কেন্দ্রগী ফিশরীজ, এনিমেল হজবেন্দরী অমসুং দাইরিয়িং অমসুং পঞ্চায়তী রাজ মন্ত্রী, শ্রী রাজীব রঞ্জন সিংহ এলাইস ললন সিংহনা সেপ্তেম্বর 13, 2024দা ওরিসাগী ভুবনেশ্বরদা লৈবা লোক সেবা ভবন, কনভেন্সন সেন্তরদা এনিমেল হজবেন্দরী অমসুং দাইরী সেক্তরদা পাংথোক্কদবা মনসুন মীফমদা ময়াই তাংবল লৌরগনি। হৌদোকপগী মীফম অদুদা মুখ্য মন্ত্রী শ্রী মোহন চরন মাজিনা চীফ গেস্ত ওইনা শরুক য়াগনি অমসুং ওরিসাগী উপ মুখ্য মন্ত্রী শ্রীমতী প্রবতী পরিদানা অথোইবা মীথুংলেন ওইগনি। ফিশরীজ, এনিমেল হজবেন্দরী অমসুং দাইরিয়িং অমসুং পঞ্চায়তী রাজগী রাজ্য মন্ত্রী প্রো. এস.পি. সিংহ বাঘেল অমসুং ফিশরিজ, এনিমেল হজবেন্দরী অমসুং দাইরিয়িং অমসুং মাইনোরিতী এফিয়র্স মন্ত্রালয়গী রাজ্য মন্ত্রী শ্রী জোর্জ কুরিয়ানসু দিপার্তমেন্ত অসিগী সেনিয়র ওফিসরশিংগা লোয়ননা মীফম অসিদা শরুক য়াগনি হায়না পানরি। ফিশরিজ, এনিমেল হজবেন্দরী অমসুং দাইরীজ মন্ত্রালয়গী মখাদা লৈবা এনিমেল হজবেন্দরী অমসুং দাইরিয়িং দিপার্তমেন্তনা মোন্সুন মীফম অসি ওর্গানাইজ তৌরি।

মোন্সুন মীফম অসিগী পান্দমদি রাজ্যশিং অমসুং য়ু.তি.শিংদা তঙাই ফদবা অদু খঙদোকপা, তঙাই ফদবা অদু ফংনবা থৌরাং অমা শেমগৎপা, স্কিমশিংগী প্রোগ্রেস য়েংশিনবা, অমসুং ফলশিং অমসুং মিদ-কোর্স কোরেক্সনশিংগী মতাংদা খন্ন-নৈনবনি। রাজ্যশিং অমসুং য়ু.তি.শিংগী এনিমেল হসবেন্দরী মন্ত্রীশিং অমসুং মরী লৈনবা ওফিসিএলশিংনা থৌরম অসিদা শরুক য়াগনি।

2014-15দগী 2022-23 ফাওবদা শা-ষনগী সেক্তর অসি চহিগী ওইনা চাউখৎপগী চাং চাদা 9.82% ওইদুনা চাউখৎলে। লৌউ-শিংউ অমসুং মসিগা মরী লৈনবা সেক্তরশিংদা গ্রোস ভেল্যু এদেদতা মসিগী কন্ত্রিব্যুসন অসি 24.36%দগী চাউনা হেনগৎতুনা 30.22% ওইখি। 2022-23দা, সেক্তর অসিনা অপুনবা GVAদা 5.5% কন্ত্রিব্যুত তৌখি, মসিনা ঐখোয়গী ইকোনোমীদা মসিগী মরুওইবা থৌদাং অদু ময়েক শেংনা উৎলি।

হৌখিবা চহি মাপন অসিদা ঐখোয়গী লৈবাক অসিদা শঙ্গোম পুথোকপগী চাং চাদা 57.62 হেনগৎখ্রে। ইং 2014-15দা মিলিয়ন তন 146.3দগী ইং 2022-23দা মিলিয়ন মেত্রিক তন 230.60দা হেনগৎলে। চহিদা চাংচত্তা চাদা 5.9গী চাংদা হেনগৎলকপগী চাং অসি মালেমগী চাংচত্তগী চাদা 2গী চাংদা হেল্লি। মসিগী মথক্তা, মীওই অমদা নোংমদা শঙ্গোম ফংবগী চাং অসি 2013-14দা নোংমদা গ্রাম 307 ওইরম্বদগী 2022-23দা নোংমদা গ্রাম 459দা হেনগৎখ্রে। মসি মালেমগী ওইনা চাংচত্তা গ্রাম 325 ওইরি। মসিগী মাইপাকপশিং অসিনা শা-ষনগী সেক্তরবু "সুরাইজ সেক্তর" অমা ওইহল্লি।

মোসুন মীফম অসিনা ইমপ্লিমেন্তেসনগী শিংনবশিং কোকহন্নবা অমসুং রাজ্য পুম্বদা চৎনরিবা ৱাখল্লোনশিং অদুগী মগুন লৈরবা খন্ন-নৈনবশিং অমসুং একচেঞ্জশিং ফগৎহন্নবা আশা তৌরি। কেন্দ্রগী মন্ত্রীমন্দলগী মন্ত্রী (FAHD)না রাজ্যশিং অমসুং য়ু.তি.শিংগী এনিমেল হসবেন্দরী মন্ত্রীশিংগা ৱারী ৱাতায় শানবগী থৌরম অসিনা রাজ্যশিং অমসুং য়ু.তি.শিংগী মাই পাকপগী ৱারীশিং অমসুং খ্বাইদগী ফবা থৌওংশিং উৎনবা খুদোংচাবা অমা পীগনি অমসুং পুম্নমক্কী ওইনা তম্বগী এক্সপরিয়েন্স অমা ওইগনি।

এনিমেল হসবেন্দরী অমসুং দাইরীগী দিপার্তমেন্তকী "নুমিৎ 100গী এক্সন প্লান"গী শরুক অমা ওইরিবা তোঙান তোঙানবা মরুওইবা লাউথোকপা অমসুং থবক থৌরম কয়া হৌদোকপা অসিসু মোন্সুন মীফম অসিদা পাংথোক্কনি হায়না পানরি।

*****