ਕਿਰਤ ਅਤੇ ਰੁਜ਼ਗਾਰ ਮੰਤਰਾਲਾ ਆਪਣੀਆਂ ਅਧੀਨ/ਸਬੰਧਤ/ਖੁਦਮੁਖਤਿਆਰੀ ਸੰਸਥਾਵਾਂ ਦੇ ਨਾਲ 'ਸਵੱਛਤਾ ਹੀ ਸੇਵਾ, 2024 ਮੁਹਿੰਮ' ਵਿੱਚ ਸਰਗਰਮੀ ਨਾਲ ਹਿੱਸਾ ਲਵੇਗਾ, ਜੋ 17 ਸਤੰਬਰ ਨੂੰ 'ਸੁਭਾਅ ਸਵੱਛਤਾ- ਸੰਸਕਾਰ ਸਵੱਛਤਾ' ਦੇ ਥੀਮ ਨਾਲ ਸ਼ੁਰੂ ਹੋਈ ਸੀ। ਇਹ ਮੁਹਿੰਮ 2 ਅਕਤੂਬਰ 2024 ਨੂੰ ਸਵੱਛ ਭਾਰਤ ਦਿਵਸ ਮਨਾਉਣ ਦੇ ਨਾਲ ਸਮਾਪਤ ਹੋਵੇਗੀ।

"ਸਵੱਛਤਾ ਹੀ ਸੇਵਾ" ਮੁਹਿੰਮ ਦੇ ਉਦਘਾਟਨੀ ਦਿਨ ਕਿਰਤ ਅਤੇ ਰੁਜ਼ਗਾਰ ਮੰਤਰੀ ਡਾ. ਮਨਸੁਖ ਮਾਂਡਵੀਆ, ਸਕੱਤਰ (ਕਿਰਤ ਅਤੇ ਰੁਜ਼ਗਾਰ) ਮਿਸ ਸੁਮਿਤਾ ਡਾਵਰਾ ਅਤੇ ਹੋਰ ਅਧਿਕਾਰੀਆਂ ਨੇ ਸ਼੍ਰਮ ਸ਼ਕਤੀ ਭਵਨ, ਰਫੀ ਮਾਰਗ, ਨਵੀਂ ਦਿੱਲੀ ਦੇ ਅਹਾਤੇ ਵਿੱਚ ਰੁੱਖ ਲਗਾ ਕੇ ਵਿਸ਼ੇਸ਼ ਮੁਹਿੰਮ 'ਏਕ ਪੇੜ ਮਾਂ ਕੇ ਨਾਮ' ਦੀ ਸ਼ੁਰੂਆਤ ਕੀਤੀ।

ਮੰਤਰਾਲਾ ਇਸ ਸਮੇਂ ਦੌਰਾਨ ਵਿਸ਼ੇਸ਼ ਸਫ਼ਾਈ ਅਭਿਆਨ, ਸ਼੍ਰਮਦਾਨ, ਸਫ਼ਾਈ ਮਿੱਤਰ ਸਿਹਤ ਜਾਂਚ ਕੈਂਪ, ਮਨੁੱਖੀ ਚੇਨ ਪ੍ਰੇਰਿਤ ਕਰਨ ਵਾਲੀ ਸਵੱਛਤਾ ਆਦਿ ਦਾ ਆਯੋਜਨ ਕਰੇਗਾ। ਮੁਹਿੰਮ ਦੌਰਾਨ ਪੇਂਟਿੰਗ, ਸਲੋਗਨ, ਜਨ ਭਾਗੀਦਾਰੀ 'ਤੇ ਜ਼ੋਰ ਦੇਣ ਵਾਲੇ ਲੇਖ ਲਿਖਣ ਅਤੇ ਸਵੱਛਤਾ ਪਹਿਲਕਦਮੀਆਂ ਵਿੱਚ ਜਾਗਰੂਕਤਾ ਅਤੇ ਭਾਈਚਾਰੇ ਦੀ ਸ਼ਮੂਲੀਅਤ ਨੂੰ ਉਤਸ਼ਾਹਿਤ ਕਰਨ ਵਰਗੇ ਮੁਕਾਬਲੇ ਵੀ ਕਰਵਾਏ ਜਾਣਗੇ।

ਕਿਰਤ ਅਤੇ ਰੁਜ਼ਗਾਰ ਮੰਤਰਾਲਾ ਦੇਸ਼ ਭਰ ਵਿੱਚ ਆਪਣੇ ਦਫ਼ਤਰਾਂ ਦੇ ਵਿਸ਼ਾਲ ਨੈੱਟਵਰਕ ਦੇ ਨਾਲ ਪਛਾਣੇ ਗਏ ਸਵੱਛਤਾ ਟਾਰਗੇਟ ਯੂਨਿਟਾਂ (ਸੀਟੀਯੂ) 'ਤੇ ਵਿਸ਼ੇਸ਼ ਮੁਹਿੰਮ ਦਾ ਆਯੋਜਨ ਕਰੇਗਾ, ਜਿਸ ਵਿੱਚ ਆਮ ਲੋਕਾਂ ਨੂੰ ਵੀ ਹਿੱਸਾ ਲੈਣ ਲਈ ਸੱਦਾ ਦਿੱਤਾ ਜਾਵੇਗਾ।

*****

ਹਿਮਾਂਸ਼ੂ ਪਾਠਕ