ইন্সোল্ভেন্সী অমসুং বেঙ্ক্রপসী বোর্দ ওব ইন্দিয়া (IBBI)না ওক্তোবর ১, ২০২৪দা মখোয়গী নিপানশুবা চহিগী নুমিৎ পালন তৌখ্রে। চীফ জস্তিস (রিতায়র্দ) শ্রী রামলিঙ্গম সুধাকর, প্রেজিদেন্ত, নেসনেল কম্পেনী লো ত্রাইব্যুনেলনা থৌরম অদুগী অথোইবা মীথুংলেন ওইনা ঙান্থোইখি। শ্রী অমিতাব কান্ত, ভারতকী জি২০ শেরপা অমসুং হান্নগী নিতি আয়োগকী সি.ই.ও.না চহি অসিগী চহিগী নুমিৎতা ৱা ঙাংখি। দা. ভি অনন্থ নাগেস্বরন, চীফ একনোমিক এদভাইজর, শেলথুম মন্ত্রালয়না অখন্নবা ৱারোল থমখি।

চীফ জস্তিস (রিতায়র্দ) শ্রী রামলিঙ্গম সুধাকর, প্রেজিদেন্ত নেসনেল কম্পেনী লো ত্রাইব্যুনেলনা মহাক্কী মরুওইবা ৱারোল পীবদা ইন্সোল্ভেন্সী অমসুং বেঙ্ক্রপসী কোদ (IBC/কোদ)না ভারতকী কোর্পোরেত ইন্সোল্ভেন্সী লেন্দস্কেপতা অহোংবা পুরকপা য়াবা শাফুশিংগী মতাংদা ফোংদোকখি। শেলথুম মন্ত্রীগী বজেত ৱারোল পল্লদুনা, মহাক্না IBC গী ইকোসিস্তেম অসিবু মখা তানা হেন্না ফগৎহনবা চঙলিবগী মতাংদা ফোংদোকখি অমসুং কন্সিস্তেন্সী, ত্রান্সপরেন্সী অমসুং মতম চানা আউৎকম পীবা হেনগৎনবগীদমক ইন্তিগ্রেতেদ তেক্নোলোজী প্লেৎফোর্ম লাউথোকখি। মহাক্না রাস্ত্রপতিনা পার্লিয়ামেন্ততা IBC বু ভারতকী বেঙ্কিং সেক্তর মপাঙ্গল কনখৎহনখিবা, পব্লিক সেক্তর বেঙ্কপু শক্তি পীদুনা হেন্না শেন্দোং ফংবা হেনগৎহনবগীদমক হৌখিবা চহি তরারোম অসিদা য়াম্না মশক থোকপা রিফোর্ম অমা ওইরে হায়না ফোংদোকখি। মহাক্না IBBI বু নীংথিনা ইনফোর্ম্দ পোলিসী দিসিজন শৌগৎনবা স্তেকহোল্দরশিংগা পাউ ফাওনদুনা ইন্সোল্ভেন্সী লোদা রিসর্চ লৌখৎপগীদমক শিংথাখি। মহাক্না লৈবাক অসিগী শেন্মিৎলোনগী পান্দমগা চুননা চঙশিনবা রিগুলেতরী খোঙথাংবু শিংথাখি অমসুং লেপ্পা লৈতনা ইন্নোভেসন, কেপাসিতী শাগৎপা অমসুং তেক্নোলোজী শীজিন্নদুনা মতম চানা এদমিসন তৌবা রিজোলুসন লৌবগীদমক থাগৎখি।

চহিগী নুমিত্তা লেকচর পীরদুনা শ্রী অমিতাব কান্তনা চহি ৮গী তেল্লবা মতম মনুংদা শিংথানিংঙাই ওইবা IBC গী মায় পাকপশিংগীদমক IBBI বু শিংথাখি। মহাক্না পনখি মদুদি ৱার্ল্দ বেঙ্ককী ইজ ওব দুইং বিজিনেস ইন্দেক্সতা ২০১৪দা ১৪২ দা লৈরম্বদু ২০১৬দা ৬৩দা লৈদুনা মফম ৭৯ কাখৎলকপদা IBC গী অহোংবা পুরকপা ঙম্বা ফ্রেমৱার্কশিংবু থাগৎখি। মহাক্না ৱারোলদা শ্রী কান্তনা জস্তিস রোহিন্তননা "দিফোল্তরগী পেরাদাইস অদু মাঙখ্রে। মদুগী মফমদা, শেন্মিৎলোনগী নিয়ম চুম্বা ম্ফুম অদু ফংলে" হায়খিবদুবু পনখি। মহাক্না IBC বু "অনৌবা য়ূগকী লম্বী তাকপা মঙাল" অমনি হায়না ফোংদোক্লদুনা মসিনা ক্রেদিত দিসিপ্লিন লৈহন্নবা হোৎনবদা লৌরিবা থৌদাংবু শিংথাখি অমসুং নোন পার্ফোরমিং এসেত (এন.পি.এ) হন্থহনবদা মতেং পাংখি। রিজর্ব বেঙ্ক ওব ইন্দিয়াগী জুন ২০২৪ গী রিপোর্ত পল্লদুনা মহাক্না ফোংদোকখি মদুদি গ্রোস নোন পার্ফোরমিং এসেতনা চহি ১২ গী ওইনা নেমদুনা ১২% দা লৈরে, নেৎ নোন পার্ফোরমিং এসেতনা ০.৬ % দা লৈরে। হায়রিবা স্তেতিস্তিক্স অসিনা IBC না ভারতকী শেন্মিৎলোন্দা পীরিবা অফবা শাফু অদু উৎলে।

