روڈ ٹرانسپورٹ اور ہائی ویز کے مرکزی وزیر جناب نتن گڈکری نے آج مہاراشٹر کے ناگپور میں ناگپور-حیدرآباد نیشنل ہائی وے-44 کے ساتھ آکسیجن برڈ پارک (امرت مہوتسو پارک) کا افتتاح کیا۔

آکسیجن برڈ پارک (امرت مہوتسو پارک) ایک ماحولیاتی پہل ہے جسے نیشنل ہائی ویز اتھارٹی آف انڈیا (این ایچ اے آئی) نے ناگپور-حیدرآباد نیشنل ہائی وے-44 کے ساتھ جمتھا کے قریب تیار کیا ہے۔ 8.23 ہیکٹر کے کل رقبے پر محیط،  جس میں 2.5 ہیکٹر سماجی جنگل بانی کے لیے وقف ہے، اس پارک کو پرندوں کے قدرتی مسکن کے طور پر اور مقامی لوگوں اور سیاحوں کے لیے تفریحی جگہ کے طور پر کام کرنے کے لیے ڈیزائن کیا گیا ہے۔ یہ منصوبہ، جو ماحولیاتی پائیداری اور تفریحی سہولیات کو مربوط کرتا ہے، مارچ 2023 میں 14.31 کروڑ روپے کی ترقیاتی لاگت کے ساتھ باضابطہ طور پر منظور کیا گیا تھا۔

پارک کا خیال بنیادی طور پر  مرکزی وزیر جناب نتن گڈکری کی ایک تجویز سے آیا ہے جو انہوں نے  ناگپور کے آر او کو دیا تھا  تاکہ   این ایچ اے آئی کی زمین پر ایک امرت مہوتسو پارک تیار کریں  تاکہ وسطی ہندوستان کے اس حصے میں پائے جانے والے پرندوں کی اقسام کا مشاہدہ کیا جا سکے اور ساتھ ہی شہریوں کی تفریح ​​بھی ہو سکے۔ اس کا وژن  پرندوں کی وسیع اقسام کے لیے ایک محفوظ اور قدرتی رہائش گاہ فراہم کرنے کے لیے ایک سبز جگہ قائم کرنا تھا۔ قدرتی ماحولیاتی نظام کی نقل کرنے کے لیے بنائے گئے ماحول میں واقع، اس پارک کا مقصد دونوں مقامی اور نقل مکانی کرنے والے پرندوں کی آبادی کو محفوظ کرنا ہے۔ اس اقدام کو ناگپور شہر کے ارد گرد چار لین والے اپنے آپ میں مکمل  رِنگ روڈ تیار کرنے کے وسیع تر بنیادی ڈھانچے کے منصوبے میں ایک اضافی کام کے طور پر شامل کیا گیا ہے، یہ پارک جمتھا انٹرنیشنل کرکٹ اسٹیڈیم کے قریب کلوور لیف چوراہے پر واقع ہے۔

پس منظر

پارک کی ماحولیاتی خصوصیات:

برڈ پارک میں تحفظ اور ماحولیاتی اضافہ کے مقصد سے کئی الگ الگ علاقے ہوں گے۔

نایاب اور خطرے سے دوچار درختوں کا علاقہ: یہ حصہ وسطی ہندوستان میں رہنے والے نایاب اور خطرے سے دوچار درختوں کی انواع کی نمائش اور تحفظ کرے گا۔ نسل کی ذیلی اقسام  میں  معدوم ہونے  کے خطرے سے دو چار   انڈین بیل، گوند کارایا اور جنگل کے پیلے رنگ کے  فلیم شامل ہیں۔

کمل/نرگس  پیڈ تالاب: یہ تالاب مختلف کمل اور آبی نرگسوں  کا گھر ہو گا، جو آبی پرندوں کے لیے رہائش فراہم کرے گا اور زیر زمین پانی کو ری چارج کرے گا۔ یہ بڑھتی ہوئی نمی کے ساتھ ایک مائیکرو ہیبی ٹیٹ (چھوٹا مسکن) بھی بنائے گا۔ چونکہ پانی کا حصہ گہرا ہے اس میں مقامی  اور نقل مکانی کرنے والی   دونوں بطخوں کو اپنی طرف متوجہ کرنے کی صلاحیت ہے۔ نقل مکانی کرنے والی  بطخیں دونوں غوطہ خور اور سطح آب پر رہنے والی  بطخیں ہیں جیسے پوچارڈ اور ڈیبلنگ بطخیں۔

