প্রধান মন্ত্রী নরেন্দ্র মোদীগী লুচিং মখাদা, কেন্দ্রগী মন্ত্রী মন্দলনা মরাথী, পালি, প্রাকৃত, অসামিজ অমসুং বেঙ্গলী লোলশিংদা ক্লাসিকেল লেঙ্গুএজ স্তেতস পীনবা অয়াবা পীখ্রে‍। ক্লাসিকেল লেঙ্গুএজশিং অসি মরী লৈনবা ফুরুপশিংগী ইনাক খুল্লবা পুৱারী, লিতরেচর, অমসুং চৎনবীশিং ঙাক্তুনা থম্লিবা ভারতকী অরিবা অমসুং ফজরবা নাৎকী লনবু ঙাক শেন্দুনা থম্লিবা কস্তদিয়ান ওইনা লৌন‍ৈ‍। স্তেতস অসি পীদুনা, লৈঙাক্না ভারতকী খেন্নবা নাৎকী লেন্দস্কেপকী লোলগী পন্দোলশিংবু ইকায়খুম্নদুনা অমদি ঙাক্তুনা তুংগী মীরোলশিংনা হায়রিবা লোলশিং অসিগী অচেৎপা পুৱারীগী মরু অদুবু ফংনবা অমসুং এপ্রিসিএত তৌনবা পান্দম থম্লি‍। থৌওং অসিনা লোলগী খেন্নবশিংবু হেন্না চেৎশিলহন্বতা নত্তনা হায়রিবা লোলশিং অসিনা লৈবাক্কী নাৎকী শক্তম শেমগৎলকপদা লৌরিবা মরুওইবা শক্লোনবুসু শকখঙলি‍‍।

১.      লোল অমবু করিগীদমক ক্লাসিকেলনি হায়না লাউথোক্লিবনো?

লোল অমবু ক্লাসিকেলনি হায়না হায়বসিনা মদুগী পুৱারীগী মরুওইবা অমসুং ভারতকী ইনাক খুল্লবা নাৎ অমসুং লৌশিংগী লনবু ঙাক শেন্দুনা থম্লক্লিবা মচৎপু শকখঙনবা হোৎনবনি‍। লোলশিং অসি ভারতকী অরিবা ৱাখল-লৌশিংগী সিস্তেম, ৱাংউলোন, অমসুং ভেল্যুশিং মীরোল নাইনা চহি লিশিং কয়া ঙাক শেন্দুনা থম্লকপা অমসুং থংথরকপদা মরু ওই‍। লোলশিং অসিবু ক্লাসিকেল লেঙ্গুএজ ওইনা শকখঙদুনা, লৈঙাক অসিনা মখোয়গী চেৎনা মরা তাদুনা লৈরিবা অরিবা মশকশিং, পাক চাউরবা লিতরেরী মচৎশিং, অমসুং লৈবাক্কী নাৎকী শক্তমদা মখোয়না লৌরিবা মমল নাইদ্রবা থৌদাংশিংবু শকখঙলি‍। শকখঙলিবা অসিনা হায়রিবা লোলশিং অসিনা ভারতকী পারী পুরীগী লন্দা পীরিবা শিংথানিংঙাই ওইরবা নাৎ অমসুং লোলগী থৌদাংবু পুথোক্তুনা খঙহল্লি‍। মসিনা মখোয়গী থাক ৱাংখৎহন্বতা নত্তনা হায়রিবা লোলশিং অসিবু য়োকখৎপা, ঙাক শেন্বা, অমসুং মখা তানা থিজিন হুমজিন্বগী থৌওংশিংদা মতেঙ পাংদুনা মখোয় অসি হৌজিক মতমসিদা  মখা তানা মীয়াম লক্তা হিংদুনা লৈহনগনি‍।

২.      লোল অমবু ক্লাসিকেল অমা ওইনা লাউথোক্নবগী ক্রাইতেরিয়াশিং করিনো?

