ملٹری نرسنگ سروس (ایم این ایس)نے یکم اکتوبر 2024 کو اپنا 99 واں یوم تاسیس بڑی شان اور فخر کے ساتھ منایا۔ ملٹری نرسنگ سروسز کے ایڈیشنل ڈائریکٹر جنرل میجر جنرل اگنٹیئس ڈیلوس فلورا نے ایم این ایس کے سینئر افسران اور سابق فوجیوں کی موجودگی میں نیشنل وار میموریل پر پھولوں کی چادر چڑھائی۔

ایم این ایس آفیسرز میس، آرمی ہسپتال (ریسرچ اینڈ ریفرل) نئی دہلی میں صبح کوایک رسمی کیک کاٹا گیا۔ یہ تقریب اس خدمت کی دوستی اور پیشہ ورانہ عمدگی کا ثبوت ہے جس نے ہندوستانی فوجیوں کی صحت اور بہبود، خاص طور پر جنگوں، تنازعات اور قومی ہنگامی حالات کے دوران ایک ناگزیر کردار ادا کیا ہے۔

چیف آف آرمی اسٹاف (سی او اے ایس)جنرل اپیندر دویدی نے اپنے پیغام میں، انتہائی مشکل حالات میں بھی، مریضوں کی دیکھ بھال کے لیے ایم این ایس کے افسران کی غیر متزلزل وابستگی کی تعریف کی۔ انہوں نے مسلح افواج کی طبی خدمات کی طاقت کے ستون کے طور پر ایم این ایس  افسران کے اہم کردار پر روشنی ڈالی۔

1926 میں قائم ہونے والی ملٹری نرسنگ سروس ہندوستانی مسلح افواج کا ایک مضبوط اور ناگزیر حصہ بن چکی ہے۔ پچھلے 99 سالوں میں، یہ ایک انتہائی ہنر مند اور خصوصی کیڈر میں تبدیل ہوا ہے، جو ہندوستانی فوجیوں اور ان کے خاندانوں کو بہترین ممکنہ طبی دیکھ بھال فراہم کرنے کے لیے پرعزم ہے۔ ملٹری نرسنگ سروس‘خود سے پہلے خدمت’ کے اپنے مشن کو برقرار رکھے ہوئے ہے اوراپنے  نعرے ‘مسکراہٹ کے ساتھ خدمت’ جو خدمت میں موجود ہر ایم این ایس افسر کے ساتھ دل کی گہرائیوں کے ساتھ گونجتا  ہے۔

 

 

ش ح۔ال

UNO-707

 

(Release ID: 2060781) Visitor Counter : 26