அமேசான் மற்றும் தபால் துறை ஆகியவை 2013 முதல் ஒன்றிணைந்து செயல்பட்டு வருகின்றன, பார்சல் பரிமாற்றத்திற்காக அஞ்சல் துறையின் கட்டமைப்பைப் பயன்படுத்துகின்றன. அஞ்சல் துறை, அதன் ஆழமான அணுகலுடன், உலகின் மிகப்பெரிய இ-காமர்ஸ் நிறுவனங்களில் ஒன்றான அமேசான், தளவாட திறன்களை மேம்படுத்துவதன் மூலமும், வேலை உருவாக்கத்தை ஆதரிப்பதன் மூலமும், பொருளாதார வளர்ச்சிக்கு பங்களிப்பதன் மூலமும், இந்தியாவின் வளர்ந்து வரும் இ-காமர்ஸ் துறைக்கு அதிகாரம் அளிக்க முயல்கிறது.

இந்தியாவில் தளவாடங்கள் மற்றும் இ-காமர்ஸை வலுப்படுத்துவதை நோக்கமாகக் கொண்ட ஒரு குறிப்பிடத்தக்க வளர்ச்சியில், தொலைத் தொடர்பு அமைச்சகத்தின் கீழ் உள்ள அஞ்சல் துறை (டிஓபி) மற்றும் அமேசான் செல்லர் சர்வீசஸ் பிரைவேட் லிமிடெட் ஆகியவை இன்று புரிந்துணர்வு ஒப்பந்தத்தில் கையெழுத்திட்டன. இந்த புரிந்துணர்வு ஒப்பந்தத்தில், அஞ்சல் துறையின் பார்சல் இயக்குநரகத்தின் பொது மேலாளர் திரு குஷால் வசிஸ்ட் மற்றும் அமேசான் செல்லர் சர்வீசஸ் பிரைவேட் லிமிடெட் செயல்பாட்டு இயக்குநர் திரு வெங்கடேஷ் திவாரி ஆகியோர் புதுதில்லியில் கையெழுத்திட்டனர்.

இந்தியா முழுவதும் பார்சல்களை அனுப்புவதற்கும் விநியோகிப்பதற்கும் விரிவான அஞ்சல் கட்டமைப்பை அமேசான் பயன்படுத்துவதன் மூலம், இந்த ஒப்பந்தம் நீண்டகால கூட்டாண்மையை உருவாக்குகிறது. வணிக நடவடிக்கைகள், திறன் பகிர்வு மற்றும் நெட்வொர்க் பயன்பாடு ஆகியவற்றை மேம்படுத்துவதற்கான முக்கிய படியைக் குறிக்கும் வகையில் இரு நிறுவனங்களின் மூத்த அதிகாரிகளும் இந்த கையொப்பத்தில் கையெழுத்திட்டனர்.

புரிந்துணர்வு ஒப்பந்தத்தின் முக்கிய சிறப்பம்சங்கள்:

நோக்கம்: தளவாடங்கள் மற்றும் வணிக விரிவாக்கத்தில் உள்ள வாய்ப்புகளை கூட்டாக ஆராய்வது, இந்தியா முழுவதும் பார்சல் விநியோகத்திற்காக அஞ்சல் துறையின் விரிவான அஞ்சல் கட்டமைப்பின் பயன்பாட்டை அதிகரிக்க அமேசானுக்கு உதவுகிறது.

அதிகரித்த ஒத்துழைப்பு: இந்த புரிந்துணர்வு ஒப்பந்தம் சரக்குப் போக்குவரத்து செயல்பாடுகளை ஒருங்கிணைத்தல், அறிவு பகிர்வு மற்றும் திறன் பகிர்வு வாய்ப்புகள் உள்ளிட்ட ஒத்துழைப்புக்கான முக்கிய பகுதிகளை கோடிட்டுக் காட்டுகிறது.

 வழக்கமான மறுஆய்வு வழிமுறைகள்: இரு தரப்பினரும் தங்கள் ஒத்துழைப்பின் முன்னேற்றத்தைக் கண்காணிக்கவும், தங்கள் கூட்டாண்மையை வலுப்படுத்துவதற்கான புதிய வழிகளைக் கண்டறியவும், காலாண்டு மதிப்பாய்வுகளை நடத்துவார்கள்.

அமேசானுக்கு நன்மைகள்:

1.6 லட்சத்துக்கும் மேற்பட்ட தபால் நிலையங்களை உள்ளடக்கிய அஞ்சல்துறையின் விரிவான உள்கட்டமைப்புக்கு அமேசான் அதிக அணுகலைப் பெறும். இது மிகவும் தொலைதூர பிராந்தியங்களில் கூட வாடிக்கையாளர்களை அடைய முடியும். இந்த கூட்டாண்மை அமேசானின் தளவாட நடவடிக்கைகளை நெறிப்படுத்துவதுடன் அதன் வளர்ந்து வரும் இ-காமர்ஸ் தேவைகளை ஆதரிக்கும்.

அஞ்சல் துறைக்கான நன்மைகள்:

இந்த ஒத்துழைப்பு, பார்சல் பரிமாற்றம் மற்றும் விநியோகத்தை அளவிடுவதன் மூலம் அஞ்சல்துறையின் பார்சல் வணிகத்தை அதிகரிக்கும். அமேசானுடன் நெருக்கமாக பணியாற்றுவதன் மூலம், ஈ-காமர்ஸ் தளவாடங்களில் அதன் நிபுணத்துவத்தை மேம்படுத்துவதோடு, உலகளாவிய தளவாட மையமாக மாறுவதற்கான இந்தியாவின் பரந்த இலக்கை ஆதரிக்கும் வகையில், அதன் செயல்பாடுகளில் செயல்திறனை ஊக்குவிக்கும்.

***

MM/AG/KR/DL