দা. ভি অনন্থ নাগেস্বরন, চীফ একনোমিস্ত এদভাইজর, শেলথুম মন্ত্রালয়না অখন্নবা ৱারোল পীবদা ইন্সোল্ভেন্সী অমসুং বেঙ্ক্রপসি (IBC)গী মখাদা ৱারোইশিন পুরকপদা খোংজেল য়াঙখৎলকপগীদমক অপেনবা ফোঙদোকখি। মহাক্না জোসেফ সুম্পতরগী ক্রিএতিব দেস্ত্রক্সনগী থিয়রী পনখি, মসিনা ইন্নোভেসন অমসুং তেক্নোলোজিকেল এদভান্সমেন্তনা হৌজিক লৈরিবা একনোমিক স্ত্রকচরশিং হায়বদি থবক, ফার্ম, অমসুং ইন্দস্ত্রীশিং থুগাইদুনা অনৌবশিংগীদমক লম্বী পীরে। দা. নাগেস্বরন্না IBC বু শেন্মিৎলোনগী থাক ৱাংখৎহনবা অমসুং লৈবাক অসিগী চাউখৎনবগী ক্রিএতিব ফোর্স ওই ফোংদোকখি। ইন্দিয়ন ইন্সতিত্যুত ওব মেনেজমেন্ত অহেমদবাদ (IIMA)না পাঙথোকখিবা স্তদীদা ৱারোইশিনগী মমাং অমসুং মতুংদা ফার্মশিংগী পার্ফোরমেন্স নৈনদুনা ৱারোইশিন পুথোকপদা কান্নবা ফংবগী মতাংদা ফোংদোকখি। মসিদগী ফংলকপা ফলনা তাক্লে মদুদি IBC গী মখাদা ৱারোইশিন লৌখিবা কম্পেনীশিংগী মার্কেত কেপিতেলাইজেসন্দা মতীক চানা হেনগৎতুনা লুপা করোর লাখ ২ দগী করোর লাখ ৬ হেনগৎখি। মসিগী মথক্তা, হায়রিবা ফার্মশিং অসিগী চাংচৎতা য়োনবগী চাং অসিসু ৱারোইশিন পুরকখিবগী চহি অহুওগী মনুংদা ৭৬%দা হেনগৎখি, অদুগা ইমপ্লোইয়ীগী এক্সপেন্সকী চাংচৎনা হায়রিবা মতম অদুদা ৫০% দা হেনগৎখি, মসিনা ৱারোইশিন পুরকখ্রবা ফার্মশিংগী ইমপ্লোইমেন্ত ইন্তেন্সিতীদা ৫০% দা হেনগৎলে। স্তদী অসিনা পনখি মদুদি ফার্মশিং অসিগী ৱারোইশিন পুরকখ্রবা মতুংদা লৈবা অপুনবা এসেতকী চাংচৎ অসিসু ৫০% হেনগৎপগা লোইননা কেপিতল এক্সপেন্দিচর (কেপেক্স)সু ১৩০% হেনগৎলে।

থৌরম অদুদা ৱা ঙাংলদুনা শ্রী রভি মিত্তাল, চীয়রপার্সন, IBBI না IBC গী চহি নিপানগী খোঙচৎ অসিদা পুরকখিবা মায় পাকপশিং পনখি। মহাক্না পনখি মদুদি ৱারোইশিন ১,০০০ রোম নেসনেল কম্পেনী লো ত্রাইব্যুনেল (NCLT) না হায়রিবা মতম অসিদা হৌখিবা চহি অনিরোম অসিদা ৪৫০ রোম থোক্তুনা পাস তৌখি। হায়রিবা স্তেতিস্তিক অসিনা তাক্লে মদুদি ৱারোইশিন পুরকখ্রবশিংগী মরক্তা ৫৪% দি হৌখিবা চহি অনিরোম অসিগী মনুংদা লৌখি। মমাংগী শেনবা চহি খক্তংদা, কেস ২৭১সু মায় পাক্না ৱারোইশিন পুরকখি। শ্রী মিতালনা চহি খরা অসিদা কোদ মতীক চানা খুমাং চাউশিনবগীদমক্তসু স্তেকহোল্দর খুদিংমক্তা নুংঙাইবা ফোংদোকখি। মহাক্না মখা তারদুনা হায়খি মদুদি IBCগী খুত্থাংদা লৌখিবা ৱারোইশিন্না বেঙ্কিং সিস্তেমদা রিকোভরী লৌবা য়াহল্লে, মসিনা এন.পি.এ. নেরেতিব নৌনা শেম্বা অমসুং বোরোৱরশিংদা লোন রিপেমেন্ত পুরক্তুনা ভারত সরকারগী ভিক্সিত ভারতকী পান্দমদা লম্বী য়াৎলে।

