ঙসি প্রধান মন্ত্রী শ্রী নরেন্দ্র মোদীনা গুজরাতকী গান্ধীনগরদা লৈবা মহাত্মা মন্দিরদা ৪শুবা গ্লোবেল রিন্যুএবল ইনর্জি ইনবেস্তরস মিত অমসুং এক্সপো (রি-ইনবেস্ত) হৌদোকখ্রে। নুমিৎ ৩ গী মীফম অসিদা ভারতনা মাইপাক্না গিগাৱাত ২০০গী নন-ফোসিল ফুয়েল পুথোকপা ঙম্বগী মরুওইবা থবক অসি ইকায়খুম্নবা উৎলি। সরকার অমসুং লনাই কম্পেনিশিং, স্তার্দ-অপশিং অমসুং অচৌবা ইন্দস্ত্রিশিংগী অৱাংবা থাক্কী অনৌবা থবকশিং উৎপা একজিবিসন অমশু প্রধান মন্ত্রীনা য়েংখ্রে।

ভারতকী খেন্নবা, পাক-চাউবা, থবক ঙম্বা, শক্তি অমসুং থবক ওইনা পাংথোকপা অসি ময়ামদগী তোঙাল্লি অমসুং ভারতনা পুথোকপা পাম্বৈশিং মালেমগী লৈবাকশিংনা শীজিন্ননবা লম্বী শেম্লে। ভারত খক নত্তনা, “ভারত ২১শুবা চহিচাদা খ্বাইনা পাম্নবা লৈবাক ওইরে হায়বদা মালেম শীনবা থুংনা থাজরে। হৌখিবা থাদা ভারতনা য়ুম্বু ওইদুনা পাংথোকখিবা মালেমগী থৌরমশিংগী মতাংদা প্রধান মন্ত্রীনা হায়খি, থা অসিগী অঙনবা শরুক্তা গ্লোবেল ফিনতেক ফেস্ত পাংথোকখ্রে, অহানবা ইন্তরনেসনেল সোলার ফেস্তিবেল, গ্লোবেল সেমিকন্দক্তর সম্মিৎতা মালেম শীনবা থুংবগী মীওইশিং শরুক য়াখ্রে অমসুং ভারতনা য়ুম্বু ওইদুনা ২শুবা এসিয়া-পেসিফিক সিবিল এভিএসন মিনিস্তরিয়েল কনফরেন্স পাংথোকখ্র অমসুং ঙসি ভারতনা য়ুম্বু ওইদুনা গ্রিন ইনর্জিগী মীফম অমা পাংথোক্লি।

প্রধান মন্ত্রীনা হায়খি থানখিবা মতমদগী চহি ৯ ঙনখৎনা, পেরিসতা য়ানখিবা ক্লাইমেতগী ৱাফম থবক ওইনা পাংথোকপা অহানবা জি-২০ লৈবাক ভারতনা ওইরে। ২০৩০ ফাওবদা গিগাৱাত ৫০০গী রিন্যুএল ইনর্জি পুথোক্নবা লৈবাক অসিনা পান্দম থম্লি অমসুং মৈখু থাংদবা থবকশিংগী অওনবা অমা পুরকপা অসি সরকারনা মীয়ামগী ইহৌ অমা ওইহল্লে। ভারত সরকারগী পি.এম সু্র্য়া ঘর ফ্রি ইলেক্ত্রিসিতি স্কিম অসিনা ইমুং খুদিংদা রুপতোপ সোলার থম্বদা সরকারনা শেন্থং পীরে অমসুং ভারতকী য়ুমথোং খুদিং মৈ পুথোকপা য়ুমশিং ওইরে। স্কিম অসিগী মখাদা ইমুং করোর ১.৩০ রেজিস্তার তৌরে অমসুং হৌজিক ফাওবদা য়ুম লাখ ৩.২৫ তা পানখৎপা লোইরে। শ্রী মোদীনা মখা তানা হায়খি মদুদি পি.এম সু্র্য়া ঘর ফ্রি ইলেক্ত্রিসিতি স্কিম থবক পীনবা অমসুং মহৌশাগী অকোয়বগী ফিবম ঙাক-শেন্নবা পাম্বৈ অমনি অমসুং মসিনা চাউরাক্না থবক লাখ ২০ লোম পীগনি। স্কিম অসিগী মখাদা নহারোল লাখ ৩ হৈথোই-শিংথোইবা শিন্মীশিং ওইনা শেমগৎনবা সরকারনা পান্দম থম্লি। নহারোল লাখ ৩ অসিগী মনুংদা, নহারোল লাখ ১ সোলার পি.ভি তেক্নিসিয়ানশিং ওইগনি। সোলার ইলেক্ত্রিসিত কিলোৱাত ৩ পুথোকপা খুদিংগী কার্বোনদাইওক্সাইদ তন ৫০-৬০ থাদোকপা থিংগনি। অইং-অশাগী খল কাইথরকপা থেংনবদা ইমুং খুদিংমক্কী থৌদাং য়াম্না মরুওই।

