Ka Tnat Development of North Eastern Region (MDoNER) hapoh ka jingialam jong u Myntri Rangbah duh Narendra Modi ka la kot sha ki jingjop ba kongsan ha ka samoi naduh 9 tarik Jylliew 2024 haduh 17 tarik Nailur, 2024. Hapoh ka jingialam jong u Myntri sorkar pdeng ba dei khmih ia ka Tnat Communications bad DoNER, Jyotiraditya M. Scindia bad u Myntri Khynnah jong ka sorkar pdeng ba dei khmih ia ka Pule Puthi & DoNER, Dr.Sukanta Majumdar, ka Tnat ka la pdiang ia ka rukom treikam kaba kynthup ia baroh ha ka jingtei ia ki jing thmu ba 100 sngi jong ka ban pynurlong ia ka thong ban tei ia ka Viksit Purvottara. Ki jingjop jong ka Tnat DoNER ha katei ka por ba la kdew ki pyni ia ka jingphaikhmat ka Tnat ha ki Jingpynkylla ia ki polisi, ka jingktah jong ki sienjam kiba skhem bad ki jing thmu ba thymmai kin don ka resol kaba jrong samoi ha ka jingtei bad pynkup bor ia ka thain shatei lammihngi jong ka ri.  

2. Ia ki jingtip la pyni hangne harum:

1. Ka jingsanction ia ki projek hapoh ka PM-DevINE : Ha kane ka samoi, la sanction 6 tylli ki projek ba shongdor T. 419.13 klur ba kynthup ka jingplie ia ka State Cancer Institute ha Itanagar, Arunachal Pradesh. Kine ki projek kin pynbiang ia ki lad jingsumar ba iadei bad ka jingpang cancer, ka jingkyntiew ia ki jingdon jingem ha skul bah Dhanamanjuri, ka jingkyntiew ia ka Radiation Oncology Centre ha CIHSR bad kiwei kiwei na ka bynta ki briew jong ka thain shatei lammihngi.
2. Ka jingsanction ia ki projek hapoh ka NESIDS (OTRI) : Ha kane ka samoi, la sanction lai tylli ki projek ba shongdor 152.6 klur ba kynthup ka jingkyntiew ia ka Water Supply System ha Namsai Township ha Arunachal Pradesh. Kine ki projek kin pynbiang umdih ia ka sorbah Basar, Namsai bad Tezu ha Arunachal Pradesh bad kan long ka jingmyntoi ia 103018 ngut ki briew.
3. Ka jingsanction ia ki projek hapoh ka under NESIDS (Roads) : Ha kane ka samoi, la sanction 5 tylli ki projek ba shongdor T. 370.16 klur ba kynthup ka jingshna ia ka surok ba thymmai na Chowkihola sha Tarapung, Assam. Kine ki projek kin long kiba kongsan ban pynbiang ia ka leit ka wan ha Assam, Sikkim bad Manipur kaba long ka jingmyntoi ia 56 tylli  ki shnong kiba ka jingbun briew kalong 29000 ngut, 8 tylli ki shnong kiba don 5871 ngut ki briew bad 64 tylli ki shnong kiba don T. 2,50,000 ngut ki briew.
4. Ka jingpyndep ia ki projek hapoh ka skhim MDoNER/ NEC : Ha kane ka samoi, 30 tylli ki projek ba kynthup 1 ka projek jong ka PM-DevINE (ba shongdor T. 63.39 klur), 6 tylli ki projek jong ka NESIDS (Roads) (ba shongdor T. 219.41 klur), 3 tylli ki projek jong ka NESIDS (OTRI) (ba shongdor T.48.71 klur), 11 tylli ki Project jong ki skhim jong ka NEC (ba shongdor T.107.25 klur) bad 8 tylli ki project jong ka BTC & HADP (ba shongdor T.19.63 klur) kidei kiba la pyndep. Ka jingshongdor kine ki 29 tylli ki projek kalong T.458.36 klur. Kine ki projek kin kyntiew ia ki jingdon jingem, khamtam ka surok, ka Ropeway, ka jingshna ia ka District Centre, ka jaka pynmih ia ki mar na ki siej , ki lad jingsumar bad kiwei kiwei jong baroh ki jylla ka thain shatei lammihngi bad kyntiew ia ka jingim jong ki briew.
5. Ki jingpynkylla ia ki polisi ban pynsuk ia ki jingai jingmut jong ka skhim bad ka jingryntih ban pyllait ia ki fund:

