনা ২০১৭দা ওফিসিয়েল ওিনা হৌদোকখিবা স্বচ্ছ ভারত মিসনগী মখাদা পাইবোতেল কেম্পেন অমনি। কেম্পেন অসি মরুওইবা চহিগী থৌরম অমনি, মদুদী পান্দমদি ভারতকী নাগরিকশিংবু ক্লিনলিনেস অমসুং সেনিতেসন হেনগৎহন্নবা হোৎনহনবনি। মহাত্ম গান্ধিবু মহাক্কী ১৫০ শুবা জয়েন্তিগী থৌরমদা শ্রদ্ধাঞ্জলি ওইনা এস.ঐচ.এস.গী পান্দমদি স্বচ্ছ ভারত মিসনদা পাকশন্না শরুক য়াহনবনি।
২০১৭দগী হৌরগা, স্বচ্ছতা হি সেবা কেম্পেন্না ক্লিনলিনেসকীদমক ভোলুনতীরিজম অমসুং কলেক্তিব এক্সন প্রমোত তৌরি। চহি অসি অখন্ননা মরু ওই মরমদি ভারত সরকারনা স্বচ্ছ ভারত মিসনগী ১০শুবা চহি পালন পাংথোক্লি।
স্বভাব স্বচ্ছতা, সন্সকার স্বচ্ছতা থিমদা সেপ্তেম্বর ১৭দগী ওক্তোবর ১ ফাওবা পাংথোক্লিবা স্বচ্ছতা হি সেবা কেম্পেন ২০২৪না ওক্তোবর ২দা স্বচ্ছ ভারত দিবস পাংথোক্তুনা লোইশিনগনি।
এস.ঐচ.এস. ২০২৪গী য়ুম্বীশিং
ক্লিনলিনেস তার্গেত য়ুনিতস (সি.তি.য়ু.শিং): ক্লিনলিনেস তার্গেত য়ুনিত (সি.তি.য়ু.) অমনা মরু ওইনা থওইবিদ্রবা, রিস্ক ৱাংবা মফমশিং হায়বদি তোঙান তোঙানবা রিজনশিংদা রুতিন ক্লিনলিনেস দ্রাইব চত্থবদা চিত্থহৌবা ইনভাইরনমেন্তেল অমসুং হেল্থ রিস্ক থোকহনবা গার্বেজ পোইন্তশিং নত্রগা দম্পসাইতশিং রিফত তৌরি।
সফাই মিত্র সুরক্সা শিবির: প্রিবেন্তিব হেল্থ কেয়র ত্রিৎমেন্ত অমসুং কেন্দ্র অমসুং রাজ্য সরকারগী তোঙান তোঙানবা স্কিমশিংগা লোয়ননা মরী লৈনবা সফাই মিত্রশিংগীদমক সিঙ্গল ৱিন্দো হেল্থ অমসুং ৱেলফেয়র কেম্পশিং
স্বচ্ছতা মেন জন ভাগিদারী: তোঙান তোঙানবা এক্তিবিতীশিংগী থোংদা এৱার্নেস হেনগৎহনবা অমসুং ইচং থৌনা শরুক য়ানবা নাগরিকশিং, কম্মুনিতীশিং অমসুং ওর্গনাইজেসনশিংগা লোয়ননা পাক শন্না এঙ্গেজ তৌবা।
মরুওইবা এচিবমেন্তশিং
স্বচ্ছতা হি সেবা কেম্পেন্না মহাক্কী লৈবাক পুম্বগী ক্লিনলিনেস দ্রাইব মনুংদা শিংথানিংঙাই ওইবা মাইলস্তোন ফংবা ঙম্লে, মদুদা নাগরিক লাখ কয়াবু অপুনবা খোংজংদা শরুক য়াখি। নাথৈরবা এরিয়াশিং ত্রান্সফোর্মিং তৌবা অমসুং মীয়াম শরুক য়াবা হেনগৎহনবদা মীৎয়েং থম্বা কেম্পেন অসিনা মী তাবা মফমশিংদগী কৈথেল অমসুং লম্বী মতাই ফাওবা তোঙান তোঙানবা সেক্তরশিংদা কন্না হোৎনবা উবা ফংখি।
মফম অসিদা ২০২৪গী ওক্তোবর ১ ফাওবগী মরুওইবা এচিবমেন্তশিং লৈরে:
- অপুনবা থৌরম লাখ ২৯.২১ থৌরাং তৌখিবগা লোয়ননা লাখ ২৬.৪৪ মায় পাক্না পাংথোকখি।
- মীওই করোর ২৬.২৫না শরুক য়াখি।
- লৈবাক পুম্বগী রেসিদেন্সিয়েল এরিয়া লাখ ৩.১০দা অহোংবা পুরক্নবা হোৎনখি।
- নেস্নেল হায়ৱেশিং, স্তেত হায়ৱেশিং, অমসুং লোকেল লম্বীশিং য়াওনা লম্বী মতাইগী এরিয়া লাখ ২.১১ শেংদোকখি অমসুং রিভাইতেল তৌখি।
- লোকেসন ৫৬,৫২৬কী মার্কেত স্পেসশিং অহোংবা পুরকপা উখি।
- কেম্পেনগী শরুক ওইনা পব্লিক অমসুং প্রাইবেত ওফিসশিংগী অকোইবা এরিয়া ৪৮,৪১৮ হেন্না ফগৎহনখি।
- কেম্পেন মতম মনুংদা উ লাখ ৬১ হেন্না থাখি।
- নাগরিকশিংনা স্বচ্ছতাগী ৱাশর লাখ ৩.০৪ হেন্না লৌখি।
- মীয়ামগী চাফম মফমশিংদা হাইজিন প্রমোত তৌনবা স্বচ্ছ ফুদ স্ত্রিত ১৫,৭১০ লিংখৎখি।
- লৈবাক পুম্বদা, লু-নানবগী মতাংদা এৱারনেস হেনগৎনবা স্বচ্ছ ভারত কলচরেল ফেস্ত ৭৬,৮৩৭ ওর্গনাইজ তৌখি।
রিফরেন্সশিং:
PDFতা য়েংনবা মসিদা ক্লিক তৌবীয়ু:
(Release ID: 2062249)
Visitor Counter : 66