مرکزی بورڈ برائے بالواسطہ ٹیکس اور کسٹمز(سی بی آئی سی) نے 2 اکتوبر 2024 کو سوچھ بھارت مشن کی 10 ویں سالگرہ بڑے جوش و خروش نئے امنگوں اور تجدید عزم کے ساتھ منائی۔

اہم سنگ میل کو عبورکرنے اور گزشتہ دہائی کے دوران مشن کی اہم کامیابیوں کو اجاگر کرنے اور صفائی ستھرائی کو فروغ دینے کے لیے سی بی آئی سی کی لگن کا اعادہ کرنے کے لیے پورے ملک میں بڑی تعداد میں تقریبات کا اہتمام کیا گیا۔

اس دن خصوصی مہم 4.0 کے آغاز کا بھی مشاہدہ کیا گیا، اورجناب سنجے کمار اگروال، چیئرمین، سی بی آئی سی، نے کوٹلہ گاؤں، ترلوک پوری، دہلی میں ایک میگا صفائی اور شجرکاری مہم اور پیدل سفر کی قیادت کی۔ اس پد یاترا کا اہتمام انسانی وسائل کی ترقی کے ڈائریکٹوریٹ جنرل سی بی آئی سی نے کیا تھا۔ سینئر افسران اور عملے نے بھی بابائے قوم مہاتما گاندھی کو خراج عقیدت پیش کرنے کے لیے ‘شرمدان’ میں حصہ لیا۔

ترواننت پورم میں، 400 افسران پر مشتمل ایک متاثر کن دستہ، جس میں 100 اسکول کے طلباء شامل تھے، نے والپو بیچ، کوچی میں صفائی کی ایک وسیع مہم میں فعال طور پر حصہ لیا، جس نے ماحولیاتی ذمہ داری اور شہری ذمہ داری کے لیے غیر متزلزل عزم کا مظاہرہ کیا۔

سی بی آئی سی کی صلاحیت سازی کی پہل کے ایک حصے کے طور پر، مشن کرم یوگی کے تحت شہریوں پر مرتکزشہرہ خدمات کے لیے موثر شکایات سے نمٹانے / ازالے کے لیے رویے سے متعلق حساسیت کے پروگرام کا افتتاح این اے سی آئی این نے کیا ۔ ابتدائی طور پر، تقریباً 35,000 گروپ بی افسران کو ٹریننگ آف ٹرینرز ماڈل کا استعمال کرتے ہوئے تربیت دی جائے گی۔ اس کے بعد، یہ ماسٹر ٹرینرز دسمبر 2024 تک تقریباً 35,000 افسران کو ان کے متعلقہ زون میں 36 شرکاء کے بیچوں میں تربیت دینے کے لیے 3 روزہ پروگرام منعقد کریں گے۔

تمام افسران اور عملے میں صفائی اور ذمہ داری کے کلچر کو فروغ دینے کے بعد، خصوصی مہم 4.0 زیر التواء معاملات کو فوری طور پر نمٹانے اور صفائی کی سرگرمیوں کو فروغ دینے کے سلسلے میں جاری کوششوں کے تئیں ہمارے عزم کو پھر سے تقویت دینے کا موقع فراہم کرتی ہے۔

*****

ش ح۔ ال

UN-885

(Release ID: 2062165) Visitor Counter : 28