• Ha kane ka samoi, la pynsuk ia ki jingai jingmut jong ki skhim PM-DevINE, NESIDS (OTRI), NESIDS (Road) ban iapeit lang shisien peit ia ki jingtyrwa ia ki projek. Kane kan pynduna ia ka por ban peit bad sanction ia ki projek.
• Ha ka 21 tarik Nailar, 2024, la pynbeit bad pynbna ia ki bynta kiba iadei bad ki kam kiba iadei bad ki skhim DoNER. Kane kan iada na ka jingpyntrei arsien ia kajuh ka kam ka jingsanction ia ki projek ba dei na kijuh ki kam hapoh ki skhim DoNER.
• Ha ka 29 tarik Naitung, 2024 la pynsuk ka jingpyllait ia ki fund na ka bynta ki projek ba la sanction hapoh ki skhim jong ka MDoNER/NEC ban iarap ka jingpyllait ia ki fund na ka bynta ki projek tang ha ki 4 sien siew. Kane ka la pynryntih ia ka kam ban pyllait ia ki fund bad kan pynduna ka jingslem bad jingsahteng ki kam ba iadei bad ka jingpyllait pisa.
• Ha kane ka samoi, ka Tnat DoNER ka la pynrung ia ki Third Party Technical Inspection (TPTI) Agency bad ki Project Quality Monitor (PQM) lyngba ka NEDFi na ka bynta ka jingjurip ia ki projek ba dang pyntrei. Kane kan pynkhlain ia ka jingpeitngor bad ki lad peitngor ia ki projek ba dang pyntrei ba la sanction hapoh ki skhim jong ka Tnat DoNER. La pyntreikam naduh u Jylliew, 2024.

6. Ka jingplie ia ka Manipur Start Up Venture Fund : Kadei shi bynta ka State-specific venture fund ban kyrshan ia ki startup ba thymmai ha ka thain shatei lamihngi. Ka pisa ba la buh nyngkong kalong T. 30 klur (NEDFiRs 15 klur + Sorkar Manipur T. 15 klur). Kane kan pynshlur ia ki nongseng kam lajong ha ka thain bad kan iarap ban wanrah ia ka jinglong jingman ba kham khlain ha ka thain shatei lammihngi. Artylli ki srtatup ki la ioh ka jingbei tyngka na ka Manipur Startsup Venture Fund ha ka jingialang ba nyngkong jong ka Investment Committee ba la long ha ka 27 tarik Nailar, 2024.
7. Ashtalakshmi Mahotsav-2024 – La ai ka jingmynjur da ka Tnat DoNER ban pynlong ia ka Ashtalakshmi Mahotsav-2024 naduh ka 6-8 tarik Nohprah, 2024 ha Bharat Mandapam, New Delhi. La plie paidbah ia ka portal da u Myntri ka Tnat DoNER ha ka 13 tarik Nailur, 2024. Kane kan kyntiew ia ka pateng kaba riewspah, ki tiar shna kti, ki jain, ki mar rep jong ki jylla ka thain shatei lammihngi.
8. Ka North East Science and Technology (NEST) Cluster na ka bynta ka jinglong jingman na ka bynta ka jingsaindur thymmai.

Ka Tnat DoNER ka la mynjur ia ka NEST ha ka 13.8.2024, ka North east Science & Technology Cluster (NEST cluster) ecosystem na ka bynta ka thain shatei lammihngi ba iasyriem bad ka S&T Cluster jong ka Ophis Principal Scientific Advisor. La mynjur 4 tylli ki mat ba kynthup ka (i) Innovation Hub on Grassroots Technologies, (ii) Technology Hub for Artificial Intelligence & Semiconductor (iii) CoE for Innovation in Bamboo based Technology, Entrepreneurial promotion & skill development and Skill Development bad (iv) Innovation Centre on Biodegradable, eco-friendly Plastics & Solid-Waste Management. Ka jing thmu jong ka NEST cluster kalong ban ithuh bad weng ia ki jingeh jong ki briew ka thain shatei lammihngi lyngba ka jingpyndonkam ia ka teknoloji na ka bynta ka roi ka par jong ka thain shatei lammihngi.

