ایک نئی تحقیق کے مطابق مونو کلیڈ کوبرا کے کاٹنے کے علاج کو بہتر بنانے کے لیےمخصوص  اقسام اور علاقے کے لیے مخصوص سانپ کے زہر کے تریا ق کی ضرورت ہے۔

Monocled Cobra (Naja kaouthia)، ایک Elapidae

مونو کلیڈ کوبرا (ناجا کوتھیا) منھ کے سامنے کے حصے میں ابھرے ہوئے نوکیلے دانت والے زہریلے سانپ ہوتے ہیں۔ اس طرح کے سانپ مشرقی اور شمال مشرقی ہندوستان، نیپال، بنگلہ دیش، میانمار، تھائی لینڈ، ویتنام، ملائیشیا اور جنوبی چین میں پائے جاتے ہیں۔ ناجا کوتھیا کے کاٹنے سے دماغ یا   رگوں کو کافی نقصان پہنچتا ہے اور یہ سانپ جسم کے جس حصے میں کاٹ لیتے ہیں، وہاں کے ٹیشو خراب ہوجاتے  ہیں۔ اس سے ایک سنگین طبی صورت حال پیدا ہوجاتی ہے۔

بدقسمتی سے، ریکارڈ رکھنے کی خراب صورت حال، تشخیصی کٹس کی کمی اور اس کے پائے جانے والے علاقوں میں ناقص مربوط وبائی امراض کی تحقیقات کی وجہ سےناجا کوتھیا کے زہر سے متعلق اعدادو شمار جمع کرنا مشکل ہے۔

سائنس اور ٹیکنالوجی کے شعبہ کے ایک خودمختار ادارے گوہاٹی کے انسٹی ٹیوٹ آف ایڈوانسڈ اسٹڈی ان سائنس اینڈ ٹکنالوجی(آئی اے ایس ایس ٹی) کے ڈائریکٹر پروفیسر آشیش کے مکھرجی کی قیادت میں تیز پور یونیورسٹی سے جناب ہیراک جیوتی کاکتی اور امرتا وشوا ودیاپیٹھم سے ڈاکٹر اپروپ پاترا جیسے معروف سائنس دانوں کے ایک گروپ نے مختلف جغرافیائی خطوں میں ناجا کوتھیا سانپ کے زہر(این کے وی) کی ساخت میں تنوع کا پتہ لگانے کے لیے پرو ٹیومک اور بائیو کیمیکل تحقیقات کیں۔

انہوں نے پایا کہ زہر ایک جیسی آئسوفارمز ( ایک جیسے امینو ایسڈ کی ترتیب کے ساتھ پروٹین) میں کوالٹی اور مقدار کے اعتبار سے تغیرات کے نتیجے میں مہلک ہونےاور پیتھوفزیولوجیکل پریزنٹیشن میں تغیر اینٹی وینم تھراپی کی افادیت کو محدود کر سکتا ہے۔

محققین نے  کمرشیل اینٹی وینوم میں زہر سے متعلق مخصوص اینٹی باڈیز کی پیمائش کی اور کمرشیل نمونوں میں ناجا کوتھیا سانپ کے زہر کے خلاف ایسے اینٹی باڈیز کی کمی پائی۔ لہٰذا مختلف ناجا کوتھیا سانپ کے زہر کے  نمونوں کے مہلک اور زہریلا کو  کمرشیل پولی ویلنٹ اینٹی وینم(پی اے وی) کے ذریعہ مؤثر طریقے سے بے اثر نہیں کیا گیا۔

ایل سیویئرجرنل ٹاکسیکون میں شائع ہونے والی اس تحقیق میں ناجا کوتھیا زہرکے بہتر بندو بست کے لیے کمرشیل پی اے وی مرکب میں این کے وی  کے خلاف مخصوص قسم اور مخصوص علاقے سے متعلق اینٹی باڈی کو شامل کرنے کی شفارش کی گئی ہے۔

اس کے علاوہ محققین نے ان علاقوں میں ناجا کوتھیا سانپ کے زہر پر طبی تحقیقات کی بھی تجویز پیش کی ہے، جہاں سانپ عام طور پر پائے جاتے ہیں اور اس معلومات اور مقامی این کے وی ساخت کے درمیان تعلق کا جائزہ لیا جاتا ہے۔

اس سانپ کے کم مدافعتی زہر کے اجزاء کے خلاف اینٹی باڈیز کی تیاری کو فروغ دینے کے لیے موجودہ امیونائزیشن پروٹوکول میں بہتری کے ساتھ ساتھ این کے انوینومیشن کے بہتر اور زیادہ موثر اسپتال کے انتظام سے سانپ کے کاٹنے کے علاج کے لیے اقدامات کو بہتر بنانے میں مدد مل سکتی ہے۔

Publication Link: https://doi.org/10.1016/j.toxicon.2024.108056

********

 

ش ح۔ ف ا ۔اش ق

 (U: 526)

(Release ID: 2059346) Visitor Counter : 5