குடியரசுதுணைத் தலைவர் திரு  ஜக்தீப் தன்கர்  " 'நர்' மற்றும் 'இந்திரன்' சேர்ந்த , 'நரேந்திரா' என்ற பெயர் எல்லாவற்றையும் சாத்தியமாக்கியுள்ளது" என்று கூறினார்.

யூனியன் பிரதேசத்தில் பிராந்தியத்தில் வீட்டுவசதி மேம்பாட்டில் ஏற்பட்டுள்ள குறிப்பிடத்தக்க முன்னேற்றங்களைப் பாராட்டிய திரு தன்கர், இப்பகுதியில் 21,000 க்கும் மேற்பட்ட வீடுகள் பல்வேறு அரசாங்க முன்முயற்சிகளின் கீழ் அனுமதிக்கப்பட்டு கட்டப்பட்டுள்ளன என்று கூறினார். நாட்டில் ஏற்பட்டுள்ள குறிப்பிடத்தக்க மாற்றத்தை அவர் வலியுறுத்தினார், இந்த முன்னேற்றத்திற்கு தலைமைத்துவம் காரணம், "இங்குள்ள சிறப்பு என்னவென்றால், அனுமதி பெறுவது சாத்தியமாகும். நாட்டில் ஏன் அனைத்தும் சாத்தியமாகிறது? அதைச் செய்பவர் வழிநடத்துவதால் தான்," என்றார்.

பத்மஸ்ரீ, பத்ம பூஷன், பத்ம விபூஷன் மற்றும் பாரத ரத்னா விருதுகள் உட்பட நாட்டின் சில உயரிய சிவிலியன் விருதுகளுக்கான பெறுநர்களைத் தேர்ந்தெடுப்பதில் கடந்த தசாப்தத்தில் ஏற்பட்ட ஆழமான மாற்றங்களை ஒப்புக்கொண்ட திரு தன்கர், “கடந்த 10 ஆண்டுகளில்.ஒரு பெரிய மாற்றம் வந்துள்ளது. இப்போது, இந்த மதிப்புமிக்க விருதுகளைப் பெறுபவர்கள் உண்மையிலேயே தகுதியானவர்கள். சரியான நபர்களுக்கு விருதுகள் வழங்கப்படுவதாக இப்போது நாடு முழுவதும் உள்ள மக்கள் கூறுகிறார்கள். இந்த முன்னேற்றம் இந்தியாவின் "ராம ராஜ்ஜியத்தை" நோக்கிய பயணத்தை அடையாளப்படுத்துவதாக  குறிப்பிட்டார். நாடு  ராம ராஜ்ஜியத்தை நோக்கி நகர்வதை இது பிரதிபலிக்கிறது என்றார் அவர்.

இந்த நூற்றாண்டின் மிகப்பெரிய மாற்றத்தின் மையமாக இந்தியா உருவெடுத்ததை எடுத்துரைத்த திரு தன்கர், "பெரிய சிந்தனை கொண்டவர்கள் இந்தியாவை உலகின் முக்கிய மையமாக மாற்றியுள்ளனர். இந்தியாவைப் போல் வேறு எந்த நாடும் இல்லை. நான் இதைச் சொல்லவில்லை - பெரிய உலக நிறுவனங்கள் இந்த மாற்றத்தை ஒப்புக்கொள்கின்றன " என அவர் கூறினார்.

மாற்றத்தக்க நிர்வாகத்தை வலியுறுத்தி, நாடு முழுவதும் உள்கட்டமைப்பு மற்றும் அத்தியாவசிய சேவைகளில் முன்னெப்போதும் இல்லாத முன்னேற்றங்களை திரு தன்கர் சுட்டிக்காட்டினார். "அரசின் உதவியுடன், ஒவ்வொரு வீட்டிற்கும் மின்சாரம், எரிவாயு இணைப்புகள் மற்றும் கழிப்பறைகள் கிடைக்கும் என்று ஒரு சக்திவாய்ந்த குரல் எழும் என்று நீங்கள் எப்போதாவது கற்பனை செய்தீர்களா? இப்போது, பிரதமர் சூரிய சக்தி அமைப்பைத் தொடங்கியுள்ளார். "என்றார்.

பொருளாதார வலுவூட்டல் மூலம் வாழ்க்கையை மாற்றுவதற்கான அரசின் உறுதிப்பாட்டை அங்கீகரித்த அவர், “முத்ரா கடன்களுக்காக இங்கு ஒரு சிறிய முகாமை ஏற்பாடு செய்யுமாறு பிரபுல்லாஜியிடம் கேட்டுக்கொள்கிறேன். ஒருமுறை தெரிவிக்கப்பட்டால், சுயதொழில் மட்டுமின்றி மற்றவர்களுக்கு வேலை வாய்ப்பும் அளிக்கும் வகையில், பொருளாதார ரீதியாக தங்களை மேம்படுத்தும் கொள்கையை இந்திய அரசு கொண்டுள்ளது என்பதை மக்கள் உணர்ந்து கொள்வார்கள் என்றார்.

கல்விதான் இன்றைய மிகப்பெரிய மாற்றத்தின் மையம் என்பதை அடிக்கோடிட்டுக் காட்டிய திரு தன்கர், அனைவரும் தங்கள் குழந்தைகளின் கல்விக்கு முன்னுரிமை அளிக்க வேண்டும் என்று வலியுறுத்தினார். “இன்றைய மிகப்பெரிய மாற்றத்தின் மையம் கல்விதான். உங்கள் குழந்தைகளின் கல்வியில் அதிக கவனம் செலுத்துமாறு அனைவரையும் கேட்டுக்கொள்கிறேன்,'' என்றார்.

நீர், நிலம், வானம் மற்றும் விண்வெளியில் பாரதத்தின் முழுமையான முன்னேற்றத்தை வலியுறுத்தி, தேசத்தின் முன்னேற்றத்திற்கான அவர்களின் பங்களிப்புகளை தொடர்ந்து சிந்திக்குமாறு குடிமக்களை அவர்  வலியுறுத்தினார். இந்த பயணம்."

தாத்ரா நாகர் ஹவேலி, டாமன் & டையூ யூனியன் பிரதேசத்தின்  நிர்வாகி  திரு பிரபுல் படேல்  மற்றும் பிற உயரதிகாரிகளும் நிகழ்ச்சியில் கலந்து கொண்டனர்..

*****

 PKV/ KV/DL