سائنس اور ٹکنالوجی کے محکمہ (ڈی ایس ٹی) کے سکریٹری پروفیسر ابھے کرندیکر نے نئی دہلی میں منعقد انسپائر- مانک کی 11ویں قومی سطح کی نمائش اور پروجیکٹ مقابلے (این ایل ای پی سی) کے فاتحین کی اعزازی تقریب میں تقریر کرتے ہوئے نوجوان ذہنوں میں تجسس اور جذبے کو پروان چڑھانے کے دور رس سماجی، قومی اور عالمی اثرات پر روشنی ڈالی۔ انہوں نے کہا کہ نوجوان ذہنوں کے تصورات غیر متوقع کامیابیوں کا باعث بن سکتے ہیں۔

پروفیسر کرندیکر نے این ایل ای پی سی کے جیتنے والوں کو مبارکباد پیش کی اور کہا، ’’یہ ہماری اجتماعی ذمہ داری ہے کہ ہم اس بات کو یقینی بنائیں کہ ان طلباء کو اپنے شاندار سفر کو جاری رکھنے کے لیے ضروری وسائل، تعاون اور مواقع حاصل ہوں۔‘‘

انھوں نے کہا کہ ’’اس طرح کی مسلسل کوششوں کے ساتھ نوجوان اختراع کار ملک کے مستقبل کی تشکیل میں قائدانہ کردار ادا کریں گے اور بھارت کو 2047 تک دنیا کے پانچ سرکردہ اختراعی ممالک میں مقام دلانے کا موقع فراہم کرے گا۔‘‘

پروفیسر کرندیکر نے مزید کہا کہ ’’انسپائر- مانک کے نوجوان فاتح اپنی صلاحیتوں کو فروغ دینے کے لیے اٹل ٹنکرنگ لیبز کے وسیع وسائل کا استعمال کر سکتے ہیں۔ اس طرح کے تعاون سے بھارتی حکومت کے مختلف پروگراموں کی پہل قدمیوں کا بھرپور فائدہ حاصل کرنے میں مدد ملے گی اور ہمارے نوجوانوں کی صلاحیت کو زیادہ سے زیادہ بڑھایا جاسکے گا۔‘‘

انسپائر- مانک کے 11ویں این ایل ای پی سی کا افتتاح 17 ستمبر 2024 کو کیا گیا، جہاں ملک بھر کے اسکولوں کے 350 منتخب طلباء کے اختراعی آئیڈیاز پیش کئے گئے۔ 19 ستمبر 2024 کو وگیان بھون میں منعقدہ ایک پُر وقار تقریب میں 31 سرفہرست نوجوان اختراع کاروں کو نوازا گیا۔

انسپائر- مانک پروگرام کے فاتحین کو مبارکباد دیتے ہوئے، پروفیسر کرندیکر نے اس بات پر زور دیا کہ انسپائر مانک پروگرام کو ملک بھر کے طلباء سے اختراعی خیالات کو مدعو کرکے نوجوان ذہنوں میں تخلیقی صلاحیتوں کو فروغ دینے کے مقصد سے ڈیزائن کیا گیا ہے۔

یہ بھی اعلان کیا گیا کہ اگلے سال سے گیارہویں اور بارہویں جماعت کے طلباء بھی سالانہ مقابلے میں حصہ لیں گے۔

قومی اختراعی فاؤنڈیشن (این آئی ایف) کے چیئرپرسن پروفیسر انل سہسرابدھے نے کہا کہ اسکولوں میں مزید اختراعی آلات کی سخت ضرورت ہے، جنھیں اسکولوں اور اٹل ٹنکرنگ لیبز کے درمیان تعاون کے ذریعے حاصل کیا جاسکتا ہے۔ انہوں نے مزید کہا کہ ’’ہمارے پاس قومی تعلیمی پالیسی (این ای پی) 2020 بھی ہے، جس میں اسٹیم (ایس ٹی ای ایم) تعلیم کو شامل کرتے ہوئے ’جادوئی پٹارا‘ نامی ایک بنیادی اور دلچسپ نصاب متعارف کرایا گیا ہے۔‘‘

