کامرس اور صنعت کے مرکزی وزیر جناب پیوش گوئل نے بھارت –بحرالکاہل اقتصادی فریم ورک( آئی پی ای ایف) کے 13 دیگر وزراء کے ساتھ آئی پی ای ایف ستون دوئم ، سوئم اورچہارم پر مرکوز تیسری وزارتی میٹنگ میں ورچوئل طریقے سے شرکت کی ۔

خاص طور پر ،مرکزی وزیرجناب گوئل نے بھارت –بحرالکاہل اقتصادی فریم ورک( آئی پی ای ایف) کے دیگر وزراء کے ساتھ بالترتیب 11 اکتوبر 2024  اور، 12 اکتوبر  2024اور11 اکتوبر 2024کوہونے والے شفاف معیشت کے معاہدے ،منصفانہ معیشت کے معاہدے اور آئی پی ای ایف  کے وسیع معاہدے کے نفاذ کا خیرمقدم کیا اور جاری تعاون کے ذریعے آئی پی ای ایف معاہدوں کے تحت اقتصادی تعاون کو مزید گہرا کرنے اور ٹھوس فوائد فراہم کرنے کے اہم مواقع پر زور دیا ۔

لچکدارسپلائی چین

ورچوئل میٹنگ میں ، آئی پی ای ایف کے وزراء نے سپلائی چین معاہدے کو عملی جامہ پہنانے کے لیے کی گئی ٹھوس پیش رفت کا جائزہ لیا اور اس کی ستائش کی ، زیادہ مسابقتی اور لچکدار سپلائی چین بنانے کے لیے تعاون کو گہرا کرنے ، سپلائی چین میں رکاوٹوں کے لیے بہتر تیاری ، روک تھام اور جواب  دیہی سے متعلق تبادلہ خیال کیا اور کہا کہ اس بات کو یقینی بنایا جائے کہ علاقائی سپلائی چین کارکنوں کو یکجا کریں اور مزدوروں کے حقوق کا احترام کریں۔ وزراء نے آنے والے مہینوں کے لیے اگلےٹھوس اقدامات کا خاکہ پیش کیا ، جو سپلائی چین معاہدے کے تینوں اداروں: سپلائی چین کونسل ، بحران کے بندو بست کے نیٹ ورک ، اور  کارکنوں کے حقوق سے متعلق مشاورتی بورڈ کی پیشرفت پر مبنی ہے ۔آئی پی ای ایف کے شراکت داروں نے سپلائی چین معاہدے کے تحت ہونے والے بامعنی تعاون اور پیش رفت پر بھی تبادلہ خیال کیا:

بھارت –بحرالکاہل اقتصادی فریم ورک( آئی پی ای ایف) کے وزراء نے  کہا کہ سپلائی چین کی تینوں اداروں-سپلائی چین کونسل (کونسل) ، بحران کے بندو بست کے نیٹ ورک ، اور  کارکنوں کے حقوق سے متعلق مشاورتی بورڈ (ایل آر اے بی)- نے قیادت کا انتخاب کرنے کے لیے جولائی میں ورچوئل طور پر  میٹنگ کی جس میں  بھارت کو کونسل کا نائب صدر منتخب کیا گیا جس کی صدارت امریکہ نے کی ، کوریا کو نیٹ ورک کا صدر اور جاپان کو نیٹ ورک کا نائب صدر اور امریکہ کو کارکنوں کے حقوق سے متعلق مشاورتی بورڈ (ایل آر اے بی) کا سربراہ اور فجی کو کارکنوں کے حقوق سے متعلق مشاورتی بورڈ( ایل آر اے بی )کا نائب صدر منتخب کیا گیا ۔

مرکزی وزیر موصوف جناب گوئل نے  کہا کہ گزشتہ ہفتے واشنگٹن میں منعقدہ سپلائی چین کونسل کی پہلی  شخصی میٹنگ میں تین اہم شعبوں-سیمی کنڈکٹر ، بیٹریوں پر مرکوز اہم معدنیات اور کیمیکلز کے لیے ایکشن پلان ٹیموں کی تشکیل دی گئی، جو آج ان کی فراہمی اورپیداوار کے ارتکاز اور کووڈ-19 وبائی امراض کے دوران درپیش رکاوٹوں سے سیکھے گئے تجربات سے وابستہ ہیں ۔