سرکنڈہ  بیڈ: تالاب کے پیچھے واقع یہ سرکنڈہ بیڈ  پرندوں کے لیے ایک مثالی مسکن فراہم کرے گا جیسے کہ مرغابیاں، آبی مرغیاں اور سرکنڈہ پھدکیاں، خاص طور پر نقل مکانی  کے دوران۔

بانس کا باغ: یہ علاقہ مقامی ہندوستانی بانس کی اقسام کو پیش کرے گا۔ بانس دھول اور شور کی آلودگی کو کم کرنے، گاڑیوں کے اخراج کو جذب کرنے اور اپنے پتوں کے کوڑے کے ذریعے مٹی کے معیار کو بہتر بنانے میں مدد کرے گا۔

شجر کاری کا علاقہ: 6-ہیکٹر پارک سے آگے بڑھتے ہوئے، اس علاقے میں مقامی درختوں کی اقسام اور جھاڑیاں شامل ہوں گی۔ یہ جنگلی حیات کو اپنی طرف متوجہ کرے گا، شور اور دھول کو کم کرے گا، اور قدرتی جنگل کے حالات کی نقل کرتے ہوئے ہوا کے معیار کو بہتر بنائے گا۔

تاڑ کی شجر کاری: جھیل کے پیچھے، مقامی ہندوستانی تاڑ جیسے فینکس ڈیٹ پام اور ٹوڈی تاڑ لگائے جائیں گے۔ یہ تاڑ پرندوں کی مختلف اقسام  اور چھوٹے ممالیہ جانوروں کے لیے گھونسلے بنانے کی جگہیں پیش کریں گے، اور نشاف اور ویور پرندوں کی اقسام   کی مدد کریں گے۔

پرندوں کو اپنی طرف متوجہ کرنا: پارک کے پودوں میں مختلف قسم کے درخت، سرکنڈے، آبی پودے، جھاڑیاں اور جھاڑ شامل ہیں جنہیں خاص طور پر مقامی جنگلی حیات کی حمایت اور حیاتیاتی تنوع کو بڑھانے کے لیے منتخب کیا گیا ہے۔ قابل ذکر انواع میں نیم، انڈین کورل ٹری، آبی نرگسیں، کمل ، جنگلی جاسمین اور کرونڈا شامل ہیں۔

وزیٹر انفراسٹرکچر

یہ پارک متعدد سہولیات پیش کرتا ہے جس میں ٹکٹ کاؤنٹر، فوڈ کورٹ، جدید بیت الخلاء، داخلی راستے، جاگنگ/سائیکلنگ ٹریک،ایک بلند  چبوترے کے ساتھ ایک ایمفی تھیٹر، واچ ٹاورز اور کاسٹ آئرن بینچز شامل ہیں۔ زمین کی تزئین میں توسیع شدہ لان، سبز پاکیٹس، اور آبپاشی کا نظام  شامل ہے۔ یوٹیلیٹیز اچھی طرح سے مربوط ہیں، بشمول 200 کے وی اے ٹرانسفارمر اور اضافی بورویل۔

آکسیجن برڈ پارک کی خصوصیات

پائیداری کے اقدامات

پارک میں شمسی توانائی کو سولر پینلز کے ذریعے شامل کیا گیا ہے، جو روشنی، پانی کی خصوصیات اور دیگر سہولیات کو سہارا دیتے ہیں۔ یہ نقطہ نظر توانائی کے روایتی ذرائع پر انحصار کو کم کرتا ہے اور ماحولیاتی پائیداری کو فروغ دیتا ہے۔

ماحولیاتی فوکس

پارک کا ایک بنیادی عنصر پائیداری پر اس کا زور ہے، جسے اس کی "آکسیجن پارک" خصوصیت سے نمایاں کیا گیا ہے۔ تیزی سے بڑھنے والے، آکسیجن پیدا کرنے والے درخت لگانے کا مقصد فضائی آلودگی کا مقابلہ کرنا اور صحت بخش  ماحول کو فروغ دینا ہے۔ ناگپور کا سماجی جنگل بانی  ڈویژن ان سبز جگہوں کی ترقی اور دیکھ بھال میں کلیدی کردار ادا کرتا ہے۔

اس تقریب میں ایم پی جناب  شیام کمار باروے ، ایم ایل اے جناب ٹیک چند ساورکر، ایم ایل اے جناب آشیش جیسوال، جناب وکاس کمبھارے، جناب سدھاکر کوہالے اور  ایم او آر ٹی ایچ  کے سکریٹری  جناب انوراگ جین،   اور وزارت اور این ایچ اے آئی  کے سینئر افسران  شریک تھے۔

*****

ش ح ۔ ا ک ۔ ر ب

U. No.594