مالی سال 2023-24 میں ریکارڈ پیداوار کی سطح تک پہنچنے کے بعد، مالی سال 2024-25 (اپریل-اگست) کے دوران ملک میں کچھ اہم معدنیات کی پیداوار میں مسلسل اضافہ دیکھنے میں آیا ہے۔ قیمت کے لحاظ سے کل ایم سی ڈی آر معدنی پیداوار کا تقریباً 70 فیصد  خام  لوہے کا ہے۔ مالی سال 2023-24 میں لوہے کی پیداوار 274 ملین میٹرک ٹن (ایم ایم ٹی) تھی۔ عارضی اعداد و شمار کے مطابق، خام لوہے کی پیداوار مالی سال 2023-24 (اپریل-اگست) میں 108 ایم ایم ٹی سے بڑھ کر مالی سال 2024-25 (اپریل-اگست) میں 116 ایم ایم ٹی ہو گئی ہے، جو کہ صحت مند 7.4 فیصد نمو دکھاتی ہے۔ مالی سال 2024-25 (اپریل-اگست) میں خام  مینگنیج کی پیداوار 15.4 فیصد بڑھ کر 1.5 ایم ایم ٹی ہو گئی ہے جو پچھلے سال کی اسی مدت کے دوران 1.3 ایم ایم ٹی تھی۔

نان فیرس میٹل(غیر لوہا اور غیر اسٹیل دھات)  شعبے  میں، مالی سال 2024-25 (اپریل-اگست) میں ایلومینیم کی بنیادی پیداوار میں گزشتہ سال کی اسی مدت کے مقابلے میں 1.3 فیصد کا اضافہ ہوا، جو مالی سال 2024-25 (اپریل - اگست) میں مالی سال 2023-24 (اپریل-اگست) میں 17.26 ایل ٹی سے بڑھ کر 17.49 لاکھ ٹن (ایل ٹی) ہو گیا۔  اسی تقابلی مدت کے دوران، خالص تانبے کی پیداوار 1.91 ایل ٹی سے 2.02 ایل ٹی تک 5.8 فیصد بڑھ گئی ہے۔

ہندوستان ایلومینیم پیدا کرنے والا دوسرا سب سے بڑا ملک ہے اور خالص تانبے میں سر فہرست  10 پیدا کرنے والوں  میں اور دنیا میں چوتھا سب سے بڑا لوہا پیدا کرنے والا ملک ہے۔ موجودہ مالی سال میں خام لوہے کی پیداوار میں مسلسل اضافہ  اسٹیل کے بمقابل صارف کی صنعت میں مانگ کی مضبوط کیفیت کی عکاسی کرتا ہے۔ ایلومینیم اور تانبے میں نمو کے ساتھ، ترقی کے یہ رجحانات صارف کے شعبوں جیسے توانائی، بنیادی ڈھانچے، تعمیرات، آٹوموٹیو اور مشینری میں مسلسل مضبوط اقتصادی سرگرمیوں کی طرف اشارہ کرتے ہیں۔

***

ش ح ۔ ا ک ۔ ر ب

U. No.592