கர்நாடக மாநிலம் பெங்களூருவில் நாளை (செப்டம்பர் 26, 2024) நடைபெறும் இந்திய சாலைகள் காங்கிரசின் "பால மேலாண்மையில் முன்னேற்றங்கள்" என்ற சர்வதேச கருத்தரங்கில், மத்திய சாலைப் போக்குவரத்து மற்றும் நெடுஞ்சாலைத்துறை அமைச்சர் திரு நிதின் கட்கரி உரையாற்றுகிறார். பெங்களூரு பிராந்தியம் மற்றும் அதைச் சுற்றியுள்ள பகுதிகளில், தேசிய நெடுஞ்சாலைத் திட்டங்கள் குறித்தும் நிதின் கட்கரி ஆய்வு செய்வார். மத்திய அமைச்சர் திரு நிதின் கட்கரி மகாராஷ்டிரா மாநிலம் மும்பைக்கு பயணம் மேற்கொண்டு, ஊடக நிறுவனம் ஏற்பாடு செய்துள்ள "இந்தியாவின் நெடுஞ்சாலைகளை பசுமையாக்குதல்: எதிர் நோக்கியுள்ள  பணிகள்" என்ற தலைப்பில் நடைபெறும் மாநாட்டில் கலந்து கொள்கிறார். வியாழக்கிழமை, கர்நாடகா மற்றும் மகாராஷ்டிரா மாநிலங்களில்  அமைச்சர் சுற்றுப்பயணம் மேற்கொள்கிறார்.

சாலைகள் கட்டுமானம் மற்றும் பராமரிப்பு தொடர்பான முழு அளவிலான அம்சங்களில், அறிவைப் பகிர்ந்து கொள்வதற்கும் அனுபவங்களைத் திரட்டுவதற்கும், இந்திய சாலைகள் காங்கிரஸ், ஒரு தேசிய அமைப்பாக திகழ்கிறது. பாலங்கள்; தொழில்நுட்பம், உபகரணங்கள், ஆராய்ச்சி, திட்டமிடல், நிதி, வரிவிதிப்பு, அமைப்பு மற்றும் தொடர்புடைய அனைத்து கொள்கை சிக்கல்கள் உள்ளிட்ட சுரங்கங்கள் மற்றும் சாலைப் போக்குவரத்து. நாட்டின் சாலைத் துறை பொறியாளர்கள் மற்றும் தொழில் வல்லுநர்களின் உச்ச அமைப்பான இந்திய சாலைகள் காங்கிரஸின் (ஐ.ஆர்.சி) தோற்றத்தை 1927-ம் ஆண்டில் அப்போதைய மத்திய அரசால் திரு எம்.ஆர்.ஜெயக்கர் தலைமையில் அமைக்கப்பட்ட சாலை மேம்பாட்டுக் குழுவில் காணலாம், இது சாலை கட்டுமானம் தொடர்பான பிரச்சினைகளை விவாதிக்க, அவ்வப்போது சாலை பராமரிப்பு மற்றும் மேம்பாடு தொடர்பான மாநாடுகளை நடத்த பரிந்துரைத்தது.

*****

MM/KPG/KR/DL

(Release ID: 2058703) Visitor Counter : 53