ব্রাজিলগী মাইন্স অমসুং ইনর্জি মিনিস্তর অলেজেন্দর সিলভৈরানা চেবাউ পীরকপদগী ভারতকী পেত্রোলিয়ম অমসুং নেচরেল গ্যাস মিনিস্তর হরদিপ সিংহ পুরি লৈঙাক্কী ওইবা খোঙচৎ অমদা সেপ্তেম্বর ১৯- সেপ্তেম্বর ২১, ২০২৪ দা ব্রাজিলদা চৎখ্রে। খোঙচৎ অদুদা মিনিস্তর পুরিগা লোয়ননা অপস্ত্রিম অমসুং দাউনস্ত্রিম সেক্তর অনিমক মহুৎশীন্দুনা ভারতকী থাউ অমসুং গ্যাসকী কম্পেনশিং শরুক য়াখি।

খোঙচৎ মনুংদা, লৈবাক অনিমক্না ভারতকী অপস্ত্রিম ইনভেস্তমেন্ত, থাউশিং অমসুং মরুওইনা বাইওফুএলশিংদা লৈবাক অনিগী ললোন-ইতিক অমসুং মতেং পীনবা য়াওনা হৌজিক ইনর্জি সেক্তরদা মতেং পাংনরিবা অসিগী ফিবম হন্না য়েংশিনখ্রে।

ব্রাজিল অসি ভারতকী থাউ অমসুং গ্যাস কম্পেনিশিংনা শেন খ্বাইদগী য়াম্না থাদবা লৈবাক অমা ওইনা থাউ অমসুং গ্যাস সেক্তরদা ভারতকী কম্পেনিশিংনা অমুক হন্না থাজবা থম্লিবা অদু লৈবাক অনিমক্না শকখঙবা উৎখি। নৌনা শেন থাদনবা খুদোংচাবশিং মশক খঙদোকপা য়াওনা, লৈবাক অসিদা ভারতকী কম্পেনিশিং থবক তৌবা হেনগৎলক্নবা অনৌবা থৌরাংশিং মশক খঙদোক্নবা লৈবাক অনিনা মখোয়গী থাজবা অমুক হন্না পীনখ্রে। ললোন-ইতিক্কী লমদা লৈবাক অমনা অমগী মতেং পাংনরিবা অসি নাকল অনিনা খঙবগা লোয়ননা, অনৌবা থবকশিংগী খুৎথাংদা লৈবাক অনিগী মরক্তা ললোন-ইতিক্কী থবকশিং হেনগৎলক্নবা লম্বীশিং খঙদোকপা হায়না য়ানখ্রে।

গ্লোবেল বাইওফুএলস এল্লাইন্সকী ফাউন্দিং মেম্বরশিং ওইনা, মহৌশাগী অকোয়বগী ফিবম কাইহন্দনবা মতেং পাংবা খক নত্তন শেন-থুমগী ফিবম ফগৎহন্নবা মালেমগী ইনর্জিগী অওনবা অমা পুরকপদা মরুওইবা শরুক অমা ওইরিবা বাইওফুএলশিংনা লৌগদবা থৌদাংশিংগী মতাংদা এল্লাইন্সকী মরুওইবা থৌদাং লৈবাক অনিমক্না অমুক হন্না খন্নখ্রে।

জি-২০ য়ুম্বু ওইবগীদমক অমসুং তুংকোইনা চৎনবা য়াবা থাউশিং অমসুং ইনর্জিগী অওনবা পুরকপদা খুন্নাইগী ওইবা থবকশিং মরুওইনা লৌবগীদমক ভারতকী মাইকৈদগী ব্রাজিলগী মাইকৈ তরাম্না ওকখি। মীওই কাংলুপ খুদিংমক কোনশিনবা অমসুং তুংকোইনা চৎনবা য়াবা চাউখৎ-থৌরাংগী জি-২০গী পান্দম মখা তানা ফগৎনবা ব্রাজিলগী লুচিংবগী থবকশিং ভারতনা থাজবা ফোঙদোকখ্রে।

