কেন্দ্রগী হকশেল অমসুং য়াইফ-য়ুম্বাল মন্ত্রালয়না শেনবা চহি 2020-21 অমসুং 2021-22গীদমক্তা নেস্নেল হেল্থ একাউন্ত (NHA) গী এস্তিমেৎশিং রিলিজ তৌখ্রে। হায়রিবা রিপোর্তশিং অসি লৈবাক অসিগী হেল্থকেয়র এক্সপেন্দিচরগী মপুং ফাবা ৱারোল অমা পীরিবা NHA সেরিজকী 8শুবা অমসুং 9শুবা ইদিসনশিংনি। মসিগী দোক্যুমেন্ত অসিনা NHAগী এস্তিমেৎশিংগী মরুওইবা ফিভমশিং নৈনরি, মসিনা হেল্থকেয়রদা সরকারগী চাদিং হেনগৎলকপা, আউৎ-ওফ-পোকেৎ এক্সপেন্দিচর হন্থরকপা, অমসুং হেল্থকী সোসিএল সেক্যুরিতী এক্সপেন্দিচর হেনগৎলকপা অসিনচিংবা মরুওইবা ত্রেন্দশিংবু ময়েক শেংনা তাক্লি। ভারতনা য়ুনিভর্সেল হেল্থ কভরেজ (UHC) ফংনবগী মায়কৈদা চংশিল্লিবা অসিদা, মসিগী রিপোর্তশিং অসিনা হেল্থকেয়র এক্সেসিবিলিতি ফগৎহনবা, শেলগী পোৎলুম হন্থহনবা অমসুং পব্লিক হেল্থ ইনফ্রাস্ত্রকচর হেনগৎহন্নবা সরকারগী অচেৎপা ফিরেপশিং উৎলি।

2020-21 অমসুং 2021-22গী NHA এস্তিমেৎশিংগী মরু ওইবা ফাইন্দিংশিং

• গভর্নমেন্ত হেল্থ এক্সপেন্দিচর (GHE) হেনগৎলকপা: চহি কয়াদগী হকশেলগী লমদা গভর্নমেন্ত হেল্থ এক্সপেন্দিচর অসি য়াম্না হেনগৎলক্লি। GDPদা গভর্নমেন্ত হেল্থ এক্সপেন্দিচর (GHE) গী শরুক অসি 2014-15দা 1.13%দগী 2021-22দা 1.84%দা হেনগৎলে। জেনরেল গভর্নমেন্ত এক্সপেন্দিচর (GGE) গী শরুক ওইনা, মসি 2014-15দা চাদা 3.94 ওইরম্বদগী 2021-22দা চাদা 6.12দা হেনগৎলে। হেনগৎলকপা অসিনা সরকারনা মীয়ামগী হকশেলগী সর্ভিসশিং মপাঙ্গল কনখৎহন্নবা, মরুওইনা কোবিদ-19 লাইচৎনা থোকহনবা শীংনবশিং থেংননবা হোৎনরিবা অদু উৎলি।

• পর কেপিতাগী ওইনা, GHE অসি 2014-15দা লুপা 1,108 ওইরম্বা অদুদগী 2021-22দা লুপা 3,169 ওইখ্রে। মসিনা হেল্থকেয়র ইনবেস্তমেন্তশিংদা চাউনা হেনগৎলকপগী খুদম ওইরি, মসিনা হেল্থকেয়র সর্ভিসশিংগীদমক্তা মীওই অমদা রিসোর্স হেন্না ফংহনগনি। 2019-20 অমসুং 2020-21গী মরক্তা হকশেলগী লমদা সরকারনা চাদা 16.6 হেনগৎখি। মরুওইনা, 2020-21 অমসুং 2021-22গী মরক্তা হেল্থ এক্সপেন্দিচর 37% হেনগৎলকপগা লোয়ননা হকশেলগী লমদা চাদিং য়াম্না হেনগৎলকখি। মসিনা লাইচৎ অসিগী মনুংদা হকশেলগী অৱাবা লাকশিন্নবা সরকারনা পায়খৎলিবা খোঙথাং অদু উৎলি।

