ஒவ்வொரு ஆண்டும் செப்டம்பர் 23-ம் தேதி கொண்டாடப்படும் சர்வதேச சைகை மொழிகள் தினம், உலக அளவில் காது கேளாதோரின் உரிமைகளை மேம்படுத்துவதில் சைகை மொழிகளின் முக்கிய பங்கை எடுத்துக் காட்டும் ஒரு குறிப்பிடத்தக்க சந்தர்ப்பமாகும். 2017-ல் ஐநா பொதுச் சபை தீர்மானம் மூலம் நிறுவப்பட்ட இந்த நாள், காது கேளாத நபர்களின் வளர்ச்சி மற்றும் மேம்பாட்டிற்கு அவசியமான சைகை மொழியின் முக்கியத்துவத்தை எடுத்துக்காட்டுகிறது. இந்த தீர்மானம் மொழி, கலாச்சார பன்முகத்தன்மையை ஆதரிப்பது மட்டுமல்லாமல், உலக அளவில் 70 மில்லியனுக்கும் அதிகமான காது கேளாத மக்களின் உரிமையை நலைநாட்டுகிறது.

சைகை மொழி தினம் – 2024:

2024 செப்டம்பர் 23 அன்று, சைகை மொழி தினம் கொண்டாடப்பட்டது. இது தொடர்பான நிகழ்ச்சியில் மத்திய சமூக நீதி - அதிகாரமளித்தல் துறை அமைச்சர் டாக்டர் வீரேந்திர குமார் தலைமை விருந்தினராகவும், இணை அமைச்சர் திரு பி.எல். வர்மா கௌரவ விருந்தினராகவும் பங்கேற்றனர். மாற்றுத்திறனாளிகளுக்கு அதிகாரமளித்தல் துறையின் கீழ் இயங்கும் இந்திய சைகை மொழி ஆராய்ச்சி - பயிற்சி மையம் உருவாக்கிய இந்த ஆண்டு கருப்பொருள் "சைகை மொழி உரிமைகளைப் பதிவு செய்" என்பதாகும் .

முக்கிய முயற்சிகள்:

இந்திய சைகை மொழியில் (ISL) 2500 புதிய விதிமுறைகள்: நான்கு நிறுவனங்களுடன் இணைந்து, கணிதம், அறிவியல் மற்றும் பல்வேறு கல்வித் துறைகளின் பாடங்களை உள்ளடக்கிய 2500 புதிய சைகை விதிமுறைகள் அறிமுகப்படுத்தப்பட்டுள்ளது.

100 கருத்து வீடியோக்கள்: 6 ஆம் வகுப்பில் செவித்திறன் குறைபாடுள்ள குழந்தைகளுக்காக வடிவமைக்கப்பட்ட இந்த வீடியோக்கள், உள்ளடக்கிய கற்றலை ஊக்குவிக்க கிராபிக்ஸ் மற்றும் வசனங்களைப் பயன்படுத்தி கணிதம் மற்றும் அறிவியல் போன்ற பாடங்களின் விரிவான விளக்கங்களை வழங்குகின்றன.

10 பிராந்திய மொழிகளில் இந்திய சைகை மொழி அகராதி: இது பல்வேறு சமூகங்கள் ஐஎஸ்எல் உடன் இணைவதை எளிதாக்குகிறது.

ஐஎஸ்எல் கல்வி அனிமேஷன் வீடியோக்கள்: இந்த வீடியோக்கள் தார்மீக மதிப்புகளில் கவனம் செலுத்துகின்றன மற்றும் செவிப்புலன் குறைபாடுள்ள குழந்தைகளுக்கு ஒரு புதிய கற்றல் அனுபவத்தை வழங்குகின்றன.

 காது கேளாதோர் முன்மாதிரி வீடியோக்கள்: இந்த முயற்சி முன்மாதிரியாக செயல்படும் வெற்றிகரமான காது கேளாத நபர்களைக் காண்பிப்பதன் மூலம் செவிப்புலன் குறைபாடுள்ள குழந்தைகளை ஊக்குவிப்பதை நோக்கமாகக் கொண்டுள்ளது.

7 வது இந்திய சைகை மொழி போட்டி: இந்த நிகழ்வில் 7 வது இந்திய சைகை மொழி போட்டியின் வெற்றியாளர்களும் இடம்பெற்றனர், இது செவித்திறன் குறைபாடுள்ள மாணவர்களின் படைப்பாற்றல் மற்றும் திறன்களை வெளிப்படுத்தும் தேசிய அளவிலான போட்டியாகும்.

மாற்றுத்திறனாளிகளுக்கு உதவும் திட்டங்கள்:

இந்தியாவில் மாற்றுத்திறனாளிகளுக்கு அதிகாரமளித்தல் துறை (DEPwD) காது கேளாத மற்றும் வாய் பேசாத மாணவர்கள் உட்பட குறைபாடுகள் உள்ள நபர்களின் வாழ்க்கைத் தரத்தை மேம்படுத்துவதை நோக்கமாகக் கொண்ட பல திட்டங்களை செயல்படுத்துகிறது. முக்கிய முயற்சிகள் சில:

1. மாற்றுத் திறனாளிகளுக்கு உதவி உபகரணங்கள் வாங்க/பொருத்துவதற்கு நிதியுதவி (ADIP)

2. காது கேளாதோர் கல்லூரிகளுக்கு நிதியுதவி

3. மாற்றுத்திறனாளி மாணவர்களுக்கான உதவித்தொகை(திவ்யாங்ஜன்)

4. மறுவாழ்வு சேவைகள், திறன் மேம்பாட்டு பயிற்சி மற்றும் விழிப்புணர்வு திட்டங்களை வழங்க தேசிய நிறுவனங்கள் மற்றும் மண்டல மையங்கள் நிறுவப்பட்டுள்ளன.

5. இந்திய சைகை மொழி பயிற்றுவிக்கும் டிப்ளமோ படிப்பு

இதுபோன்ற மேலும் பல திட்டங்கள் செயல்படுத்தப்படுகின்றன.

கலாச்சார மற்றும் மொழியியல் பன்முகத்தன்மையின் முக்கிய கூறுகளாக சைகை மொழிகளைப் பாதுகாக்க வேண்டியதன் அவசியத்தை நினைவூட்டுவதாக சர்வதேச சைகை மொழி தினம் அமைகிறது. சமூகத்தின் அனைத்து பிரிவினரிடமும் இந்திய சைகை மொழி (ISL) பற்றிய நேர்மறையான விழிப்புணர்வை உருவாக்குவதன் முக்கியத்துவத்தை இது எடுத்துக்காட்டுகிறது.

மேலும் விவரங்களுக்கு இந்த இணையதள இணைப்பைக் காணவும்: https://pib.gov.in/PressNoteDetails.aspx?NoteId=153220&ModuleId=3&reg=3&lang=1.

*****

PLM/ KV