دنیا نے متعلقہ آب و ہوا کے اہداف کو حاصل کرنے کے لیے صاف توانائی کے حل کی مانگ میں تیزی سے اضافہ دیکھا ہے ۔ پائیدار اور کم کاربن والے مستقبل کی طرف مثالی تبدیلی نے معدنیات کی قابل اعتماد فراہمی کو محفوظ بنانے  کی خاص اہمیت کو سامنے لایا ہے جو سبز منتقلی کے لیےکافی اہم  ہے ۔

صاف توانائی ، الیکٹرانکس ، دفاع ، نقل و حمل ، ٹیلی مواصلات ، کھاد اور دواسازی سمیت شعبوں کے لیے مخصوص معدنیات کا استعمال ناگزیر ہے ۔ جو سپلائی چین میں کلیدی چیلنجوں میں سے ایک عالمی صلاحیتوں یا وسائل  پرارتکاز کی وجہ سے ہے جو قیمتوں میں اتار چڑھاؤ اور سپلائی کی غیر یقینی صورتحال میں اضافہ کر سکتا ہے ۔ ایکشن پلان ٹیم کے تحت سپلائی چین کے اس عالمی ارتکاز کو کسی بھی شکل میں حل کرنے کی ضرورت ہے ۔

بڑھتی ہوئی آبادی زیادہ پیداوار کے لیے محدود زرعی زمین پر بہت زیادہ دباؤ ڈالتی ہے اور اس تناظر میں زرعی کیمیکلز کے لیے لچکدار سپلائی چین کی اہمیت انتہائی اہم ہو گئی ہے ۔ ایک تخمینے کے مطابق ، عالمی زرعی کیمیکل مارکیٹ (کھاد ، کیڑے مارنے کی ادویات ، معاونین اور پلانٹ ریگولیٹرز) 2023 تک 235.2  بلین امریکی ڈالر ، 3.7 فیصد کی سی اے جی آر  سے2028 تک 282.2 بلین امریکی ڈالر تک پہنچنے کا امکان ہے ۔

مرکزی وزیر  جناب گوئل نے زور دے کر کہا کہ اے پی آئی اور کلیدی ابتدائی مواد (کے ایس ایم) کی عالمی پیداوار کے زیادہ ارتکاز کی وجہ سے دواسازی اور طبی آلات سمیت صحت کی دیکھ بھال ایک انتہائی متعلقہ شعبہ ہے جو سپلائی چین کی لچک کو بری طرح متاثر کر سکتا ہے اور ہماری معیشتوں کی صحت کی دیکھ بھال کی ضروریات کو پورا کرنے کی ہماری صلاحیت کو متاثر کر سکتا ہے ۔ اس کے علاوہ ، ملٹی ماڈل ٹرانسپورٹ نظام، بشمول ملٹی ماڈل ٹرانسپورٹ کوریڈور ، لاجسٹک بنیادی ڈھانچہ کی تجدیدکاری، بہتر تکنیکی انٹرآپریبلٹی اور فریٹ  اور لاجسٹک انٹرپرائزز کے درمیان ڈیٹا فلو کچھ ایسے کلیدی شعبے ہیں جن پر توجہ دینے کی ضرورت ہے ۔

مرکزی وزیر  جناب گوئل نے  کہا کہ آئی پی ای ایف کی لاجسٹکس اور سامان کی نقل و حرکت پر توجہ وزیر اعظم جناب نریندر مودی کے گتی شکتی پہل کے وژن کے ساتھ بالکل ہم آہنگ ہے ، جس کا مقصد شواہد پر مبنی مربوط منصوبہ بندی کے ذریعے پورے ہندوستان میں لاجسٹکس اور نقل و حمل کے بنیادی ڈھانچے کو بہتر بنانا ہے ۔ مزید برآں ، اعداد و شمار اور تجزیات ایک طرف آئی پی ای ایف سپلائی چینز کے درمیان بہتر لچک کے لیے تعاون کے نئے مواقع کی نشاندہی کرنے میں مدد کریں گے اور دوسری طرف ساختی اور  سسٹمیٹک خطرات کی نشاندہی کرنے میں مدد کریں گے ، جس سے کونسل کی موجودہ چیلنجوں سے نمٹنے کی صلاحیت میں اضافہ ہوگا ۔ انہوں نے افرادی قوت کی ترقی پر زور دیا جو کہ آئی پی ای ایف خطے میں لچکدار سپلائی چین کی تعمیر کا ایک کلیدی کراس کٹنگ جزو ہے جس میں مہارت کے فرق کی نشاندہی کرنے ، دوبارہ صلاحیت سازی  اور صلاحیت میں اضافہ کی حمایت کرنے اور افرادی قوت کی نقل و حرکت کو آسان بنانے کے لیے پورے خطے میں مہارت کی اہلیت کے موازنہ کو یقینی بنانے کی کوششیں شامل ہونی چاہئیں ۔