• আউৎ-ওফ-পোকেৎ এক্সপেন্দিচর (OOPE) হন্থরকপা: আউৎ-ওফ-পোকেৎ এক্সপেন্দিচর (OOPE) অসি ভারতকী য়ুমথোংশিংদা মহৌশানা পোৎলুম অমা ওইদুনা লাক্লি। অদুম ওইনমক, 2014-15 অমসুং 2021-22গী মরক্তা অপুনবা হেল্থ এক্সপেন্দিচর অসি OOPEগী শরুক অসি 62.6%দগী 39.4%দা হন্থখি। অসিগুম্বা হন্থরকপা অসি সরকারনা মীয়ামগী হকশেলগী লমদা চাদিং হেনগৎহন্নবা, হকশেলগী সর্ভিস ফগৎহন্নবা, অমসুং মেদিকেল কেয়র ফংবা মীওইশিংগী শেল থুমগী অৱাবা হন্থহন্নবা হোৎনবগী হকথেংননা মহৈনি।

• অপুনবা হেল্থ এক্সপেন্দিচরদা সরকারগী হেল্থ এক্সপেন্দিচরগী শরুক হেনগৎলকপা: অপুনবা হেল্থ এক্সপেন্দিচরদা সরকারগী শরুক অসি 2014-15দা 29% ওইরম্বদগী 2021-22দা 48%দা হেনগৎলে। মসিগী অহোংবা অসিনা পব্লিক হেল্থ সর্ভিসশিংদা হেন্না থাজবা থম্লি অমসুং প্রজাশিংদা শেলগী পোৎলুম হন্থহল্লি। GHEদা হেনগৎলকপা অসিনা সরকারনা হেল্থকেয়র ইনফ্রাস্ত্রকচর মপাঙ্গল কনখৎহনবা, মেদিকেল সর্ভিসশিংদা এক্সেস ফগৎহনবা, অমসুং ফাইনান্সিএল প্রোতেক্সন হেনগৎহনবদা মীৎয়েং থম্বা অদু উৎলি।

• হেল্থতা সোসিএল সেক্যুরিতী এক্সপেন্দিচর (SSE) গী গ্রোথ: লৈবাক অসিগী হেল্থ ফাইনান্সিং স্পেসতা অতোপ্পা পোজিতিব ওইবা মওংদা হেনগৎলক্লিবা অসি সোসিএল সেক্যুরিতী এক্সপেন্দিচর (SSE)গী হেনগৎলকপনি। সোসিএল সেক্যুরিতীদা হেনগৎলকপা অসিনা আউৎ-ওফ-পোকেৎ পেমেন্ত হন্থহনবদা হকথেংননা ইথিল পী। সোসিএল সেক্যুরিতীগী মপাঙ্গল লৈবা মেকানিজম অমনা ইন্দিভিজুএলশিংনা শেন্মিৎলোনগী খুদোংচাদবা অমসুং তঙাই ফদবা হকশেলগী সর্ভিসশিংদা এক্সেস তৌবগী মহৈ ওইনা লায়রবগী রিস্ক মায়োক্নরোই। সরকারনা শেল থাদবা হেল্থ ইন্সুরেন্স, সরকারগী এমপ্লোয়ীশিংদা মেদিকেল রিম্বর্সমেন্ত অমসুং সোসিএল হেল্থ ইন্সুরেন্স প্রোগ্রামশিং য়াওরিবা হেল্থতা SSE গী শরুক অসি অপুনবা হেল্থ এক্সপেন্দিচরদা 2014-15দা 5.7%দগী 2021-22দা 8.7%দা হেনগৎলে।

