بجلی کی وزارت، انتظامی اصلاحات اور عوامی شکایات کے محکمے (ڈی اے آر پی جی) کے زیراہتمام، خصوصی مہم 4.0 کو نافذ کرنے کے لیے پوری طرح تیار ہے، جس کا مقصد صفائی کو فروغ دینا اور سرکاری دفاتر میں التوا کو کم کرنا ہے۔ یہ اقدام وزارت کے اندر صفائی ستھرائی اور زیر التوا حوالہ جات کو مؤثر طریقے سے نمٹانے پر توجہ مرکوز کرے گا۔

مہم کو دو مرحلوں میں منظم کیا گیا ہے: ایک تیاری کا مرحلہ، جو 16 ستمبر 2024 سے شروع ہوا اور 30 ​​ستمبر 2024 کو اختتام پذیر ہوا، اس کے بعد عمل درآمد کا مرحلہ، جو 2 اکتوبر سے 31 اکتوبر 2024 تک جاری رہے گا۔ بجلی کی وزارت کے تحت تمام 09 سی پی ایس ای، 06 قانونی اداروں اور 02 خود مختار اداروں کو فعال شرکت کے لیے ہدایات پہلے ہی جاری کر دی گئی ہیں۔ وزارت بجلی کے تمام ڈویژنوں کو بھی حساس بنایا گیا ہے۔

مؤثر عمل درآمد کو یقینی بنانے کے لیے، سیکرٹری، وزارت بجلی نے 20 ستمبر 2024 کو سی ایم ڈی، اداروں کے سربراہان اور وزارت بجلی کے سینیئر افسران کے ساتھ ایک میٹنگ طلب کی۔ میٹنگ کے دوران، سیکرٹری (بجلی) نے نشاندہی کردہ ہدف کے حصول میں مخلصانہ اور وقف کوششوں کی اہمیت پر تبادلہ خیال کیا، اور تمام متعلقہ اکائیوں کو حساس بنانے اور مہم کے دوران ان کی فعال شرکت کو یقینی بنانے کی ضرورت پر زور دیا۔

تیاری کے مرحلے میں، وزارت نے 31 اکتوبر 2024 تک حاصل کیے جانے والے واضح اہداف مقرر کیے ہیں۔ ان میں 63 ایم پی حوالہ جات، 41 ریاستی حکومت کے حوالہ جات، 6 آئی ایم سی حوالہ جات 16 پی ایم او حوالہ جات، 13 پارلیمنٹ کی یقین دہانیاں، 212 عوامی شکایات، اور 38 عوامی شکایات کی اپیلیں شامل ہیں۔ وزارت 22 قواعد کو آسان بنانے پر کام کرتے ہوئے 18,561 طبعی فائلوں اور 482 ای فائلوں کا بھی جائزہ لے گی۔ اس کے علاوہ، 2.8 لاکھ مربع فٹ جگہ خالی کرائی جائے گی، مختلف اکائیوں میں 283 مقامات پر صفائی مہم چلائی جائے گی۔ وزارت نے 3691 میٹرک ٹن اسکریپ کو ٹھکانے لگانے کا ہدف مقرر کیا ہے، جس سے 4.4 کروڑ روپے کی تخمینہ آمدنی ہوگی۔

اس مہم کے کامیاب نفاذ کی تیاریوں کا وزارت کے سکریٹری اور سینیئر افسران باقاعدگی سے جائزہ لے رہے ہیں۔ پاور سیکٹر میں نوڈل افسران کی تقرری سمیت ایک مضبوط کوآرڈینیشن میکانزم قائم کیا گیا ہے۔ اس کے علاوہ، تیز اور مؤثر مواصلات کے لیے ایک خصوصی ڈبلیو اے گروپ قائم کیا گیا ہے۔

بجلی کی وزارت خصوصی مہم 4.0 کے مقاصد کے لیے پرعزم ہے اور سوچھتا کو ادارہ جاتی بنانے اور زیر التوا حوالہ جات کو تیز کرنے پر توجہ مرکوز کرتی رہے گی تاکہ اکتوبر 2024 کے آخر تک کامیاب نتائج کو یقینی بنایا جا سکے۔

*************

 

ش ح۔ ف ش ع- م ر

U: 714

(Release ID: 2060888) Visitor Counter : 21