بحران کے بندو بست کے نیٹ ورک

آئی پی ای ایف کے وزراء نے بحران کے بندوبست  کے نیٹ ورک کے تحت تعاون کی اہمیت پر زور دیا تاکہ شراکت داروں کو ان کی سپلائی چین میں خطرات کو بروقت سمجھنے میں مدد ملے ۔ انہوں نے حقیقی وقت کی نگرانی اور بحران کی تیاری کے لیے موزوں نظام بنانے میں شراکت داروں کی مدد کے لیے  شخصی میٹنگ میں بحران کے بندو بست کے نیٹ ورک (سی آر این) کے دوران کی جانے والی ہنگامی مشق پر بھی غور و خوض کیا ۔

 صاف وشفاف معیشت

 صاف وشفاف معیشت سے متعلق معاہدے کا مقصد توانائی کی حفاظت اور منتقلی ، آب و ہوا کی لچک اور موافقت ، جی ایچ جی کے اخراج کو کم کرنے ،  زیر زمین ایندھن کی توانائی پر انحصار کو کم کرنے کے جدید طریقے تلاش اورتیار کرنا ، تکنیکی تعاون ، افرادی قوت کی ترقی ، صلاحیت سازی اور تحقیقی تعاون کو فروغ دینا اور صاف توانائی اور  ماحول دوست ٹیکنالوجیز کی ترقی ، رسائی اور تعیناتی کو آسان بنانے کے لیے آئی پی ای ایف شراکت داروں کی کوششوں کو تیز کرنا ہے ۔ آئی پی ای ایف کے شراکت داروں نے آٹھ  معاونتی  پروگراموں (سی ڈبلیو پیز) پر پیش رفت کا خیرمقدم کیا جو ترجیحی موضوعات پر آئی پی ای ایف شراکت داروں کے درمیان تعاون کو آسان بنانے کے لیے صاف و شفاف معاہدے کے تحت بنیادی طریقہ کار میں سے ایک کے طور پر کام کرتے ہیں ۔ ہر ایک سی ڈبلیو پی ، جیسا کہ آئی پی ای ایف کے مجوزہ شراکت دار یا شراکت داروں نے دوسرے آئی پی ای ایف شراکت داروں کی مشاورت سے تیار کیا ہے ، باہمی تعاون کے کام کو آگے بڑھانے کے لیے مختلف مقاصد  اورمختلف طریقے کار  رکھتے ہیں ۔ ورچوئل وزارتی اجلاس کے دوران ، آئی پی ای ایف کے شراکت داروں نے جون میں کامیاب وزارتی میٹنگ  اور صاف و شفاف معیشت انویسٹر فورم کے  افتتاح کے بعد شفاف معیشت معاہدے پر ہونے والی پیش رفت کی  ستائش کی ۔

آئی پی ای ایف کے شراکت داروں نے آئی پی ای ایف شفا ف  معیشت معاہدے ، خاص طور پرڈبلیو، آر،ٹی ہائیڈروجن ، کاربن مارکیٹس ، اور چھوٹے ماڈیولر ری ایکٹرز (ایس ایم آر) اور ہندوستان کی طرف سے تجویز کردہ ای ویسٹ اربن مائننگ کے وسیع اہداف کو آگے بڑھانے میں ، سی ڈبلیو پی میکانزم کے ذریعے آب و ہوا کے حل کے سلسلے میں دلچسپی رکھنے والے شراکت داروں کے مختلف گروپوں کے درمیان طویل مدتی تعاون کو پائیدار بنانے اور اسے برقرار رکھنے کی مسلسل کوششوں کا خیرمقدم کیا ۔