• 2020-21দা অপুনবা হেল্থ এক্সপেন্দিচর: ভারতকী অপুনবা হ‌েল্‌থ এক্সপেন্দিচর অসি লুপা করোর 7,39,327,  2021-22দা পর কেপিতা এক্সপেন্দিচর লুপা করোর 5,436  ওইবগা লোয়ননা মসি GDPগী 3.73% ওইরি। অপুনবা হেল্থ এক্সপেন্দিচর অসিদা সরকার অমসুং প্রাইবেৎ সোর্সশিংদগী লাকপা করেন্ত অমসুং কেপিতেল শেনফম অনিমক, অমসুং মপানগী/ দোনরগী কন্ত্রিব্যুসনশিং য়াওরি। মসিগী মনুংদগী, করেন্ত হেল্থ এক্সপেন্দিচর (CHE) অসি লুপা করোর 6,63,417 (THEগী 89.73%) ওইরি, অদুগা কেপিতেল এক্সপেন্দিচর অসি লুপা করোর 75,910 (THEগী 10.27%) ওইরি। কেপিতেল এক্সপেন্দিমেন্ত য়াওনা গবর্নমেন্ত হেল্থ এক্সপেন্দিচর(GHE) অসি লুপা করোর 3,16,554 ওইখি, মসি DEগী 42.82%, GDPগী 1.60% অমসুং পর কেপিতা লুপা 2,328 ওইখি। মসি 2020-21দা জেনরেল গবর্নমেন্ত এক্সপেন্দিচরগী চাউরাক্না 4.98% ওইগনি। GHEদা কেন্দ্র সরকারগী কন্ত্রিব্যুসন অসি চাউরাক্না 35.7%নি, অদুগা রাজ্য সরকারগী কন্ত্রিব্যুসন অসি চাউরাক্না 64.3%নি। কেন্দ্র সরকারগী শেল থাদবগী অচৌবা শরুক অমা নেস্নেল হেল্থ মিসন অমসুং সেন্ত্রেল গবর্নমেন্ত হেল্থ স্কিমগুম্বা হেল্থ স্কিমশিংদা পীখি।

• 2021-22দা অপুনবা হেল্থ এক্সপেন্দিচর: ভারতকী অপুনবা হেল্থ এক্সপেন্দিচর অসি লুপা করোর 9,04,461দা হেনগৎখি, 2021-22দা পর কেপিতা এক্সপেন্দিচর লুপা করোর 6,602 ওইবগা লোয়ননা মসি GDPগী 3.83% ওইরি। করেন্ত হেল্থ এক্সপেন্দিচর অসি মরু ওইবা কম্পোনেন্ত অমা ওইদুনা অপুনবা ওইনা লুপা করোর 7,89,760 (THEগী 87.32%) ওইখি, অদুগা কেপিতেল এক্সপেন্দিচর অসি লুপা করোর 1,14,701 (THEগী 12.68%) ওইখি। সরকারগী হেল্থ এক্সপেন্দিচর অসি চাউরাক্না লুপা করোর 4,34,163দা হেনগৎলকখি। মসিনা THEগী চাদা 48 অমসুং GDPগী চাদা 1.84 ওইখি। মসি 2021-22দা জেনরেল গবর্নমেন্ত এক্সপেন্দচরগী চাউরাক্না 6.12% ওইগনি। গবর্নমেন্তকী শেনফম অসিসু পাক-শন্না শন্দোকখি। GHEগী 41.8%দি কেন্দ্র সরকাকরনা অমসুং 58.2%দি রাজ্য সরকারশিংনা কন্ত্রিব্যুৎ তৌখি। নেস্নেল হেল্থ মিসন, দিফেন্স মেদিকেল সর্ভিসেস অমসুং কেন্দ্র সরকারগী হেল্থ স্কিমদা শেল থাদবা য়াওনা কেন্দ্র সরকারগী মরুওইবা হেল্থ ইনিসিএতিবশিং অসি শেল থাদবগী ফ্রেমৱার্ক অসিগী মরুওইবা কম্পোনেন্তশিং ওইরি।
• করেন্ত হেল্থ এক্সপেন্দিচর য়েন্থোকপা: করেন্ত হেল্থ এক্সপেন্দিচর য়েন্থোকপদা (CHE) 2020-21দা কেন্দ্র সরকারগী শরুক লুপা করোর 81,772 (CHEগী 12.33%) ওইখি অদুগা রাজ্য সরকারশিংনা লুপা করোর 1,38,944 (CHEগী 20.94%) শরুক য়াখি। 2021-22 ফাওবদা, কেন্দ্র সরকারগী CHEগী শরুক অসি লুপা করোর 1,25,854 (15.94%) ওইখি, অদুগা রাজ্যশিংগী শরুক লুপা করোর 1,71,952 (21.77%) ওইখি। মসিগী মথক্তা, এন্তর্প্রাইজশিং, NGOশিং অমসুং মপানগী দোনরশিংদগী ফন্দিং পীদুনা মতম অসিদা ভারতকী হেল্থকেয়র সিস্তেমদা মরু ওইবা মতেং পীখি।

