কেন্দ্রগী নুপী অমসুং অঙাং চাউখৎ থৌরাং মন্ত্রী শ্রীমতি অন্নপুর্ন দেবীনা রাঞ্চি, ঝার্খন্দদা ঙসি প্রধান মন্ত্রী নরেন্দ্র মোদীগী অহুমশুবা তার্মগী নুমিৎ ১০০ মপুং ফাবগী মায় পাকপগী মতাংদা মীদিয়াদা ৱা ঙাংখ্রে।

নুপীনা লুচিংবা চাউখৎপগী মায়কৈদা মীৎয়েং থম্লদুনা প্রধান মন্ত্রীগী ভিক্সিত ভারতকী মঙলান মঙফাওননবগীদমক নুপী অমসুং অঙাং চাউখৎ থৌরাং মন্ত্রালয় (এম.দব্ল্যু.সি.দি.)না জুনদগী ওগস্ত ২০২৪ ফাওবগী মনুংদা তোঙান-তোঙানবা মশক থোকপা থৌরাং কয়া মায় পাকপা ঙমখ্রে।

স্ত্রেতেজিক ওইবা থৌরাং অমসুং থৌশিলশিংগা লোইননা মন্ত্রালয় অসিনা মখা তানা নুপীশিংবু শক্তি পীনবা, অঙাংশিংবু য়োকখৎলি অমসুং মীপুম খুদিংমক্কী খুদোংচাবা কয়া পীরি।

খ্বাইদগী মশক থোকপা মায় পাকপশিংগী মনুংদা অমদি ওগস্ত ২৯, ২০২৪দা শি-বোক্স হৌদোকখিবা অসিনি। মসিগুম্বা আই.তি. প্লেৎফোর্ম অসিনা থবক শুফমশিংদা চত্থবা সেক্সুএল হরাস্মেন্তকী ৱাকৎশিং তাবগী থবক স্ত্রীম্লাইন তৌরে, মসিনা নুপীশিংদা ফাইল তৌবা অমসুং ত্রেক তৌবগী ৱাকৎশিং থাংগৎপা য়াহল্লে। মসিনা লৈবাক পুম্বদা হেন্না অকিবা লৈতবা থবক শুবগী মফম অমা ওইহনবা ঙম্নবগী মাইকৈদা খোঙ থাংজিন্নবগী মরুওইবা খোঙথাং অমা ওইরে।

অঙাংশিংদা ঙন্না চেকশিন থৌরাং পীবা অমসুং মহৈ মশিং পীনবগী মিসন অমা ওইনা মন্ত্রালয় অসিনা ভারত পুম্বদা ২০২৯ ফাওবদা অঙ্গনৱাদি-কম ক্রিচে সেন্তরশিং লিংখৎতুনা ইমুং কয়াদা কান্নবা পীনবা হোৎনরি। হায়রিবা সেন্তরশিং অসিনা মপুং ওইবা মওংদা অঙাংশিংবু য়েংশিন্দুনা অঙাংশিংবু শেম্বীবদা হেন্না মপাঙ্গল লৈহনগনি অমসুং নুপীনা ৱার্কফোর্সতা শরুক য়াবা হেনগৎকনি।

মসিগী মথক্তা, মন্ত্রালয় অসিনা সক্সম অঙ্গনৱাদি ১০,০০০ অপগ্রেদ তৌনবা, তেক-হোম রাসন পীবদা ত্রেক তৌনবা তু ভেক্তর ওথেন্তিকেসন, অমসুং ন্যুত্রিসন আউৎকম লৈবাক শীনবা থুংনা ফগৎহন্নবা হোৎনগনি। হীরম অসিগী মতাংদা, ৭শুবা রাস্ত্রিয়া পোশন মাহসু সেপ্তেম্বর ১, ২০২৪ দা হৌদোকখ্রে, মসিনা নুপী অমসুং ইনখৎলক্লিবা নুপীমচাশিংদা এনেমিয়া নাবগী মতাংদা হেন্না ভাপ তাহন্নবা পান্দম থম্লি। থৌরাং অসিনা সপ্লিমেন্তরী ন্যুত্রিসন, মরেপ তানবা, চাউখৎপা অমসুং ঙন্না অঙাংশিংবু য়েংশিনবা অমসুং মহৈ মশিং তমহনবগী মতাংদা ভাপ তাহল্লি।

রাঞ্চিদা মীদিয়াদা ৱা ঙাংবা অসিদা মন্ত্রালয় অসিগী মায় পাকপশিং তাক্তুনা মন্ত্রী শ্রীমতি অন্নপুর্ন দেবীনা হায়খি মদুদি হায়রিবা মায় পাকপশিং অসিনা ভারতকী চাউখৎপগী ৱারীদা নুপীনা লুচিংবা তুংলমচৎ অমা শেমগৎনবা লেপ্লি হায়বসি তাক্লে। থৌরাং খুদিংমক্কা লোইননা, ঐখোয়না নুপীশিংবু অঙাংশিংবু য়োকখৎলি অমসুং প্রধান মন্ত্রীগী ভিক্সিত ভারতকী মঙলানগা তুননা চৎনবা লম্বী শেম্লি। ঐখোয়না ভারতকী নুপী খুদিংমক অমসুং অঙাংশিংবু খুদোংচাবা পীনবা কত্থোক্লি।

মন্ত্রালয় অসিনা নুপীশিংগী মোবিলিতী হেনগৎনবা অমসুং ৱার্কিং ৱিএন হোস্তেল অনৌবা কয়া লিংখৎতুনা শেন্মিৎলোন মনীং তমহন্নবা, নুপীমচাশিংদা পান্দম থমদুনা স্কিল হেনগৎহন্নবা স্কিমশিং অমসুং নুপীশিংবু শক্তি পীবা য়াবা অতৈ অতোপ্পা থৌরাংশিং পীনবা হোৎনরি। মন্ত্রালয় অসিনা পায়খৎপা থবক খুদিংমক প্রধান মন্ত্রীগী নুপীনা লুচিংবা চাউখৎপা অমসুং ভিক্সিত ভারতকী মঙলান মঙফাওননবগীদমক হোৎনরি।

***