آئی پی ای ایف کے وزراء نے سنگاپور میں منعقدہ پہلے کامیاب آئی پی ای ایف انویسٹر فورم پر اطمینان کا اظہار کیا جس نے سرمایہ کاروں اور پروجیکٹ کے حامیوں کو ایک مشترکہ پلیٹ فارم فراہم کیا اور انہیں ماحول دوست ٹیکنالوجیز کے شعبے میں اختراعی خیالات سمیت سرمایہ کاری کے وسیع مواقع پر فائدہ مند طریقے سے  شامل ہونے میں سہولت فراہم کی ۔

منصفانہ معیشت

بدعنوانی  کی روک تھام کی کوششوں کو مضبوط بنانے اور ٹیکس انتظامیہ کی کارکردگی کو بڑھانے کے ذریعے ، آئی پی ای ایف کے شراکت دار وں نے شفافیت اور پیش گوئی میں اضافے کے لیے اپنے عزم کا  اظہارکیا ہے ، اور اس طرح وہ اپنے تجارتی  اور سرمایہ کاری کے تعلقات کو بڑھانے کے لیے بہتر پوزیشن میں ہوں گے اور اس بات کو یقینی بنائیں گے کہ تجارت کے فوائد وسیع پیمانے پر ان کی معیشتوں میں مشترک ہوں ۔

آئی پی ای ایف کے شراکت داروں نے معاہدے کے نفاذ کے لیے اگلے اقدامات کا خیرمقدم کیا ، جس میں تکنیکی مدد اور صلاحیت سازی کوآرڈینیشن گروپ کو فعال کرنا شامل ہے جو صلاحیت سازی فریم ورک  معاہدے کے تحت تکنیکی مدد اور صلاحیت سازی (ٹی اے سی بی) کو مربوط کرے گا ۔ ٹی اے سی بی کے کچھ اقدامات جن پر روشنی ڈالی گئی وہ درج ذیل ہیں: -

امریکی محکمہ تجارت کا  تجارتی قانون  ترقیاتی پروگرام (سی ایل ڈی پی) کا دو سالہ پروگرام آئی پی ای ایف کے شراکت داروں ٹی اے سی بی کو بدعنوانی  سے روک تھام کےمعاہدے کے قرارداد کے نفاذ میں مدد فراہم کرے گا ، جو بنیادی طور پر غیر ملکی رشوت ستانی ، کارپوریٹ ذمہ داری  اور تعمیل پر مرکوز تربیت   کی نفاذ سے وابستہ ہے ۔
اگست 2024 میں ، امریکی محکمہ خزانہ کے آفس آف ٹیکنیکل اسسٹنس (او ٹی اے) کی ورچوئل ورکشاپ نے آئی پی ای ایف کے شراکت داروں کے لیے ایک فورم کے طور پر کام کیا تاکہ معاشی اور ترقیاتی مقاصد کی حمایت کے لیے موثر ٹیکس انتظامیہ کی اہمیت پر تبادلہ خیال کیا جا سکے ۔
اکتوبر 2024 میں ، امریکی محکمہ خارجہ ، ملیشیا کے  بد عنوانی کی روک تھام سے متعلق کمیشن اور اقوام متحدہ کے منشیات اور جرائم  سے متعلق دفتر ، ایک آئی پی ای ایف ورکشاپ کا انعقاد کریں گے جس میں غیر ملکی رشوت کے قوانین کے نفاذ پر توجہ دی جائے گی اور عوامی خریداری میں بدعنوانی کی روک تھام  سے متعلق آئی پی ای ایف کا ایک ورکشاپ  منعقد ہوگا جس میں نگرانی کے طریقہ کار   کے موثر نفاذ، اپیل سسٹم  اور ممکنہ علاج اور قانونی اختیارات کو بہتر بنانا شامل ہے ۔  
مرکزی وزیر  جناب گوئل نے اس بات پر زور دیا کہ منصفانہ معیشت کے معاہدے کے تحت ہم مرتبہ سیکھنے ، علم کا اشتراک اور صلاحیت سازی کے اقدامات اس کے مقاصد کے حصول کے لیے کلیدی حیثیت رکھتے ہیں ۔ وزیر اعظم نریندر مودی کی متحرک قیادت میں  بھارت نے بدعنوانی کے خلاف ایک مضبوط حکومت قائم کی ہے اور بدعنوانی سے نمٹنے اور ٹیکس کی شفافیت کو فروغ دینے کے لیے پہلے ہی کئی لیجسلیٹو ، ادارہ جاتی اور ریگولیٹری اقدامات نافذ کر چکے ہیں ۔