ইং ২০০৪দা, ভারত লৈঙাক্না অহান্বা ওইনা ক্লাসিকেল লেঙ্গুএজ হায়না খঙনবা অনৌবা লোলগী কাঙলুপ অমা শেমখি‍। মদুদা ক্লাসিকেল লেঙ্গুএজ অমা ওইনবগী মখাগী ক্রাইতেরিয়াশিং অসি শেমখি:

• চহি লিশিং অমা হেন্বগী ঙল্লিঙৈগী অইবা/ ইশিন্দুনা থম্বা পুৱারী মরাং কায়না লৈবা‍।
• লোল অদুবু ঙাংলিবা মীওইশিংগী মীরোলশিংনা মমল য়াম্লবা পারী পুরীগী লন্নি হায়না লৌনবা অরিবা লিতরেচর/ তেক্সকী বোদী অমা লৈবা‍।
• লিতরেরী মচৎ অদু মশাগী অশেঙবা ওইগদবনি অমদি অতোপ্পা লোল ঙাংবা ফুরুপ্তগী ৱায়দুনা শীজিন্নবা ওইরোইদবনি‍।

হায়রিবা ক্রাইতেরিয়াশিং অসি ২০০৫ অমসুং ২০২৪দা, ক্লাসিকেল লেঙ্গুএজ স্তেতসকীদমক প্রপোজ তৌরক্লিবা লোলশিং য়েংশিন্নবা সাহিত্য একাদমীগী মখাদা লৈরিবা লিঙ্গুইস্তিক এক্সপর্ত কম্মিতী (LEC)গী রিকম্মেন্দেসন্দা য়ুম্ফম ওইরগা শেমদোকখি‍।

ক্রাইতেরিয়া অসি নবেম্বর ২০০৫দা মখাগী অসুম্না শেমদোকখি, অমসুং সংস্ক্রিতপু ক্লাসিকেল লেঙ্গুএজ অমা ওইনা লাউথোকখি:

• চহি ১৫০০ - ২০০০ হেন্বগী ঙল্লিঙৈগী অইবা/ ইশিন্দুনা থম্বা পুৱারী মরাং কায়না লৈবা‍।
• লোল অদুবু ঙাংলিবা মীওইশিংগী মীরোলশিংনা মমল য়াম্লবা পারী পুরীগী লন্নি হায়না লৌনবা অরিবা লিতরেচর/ তেক্সকী বোদী অমা লৈবা‍।
• লিতরেরী মচৎ অদু মশাগী অশেঙবা ওইগদবনি অমদি অতোপ্পা লোল ঙাংবা ফুরুপ্তগী ৱায়দুনা শীজিন্নবা ওইরোইদবনি‍।
• ক্লাসিকেল লেঙ্গুএজ অমসুং লিতরেচর অদু হৌজিক্কী ওইরিবা মওংদগী তোপ তোপ্পা ওইগদবনি, ক্লাসিকেল লোল অমসুং মদুগী তুংদা ওইরক্লিবা মওং নৎত্রগা মদুদগী থোক্লকপা লোলগী মরক্তা মতম খরা কান্নদুনা লৈরুবা ওইবসু য়াই‍।

ক্রাইতেরিয়া অসি ২০২৪দা মখাগী অসুম্না শেমদোকখি:

• চহি ১৫০০ - ২০০০ হেন্বগী ঙল্লিঙৈগী অইবা/ ইশিন্দুনা থম্বা পুৱারী মরাং কায়না লৈবা‍।
• লোল অদুবু ঙাংলিবা মীওইশিংগী মীরোলশিংনা মমল য়াম্লবা পারী পুরীগী লন্নি হায়না লৌনবা অরিবা লিতরেচর/ তেক্সকী বোদী অমা লৈবা‍।
• শৈরেং, ইপিগ্রাফিকেল অমসুং ইন্সক্রিপ্সনেল খুদম চাংদমশিংগী মথক্তা ৱাখল লৌশিংগী অইবা, মরুওইনা ৱারেং ওইনা ইরম্বা তেক্স‍।
• ক্লাসিকেল লেঙ্গুএজ অমসুং লিতরেচর অদু হৌজিক্কী ওইরিবা মওংদগী তোপ তোপ্পা নৎত্রগা মদুগী তুংদা থোক্লকপা মওংগী মরক্তা কান্নদুনা লৈরুবা ওইবসু য়াই‍।

২০২৪ লিঙ্গুইস্তিক এক্সপর্ত কম্মিতীনা মখাদা পীরিবা লোলশিং অসি ক্লাসিকেল লেঙ্গুএজ ওইনা খন্নবদা নৌনা শেমদোক্লবা ক্রাইতেরিয়া অদু ফংবা ঙম্মি হায়নসু রিকমেন্দ তৌরকখি: মরাথী, পালি, প্রাক্রিত, অসামিজ, বেঙ্গলী

৩.      হৌজিক ফাওবদা লোল কয়া লাউথোকখ্রে?