সরকারনা হেল্থকেয়রদা চাদিং তৌবা হেনগৎপগী কান্নবশিং

সরকারগী হকশেলগী চাদিংগী চাং লেপ্তনা হেনগৎলকপনা হকশেলগী সেক্তর অমসুং মীয়াম পুম্নমক্তা পোজিতিব ওইবা কান্নবা কয়া অমা পীরি:

• শেল-থুমগী অৱাবা হন্থহনবা: OOPEদা হন্থরকপা অসিনা প্রজাশিংগী ফাইনান্সিএল প্রোতেক্সন ফংহন্নবা সরকারগী অচেৎপা ফিরেপ অদু উৎলি। পব্লিক হেল্থকেয়রগী শেনফম হেনগৎহন্দুনা, সরকারনা ইমুংশিংদা শেলগী পোৎলুম হন্থহনখ্রে, মসিনা হেল্থকেয়র অসি হেন্না ফংহনখ্রে অমসুং শেল চংদবা ওইহনখ্রে। মসি মমাংদা মেদিকেল কেয়র লৌবদা শেলগী ওইবা অৱাবা মায়োক্নরম্বা লায়রবা অমসুং ময়াই ওইবা ইনকম লৈবা ইমুংশিংগীদমক মরুওই।
• পব্লিক হেল্থকেয়র সর্ভিসশিং মপাঙ্গল কনখৎহনবা: GHE দা হেনগৎলকপা অসিনা সরকারনা হেল্থকেয়র ইনফ্রাস্ত্রকচর ফগৎহনবা, হেল্থকেয়র সর্ভিসশিং ফংহনবা অমসুং পব্লিক হেল্থ ইন্সতিত্যুসনশিংদা পীরিবা কেয়রগী ক্বালিতী হেনগৎহনবদা মীৎয়েং চংলি হায়বা উৎলি। হেল্থকেয়রদা হেনগৎলক্লিবা ইনভেস্তমেন্তশিংনা হেন্না ফবা খুৎশু-খুৎলাই লৈবা হোস্পিতালশিং, পাকথোক-চাউথোক্লবা ভেক্সিনেসন প্রোগ্রামশিং, অমসুং হেন্না ফবা প্রিভেন্তিব কেয়র সর্ভিসশিংদা মতেং পাংলি।
• য়ুনিভর্সেল হেল্থ কভরেজ (UHC) গী মায়কৈদা খুমাং চাউশিল্লকপা: হেল্থকেয়রগী শেল থাদবা হেনগৎহন্নবা সরকারনা হোৎনরিবশিং অসি য়ুনিভর্সেল হেল্থ কভরেজ (UHC) ফংহন্নবা পান্দমগা য়াম্না নক্না চান্নৈ। পব্লিক হেল্থ প্রোগ্রামশিং পাকথোক চাউথোকহন্দুনা, হেল্থ সর্ভিসশিং ফংহনবা হেনগৎহন্দুনা, অমসুং OOPE হন্থহন্দুনা, সরকারনা প্রজা পুম্নমক্না শেল চংদবা হেল্থকেয়র ফংহনবগী মায়কৈদা চাউনা খুমাং চাওশিল্লি।
• কোবিদ-19 লাইচৎ থেংননবা রেস্পোন্স তৌবা: 2020-21 অমসুং 2021-22গী মরক্তা হকশেলগী লমদা চাদিং য়াম্না হেনগৎলকপা অসিনা কোবিদ-19 লাইচৎনা থোকহনবা শীংনবশিং থেংনবদা সরকারনা লৌরিবা থৌদাং অদু উৎলি। হায়রিবা মতম অসিদা পীখিবা অহেনবা রিসোর্সশিং অসি হেল্থকেয়র ইনফ্রাস্ত্রকচর মপাঙ্গল কনখৎহনবা, তেস্তিং অমসুং ত্রিৎমেন্ত ফেসিলিতীশিং পাকথোক চাউথোকহনবা, অমসুং ভেক্সিনেসন প্রোগ্রামশিং হৌদোকপদা য়াম্না মরু ওইখি।

