سوچھتا ہی سیوا کے اصولوں کے ساتھ موافقت کرتے ہوئے، پنچایتی راج کی وزارت (ایم او پی آر) صفائی کو روزمرہ کی زندگی، اقدار اور طریقوں کے ایک لازمی حصہ کے طور پر فروغ دینے کے اپنے عزم کا اعادہ کرتی ہے۔ نو نکاتی پری ایکشن پلان کے ایک حصے کے طور پر، پنچایتی راج کی وزارت نے سوچھتا ہی سیوا-2024 (ایس ایچ ایس-2024)مہم کے دوران مختلف سرگرمیاں شروع کیں، جو 17 ستمبر 2024 سے 2 اکتوبر 2024 تک منعقد ہوئی۔

ایس ایچ ایس-2024 مہم کے آخری دن یعنی 2 اکتوبر 2024 کو پنچایتی راج کی وزارت کے سکریٹری  جناب وویک بھاردواج نے کناٹ پلیس (راجیو چوک) کے بلاک-اے علاقے میں صفائی مہم (شرمدان) میں حصہ لینے والے افسران اور ملازمین کی قیادت کی )۔ سوچھ بھارت دیوس کی 10ویں سالگرہ کے موقع پر، انہوں نے سب کو اپنی نیک تمنائیں پیش کیں اور روزمرہ کی زندگی میں صفائی کو ہماری فطرت اور اقدار کے لازمی جزو کے طور پر اپنانے کی ترغیب دی۔ تقریباً 70 ملازمین نے اس دن کناٹ پلیس (راجیو چوک) کے بلاک-اے علاقے کے ارد گرد صفائی مہم میں حصہ لیا اور پلاسٹک کے چھوٹے چھوٹے ٹکڑوں، ڈسپوزل مگ، کپ اور اسی طرح کے مواد پر مشتمل تقریباً 100 کلو کچرا ہٹایا۔ صفائی مہم کی قیادت کرتے ہوئے،  جناب بھاردواج نے ملازمین کی کوششوں کی  ستائش کی اور سال بھر اس رفتار کو برقرار رکھنے پر زور دیا۔ انہوں نے ملازمین کی حوصلہ افزائی کی کہ وہ شرمدان کے ذریعہ  اپنی شراکت کے علاوہ ، زیادہ آمد و رفت والی جگہ کو اپنا کر اور متعلقہ حکام کے ساتھ مل کر اس کی صفائی کی ذمہ داری لے کر رضاکارانہ طور پر کام کریں ۔

دفتر کے احاطے، جیون بھارتی بلڈنگ، جیون پرکاش بلڈنگ اور کرشی بھون، نئی دہلی کی صفائی کے لیے ان کے باقاعدہ  مشکل کام کے اعتراف میں تمام ہاؤس کیپنگ عملے کو آج  اعزاز سے نوازا گیا ۔

سوچھتا ہی سیوا – 2024 مہم کے دوران، وزارت کے افسران اور ملازمین سرگرمی سے شرمدان میں مصروف رہے ، ہر روز اپنے کام کی جگہوں اور فرنیچر کو صاف کرنے، دھول لگانے اور پالش کرنے کے لیے وقت صرف کیا ۔ 20 ستمبر 2024 کو، جیون پرکاش بلڈنگ، کستوربا گاندھی مارگ، نئی دہلی کی 11ویں منزل پر واقع ملازمین نے اپنے دفتر کے احاطے اور عمارت کے آس پاس کے علاقوں دونوں پر توجہ مرکوز کرتے ہوئے، ایک جامع صفائی مہم میں حصہ لیا۔ اس کے بعد، 27 ستمبر 2024 کو، جیون بھارتی بلڈنگ کی 9ویں منزل پر وزارت میں کام کرنے والے عملے کے ارکان نے ریگل بلڈنگ کے علاقوں کی صفائی میں تعاون کیا۔ دونوں موقعوں پر، تقریباً 100 ملازمین نے صفائی کے ان اقدامات میں حصہ لیا، جنہوں نے صاف اور صحت مند کام کے ماحول کو فروغ دینے کے لیے اپنی اجتماعی کوشش اور عزم کا اظہار کیا۔

23 ستمبر 2024 کو، صفائی ملازمین (ہاؤس کیپنگ اسٹاف) کے ساتھ صحت کے مسئلے کو جاننے کے لیے ایک انٹرایکٹو میٹنگ منعقد کی گئی،  25 ستمبر 2024 کو صحت کی سہولت پیش کرنے کے لیے ہاؤس کیپنگ اسٹاف میں سے کسی نے تجویز کیا تھا۔ چونکہ ہاؤس کیپنگ اسٹاف کے 14 ارکان میں سے کسی نے بھی صحت کے مسئلے کی اطلاع نہیں دی، اس لیے کوئی کیمپ نہیں لگایا گیا۔