ফেব্রুৱারি ২০২৫ দা ইন্দিয়া ইনর্জি ৱিক ২০২৫ গী নাকলদা ইন্দিয়া-ব্রাজিল ক্লিন কুকিং মিনিস্তরিএল মীতিং অমা পুন্না পাংথোকমিন্ননবা নাকল অনিমক্না য়ানখ্রে অমসুং মীফম অদুদা মালেমগী ওইনা মৈখু চেন্দবা চাক থোংনবগী খুদোংচাবা হেনগৎহন্নবা অপুনবা লম্বীশিং পুথোক্নবা খুদোংচাবা অমা পীরগনি। ভারতকী সমুদ্র খোংবালগী শরুকশিংদা অরুবা অমসুং য়াম্না লুবা শরুকশিংদা ইনর্জি থিনবগী লমদা মতেং পাংন্নবা নাকল অনিমক্না খন্নখ্রে। ক্রিতিকেল মিনরেলশিং অমসুং মখোয়গী ভেলু চেনশিংগী লমদা মতেং পাংন্নবা লৈবাক অনিনা খন্ন-নৈনবা অমশু হৌরে।

বাইওফুএলস এন্দ স্তেনেবল এভিএসন ফুএলস(এস এ এফ) তা অপুনবা ৱারোল

মখোয়গী হৌজিক লৈরিবা ইথানোল অমসুং বাইওদিজল পুথোক্নবা ইনফ্রাস্ত্রকচর শীজিন্নদুনা, মখোয়গী লৌউ-শিংউগী খুদোংচাবশিং য়াওনা এভিএসনগী কৈথেল অমসুং পাক-চাউরবা শা-ষন লৈরিবা অসি শীজিন্নদুনা, স্তেনেবল এভিএসন ফুএলস(এস এ এফ) পুথোকপা অমসুং শীজিন্নবদা মতেং পাংনবা হায়না বাইওফুএল পুথোকপদা মাঙজিল থাবা লৈবাক অনি ওইরিবা ভারত অমসুং ব্রাজিলনা য়ানরে।

স্তেনেবল এভিএসন ফুএলস(এস এ এফ)গী মতাংদা, এভিএসন সেক্তর কার্বোন থাদোক্তনবা অফবা অমসুং চৎনবা য়াবা লম্বী হৌজিক স্তেনেবল এভিএসন ফুএলস(এস এ এফ)না ওইরিবা অসি লৈবাক অনিনা খঙজিল্লে। মসিগা ইরোইন্না, এভিএসনগীদমক হৌজিক শীজিন্নরিবা থাউ অসিদা স্তেনেবল এভিএসন ফুএলস(এস এ এফ) না চাদা ০.৩ খক ওইরি।

এভিএসন সেক্তরদা নেত জিরোগী পান্দম ফংনবা হোৎনবদা থেংনরিবা মরুওইবা খুদোংচাদবশিং হায়বদি স্তেনেবল এভিএসন ফুএলস(এস এ এফ) পুথোকপগী খুদোংচাদবা, ফিদস্তোক্কা মরী লৈনবা খুদোংচাদবশিং, অতোপ্পা তেক্নোলোজিশিংগা চাংদম্নবদা স্তেনেবল এভিএসন ফুএলস(এস এ এফ) কী মমল ৱাংবা, পাক-শন্না পুথোক্নবা ইনফ্রাস্ত্রকচর অমসুং অমোৎপা লোইশিন্নবা অফবা থবকশিং, পোৎথোক পুথোক্নবা লম্বীশিং মপুংফাবা ৱাৎপগী খুদোংচাদবশিং কোকহন্নবা লৈবাক অনিগী মরক্তা পুন্না থবক তৌমিন্নবা হায়না লৈবাকশিংনা য়ানরে।

কার্বোন ওফসেত্তিং এন্দ রিদক্সন স্কিম ফোর ইন্তরনেসনেল এভিএসন(কোরসিয়া/আই সি এ ও)গী পান্দম মনুংদা তুংকোইনা চৎনবা য়াবা মালেমগী থাকশিং শেমগৎপগী মরুওইবা অমসুং এভিএসন ফুএলশিং পুথোক্নবা তোঙান-তোঙানবা তেক্নোলোজিগী লম্বীশিং অমসুং রোল মেতরিএলশিংগী মতাংদা লৈবাকশিংনা য়ানবা পুরক্লে।

স্তেনেবল এভিএসন ফুএলস(এস এ এফ) পুথোকপা, ললোন-ইতিক চৎথবা, ফংহনবা অমসুং সর্তফিকেসন  হেনগৎনবা রিজনেল ভেলু চেনশিং শীজিন্নদুনা অমসুং স্তেনেবল এভিএসন ফুএলস(এস এ এফ) ফংবা হেনগৎহন্নবা অমসুং মমল হোংদোক্নবা অমগা অমগা মতেং পাংনদুনা এভিএসন ফুএল সেক্তর চাউখৎনবা স্তেনেবল এভিএসন ফুএলস(এস এ এফ) দা ভারত-ব্রাজিল পার্তনরশিপনা লৌরিবা থৌদাং লৈবাক অনিনা শকখঙলে।