1. Ka jingplie ia ka North Eastern Region Agri-Commodity e-Connect (NE-RACE) Portal -

Kalong ka sienjam ba wanrah jingkylla ia ka kam rep ha ka thain shatei lammihngi, ba iadei bad ka thong 'Vocal for Local' jong u Myntri Rangbah duh bad ka jingplie ia ki iew ha kylleng ka pyrthei na ka bynta ki nongrep jong ngi. Ka North Eastern Council (NEC) hapoh ka Tnat Development of North Eastern Region (MDoNER) ha ka jingiatreilang bad ka North Eastern Development Finance Corporation Limited (NEDFi) ka la plie paidbah ha ka 12 tarik Naitung 2024 ia ka sienjam digital ba la tip kum ka North Eastern Region Agri-Commodity E-Connect (NE-RACE) ban pyniasoh ia ki iew na ka bynta ki mar rep bad ki mar horticulture na ka thain shatei lammihngi. Ka NE-RACE ka rynsan digital kadei kaba la bei tyngka da ka NEC bad la shna bad peit da ka NEDFi

 

10. Ka song tyngka ba kyrpang na ka bynta ka jingkyntiew ia ka Adivasi Welfare and Development Council (AWDC) – la iasoi ia ka Memorandum of Settlement (MoS) da ka sorkar India, sorkar Assam bad ki kynhun kieng atiar Adivasi jong ka jylla Assam. Katkum ka MoS, ka sorkar India kan mang T. 100 klur, shi snem, na ka bynta ka samoi san snem ka ban sdang naduh u snem mang tyngka 2024-25. La mang sha ka Tnat DoNER ia ka song tyngka ba kyrpang na ka bynta ka jingkyntiew ia ka Adivasi Welfare and Development Council (AWDC) ban pyntreikam. Hadien kane, ka Tnat DoNER kan rai ia ki jingai jingmut ban pyntreikam ia ka MoS. Ka jingphaikhmat ba kongsan jong ki projek ba iadei bad ka jingkyntiew ia ki jingdon jingem hapoh ka AWDC kan long ban kyntiew ia ki jingdon jingem ba hakhmat eh, ka jingkyntiew ia ka ioh ka kot bad ka jingkyntiew ia ki jingdonkam ha ka imlang sahlang bad ka roi ka par ba iaineh na ka bynta ki shnong ki thaw.
11. Ka jingshna ia ki portal bapher bapher – Ha ka 22 tarik Naitung, 2024, la plie paidbah ia ka portal ban pynkhlain ka jingpeit bniah ia ki projek ba la pyntreikam hapoh ki skhim bapher bapher jong 54 tylli ki Tnat sorkar pdeng (ki bym lait hapoh ka 10% GBS). La shna ia katei ka portal. La ai jinghikai ia baroh ki Tnat lyngba ka live demo ha ka 6 tarik Nailur, 2024. Kane ka portal kan iarap ban pynkhlain ka jingpeit bniah ia ki projek ba la pyntreikam hapoh ki skhim jong ki Tnat jong ka sorkar India. Kumjuh ruh, la shna ia ka portal ban ioh jingtip ia ki jingpynlut hapoh ka 10% GBS jong ki 54 tylli ki Tnat ki bym lait.  Ka jingpeit bniah ia ka jingpynlut kan long katkum ka Jylla bad katkum ka skhim da ki Tnat sorkar pdeng. Ka portal kan peit ia ka jingpynlut katkum ka jylla bad katkum ka skhim ka ban pynthikna ka jingpeit bniah kaba biang.

50. Ka jingpynkhlain ia ki State Investment Promotion Agency (IPA) ha ka thain shatei lammihngi – Ha u Nailar 2024, la iasoi ia ka MoU hapdeng ka MDoNER bad ka Invest India na ka bynta ka jingpyntreikam ia ka projek ba la mynjur da ka Tnat DoNER. Ka jing thmu jong ka jingtyrwa kalong ban pynkhlain ia ki state IPA da kaba phah ia ki riewshemphang sha ki Jylla ban saindur ia ki polisi bei tyngka ba biang.

***

(Release ID: 2056176) Visitor Counter : 50