ہندوستان، دنیا میں کوئلے کے پانچویں سب سے بڑے ذخائر سے مالا مال ہے اور کوئلے کے دوسرے سب سے بڑے صارف کے طور پر اپنا وجود رکھتا ہے، جو تیزی سے بڑھتی ہوئی معیشت کی وجہ سے چل رہا ہے۔ تاہم، موجودہ کھپت کا منظرنامہ درآمدات کی ایک اہم ضرورت کو ظاہر کرتا ہے، خاص طور پر کوکنگ کول اور اعلیٰ درجے کے تھرمل کوئلے کے لیے، جو ملکی ذخائر میں کافی حد تک دستیاب نہیں ہیں۔ اس کمی کی وجہ سے اسٹیل سمیت اہم صنعتوں کو سپورٹ کرنے کے لیے درآمدات کی ضرورت ہے۔

مالی سال 25-2024 کے اپریل تا جولائی کے دوران کوئلے کی درآمدات میں 0.9 فیصد کا معمولی اضافہ ہوا، جو پچھلے سال کے 89.68 ایم ٹی کے مقابلے 90.51 ملین ٹن (ایم ٹی) تک پہنچ گئی۔ قابل ذکر بات یہ ہے کہ اس مدت کے دوران نان کوکنگ کول کی درآمدات میں 2 فیصد اضافہ ہوا، جبکہ کوکنگ کول کی درآمدات میں 2.6 فیصد کی کمی واقع ہوئی۔ صرف جولائی 2024 میں، کوئلے کی درآمدات میں 15.9 فیصد کا اضافہ ہوا، جو جولائی 2023 میں 18.82 ایم ٹی کے مقابلے 21.81 ایم ٹی تک پہنچ گئی۔

کوئلے پر مبنی بجلی کی پیداوار میں اپریل 2024 سے جولائی 2024 تک گزشتہ سال کی اسی مدت کے مقابلے میں 10.18 فیصد کی قابل ذکر نمو کے باوجود، اسی مدت کے دوران ملاوٹ کے مقاصد کے لیے درآمدات میں 8.2 فیصد کی کمی واقع ہوئی۔ یہ کمی کوئلے کی پیداوار میں خود کفالت حاصل کرنے اور درآمدات پر انحصار کو کم کرنے کے لیے ہندوستان کے  مستحکم عزم کی نشاندہی کرتی ہے۔ پاور سیکٹر کے لیے کوئلے کی درآمد میں اضافہ، درآمدی کوئلے پر مبنی پاور پلانٹس (صرف درآمدی کوئلے کو استعمال کرنے کے لیے ڈیزائن کیا گیا ہے) کے ذریعے کوئلے کی درآمد کی کافی مقدار کو قرار دیا گیا ہے، یعنی اس مدت کے دوران 17.69 ایم ٹی، جو کہ پچھلے سال کے اسی مدت میں 10.12 ایم ٹی  زیادہ ہے۔ مزید برآں، نان ریگولیٹڈ سیکٹر کی طرف سے کوئلے کی درآمدات میں 11 فیصد کی نمایاں کمی دیکھی گئی، جو اسی مدت  کے دوران 50.53 ایم ٹی  سے کم ہو کر 44.97 ایم ٹی ہوگئی۔

مزید برآں، اپریل سے جولائی 2024 کی مدت کے دوران کوئلے کی پیداوار میں قابل ذکر اضافہ ہوا، جو کہ مالی سال 24-2023 کی اسی مدت میں 293.35 ایم ٹی  کے مقابلے 321.40 ا یم ٹی  تک پہنچ گئی، جس میں 9.56 فیصد اضافہ ہوا۔ یہ اضافے کا رجحان کوئلے کے استعمال کو ہموار کرنے اور گھریلو پیداواری صلاحیتوں کو بڑھانے کے لیے حکومت کی جاری کوششوں کی عکاسی کرتا ہے۔

کوئلہ کی وزارت کوئلے کی پیداوار کو بڑھانے اور دستیابی کو بہتر بنانے کے مقصد سے اسٹریٹجک اقدامات پر عمل درآمد جاری رکھے ہوئے ہے۔ یہ کوششیں نہ صرف غیر ملکی ذخائر کے تحفظ پر مرکوز ہیں بلکہ ملک کی توانائی کی حفاظت کو بڑھانے پر بھی مرکوز ہیں۔ گھریلو کوئلے کی پیداوار کو بڑھانے کے لیے حکومت کی طرف سے اٹھائے گئے فعال اقدامات بالآخر درآمدات پر انحصار کم کریں گے اور ہندوستان کے توانائی کے منظر نامے کی مجموعی پائیداری میں حصہ ڈالیں گے۔ آخر میں، جب کہ کوئلے کی درآمدات کی حرکیات کچھ چیلنجز پیش کرتی ہیں، کوئلے کی پیداوار بڑھانے اور کوئلے کی درآمد کو روکنے پر حکومت ہند کی اسٹریٹجک توجہ ملک کے توانائی کے مستقبل کے لیے ایک مثبت نقطہ نظر کی عکاسی کرتی ہے۔ کوئلے کی پیداوار میں خود کفالت حاصل کرنے کا عزم اقتصادی ترقی کو برقرار رکھنے اور آنے والے سالوں میں توانائی کی حفاظت کو یقینی بنانے کے لیے بہت ضروری ہے۔

************

ش ح۔   م م۔ را

U-423

(Release ID: 2058586) Visitor Counter : 34