پنچایتی راج کی وزارت نے سوچھتا ہی سیوا ابھیان کے تمام پچھلے ایڈیشنوں میں مسلسل ایک اہم کردار ادا کیا ہے۔ 2024 میں، پنچایتی راج کی وزارت نے مہم کے مقاصد کو آگے بڑھانے میں اور بھی زیادہ جوش و خروش  اور توجہ کا مظاہرہ کیا، جو شہریوں، پنچایتوں اور تمام سطحوں پر عہدیداروں کی فعال شرکت کے ذریعہ کامیابی کے ساتھ اختتام پذیر ہوا ہے۔ 12 ستمبر 2024 کو جاری کردہ ایک مشترکہ ایڈوائزری میں، پنچایتی راج کی وزارت کے سکریٹری، سکریٹری، پینے کے پانی اور صفائی ستھرائی کے محکمے  (ڈی ڈی ڈبلیو ایس)، وزارت جل شکتی، اور سکریٹری، محکمہ دیہی ترقی (ڈی او آر ڈی) کے ساتھ، دیہی ترقی کی وزارت نے تمام پنچایتی راج اداروں اور دیہی مقامی اداروں سے سوچھتا ہی سیوا ابھیان-2024 میں بڑھ چڑھ کر حصہ لینے کی اپیل کی۔ ایڈوائزری میں تجویز کردہ سرگرمیوں کا خاکہ پیش کیا گیا تھا ، جن کا مقصد صفائی کو بڑھانا اور لوگوں کی شرکت کو فروغ دینا ہے، جبکہ مہم کے تھیم، "سوبھاؤ سوچھتا، سنسکار سوچھتا" کے ساتھ منسلک طرز عمل میں تبدیلیوں کی حوصلہ افزائی کرنا ہے۔ کلیدی اقدامات میں میگا صفائی مہم، صفائی  مترسرکشا شیویر، ثقافتی تہوار، سوچھ فوڈ اسٹریٹ، اور وسیع پیمانے پر عوامی شرکت اور وکالت شامل ہیں۔

13 ستمبر 2024 کو، جناب وویک بھاردواج نے مرکزی وزیر برائے ہاؤسنگ اور شہری امور اور بجلی، جناب منوہر لال؛ جل شکتی کے مرکزی وزیر جناب سی آر پاٹل؛ ریاستی وزراء، سکریٹریوں ، اور مشن ڈائریکٹروں کے ساتھ سوچھتا ہی سیوا ابھیان-2024 کے افتتاحی پروگرام میں شرکت کی۔ تعارفی پروگرام کے دوران، پنچایتی راج کے مرکزی وزیر جناب راجیو رنجن سنگھ عرف للن سنگھ کا پیغام (https://youtu.be/_T0PrEOK0W8 ) بھی نشر کیا گیا ۔ مرکزی وزیر جناب راجیو رنجن سنگھ نے پنچایتی راج اداروں کے منتخب نمائندوں سے مطالبہ کیا کہ وہ اپنے مثالی طرز عمل اور قیادت کے ذریعہ صفائی کے پیغام کو فروغ دے کر دیہی ہندوستان میں سوچھتا ہی سیوا ابھیان کی قیادت کریں۔ جناب وویک بھاردواج نے سوچھتا ہی سیوا ابھیان میں پنچایتی راج اداروں کے اہم کردار پر زور دیا۔ مرکزی وزیر جناب منوہر لال کے ساتھ اٹاری گرام پنچایت، بلاک: مال، ضلع: لکھنؤ، اتر پردیش کی گرام پردھان، محترمہ سنیوگیتا سنگھ چوہان کی بات چیت ایک قابل ذکر بات تھی۔ محترمہ چوہان نے اپنی گرام پنچایت کی طرف سے شروع کیے گئے اہم صفائی کے اقدامات کا اشتراک کیا اور اس سال کی مہم میں "سوبھاؤ سوچھتا، سنسکار سوچھتا" کے عنوان کے تحت فعال طور پر حصہ لینے کے لیے اپنی پنچایت کے عزم کا اعادہ کیا۔

جناب وویک بھاردواج نے 5 ستمبر 2024 کو چلڈرن پارک، انڈیا گیٹ، نئی دہلی میں ایک رودرکش (ایلیوکارپس گینیٹرس) کا پودا لگایا، جسے "ایک پیڑ ماں کے نام" پہل کے حصے کے طور پر وقف کیا گیا۔ وزارت کے سینئر افسران بشمول ڈاکٹر بجیا کمار بہرا، اقتصادی مشیر اور جناب وکاس آنند، جوائنٹ سکریٹری نے اس سال کے سوچھتا ہی سیوا ابھیان کے دوران بالترتیب اڈیشہ اور مہاراشٹر میں درخت لگانے کی اسی طرح کی سرگرمیوں میں حصہ لیا۔ مہم کے ایک حصے کے طور پر، 17 ستمبر 2024 کو پنچایتی راج کی وزارت کے تمام افسران اور عملے (باقاعدہ، کنٹریکٹ پر اور آؤٹ سورس) کے لیے ایک سوچھتا عہد لیا گیا، جس سے صاف ستھرے، صحت مند ہندوستان کے لیے وزارت کے اٹل عزم کو تقویت ملی۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  (

750

(Release ID: 2061177) Visitor Counter : 30