এমেজোন অমসুং দিপার্তমেন্ত ওফ পোস্তনা DoPগী পার্সেল ত্রান্সমিসনগী নেতৱর্ক শীজিন্নদুনা ২০১৩দগী হৌনা পুন্না থমক তৌমিন্নদুনা লাক্লি‍। দিপার্তমেন্ত ওফ পোস্তনা, মাগী কাচিন কোয়া শিন-থুংনা য়ৌশিল্লিবা, অমসুং মালেমগী খ্বায়দগী চাউবা ই-কম্মর্স কম্পেনীশিংগী মরক্তা অমা ওইরিবা এমেজোন্না, পুন্না লোজিস্তিকেল কেপেবিলিতীশিং ফগৎহন্দুনা, থবক পীবদা ঙাক্লৌ পীদুনা, অমসুং শেন্মিৎলোন চাওখৎহন্বদা থৌদাং য়ামিন্নদুনা ভারতকী চাউখৎলক্লিবা ই-কম্মর্স সেক্তরবু হেন্না মপাঙ্গল হাপ্নবা হোৎনমিন্নরি‍।

ভারত্তা লোজিস্তিক্স অমসুং ই-কমর্স মপাঙ্গল কনখৎহন্নবা পান্দম থম্বা মশক থোকপা থৌরাং অমদা, কম্ম্যুনিকেসন মন্ত্রালয়গী মখাদা লৈরিবা দিপার্তমেন্ত ওফ পোস্ত (DoP) অমশুং এমেজোন সেল্লর সর্ভিসেস প্রাইভেত লিমিতেদনা ঙসি মখোয়গী খুৎশম্ননা চৎমিন্নরিবা অদু হেন্না চেৎশিলহন্নবা মেমোরেন্দম ওফ অন্দরস্তেন্দিং (MoU) অমা খুৎয়েক পীনখ্রে‍। MoU অদু দিপার্তমেন্ত ওফ পোস্তকী পার্সেল দাইরেক্তোরেতকী জেনেরেল মেনেজর শ্রী কুশল বসিস্ত, অমসুং এমেজোন সেল্লর সর্ভিসেস প্রাইভেত লিমিতেদকী ওপরেসন দাইরেক্তর শ্রী ভেঙ্কতেস তিৱারীনা নই দিল্লীদা মিস বন্দিতা কৌও, সেক্রেতরী (পোস্ত) অমসুং শ্রী অমন জৈন, দাইরেক্তর পব্লিক পোলিসী, এমেজোন অনিনা শরুক য়াবা থৌরম অমদা খুৎয়েক পীনখিবনি‍।

য়ানচে অদু, ভারত পুম্বদা পার্সেলশিং থাদোক থাজিন তৌবদা পাক শন্না লৈরিবা পোস্তেল নেতৱর্ক শীজিন্নবগী মতম শাংনা লৈরক্লবা খোঙবু ওইবগী মরীদা শেমগৎপনি‍। খুৎয়েক পীনখিবা অদু লূপ অনিমক্কী মকোক থোংবা ওফিসিএলশিংনা শরুক য়াদুনা, বিজিনেস ওফরেসন, কেপাসিতী শেয়রিং, অমসুং নেতৱর্ক য়ুতিলাইজেসন ফগৎহন্বগা মায়কৈদা থাংজিন্বা মরুওইবা খোঙথাং অমা ওইখি‍।

MoU মচম ওইবা ৱাফমশিং:

• পান্দম: লোজিস্তিক্স অমসুং বিজিনেস এক্সপান্সন্দা পুন্না খুদোংচাবশিং য়েংশিনমিন্নদুনা, এমেজোনবু ভারত পুম্বদা পার্সেল থাদোক থাজিন তৌনবা DoP's পাক শন্না লৈরিবা পোস্তেল নেতৱর্ক শীজিন্নবা ঙমহন্বা‍।
• খুৎশম্ননা চৎমিন্নবা হেনগৎহন্বা: MoU অসিনা লোজিস্তিক্স ওপরেসনশিং সিঙ্ক্রোনাইজ তৌবা, নোলেজ-শেয়রিং, অমসুং কেপাসিতী শেয়রিংগী খুদোংচাবশিং য়াওনা তেংবাংনবগী মরুওইবা লমশিং য়াওখি‍।
• চাং নাইনা রিভিউ তৌনবা মেকানিজম: পার্তী অনিমক্না মখোয়গী খুৎশম্ননা চৎমিন্নরিবা অদুগী খোঙজেল য়েংশিন্নবা অমসুং খোঙবু ওইবগী মরী মপাঙ্গল কনখৎহন্নবা চঙশিন্বা য়াবা হীরমশিং য়েংমিন্ননবা থা অহুম খুদিংগী রিভিউ তৌমিন্নগনি‍।

এমেজোনগী কান্নবা:

এমেজোন্না পোস্ত ওফিস লাখ ১.৬ য়াওলনা DoPগী পাক শন্না লৈরিবা ইনফ্রাস্ত্রকচর শীজিন্নবগী চাং হেনগৎহন্দুনা, খ্বায়দগী মনুং হঞ্জিন্বা মফমশিং ফাওবা য়ৌবা ঙমহনগনি‍। খোঙবু ওইবগী মরী অসিনা এমেজোনগী লোজিস্তিক্স ওপরেসন মওং মরিল নাইহনগনি অমসুং মসিগী হেনগৎলক্লিবা ই-কম্মর্সকী মথৌ তাবশিংদা ঙাক্লৌ পীগনি‍।

দিপার্তমেন্ত ওফ পোস্তকী কান্নবা:

খুৎশম্ননা চৎমিন্নরিবা অসিনা DoPগী পার্সেল বিজিনেসপু পার্সেল থাদোক থাজিন তৌবগী থাক পাকথোক চাউথোকহনগনি‍। এমেজোনগা নক্ননা চৎমিন্নদুনা, DoPনা ই-কম্মর্স লোজিস্তিক্সতা লৈরিবা মাগী হৈ-শিংবা হেনগৎহনগনি অমসুং মালেমগী লোজিস্তিক্স হব ওইরক্নবগী ভারতকী হেন্না পাক চাউবা পান্দমদা ঙাক্লৌ পীদুনা মখোয়গী ওপরেসন্দা মতিং হাপকনি‍।

দিপার্তমেন্ত ওফ পোস্ত অমসুং এমেজোন ইন্দিয়াগী মকোক থোংবা লুচিংবশিংগী মরক্তা পাঙথোকখিবা মীফম

দিপার্তমেন্ত ওফ পোস্ত অমসুং এমেজোন ইন্দিয়াগী মরক্তা MoU খুৎয়েক পীনবা

ওয়দগী য়েৎলোমদা:

শ্রী কুশল বসিস্ত (জেনেরেল মেনেজর – পার্সেল দাইরেক্তোরেত), শ্রী হরপ্রীত সিংহ (চীফ জেনেরেল মেনেজর – পার্সেল দাইরেক্তোরেত), মিস মঞ্জু কুমার (মেম্বর – ওপরেসন্স), মিস বন্দিতা কৌল (সেক্রেতরী – পোস্ত), ভেঙ্কতেস তিৱারী (দাইরেক্তর – ইন্দিয়া ওপরেসন্স), অমন জৈন (দাইরেক্তর – পব্লিক পোলিসী), অনুজ কাউরা (দাইরেক্তর – ইন্দিয়া ওপরেসন্স)

******