ஜார்க்கண்ட் மாநிலம் ஜாம்ஷெட்பூரில், பிரதமர் திரு. நரேந்திர மோடி பங்கேற்கும் நிகழ்ச்சிகள் குறித்து, மத்திய ஊரக வளர்ச்சி  வேளாண்மை மற்றும் விவசாயிகள் நலத்துறை அமைச்சர் திரு சிவ்ராஜ் சிங் சவுகான் புதுதில்லியில், உள்ள பூசாவில் இன்று செய்தியாளர்களைச் சந்தித்தார். பிரதமரின் வீட்டு வசதித் திட்டம் - கிராமின் முதல் தவணையை 2024 செப்டம்பர் 15 அன்று ஜார்க்கண்ட் மாநில பயனாளிகளுக்கும், 16 செப்டம்பர் 2024 அன்று குஜராத் மாநில பயனாளிகளுக்கும், 17 ஆம் தேதி ஒடிசா உள்ளிட்ட பிற மாநிலங்களின்  பயனாளிகளுக்கும் பிரதமர் நரேந்திர மோடி விடுவிப்பார் என்று திரு சவுகான் தெரிவித்தார். இதில் தேர்தல் நடத்தை விதிகள் பொருந்தாது. உணவு, உடை, உறைவிடம் ஆகியவை, ஏழைகளின் அடிப்படைத் தேவைகள் என்று அவர் கூறினார்.

ஜார்க்கண்ட் மாநிலத்தைச் சேர்ந்த சுமார் 20,000 பயனாளிகளுக்கு பிரதமர் திரு. நரேந்திர மோடி அனுமதிக் கடிதங்களை வழங்குவார் என்று மத்திய அமைச்சர் தெரிவித்தார். இது தவிர, ஒரே கிளிக்கில் ரூ .5 கோடிக்கு மேல் பயனாளிகளின் வங்கிக் கணக்கிற்கு நேரடியாக மாற்றப்படும். மேலும், புதிதாக கட்டப்பட்ட 46,000 பயனாளிகளின் வீடுகளுக்கான புதுமனை புகுவிழா நடத்தப்படும். இது ஒரு மெகா திட்டமாகும். வரும் நாட்களில் இத்திட்டத்தை மேலும் செயல்படுத்த இது ஒரு உந்துசக்தியாக இருக்கும். நடப்பு நிதியாண்டில், ஜார்க்கண்ட் மாநிலத்திற்கு 1,13,195 வீடுகள் கட்ட இலக்கு நிர்ணயிக்கப்பட்டு, அதில் ரூ.187.79 கோடி விடுவிக்கப்பட்டுள்ளது.

பிரதமர் திரு நரேந்திர மோடி 16செப்டம்பர்2024 அன்று குஜராத் மாநிலத்தில் இருப்பார் என்று திரு சவுகான் தெரிவித்தார். குஜராத் மாநிலத்தில் கடந்த 10 ஆண்டுகளில் 6.50 லட்சத்துக்கும் அதிகமான வீடுகள் கட்டப்பட்டுள்ளன.  நடப்பு நிதியாண்டில் குஜராத் மாநிலத்திற்கு 54,135 வீடுகள் கட்ட இலக்கு நிர்ணயிக்கப்பட்டு, அதில் ரூ.99.1 கோடி விடுவிக்கப்பட்டுள்ளது. பிரதமரின் நிகழ்ச்சியின் போது, மாநிலத்தில் உள்ள 31,000 பயனாளிகளின் கணக்கில் சுமார் 93 கோடி ரூபாய் மாற்றப்படும், மேலும் கட்டி முடிக்கப்பட்ட 35,000 வீடுகளில் புதுமனை புகுவிழா கொண்டாடப்படும்.

2024, செப்டம்பர் 17 அன்று பிரதமர் திரு நரேந்திர மோடி, ஒடிசா மாநிலத்தில், தேசிய அளவில் ஒரு திட்டத்தை ஏற்பாடு செய்துள்ளார், இதன்படி, பல்வேறு மாநிலங்களைச் சேர்ந்த 10 லட்சம் பயனாளிகளுக்கு அனுமதிக் கடிதங்கள் விநியோகிக்கப்படும், முதல் தவணை ரூ .3180 கோடியின் டிஜிட்டல் பரிமாற்றம் பயனாளிகளின் வங்கிக் கணக்கில் நேரடியாக செலுத்தப்படுவதுடன், 26 லட்சம் பயனாளிகள் தங்கள் புதிய வீடுகளில் குடியேறுவார்கள் என்றும் மத்திய அமைச்சர் திரு சிவ்ராஜ் சிங் தெரிவித்தார். இந்த  நிகழ்ச்சியின் போது, "ஆவாஸ் + 2024" செயலியும் பிரதமரால் வெளியிடப்படும்.  தகுதியான பயனாளிகளை பட்டியலில் சேர்ப்பதன் மூலம் பாதுகாக்கப்பட்ட வீடுகளின் ஒதுக்கீட்டை உறுதி செய்வதை நோக்கமாகக் கொண்டுள்ளது. நடப்பு நிதியாண்டில், ஒடிசாவுக்கு 22,572 வீடுகள் கட்ட இலக்கு நிர்ணயிக்கப்பட்டு, அதில் ரூ.41.32 கோடி விடுவிக்கப்பட்டுள்ளது.

