ہندوستانی فضائیہ(آئی اے ایف) نے مسیرہ میں آر اے ایف او ایئربیس پر عمان کی رائل ایئر فورس (آر اے ایف او) کے ساتھ مشق ایسٹرن برج VII کو کامیابی  کے ساتھ مکمل کرلیا ہے۔ آئی اے ایف کا دستہ تربیتی مشنوں کی ایک جامع سیریز میں حصہ لینے کے بعد ہندوستان واپس آ گیا ہے، جس میں آئی اے ایف کے مگ-29 اور جگوار طیاروں، ایف-16 اور آر اے ایف او کے ہاک کی شرکت شامل ہے۔ اس مشق نے دونوں فضائی افواج کے درمیان آپریشنل کوآرڈینیشن اور حکمت عملی کی مہارت کے علاوہ عمان کے ساتھ اسٹریٹجک تعلقات کو نمایاں طور پر بڑھایا۔

مشق مشرقی پل VII کا مقصد فوجی تعاون کو مضبوط بنانا اور دونوں افواج کے باہمی تعاون کو بڑھانا تھا۔ مشق میں پیچیدہ فضائی کارروائیاں، ہوا سے ہوا میں جنگی مشقیں، اور مشن کے منظرنامے شامل تھے جو تزویراتی اور حکمت عملی کی صلاحیتوں کو بہتر بنانے کے لیے بنائے گئے تھے۔ آئی اے ایف کے دستے نے آر اے ایف اوکی حکمت عملیوں اور آپریشنل فلسفوں کے بارے میں قابل قدر بصیرت حاصل کی، جس سے جنگی حکمت عملیوں کو تقویت مل گئی۔

حکمت عملی کی مشقوں کے علاوہ، ایسٹرن برج VII نے آئی اے ایف اور آر اے ایف او اہلکاروں کے درمیان دوستی اور باہمی احترام کو بھی  فروغ دینے میں مدد کی۔ مشترکہ بریفنگ، ڈیبریفنگ، اور ثقافتی تبادلوں نے پیشہ ورانہ تعلقات ، باہمی افہام و تفہیم اور تعاون کو بڑھانے میں بھی مدد کی۔

مشق کی کامیاب تکمیل علاقائی امن اور سلامتی کو برقرار رکھنے کے تئیں ہندوستان اور عمان کے عزم کو واضح کرتی ہے۔ دونوں افواج نے ابھرتے ہوئے سیکورٹی چیلنجوں کا سامنا کرنے کے لیے اپنی تیاریوں کو بڑھاتے ہوئے متنوع منظرناموں میں مشترکہ طور پر کام کرنے کی اپنی صلاحیت کا بھی مظاہرہ کیا۔

آئی اے ایف اور آر اے ایف او مشترکہ مشقوں کی اس روایت کو جاری رکھنے کے منتظر ہیں، جس کا مقصد مستقبل میں تعاون  کو جدید تقاضوں کے مطابق مزید بڑھانا ہے۔

*********

ش ح۔ش ار۔  ج

Uno-256