دیہی ہندوستان میں قانونی خواندگی کو بڑھانے کی طرف ایک اہم اقدام  کے طور پر دیہی ترقیات کی وزارت کے ایڈیشنل سکریٹری جناب چرنجیت سنگھ نے  گزشتہ روز ایک غیر منافع بخش تنظیم’ساکشی‘ کی صدر محترمہ سمیتا بھارتی کے ساتھ مفاہمت کی ایک یادداشت (ایم او یو) پر دستخط کیے جس کا مقصد    قانونی امداد اور وکالت کے  ذریعہ تشدد پر مبنی صنفی مسائل سے نمٹنا ہے۔  

 

 

 جناب چرن جیت سنگھ نے   کہا کہ  یہ شراکت داری خواتین کے لیے دستیاب قانونی  امداد  کے بارے میں بیداری اور تعلیمی مواد تیار کرکے  ڈی اے وائی-این آر ایل ایم کے تحت صنفی پروگرام کو مضبوط کرے گی۔ ’ساکشی‘ ریسورس پرسن کو تربیت بھی فراہم کرے گی اور بلاک کی سطح پر قائم جینڈر ریسورس سینٹرز (جی آر سی) کی صلاحیتوں اور کام کاج میں مزید اضافہ کرے گی۔

اس شراکت داری کا مقصد دین دیال انتیودیہ یوجنا - قومی دیہی روزگار مشن(ڈی اے وائی-این آر ایل ایم) کے دائرہ کار میں سیلف ہیلپ گروپ(ایس ایچ جی) خواتین میں قانونی خواندگی کو فروغ دینا ہے۔

’ساکشی‘ ایک غیر منافع بخش تنظیم ہے جو قانونی وکالت، تعلیم اور رویے میں تبدیلی کے ذریعے مساوات کو فروغ دینے کے لیے وقف ہے۔ ’ساکشی‘ افراد اور اداروں کو بااختیار بنانے کی سمت میں کام کرتی ہے تاکہ پالیسیوں میں حصہ ڈال کر، تربیت دے کر اور سماجی فنون کو تبدیلی کے لیے  انہیں استعمال کرکے محفوظ اور تشدد سے پاک جگہ بنانا ہے۔

 

************

ش ح۔ظ ا۔ ج ا

 (U: 416)

(Release ID: 2058522) Visitor Counter : 23