ভারতকী লোল তরুক, মমিং ওইনা সংস্ক্রিত, তামিল, তেলুগু, কন্নরা, মলয়ালম, অমসুং ওরিয়া মমাঙদা ক্লাসিকেল লেঙ্গুএজ স্তেতস পীখ্রে‍। প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ওক্তোবর ০৩, ২০২৪দা মরাথী, পালি, প্রাক্রিত, অসামিজ, বেঙ্গলী লোলশিংদা ক্লাসিকেল লেঙ্গুএজ স্তেতস পীননবা অয়াবা পীদুনা, অপুন্বা ক্লাসিকেল লেঙ্গুএজ মশিং ১১ শুরে‍।

গৃহ মন্ত্রালয়না তামিল অমসুং সংস্ক্রিত লোলদা হৌরকপদা স্তেতস অসি পীখি, অদুগা কলচর মন্ত্রালয়না মখা তানা পায়খৎনবা অমসুং তুংদা শকখঙনবা থৌদাং লৌখি‍। কলচর মন্ত্রালয়না ক্লাসিকেল লেঙ্গুএজ ওইনা শকখঙনবগী তুংদা লাকপা প্রপোজেলশিং খন্ননবা নবেম্বর ১, ২০০৪দা লিঙ্গুইস্তিক এক্সপর্ত কম্মিতী (LEC) লিংখৎখি‍।

৪.      ক্লাসিকেল লেঙ্গুএজ য়োকখৎনবা করি করি খোঙথাংশিং লৌখৎখ্রে?

এজুকেসন মন্ত্রালয়না ক্লাসিকেল লেঙ্গুএজশিং খুমাঙ চাওশিলহন্নবা তোঙান তোঙান্বা খোঙথাংশিং লৌখৎখ্রে‍। ২০২০দা, সংস্ক্রিত য়োকখৎনবগীদমলক পার্লিয়ামেন্তকী এক্ত অমগী খুত্থাঙদা সেন্ত্রেল য়ুনিভর্সিতী অহুম লিংখৎখ্রে‍। সেন্ত্রেল ইন্সতিত্যুৎ ওফ ক্লাসিকেল তামিল অসি অরিবা তামিল তেক্সশিং হন্দোক্নবা, থিজিন হুমজিনবগী থৌওং য়োকখৎনবা, অমসুং য়ুনিভর্সিতী মহৈরোয়শিং অমসুং লোলগী স্কোলারশিংদা কোর্সশিং পীননবা লিংখৎখি‍। ক্লাসিকেল লেঙ্গুএজশিংগী মরমদা থিজিন্বা অমসুং ঙাক শেন্দুনা থম্বগী ফীভম মখা তানা ফগৎহন্নবা, ক্লাসিকেল কন্নরা, তেলুগু, মলয়ালম, অমসুং ওরিয়াগী মরমদা তম্নবা সেন্তর ফোর এক্সেলেন্সশিং মৈসুরুদা লৈবা সেন্ত্রেল ইন্সতিত্যুৎ ওফ ইন্দিয়ন লেঙ্গুএজেজকী মীৎয়েঙ মখাদা লিংখৎখ্রে‍। মসিগী মথক্তা, ক্লাসিকেল লেঙ্গুএজশিংগী লমদা মায় পাক্লকপশিং শকখঙনবা অমসুং পুক্নিং থৌগৎনবা লৈবাক্কী অমসুং মালেমগী থাক্কী মনা মথুম কয়াসু হৌদোকখ্রে‍। এজুকেসন মন্ত্রালয়না পীরিবা অতৈ কান্নবশিংগী মরক্তা ক্লাসিকেল লেঙ্গুএজশিংগীদমক কত্থোক্লবা নেস্নেল এৱার্দ ফোর ক্লাসিকেল লেঙ্গুএজেজ, য়ুনিভর্সিতী চেয়র্স, অমসুং সেন্তর্স য়াওরি‍।

হৌখিবা চহি তরাসিদা তোঙান তোঙানবা ক্লাসিকেল লেঙ্গুএজশিংগীদবা থাদখিবা ফন্দশিংগী মচা খায়বা ৱারোল মখাদা পীরি‍।

ক্লাসিকেল লেঙ্গুএজশিংদা সেংসন তৌখিবা বজেৎ গ্রান্ত (লুপা লাখকী খুজিংদা)

৫.      লোল অমবু ক্লাসিকেলনি হায়না লাউথোকপনা পীরিবা ইথিল করিনো?

