مرکزی حکومت کے خوراک اور عوامی نظام تقسیم کے محکمے (ڈی ایف پی ڈی) کے سکریٹری نے قیمتوں کے تعین  سے متعلق حکمت عملی پر بات چیت کے لیے آج یہاں سالوینٹ ایکسٹریکشن ایسو سی ایشن (ایس ای اے آئی)، انڈین ویجیٹیبل آئل پروڈیوسرس ایسو سی ایشن (آئی وی پی اے) اور سویابین آئل پروڈیوسرز ایسو سی ایشن (ایس او پی اے) کے نمائندوں کے ساتھ میٹنگ کی صدارت کی۔ سرکردہ خوردہ تیل ایسو سی ایشنوں کو مشورہ دیا گیا تھا کہ وہ اس امر کو یقینی بنائیں کہ ہر ایک تیل کا ایم آر پی تب تک برقرار رکھا جائے جب تک کی درآمد شدہ خوردنی تیل اسٹاک صفر اور 12.5 فیصد بنیادی کسٹم ڈیوٹی (بی سی ڈی) دستیاب نہ ہو۔ اس موضوع پر اپنے اراکین کے ساتھ تفصیلی بات چیت کا مشورہ دیا گیا ہے۔

اس سے قبل بھی، خوردنی تیل کی سرکردہ ایسوسی ایشنوں کے ساتھ محکمہ کی میٹنگوں کے بعد، صنعت کی جانب سے خوردنی تیل جیسے سورج مکھی کا تیل، سویابین آئل اور مسٹرڈ آئل کی ایم آر پی میں کمی کی گئی تھی۔ تیل کی قیمتوں میں کمی بین الاقوامی قیمتوں میں کمی اور خوردنی تیل پر درآمداتی محصول میں کمی کے نتیجے میں آئی ہے جس سے وہ سستا ہو گیا ہے۔ صنعت کو وقتاً فوقتاً مقامی قیمتوں کو بین الاقوامی قیمتوں کے ساتھ ہم آہنگ کرنے کا مشورہ دیا جاتا ہے تاکہ صارفین پر بوجھ کو کم کیا جا سکے۔

حکومت ہند نے گھریلو تلہنوں کی قیمتوں کو سہارا دینے کے لیے مختلف خوردنی تیلوں پر بنیادی کسٹم ڈیوٹی میں اضافہ نافذ کیا ہے۔ 14 ستمبر 2024 سے، خام سویا بین تیل ، خام پام آئل، اور خام سن فلاور تیل پر بنیادی کسٹم ڈیوٹی کو 0 سے بڑھا کر 20 کر دیا گیا ہے، جس سے خام تیل پر موثر ڈیوٹی 27.5فیصد  ہو گئی ہے۔ مزید برآں، ریفائنڈ پام آئل، ریفائنڈ سن فلاور آئل، اور ریفائنڈ سویا بین آئل پر بنیادی کسٹم ڈیوٹی 12.5 فیصد سے بڑھا کر 32.5 فیصد کر دی گئی ہے جس سے ریفائنڈ آئل پر موثر ڈیوٹی 35.75 فیصد ہے۔

یہ ایڈجسٹمنٹ تلہن کے گھریلو کسانوں کو تقویت بہم پہنچانے کے لیے حکومت کی جاری کوششوں کا حصہ ہیں، خاص طور پر تب ، جب سویا بین اور مونگ پھلی کی نئی فصلوں کے اکتوبر 2024 سے مارکیٹوں میں آنے کی توقع ہے۔

یہ فیصلہ تفصیلی غور و خوض کے بعد کیا گیا ہے اور یہ کئی عوامل سے متاثر ہے: سویا بین، تیل کھجور اور دیگر تیل کے بیجوں کی عالمی پیداوار میں اضافہ؛ گزشتہ سال کے مقابلے میں خوردنی تیل کے عالمی سطح پر ختم ہونے والے ذخائر میں اضافہ؛ اور اضافی پیداوار کی وجہ سے عالمی قیمتوں میں کمی۔ اس صورتحال کی وجہ سے سستے تیل کی درآمدات میں اضافہ ہوا ہے ، جس سے ملکی قیمتوں پر نیچے کی طرف دباؤ پڑتا ہے۔ درآمد شدہ خوردنی تیل کی مجموعی لاگت کو بڑھا کر، ان اقدامات کا مقصد گھریلو تلہنوں کی قیمتوں کو بڑھانا، پیداوار میں اضافے کی حمایت کرنا، اور اس بات کو یقینی بنانا ہے کہ کسانوں کو ان کی پیداوار کا مناسب معاوضہ ملے۔

مرکزی حکومت کو یہ بھی معلوم ہے کہ کم محصول پر درآمد کیے جانے والے خوردنی تیل کا تقریباً 30 ایل ایم ٹی ذخیرہ ہے جو کہ 45 سے 50 دنوں کے گھریلو استعمال کے لیے کافی ہے۔

**********

 

 (ش ح –ا ب ن)

U.No:14

(Release ID: 2055785) Visitor Counter : 18