مرکزی وزیر جناب گوئل نے زور دے کر کہا کہ آئی پی ای ایف کی مکمل صلاحیت کا ادراک تب ہی ہو سکتا ہے جب ہر شراکت دار ملک اپنی متعلقہ طاقتوں کو چاہے وہ تکنیکی ترقی ہو یا سرمایہ کاری کی صلاحیت یا مارکیٹ کی صلاحیت یا ہنر مند افرادی قوت سمیت مطلوبہ وسائل  کوسپلائی چین کی لچک یا گرین ٹرانزیشن کے مختلف چیلنجوں سے نمٹنے کے لیے بروے کار لائے ۔  

آئی پی ای ایف کے شراکت داروں نے اس بات پر اتفاق کیا کہ وزراء ،سپلائی چین معاہدے ، صاف معیشت کے معاہدے  اورمنصفانہ معیشت کے معاہدے ، اور آئی پی ای ایف کے وسیع تر انتظامات کو مزید عملی جامہ پہنانے کے لیے کی جانی والی پیش رفت کی نگرانی جاری رکھیں گے اور آئی پی ای ایف کے وسیع تر معاہدے کے تحت قائم کردہ وزارتی سطح کی آئی پی ای ایف کونسل اور آئی پی ای ایف کے مشترکہ کمیشن کی پہلی میٹنگوں کے متمنی ہیں۔

بھارت –بحرالکاہل اقتصادی فریم ورک (آئی پی ای ایف )کے بارے میں

بھارت –بحرالکاہل اقتصادی فریم ورک (آئی پی ای ایف) کا آغاز 23 مئی 2022 کو جاپان  کے ٹوکیو شہر میں ہوا تھا ، جس میں 14 ممالک-آسٹریلیا ، برونائی ، فجی ، بھارت، انڈونیشیا ، جاپان ، جمہوریہ کوریا ، ملیشیا ، نیوزی لینڈ ، فلپائن ، سنگاپور ، تھائی لینڈ ، ویتنام اور امریکہ شامل ہیں ۔ آئی پی ای ایف  کا مقصد شراکت دار ممالک کے درمیان اقتصادی شمولیت اور تعاون کو مضبوط کرنےسمیت خطے میں ترقی ، اقتصادی استحکام اور خوشحالی کو آگے بڑھاناہے۔

یہ فریم ورک ساخت کے اعتبار سے  چار ستونوں پر مشتمل ہے جس میں تجارت (پہلا)،لچکدار سپلائی چین (دوسرا)،شفاف معیشت (تیسرا)اور منصفانہ معیشت (چوتھا)سر فہرست ہیں۔لچکدار سپلائی  چین معاہدہ (ستون دوئم)جس پر نومبر 2023 میں دستخط کیے گئے اور فروری 2024 سے نافذ العمل ہیں ۔ صاف وشفاف معیشت معاہدہ(ستون سوئم) اور منصفانہ معیشت معاہدہ (ستون چہارم )اور آئی پی ایف کے وسیع تر معاہدے پر اس ہفتے کے اوئل میں  امریکہ کے ڈیلاویئر میں وزیراعظم کے امریکہ کے تین روزہ دورے کے دوران دستخط کیے گئے تھے ،بھارت (ستون اول ) میں ایک نگراں کی حیثیت رکھتا ہے ۔

ان معاہدوں پر وزارت خارجہ اور دیگر متعلقہ  فریقین بشمول متعلقہ وزارتوں اورمحکموں کی مشاورت سےتبادلہ خیال کیا گیا ۔

******

ش ح۔ایم ایم ع  ۔ ش ب ن

U-NO.378