মতেং পাংনবগী মওংশিং লৈবাক অনিনা য়ানখিবা অদু মখাদা পীরি:

1. পোৎলম খুদিংমক্তগী ইথানোল পুথোকপা;
2. স্তেনেবল এভিএসন ফুএলস(এস এ এফ) পুথোকপগী থবক হেনগৎহন্নবা তেক্নোলোজি পীথোক-পীশিন, অপুনবা থিজিনবা অমসুং চাউখৎ-থৌরাংগী থবকশিং পুক্নিং থৌগৎপা;
3. স্তেনেবল এভিএসন ফুএলস(এস এ এফ) পুথোকপদা শেন থাদবা হেনগৎহন্নবা ঙাক্লৌ অমা শেম্নবা চৎন-কাংলোন অমসুং থৌশিল শরুক য়ামিন্নবা;
4. পোৎথোক পুথোক্নবা লম্বীশিংগী তেক্নোলোজি রিদিনেস লেভেল(তি আর এল) হেনগৎহন্নবা আর.দি অমসুং ইন্নোবেসনদা মতেং পাংনবা;
5. স্তেনেবল এভিএসন ফুএলস(এস এ এফ) ফগৎনবা আই.সি.এ.ও য়াওনা মালেমগী তোঙান-তোঙানবা ফোরমশিংদা মতেং পাংনবা।

লৈবাক অনি তুংকোইনা চাউখৎনবা অমসুং কার্বোন থাদোকপা হন্থহন্নবা পান্দমশিং ফংনবা স্ত্রাতেজিক পার্তনরশিপ অমদা লৈবাক অনিগী মরক্তা মতেং পাংনবা হায়না নাকল অনিনা য়ানরে। রিছোর্সশিং, লৌশিং অমসুং তেক্নোলোজি পুনশিন্দুনা, মৈখু য়াম্না থাদোক্তবা এভিএসনগী মাইকৈদা ভারত অমসুং ব্রাজিলনা মালেমগী অওনবা পুরকপদা লমজিংগনি। মতেং পাংনবা অসিনা মহৌশাগী অকোয়বগী ফিবমদা শিংনরকপশিং থেংনবা খক নত্তনা বাইওফুএল সেক্তরদা শেন-থুম অমসুং তেক্নোলোজি চাউখৎনবগী অনৌবা খুদোংচাবশিং পীরগনি।

খুঙ্গংদা থবক পীদুনা অমসুং রিন্যুএল ইনর্জিগী তেক্নোলোজশিং ফগৎহন্দুনা অমসুং মপান্দগী পুশিল্লকপা হন্থহন্দুনা ইনর্জি ৱাৎহন্দবা য়াওনা তোঙান-তোঙানবা খুদোংচাবশিং শীজিন্নদুনা লৈবাক অনিগী মরক্তা মতেং পাংনবা হেনগৎহনবা লৈবাক অনিনা অমুক হন্না থাজবা পীনরে। মরুওইনা, স্তেনেবল এভিএসন ফুএলস(এস এ এফ) পুথোকপদা লৈবাক অনি মতেং পাংনবা অসিনা এভিএসন্দা কার্বোন থাদোকপা হন্থহন্নবা মালেমগী থবকশিংদা মতেং পাংগনি।

মখোয়না স্তেনেবল দিবলপমেন্ত গোলশিং শরুক য়ামিন্নদুনা মসিগী কমপ্রেহেন্সিপ পার্তনরশিপ অসিনা ভারত-ব্রাজিল মরীশিং খুমাঙচাউশিনবগী মহুৎশিল্লে হায়না মিনিস্তরশিংনা ফোঙদোকখি। লৈবাক অনিগী রিছোর্সশিং, লৌশিং অমসুং তেক্নোলোজি পুনশিন্দুনা, এভিএসন্দা মৈখু থাদোকপা হন্থহন্নবা মালেমগী অওনবদা ভারত অমসুং ব্রাজিলনা মাঙজিল থাবা খক নত্তনা, তুংলমচৎদা মৈখু থাংদবা অতিয়াশিং লৈহন্নবা লম্বী অমা শেম্নবা থবকশিংদা গ্লোবেল বাইওফুএলস এল্লাইন্সকী অতোপ্পা মেম্বরশিংদা মরুওইবা মতেং পাংগনি।

****