ملک میں کوآپریٹو سوسائٹیزکو بااختیار بنانے اور دیہی علاقوں میں کوآپریٹو سوسائٹیز کو مضبوط بنانے کے مقصد سے امداد باہمی کی وزارت کے  زیر اہتمام دو روزہ قومی جائزہ اجلاس آج بھونیشور، اڈیشہ میں کامیابی کے ساتھ اختتام پذیر ہوا۔ میٹنگ کا افتتاح جناب منوج آہوجا، چیف سکریٹری، حکومت اڈیشہ نے کیا اور ڈاکٹر آشیش کمار بھوتانی، سکریٹری، وزارت تعاون بحیثیت مہمان خصوصی موجود  تھے ۔
 

اس قومی جائزہ میٹنگ کے ایک اہم ایجنڈوں میں سے ایک  مرکزی داخلہ اور امداد باہمی کے وزیر جناب امت شاہ کی طرف سے حال ہی میں ہر گاؤں/پنچایت میں شروع کیے گئے تین بڑے اقدامات سے متعلق ایس او پیز پر آسانی سے عمل آوری کو یقینی بنانا اور زمینی سطح پر اس کام کو جلد از جلد شروع کرنا تھا۔

مرکزی وزیر داخلہ اورامداد باہمی  کے ذریعہ شروع کیے گئے تین بڑے اقدامات سے متعلق ایس او پیز میں دو لاکھ نئے ایم پی ای ایکس، ڈیری اور فشری کوآپریٹو سوسائٹیز کی تشکیل اور مضبوطی، ‘سفید انقلاب 2.0’ سے متعلق معیاری آپریٹنگ طریقہ کار (ایس او پیز) اور کوآپریٹیوتنظیموں کے درمیان  تعاون شامل ہیں۔ اس دو روزہ جائزہ اجلاس میں قومی اور بین الاقوامی برآمدات کے مواقع فراہم کرکے پی اے سی ایس کو ایک متحرک اقتصادی ادارہ بنانے کے مقصد پر بھی تبادلہ خیال کیا گیا۔

حکومت کے پہلے 100 دنوں میں تعاون کی وزارت کی طرف سے اٹھائے گئے دس اقدامات میں تین بڑے اقدامات شامل ہیں جن کا آغاز مرکزی وزیر برائے امور داخلہ اور تعاون جناب امت شاہ نے حال ہی میں نئی دہلی میں نیشنل کانفرنس کے دوران کیا ہے ۔

اجلاس کا مقصد وزارت کے 100 روزہ ایکشن پلان کے کامیاب نفاذ پر عمل درآمد کے حوالے سے تبادلہ خیال کرنا تھا۔ اس بات پر تبادلہ خیال کیا گیا کہ کوآپریٹو اسٹارٹ اپس کو فروغ دینے کے لیے نوجوانوں کی شرکت بہت ضروری ہے۔ آئندہ  دنوں میں کوآپریٹو سوسائٹیز میں نوجوانوں کی شرکت کو بڑھانا اور کوآپریٹو تعلیمی اور تربیتی نظام کو جدید بنانا بہت اہمیت کا حامل ہے۔

اڈیشہ حکومت کے چیف سکریٹری جناب منوج آہوجا نے مقامی لوگوں کی تمام بنیادی ضروریات جیسے معیاری ان پٹ ، اسٹوریج انفراسٹرکچر ، پروسیسنگ کی سہولیات ، کریڈٹ کی سہولیات اور مارکیٹنگ کی سہولیات کو پورا کرنے کے لیے زمینی سطح پر مضبوط اداروں کی تشکیل اور فروغ کی اہم ضرورت پر زور دیا ۔
 

امول جیسی کثیر ریاستی کوآپریٹو سوسائٹیز کی مثال دیتے ہوئے انہوں نے کہا کہ باہمی امدادکی وزارت کی مختلف اسکیموں اور اقدامات جیسے ماڈل ضمنی قوانین ، کمپیوٹرائزیشن، جن اوشدھی کیندروں نے ان کوآپریٹو سوسائٹیز کو ایک ہی چھت کے نیچے  کسانوں کی تمام ضروریات کو پورا کرنے والی ‘ون ا سٹاپ شاپ’ میں تبدیل کر دیا ہے۔ لوگوں کی اپنی تنظیم ہونے کے ناطے، کوآپریٹو سوسائیٹیز میں بے پناہ امکانات ہیں ۔

امداد باہمی کی وزارت کے سکریٹری ڈاکٹر آشیش کمار بھوٹانی نے جی ڈی پی میں تعاون کرنے میں امداد باہمی کے اہم کردار پر روشنی ڈالی ۔ اس سمت میں ، انہوں نے امداد باہمی کی وزارت کی ایک اہم پہل کے طور پر ماڈل ضمنی قوانین کو اپنا کر ایم پی اے سی ایس کے قیام پر زور دیا ۔ ماڈل ضمنی قوانین کو اپنانے سے پی اے سی ایس کو کثیر جہتی بننے میں مدد ملی ہے اور اس نے اسے 25 نئے کاروباری علاقوںمیں کام کرنے کے قابل بنایا ہے ، جو پی اے سی ایس کو معاشی طور پر مضبوط کرے گا ۔ مزید برآں ، تین نئی کوآپریٹو سوسائٹیز این سی ای ایل ، این سی او ایل اور بی بی ایس ایس ایل کی تشکیل نے پی اے سی ایس کے لیے دائرہ کار کو وسیع کیا ہے ۔ یہ کمیٹیاں کسانوں کو قومی اور بین الاقوامی منڈیوں میں نامیاتی پیداوار سمیت اپنی پیداوار کی مناسب قیمتیں حاصل کرنے میں مدد کریں گی۔

انہوں نے بتایا کہ ایک بڑے قدم کے طور پر باہمی امدادکی  وزارت نے این سی ڈی ڈیٹا بیس کے ذریعے ڈیجیٹائزیشن پر کام کیا ہے تاکہ بروقت میں ڈیٹا جمع کرنے اور ملک گیر اقدامات کی ہموار نگرانی اور عمل درآمد کے لیے بغیر کسی رکاوٹ کے بنیادی ڈھانچے کی تشکیل کی منصوبہ بندی کی جا سکے۔

ڈاکٹر بھوٹانی نے کہا کہ ملک میں کوآپریٹو تحریک کو مزید مضبوط بنانے کے لیے ، اگلے پانچ سالوں میں 50 فیصد کوآپریٹو اراکین کو تربیت دینے کے مقصد سے باقاعدہ صلاحیت سازی کی تربیت دی جا رہی ہے ۔ انہوں نے تمام ریاستوں اور مرکز کے زیر انتظام علاقوں کے کوآپریٹو محکموں سے بھی درخواست کی کہ وہ نومبر 2024 میں ہونے والے بین الاقوامی کوآپریٹو الائنس میں حصہ لیں ۔
 

********

ش ح ۔ش آ ۔اش ق

 (U: 845)