ڈاکٹر نمیتا گپتا، سربراہ  انسپائر- مانک ڈی ایس ٹی، ڈاکٹر اروند سی راناڈے، این آئی ایف انڈیا کے ڈائرکٹر، نیز ڈی ایس ٹی اور این آئی ایف کے دیگر سینئر عہدیدار فاتحین کی اعزازی تقریب میں موجود تھے اور انھوں نے نوجوان اختراع کاروں کی کوششوں کی تعریف کی۔

انسپائر- مانک، ڈپارٹمنٹ آف سائنس اینڈ ٹیکنالوجی (ڈی ایس ٹی) کے تحت نیشنل انوویشن فاؤنڈیشن (این آئی ایف) - انڈیا کے ساتھ ایک اہم اسکیم ہے، جو سائنس اور ٹیکنالوجی محکمہ کا ایک خود مختار ادارہ ہے، اس کے نفاذ کرنے والی تنظیم ہے۔

اس اسکیم کو 2022-23 کے دوران تمام ریاستوں اور مرکز کے زیر انتظام علاقوں سے کل 7.96 لاکھ درخواستیں موصول ہوئیں، جو ملک کے 777 اضلاع کی نمائندگی کرتی ہیں۔ خاص طور پر، شرکاء میں 52 فیصد لڑکیاں شامل تھیں، جو اس اقدام کی جامع نوعیت کو مزید واضح کرتی ہیں۔ انسپائر- مانک زیادہ تر صنفی اور جغرافیائی تنوع کے لیے کوششیں جاری رکھے ہوئے ہے، جس میں حصہ لینے والے اسکولوں کی اکثریت دیہی علاقوں سے آتی ہے۔

17-18 ستمبر 2024 تک منعقد ہونے والی اس نمائش میں اسکول کے طلباء، اساتذہ، عہدیداروں اور عام لوگوں کی وسیع پیمانے پر شرکت دیکھنے میں آئی، جس سے نوجوان اختراع کاروں کے لیے اپنے خیالات کا اشتراک کرنے اور ایک دوسرے سے سیکھنے کے لیے ایک متاثر کن ماحول پیدا ہوا۔ اس تقریب نے انسپائر- مانک کے لیے ایک اور کامیاب سال درج کیا، کیونکہ یہ نوجوان طلباء میں جدت کو فروغ دیتا ہے اور بھارت کی سائنسی برادری کے مستقبل کو تشکیل دینے میں مدد کرتا ہے۔

پہلا انعام گورنمنٹ ہائی اُدوت گڑھ، بھنڈ، مدھیہ پردیش کے دسویں جماعت کے دیپک نے حاصل کیا۔ انھیں یہ انعام اسمارٹ فون میں محفوظ وژن فاصلاتی سینسر کے لیے دیا گیا؛ دوسرا انعام منتھن اسکول، گوتم بدھ نگر، اتر پردیش کے 10ویں جماعت کے آنے دویدی کو ان کے اختراعی پروجیکٹ پلاسٹک کوڑے دان کے استعمال سے گڑھوں کی مرمتی نظام کے لیے دیا گیا؛ اور تیسرا انعام جی پی یو سی ککوجا، اڈوپی، کرناٹک کے 9ویں کلاس کے امولیا ہیگڑے کو سیلاب کا پتہ لگانے والے کھمبے کے لیے دیا گیا۔

 

گیارہویں قومی سطح کی نمائش اور پروجیکٹ مقابلہ (این ایل ای پی سی) 2024 کے فاتحین کی فہرست:-

 

**********

ش ح۔ ش ب۔ م  ر

 (U: 202)

(Release ID: 2057018) Visitor Counter : 45