লোলশিংবু ক্লাসিকেল লেঙ্গুএজ ওইনা হাপচিনবনা মরুওইনা একাদমিক অমসুং রিছর্চ সেক্তরদা থবক পীবগী খুদোংচাবা নীংথিনা লৈহল্লি‍। মসিগী মথক্তা, হায়রিবা লোলশিং অসিদা লৈরিবা অরিবো তেক্সশিং ঙাক শেন্দুনা থম্বা, দোকুমেন্তেসন অমসুং দিজিতাইজেসন তৌশিন্বনা অর্কাইবিং, ত্রান্সলেসন, পব্লিসিং, অমসুং দিজিতেল মীদিয়ানচিংবা হীরমশিংদা থবক পীবা ঙমগনি‍।

লোলশিং অদুবু ক্লাসিকেলনি হায়না শকখঙবনা ভারতকী ইন্তেলেকচুএল অমসুং কল্চরেল আইদেন্তিতীদা মরু ওইরিবা অরিবা তেক্স অমসুং নোলেজ সিস্তেমগী লমদা স্কোলারশিংনা থিজিন্বা, ঙাক শেন্দুনা থম্বা, অমসুং নৌনা হিংগৎহন্বদা পুক্নিং থৌগৎলি‍। মখা তানা, মসিনা হায়রিবা লোলশিং অদুবু ঙাংলিবা মীওইশিংগী মফমদা চাউথোকচবা অমসুং মপু ওইজবগী নুংঙাইবা ইহুল অমা ফাওহন্দুনা মরোমদোম লেপচবা অমসুং নাৎকী মরা চেৎনা তাদুনা লৈবা ভারত অমগী পাক চাউবা মঙলান পরিংদা লৈবাক্কী অমত্তা ওইবগী ইহুল শাগৎলি‍।

ৱারোয়শিন

লোইশিল্লকপদা, মরাথী, পালী, প্রাক্রীত, অসামিজ, অমসুং বেঙ্গলী লোলদা ক্লাসিকেল লেঙ্গুএজ স্তেতস পীনবা কেন্দ্রগী মন্ত্রী মন্দলনা লৌরিবা ফিরেপ অসিনা লোলশিং অসিনা ভারতকী নাৎৎ অমসুং ৱাখল লৌশিংগী পারী পুরীগী লন শেম্লকপদা লৌরিবা মমল নাইদ্রবা থৌদাংবু মমুৎ তানা শকখঙবগী মমি তারি‍। খোংথাং অসিনা মখোয়গী পুৱারী অমসুং লিতরেরীগী মরুওইববু শকখঙবতা নত্তনা ভারতকী লোলগী খেন্নবা মতৌবু ঙাক শেন্দুনা থম্নবা অমসুং য়োকখৎনবা লৈঙাক্না লেপ্লিবা খোঙফমগী মমিসু তারি‍। থৌশিল অসিনা একাদমিক অমসুং রিছর্চকী খুদোংচাবশিং পুরক্কনি, মালেমগী কোলাবোরেসনগী ফীভম ফগৎহনগনি, অমসুং লৈবাক্কী নাৎ অমসুং শেন্মিৎলোন খুমাঙ চাওশিলহন্বদা থৌদাং য়াগনি হায়না থাজনরি‍। হায়রিবা লোলশিং অসিবু তুংগী মীরোলগীদমক ঙাক্তুনা থমদুনা, লৈঙাক অসিনা আত্মনিরভর ভারতকী পান্দমশিং অমসুং নাৎকী মরা চেৎনা তাদুনা লৈবা ভারত অমগী পরিংদা নাৎকী লমদা মরোমদোম লেপচবা ঙম্বা অমসুং লৈবাক্কী অপুন্বগী শক্তম শাগৎপগী পাক চাউবা মীৎয়েঙবু হেন্না মপাঙ্গল হাপ্লি‍।

রিফরেন্সশিং

https://pib.gov.in/PressReleaseIframePage.aspx?PRID=2061661#:~:text=The%20Union%20Cabinet%20chaired%20by,Prakrit%2C%20Assamese%20and%20Bengali%20languages.

https://pib.gov.in/PressReleaseIframePage.aspx?PRID=203৪905

PDF লৌথনবা মসিদা নম্বিয়ু‍

*******