হেল্থ একাউন্তশিং খঙবা

হেল্থ একাউন্তশিংনা ভারত্তা শেনবা চহি অমগী ওইনা হেল্থ এক্সপেন্দিচর অমসুং ফন্দশিংগী ফ্লো তাকই। মসিনা মরুওইবা পোলিসীগী ৱাহংশিং হায়বদি হকশেলগী লমদা চাদিং তৌবগী হৌরকফমশিং অদু করিনো, মখোয় অসি কনানা মেনেজ তৌরিবগে, হকশেলগী সর্ভিসশিং কনানা পীবগে, অমসুং করম্বা সর্ভিসশিং শীজিন্নবগে হায়বগী মতাংদা পাউখুম পীরি। লৈবাকশিংগী মরক্তা চাংদম্নবদা মতেং পাংনবা, সিস্তেম ওফ হেল্থ একাউন্তস 2011 (SHA 2011) হায়না খঙনবা মালেমগী স্তেন্দর্দ ফ্রেমৱার্ক অমগী মতুং ইন্না হকশেলগী শেল থাদবগী চাংদম্নবশিং তাকপা অসি চৎনবী অমনি। SHA 2011 ফ্রেমৱার্কনা করেন্ত অমসুং কেপিতেল এক্সপেন্দিচর দিসএগ্রিগেতেদ ওইবা চাদিংশিং উৎলি। হৌজিক্কী ওইবা হকশেলগী শেনফম (CHE) অমসুং মসিগী অকুপ্পা মরোলশিং অসি মখাদা পীরিবা অসিগী মতুং ইন্না শন্দোক্না তাকপদা মীৎয়েং থম্লি:

(1) হেল্থকেয়র ফাইনান্সিং স্কিমশিংগী রিভেন্যু - হেল্থ সিস্তেমদা হকশেলগী পোৎলমশিং অমসুং সর্ভিসশিংদা শেল থাদনবা রিসোর্সশিং পীরিবা এন্তিতীশিং

(2) হেল্থকেয়র ফাইনান্সিং স্কিমশিং - ফাইনান্সিং সোর্সশিংদগী শেল লৌদুনা হেল্থ গুদস অমসুং সর্ভিসশিং শেল থাদবা নৎত্রগা লৌনবা শেল ফংলিবা অমসুং মেনেজ তৌরিবা এন্তিতীশিং

(3) হেল্থকেয়র প্রোভাইদরশিং - হেল্থ গুদস অমসুং সর্ভিসশিং পুথোক্নবা/পীথোক্নবগীদমক ফাইনান্সিং ফংলিবা এন্তিতীশিং

(4) হেল্থকেয়র ফঙ্কসনশিং - তোঙান তোঙানবা হেল্থকেয়র সর্ভিসশিংগী মরক্তা ফন্দশিং শীজিন্নবগী মতাংদা তাক্লি।

নেস্নেল হেল্থ একাউন্ত

নেস্নেল হেল্থ একাউন্ত (NHA) গী এস্তিমেৎশিং অসি সিস্তেম ওফ হেল্থ একাউন্তস (SHA), 2011 হায়না খঙনবা মালেমগী ওইনা খঙনরবা ফ্রেমৱার্ক অদুদা য়ুম্ফম ওইদুনা শেমগৎপনি। ফ্রেমৱার্ক অসিনা লৈবাকশিংগী মরক্তা চাংদম্নবা য়াহনবদা তঙাইফদবা অমা ওইরি, মরমদি মসিনা হেল্থকেয়র এক্সপেন্দিচরগী মতাংদা ত্রেক তৌনবা অমসুং রিপোর্ত তৌনবা স্তেন্দর্দাইজ তৌরবা পাম্বৈ অমা পীরি। NHAনা ভারতকী হকশেলগী পথাপকী মনুংদা ফাইনান্সিএল ফ্লোশিংগী অকুপ্পা ৱারোল অমা পীরি। মসিদা তোঙান তোঙানবা সোর্সশিংদগী শেল করম্না লৌনৈ, মখোয় অসি হকশেলগী সেক্তরদা করম্না শীজিন্নৈ, অমসুং হকশেলগী সর্ভিসশিং করম্না শীজিন্নৈ হায়বদু উৎলি।