চহিগী নুমিৎ পালনগী শরুক অমা ওইনা, চীফ জস্তিস (রিতায়র্দ) শ্রী রামলিঙ্গম সুধাকর প্রেজিদেন্ত, নেসনেল কম্পেনী লো ত্রাইব্যুনেল; শ্রী অমিতাব কান্ত, ভারতকী জি২০ শেরপা অমসুং হান্নগী নিতি আয়োগকী সি.ই.ও.; দা. ভি অনন্থ নাগেস্বরন, চীফ একনোমিক এদভাইজর, শেলথুম মন্ত্রালয়, শ্রী রভি মিতাল, চীয়রপার্সন, IBBI; শ্রী জয়ন্তি প্রসাদ, হোল তাইম মেম্বর, IBBI, অমসুং শ্রী সন্দীপ গার্গ, হোল তাইম মেম্বর, IBBIনা IBBIগী চহিগী চেফোং, " IBC के आठवर्ष: शोध एवं विश्लेषण” ফোংখি। হায়রিবা চেফোং অসিনা IBBI গী চহিগী চেফোংগী তরুকশুবা থংন থংননা ফোংবা ওইরে, মসিনা কোদ অসিনা হেক হৌদোক্লকপদগী চহি নিপান মপুং ফাবগা তামিন্নরি। মসিনা ইন্সোল্ভেন্সী রেজিম্বু নৈনরি, মরুওইবা স্তেকহোল্দরশিংগী থৌদাংশিং নৈনৈ, অমসুং তেক্সেসন অমসুং ইন্সোল্ভেন্সীগী মরক্তা লৈববুসু নৈনৈ। চেফোং অসিনা ৱার্কমেনশিংগী দ্যু, ইন্তর্নেসনেল লিগেল ওব্লিগেসন অমসুং দেতা প্রোতেক্সন্দা লৈবা প্রাইবেসী কন্সর্নশিং নৈনরি। মসিনা য়ুম লৈবশিংনা থেংনরিবা খুদোংচাদবশিং অমসুং CIRP গী মনুংদা লৈবা দাইরেক্ত দিজোলুসনগী শক্তি নৈনরি। দিজিতেল ত্রান্সফোর্মেসনগী মতাংদা পল্লদুনা, মসিনা ইন্সোল্ভেন্সী প্রোসেস স্ত্রীম্লাইন তৌবদা AI অমসুং ব্লোকচেন্না লৌরিবা থৌদাং নৈনরি অমসুং মতীক চাবা ভেলুএসনগী ফ্রেমৱার্ক অমগী তঙাইফদবসু নৈনরি। মসিগী মথক্তা, মসিদা ইন্সোল্ভেন্সী অমসুং বেঙ্ক্রপসিগী মতাংদা মার্চ ২০২৪দা পাঙথোকখিবা IIM অহেমদবাদ চহিগী রিসর্চ ৱার্কশোপ রিসর্চ পেপর মাপনসু য়াওরি।

মসিগী মথক্তা, IBC গী মতাংদা পাঙথোকখিবা ৫শুবা নেসনেল ওনলাইন ক্বিজগী মায় পাক্লবশিংসু মেরিত সর্তিফিকেত, মেদাল অমসুং শেলগী মনা থৌরম অসিদা লান্থোকখি।

IBBI গী ৮শুবা চহিগী নুমিৎ অসি য়াম্না য়াম্না মরুওইবা থৌরম অমা ওইরি, মসিনা চহি খরা অসিদা লৈবা ইন্সোল্ভেন্সী অমসুং বেঙ্ক্রপসিগী হীরমদা মায় পাকপশিং উৎলে। থৌরম অসিনা শক্নাইরবা মীওই কয়া অমসুং ইন্সোল্ভেন্সী রেজিমগী স্তেকহোল্দরশিং মমিং ওইনা পল্লবদা লৈঙাক অমসুং রিগুলেতরী বোদীশিংগী ওফিসরশিং, ইন্সোল্ভেন্সী প্রোফেসনেল এজেন্সী, অমসুং রেজিস্তর্দ ভেল্যুয়র ওর্গানাইজেসন, ইন্সোল্ভেন্সী প্রোফেসনেল, রেজিস্তর্দ ভেল্যু, অতৈ প্রোফেসনেলশিং, দেতর, ক্রেদিতর, বিজিনেস লিদর অমসুং একাদেমিসিয়নশিং পুনশিলহল্লে। থৌরম অসি লাইব ওইনা ওনলাইন্দা তেলিকাস্ত তৌখি।

শ্রী সন্দিপ গার্গ, হোল তাইম মেবর, IBBI না থৌরম অসিগী অরোইবদা থাগৎ ৱাহৈ থমখি।

***************