ন্যু অমসুং রিন্যুয়েবল ইনর্জীগী কেন্দ্র মন্ত্রী শ্রী প্রহলাদ জোশিনা সভাদা ৱা ঙাংলদুনা হৌদোক ৱারোল থমখি অমসুং মতৌ করম্না শ্রী নরেন্দ্র মোদীগী লুচিং মখাদা ভারতনা গ্লোবেল রিন্যুয়েবল ইনর্জী সেক্তরদা মকোকথোংবা পোজিসন অমা ফংলি হায়বা ফোংদোকখি।

শ্রী জোশিনা রি ইনবেস্ত মীত্তা শরুক য়ারিবা স্তেতশিংদা থমোয় শেংনা তৌবিমল খংবা উৎখি। মহাক্না হায়খি, ঐখোয়গী স্তেতনা গ্রীনর ফ্যুচর অমগীদমক ভারতকী কলেক্তিব ভিজন হায়লাইত তৌবা খক্তা নত্তনা রিন্যুয়েবল ইনর্জীদা পুক্নিং চিংশিনবা অমসুং নর্চরিং ইনবেস্তমেন্তদা মরুওইবা থৌদাং অমসু লৌরি। শ্রী প্রহলাদ জোশিনা লৈবাক অসিদা ইন্সতোল তৌরিবা নন-ফোসিল পাৱর কেপাসিতীবু গিগাৱাত ২০০ হেলহনবদা মখোয়গী শিংথানিংঙাই ওইবা থৌদাংগীদমক স্তেতশিং অমসুং ইন্দস্ত্রীশিংবুসু থাগৎপা ফোংদোকখি। রিন্যুয়েবল সেক্তরদা মায়পাকপগী ৱারীশিংদগী তম্নবা অতোপ্পা স্তেতশিংদসু তকশিনখি।

থৌরম অদুদা শরুক য়াখিবশিংগী মনুংদা গুজরাতকী রাজ্যপাল অচার্য়া দেবব্রাত, গুজরাতকী চীফ মিনিস্তর শ্রী ভুপেন্দ্র পতেল, নিউ অমসুং রিন্যুএবল ইনর্জিগী য়ুনিয়ন মিনিস্তর শ্রী প্রাহলাদ জোসি, অন্ধ্র প্রদেস, রাজস্থান, মধ্য প্রদেস, ছতিসগর অমসুং গৱাগী চীফ মিনিস্তরশিং য়াওখি।

নুঙগীৱারোল

৪শুবা গ্লোবেল রিন্যুএবল ইনর্জি ইনবেস্তরস মিত অমসুং এক্সপো (রি-ইনবেস্ত) না ভারতকী রিন্যুৱেবল ইনর্জী মেন্যুফেচরিং অমসুং দিপ্লোইমেন্ততা শিংথানিংঙাই ওইরবা মওংদা খুমাং চাউশিনখিবা অদুবু উৎলগনি। মসিনা মালেম শিনথুংনদগী দেলিগেতশিংগী পুক্নিং চিংশিনগদবা নুমিৎ নিনিগা তঙ্খাইগী কনফরেন্স অমা পাংথোক্লগনি। মদুদা শরুক য়ারিবশিং অদুনা চীফ মিনিস্তরিয়েল প্লেনরী, সি.ই.ও রাউন্দতেবল, অমসুং ইনোভেতিব ফাইনান্সিং, গ্রীন হাইদ্রোজেন, অমসুং তুংগী ইনর্জী সোল্যুসনশিংগি মতাংদআ অখন্নবা খন্ন-নৈনবশিং অসি য়াওনা কমপ্রেহেন্সিব ওইবা থৌরম অমদা শরুক য়াগনি। জর্মনী, ওস্ত্রেলিয়া, দেনমার্ক অমসুং নোর্ৱেনা থৌরম অদুদা পার্তনর ওইনা শরুক য়ারি। গুজরাত রাজ্যনা থৌরম অসিগী থৌবু ওইরি অমসুং অন্ধ্র প্রদেশ, কর্নাতকা, মধ্য প্রদেশ, মহারাস্ত্র, রাজস্থান, তেলঙ্গনা অমসুং উত্তর প্রদেশনা পার্তনর ওইনা শরুক য়ারি।

মসিদা সরকার অমসুং প্রাইভেত সেক্তর কম্পেনিশিং, স্তার্ত-অপশিং অমসুং মরু ওইবা ইন্দস্ত্রী প্লেয়রশিংদগী খ্বাইদগী নৌবা তেক্নোলজীশিং উৎপা একজিবিশন অমা পাংথোক্লগনি। একজিবিশন অদুনা সস্তেনেবল ফ্যুচর অমগীদমক্তা ভারতনা লেপ্লিবা ফিরেপ অদুগী মরু ওইবা অদুশু উৎলগনি।

***