ماحولیات، جنگلات اور موسمیاتی تبدیلی کے مرکزی وزیر جناب بھوپیندر یادو نے 22 ستمبر2024 کو ایک گھنٹے میں 5 لاکھ سے زیادہ پودے لگانے کا عالمی ریکارڈ درج کرنے پر ٹیریٹوریل آرمی کی 128 انفنٹری بٹالین اور ایکولوجیکل ٹاسک فورس (ایم او ای ایف اینڈ سی سی کی 6 یونٹوں میں سے ایک) کو مبارکباد دی۔

مرکزی وزیر جناب یادو نے کئی شراکت داروں بشمول ہندوستانی فوج، ہندوستانی فضائیہ، بارڈر سیکورٹی فورس، جیسلمیر کی ضلعی انتظامیہ، پولیس اینڈ بارڈر ونگ ہوم گارڈز  ،سنکلپ تارو این جی او اور مختلف تعلیمی اداروں  کے طلبا کو بھی مبارکباد دی۔

 ’ایکس‘ پر ایک  پوسٹ  میں جناب یادو نے لکھا: -

5,19,130 saplings 🌳 in one hour!

The 128 Bn Eco-Task Force and Territorial Army (one of the 6 units of MoEF&CC), in association with Territorial Army, registered a World Record of planting over 5 lakh saplings in one hour.

The effort has emerged has a unique example of… pic.twitter.com/MZnDHDCGvT

— Bhupender Yadav (@byadavbjp) September 23, 2024

راجپوتانہ رائفلز کی 128 انفنٹری بٹالین (ٹیریٹوریل آرمی) ایکولوجیکل ٹاسک فورس نے22ستمبر 2024 کو 1100 بجے سے 1200 بجے تک جیسلمیر میں وزیر اعظم کی ’’ایک پیڑ ماں کے نام‘‘اور ٹی اے کے آؤٹ ریچ  پروگرام   کے تحت ’’خصوصی شجرکاری مہم‘‘ کے دوران   5,19,130  ​​سے ​​زیادہ پودے لگائے، جس کا مقصد  ماحولیاتی بحالی کو بڑھانا اور مقامی لوگوں میں ماحولیاتی بیداری پھیلانا ہے۔

 

 

اس تقریب میں ہندوستانی فوج، ہندوستانی فضائیہ، بارڈر سیکورٹی فورس، جیسلمیر کی ضلعی انتظامیہ، پولیس اینڈ بارڈر ونگ ہوم گارڈز سمیت  کئی شراکت داروں ، سنکلپ تارو این جی او اور مختلف تعلیمی اداروں کے طلباء کی فعال شرکت دیکھی گئی۔  جیسلمیر میں سات مختلف مقامات پر ایک ساتھ شجرکاری مہم کا انعقاد کیا گیا، جس میں کمیونٹی کی ترقی اور ماحولیاتی تحفظ کے لیے متحد کوشش کا مظاہرہ کیا گیا۔

 

’’درختوں کا تحفظ‘‘ کے بینر اور ’’درختوں کا تحفظ کرنے والے خود محفوظ ہوتے ہیں‘‘  کے نعرے کے تحت  ٹیریٹوریل آرمی یونٹ نے کئی عالمی ریکارڈز حاصل کیے، جنہیں ورلڈ بک آف ریکارڈز، لندن نے عارضی طور پر تسلیم کیا۔ اس میں ایک گھنٹے میں ایک ٹیم کی طرف سے لگائے گئے سب سے زیادہ پودے، ایک گھنٹے میں خواتین کی کسی ٹیم  کے ذریعہ  لگائے گئے سب سے زیادہ پودے اور ایک ہی جگہ پر ایک ساتھ پودے لگانے والوں کی سب سے بڑی  تعداد شامل ہے۔

 

ایکریڈیٹیشن ایجنسی یعنی ورلڈ بک آف ریکارڈز فیلڈ میں موجود تھی اور کی گئی  شجرکاری اور حصولیابی کی تصدیق کی۔ ایکولوجیکل ٹاسک فورس نے بھی شجرکاری کے بعد ورلڈ بک آف ریکارڈ سے عارضی ایوارڈ  حاصل  کیا۔

************

ش ح۔م ش ۔ ت ع

(U. 315)

 

(Release ID: 2057773) Visitor Counter : 27