ভারতকী NHAগী এস্তিমেৎশিং অসি নেস্নেল হেল্থ একাওন্তস গাইদলাইনস ফোর ইন্দিয়া, 2016গী মতুং ইন্না হেল্থকেয়র লেন্দস্কেপদা অহোংবা লাকপদা মথৌ তাবা অপদেৎশিংগা লোয়ননা চৎলি। NHAগী গাইদলাইনশিং/মেথোদোলোজী অমসুং এস্তিমেৎশিং অসি ভারতকী হেল্থ সিস্তেম অসি দাইনামিক ওইবনা মরম ওইদুনা লেপ্পা লৈতনা অপদেত তৌরি অমসুং NHAগী এস্তিমেৎশিংনা হোংলক্লিবা পোলিসী/প্রোগ্রামমেতিক অমসুং হেল্থ সিস্তেমগী ফীভম অদু উৎপীগদবনি। মসিগা লোয়ননা, দেতা/ইনফোর্মেসন নত্ত্রগা এস্তিমেসন মেথোদোলোজীগী ফংহনবা নত্ত্রগা সিস্তেম ওফ হেল্থ একাউন্ত মেথোদশিং/ফ্রেমৱার্ক নত্ত্রগা স্তেকহোল্দর ফীদবেক্কী রিভিজনগা মরী লৈননা হেন্না ফগৎহন্নবগী পোতেন্সিএল অমা মতম পুম্নমক্তা লৈ। মসিগী অপদেৎশিং অসি NHA তীম অমসুং NHA এক্সপর্ত গ্রুপনা হীরম অসিগী মতাংদা মকোক থোংবা ওথোরিতীশিংগা তান্নদুনা কুপ্না য়েংশিনবগী মহৈনি।

ৱারোইশিন

2020-21 অমসুং 2021-22গী নেস্নেল হেল্থ একাউন্ত এস্তিমেৎশিংনা ভারতকী হেল্থকেয়র এক্সপেন্দিচর পেত্তর্ন অমসুং পব্লিক হেল্থতা সরকারনা হেনগৎলক্লিবা ইনভেস্তমেন্তশিংগী মতাংদা মমল য়াম্লবা লৌশিং পীরি। সরকারগী হেল্থ এক্সপেন্দিচর লেপ্তনা হেনগৎলকপা, আউৎ-ওফ-পোকেৎ পেমেন্তশিংদা হন্থরকপা, অমসুং সোসিএল সেক্যুরিতীগী শেনফম হেনগৎলকপা পুম্নমক অসিনা হেন্না রেসিলিয়েন্ত অমসুং ইনক্লুসিব হেল্থকেয়র সিস্তেম অমা লৈরে হায়বগী খুদম ওইরি।

ভারতনা মীয়ামগী হকশেলদা অহেনবা মীৎয়েং থম্লি। মসিগী এস্তিমেৎশিং অসিনা সরকারনা শেল-থুমগী অৱাবা হন্থহন্নবা, হকশেলগী ইনফ্রাস্ত্রকচর ফগৎহন্নবা অমসুং য়ুনিভর্সেল হেল্থ কভরেজ ফংহন্নবা হোৎনরিবা অদু উৎলি। হকশেলগী সেক্তরদা হৌজিক চত্থরিবা রিফোর্মশিং অসি শেলগী ওইবা অচেৎপা কম্মিতমেন্তশিংনা শৌগৎলি। মসিনা প্রজা পুম্নমক্কীদমক্তা হেন্না হকচাং ফবা অমসুং থোং মান্নবা তুংলমচৎ অমগী লম্বী য়াৎলি।

রিফরেন্সশিং:

https://pib.gov.in/PressReleasePage.aspx?PRID=2058791

https://nhsrcindia.org/national-health-accounts-records

https://nhsrcindia.org/sites/default/files/2024-09/NHA%202020-21.pdf

https://nhsrcindia.org/sites/default/files/2024-09/NHA%202021-22.pdf

PDF য়েংনবা মসিদা নম্বীয়ু:

*****