பிரதமர் திரு நரேந்திர மோடி தலைமையிலான மத்திய அமைச்சரவை, மராத்தி, பாலி, பிராகிருதம், அசாமி, பெங்காலி மொழிகளுக்கு செம்மொழி அந்தஸ்தை வழங்க ஒப்புதல் அளித்துள்ளது. செவ்வியல் மொழிகள் இந்தியாவின் பழங்கால, ஆழமான கலாச்சார பாரம்பரியத்தின் பாதுகாவலர்களாகக் கருதப்படுகின்றன. அந்தந்த சமூகங்களின் வளமான வரலாறு, இலக்கியம், மரபுகள் ஆகியவற்றைப் பாதுகாக்கின்றன. இந்த அந்தஸ்தை வழங்குவதன் மூலம், இந்தியாவின் மாறுபட்ட கலாச்சார சூழலில் மொழியியல் மைல்கற்களை கௌரவிக்கவும் பாதுகாக்கவும் அரசு முயல்கிறது.

ஒரு மொழி செவ்வியல் மொழி என அறிவிக்கப்படுவது ஏன்

ஒரு மொழியை செம்மொழியாக அறிவிப்பது அதன் வரலாற்று முக்கியத்துவத்தையும், வளமான கலாச்சார, அறிவுசார் பாரம்பரியத்தின் பங்கையும் அங்கீகரிக்கும் நோக்கம் கொண்டது.

ஒரு மொழியைச் செம்மொழியாக அறிவிப்பதற்கான அளவுகோல்கள்:

• 2004-ம் ஆண்டில், மத்திய அரசு, முதல் முறையாக, செம்மொழிகள் என்றழைக்கப்படும் மொழிகளின் புதிய வகையை உருவாக்கியது. இது செம்மொழியின் நிலைக்கான அளவுகோல்களாக பின்வருவனவற்றை அமைத்தது
• அதன் ஆரம்பகால நூல்களின் உயர்ந்த தொன்மை  ஆயிரம் ஆண்டுகளுக்கும் மேலாக பதிவு செய்யப்பட்ட வரலாறு.
• பாரம்பரியமாகக் கருதப்படும் பண்டைய இலக்கிய  நூல்களின் தொகுப்பு.
• இலக்கிய மரபு அசலானதாக இருக்க வேண்டும். மற்றொரு பேச்சு சமூகத்திலிருந்து கடன் வாங்கப்படக்கூடாது.

செம்மொழி அந்தஸ்துக்காக முன்மொழியப்பட்ட மொழிகளை ஆய்வு செய்வதற்காக சாகித்திய அகாதமியின் கீழ் உள்ள மொழியியல் வல்லுநர்கள் குழுக்களின் (எல்.இ.சி) பரிந்துரைகளின் அடிப்படையில் இந்த அளவுகோல் 2005, 2024-ம் ஆண்டுகளில் திருத்தப்பட்டது.

2024-ல் பின்வருமாறு திருத்தப்பட்டன

• 1500 - 2000 ஆண்டுகளின் காலப்பகுதியில் அதன் ஆரம்பகால நூல்கள்  பதிவு செய்யப்பட்ட வரலாற்றின் உயர் தொன்மை.
• பண்டைய இலக்கிய  நூல்களின் தொகுப்பு
• அறிவு நூல்கள், குறிப்பாக உரைநடை உரைகள், கவிதை, கல்வெட்டு, கல்வெட்டு சான்றுகள்.
• செவ்வியல் மொழிகளும் இலக்கியங்களும் அதன் தற்போதைய வடிவத்திலிருந்து வேறுபட்டிருக்கலாம் அல்லது அதன் கிளைகளின் பிற்கால வடிவங்களுடன் தொடர்ச்சியற்றதாக இருக்கலாம்.

2024 மொழியியல் நிபுணர் குழு பின்வரும் மொழிகளை செம்மொழியாகக் கருதுவதற்கான திருத்தப்பட்ட அளவுகோல்களை பூர்த்தி செய்ய பரிந்துரைத்தது: மராத்தி, பாலி, பிராகிருதம், அசாமி, பெங்காலி ஆகிய மொழிகள் அதன்படி செம்மொழி அந்தஸ்து பெறுகின்றன.

இதுவரை சமஸ்கிருதம், தமிழ், தெலுங்கு, கன்னடம், மலையாளம், ஒடியா ஆகிய ஆறு இந்திய மொழிகளுக்கு செம்மொழி  அந்தஸ்து வழங்கப்பட்டது. பிரதமர் திரு. நரேந்திர மோடி தலைமையில் நடைபெற்ற மத்திய அமைச்சரவைக் கூட்டத்தில், மராத்தி, பாலி, பிராகிருதம், அசாமி,  பெங்காலி மொழிகளுக்கு செம்மொழி அந்தஸ்தை 2024 அக்டோபர் 03 அன்று வழங்க ஒப்புதல் அளிக்கப்பட்டது.

மேலும் விவரங்களுக்கு இந்த ஆங்கிலச் செய்திக் குறிப்பைக் காணவும் https://pib.gov.in/PressReleasePage.aspx?PRID=2061977

*******

PLM/KPG/KR/DL