பிரதமரின் கிராமப்புற சாலைகள் திட்டத்தின் (PMGSY) நான்காவது கட்டத்தை மத்திய அரசு தொடங்குவதாக மத்திய அமைச்சர் கூறினார். இத்திட்டத்தின் கீழ், அனைத்து பருவநிலைகளுக்கும் ஏற்ற வகையில் 62,500 கி.மீ சாலைகள் அமைக்கப்பட்டு, சாலை இணைப்பு இல்லாத 25,000 தகுதியான குடியிருப்புகளுக்கு சாலை வசதி ஏற்படுத்தப்படும். சாலைகளுடன், தேவைக்கேற்ப பாலங்களும் கட்டப்படும். பிரதமரின் கிராமப்புற சாலைகள் திட்டத்தின் கீழ் சாலைகள் அமைக்க ரூ.70 ஆயிரம் கோடிக்கு மேல் செலவிடப்படும் என்றும், இதற்காக நிதி ஒதுக்கப்பட்டுள்ளது என்றும் அவர் கூறினார்.

பிரதமரின் வீட்டுவசதித் திட்டம் - கிராமின் என்பது மத்திய அரசின் முதன்மைத் திட்டங்களில் ஒன்றாகும், இது 2024 ஆம் ஆண்டிற்குள் "அனைவருக்கும் வீடு" என்ற நோக்கத்தை அடைவதை நோக்கமாகக் கொண்டுள்ளது, இது வீடற்ற அனைத்து வீடுகள் மற்றும் கிராமப்புறங்களில் குடிசை மற்றும் பாழடைந்த வீடுகளில் வசிக்கும் குடும்பங்களுக்கு அடிப்படை வசதிகளுடன் கூடிய 2.95 கோடி பாதுகாப்பான வீடுகளை வழங்குவதன் மூலம் மற்ற திட்டங்களுடன் ஒன்றிணைகிறது.

கிராமப்புற இந்தியாவின் மேம்பாட்டை நோக்கி, 2016 ஆம் ஆண்டில் பிரதமரால் தொடங்கப்பட்ட இந்தத் திட்டம், வீட்டுவசதி மட்டுமல்ல, வீட்டுவசதி உள்ளிட்ட அனைத்து அடிப்படை வசதிகளையும் உறுதி செய்வதை நோக்கமாகக் கொண்டுள்ளது.  பிரதமரின் வீட்டு வசதித் திட்டம் -கிராமின் கீழ் , பயனாளிகள்  மகாத்மா காந்தி  தேசிய ஊரக வேலை உறுதித்திட்டத்தின்  கீழ் தங்கள் வீடுகளைக் கட்ட 90-95 நாட்கள் ஊதியத்தையும், தூய்மை இந்தியா இயக்கம், உஜ்வாலா திட்டம்போன்ற பிற நலத்திட்டங்களுடன் ஒருங்கிணைந்து இத்திட்டத்தின் கீழ், வீடுகளில் கழிப்பறைகளையும் பெறுகிறார்கள்.    சுத்தமான எரிபொருள் மற்றும் மின்சார வசதிகள் உறுதி செய்யப்படுகின்றன. இத்திட்டத்தின் கீழ், பயனாளிக் குடும்பங்களின் பெண் உறுப்பினர்களும் தேசிய ஊரக வாழ்வாதார இயக்கம் (NRLM) மூலம் சுய உதவிக் குழுக்களில் (SHGs) சேர்க்கப்படுகிறார்கள். இதனால் கிராமப்புற பெண்கள் சிறந்த வாழ்வாதார வாய்ப்புகளைப் பெறுகிறார்கள். அடுத்த ஐந்து ஆண்டுகளில், பிரதமரின் சூரிய சக்தி இலவச மின்சாரத் திட்டத்துடன் ஒன்றிணைந்து பயனாளிகளுக்கு சூரிய மேற்கூரைகளை நிறுவவும் ஏற்பாடு செய்யப்படும்.

இத்திட்டத்தின் கீழ், முந்தைய இலக்கு 2.95 கோடி வீடுகளாக இருந்தது. இதில் 100% வீடுகள் சரியான நேரத்தில் அனுமதிக்கப்பட்டு 2.66 கோடி வீடுகள் கட்டி முடிக்கப்பட்டுள்ளன. கடந்த 10 ஆண்டுகளில், ஊரக வீட்டுவசதித் திட்டத்தின் கீழ் 3.42 கோடி வீடுகள் கட்டப்பட்டுள்ளன.

பிரதமரின் வீட்டுவசதித் திட்டம்-ஊரகத்தின் வெற்றி மற்றும் கிராமப்புற குடும்பங்களின் தேவையை உணர்ந்து, இத்திட்டம் தொடர்ந்து செயல்படுத்தப்பட்டு, வரும் 5 ஆண்டுகளில் கூடுதலாக 2  கோடி வீடுகள் கட்ட ஒப்புதல் அளிக்கப்பட்டுள்ளது. இந்த 2 கோடி புதிய வீடுகள்  அடுத்த ஐந்து ஆண்டுகளில் ரூ .  3.06 லட்சம் கோடிக்கும் அதிகமான செலவில் கட்டப்படும். புதிதாக ஒப்புதல் அளிக்கப்பட்ட 2 கோடி ரூபாயில், 16 மாநிலங்களுக்கு ரூ.31,73,016  கோடி அமைச்சகத்தால் விடுவிக்கப்பட்டுள்ளது.

பிரதமரின் வீட்டுவசதித் திட்டம்  - கிராமின் வெறும் திட்டம் மட்டுமல்ல, சாமானிய குடிமகனுக்கான நம்பிக்கையாகும். இது மரியாதை, அதிகாரமளித்தல் மற்றும் சிறந்த எதிர்காலத்தை உருவாக்குவதற்கான  அடிப்படையாகும்.  கிராமப்புற இந்தியாவின் வளர்ச்சியில் பிரதமர் கொண்டுள்ள உறுதிப்பாட்டை இத்திட்டம் பிரதிபலிக்கிறது.

*****

MM/KPG/DL

(Release ID: 2054737) Visitor Counter : 56