پیرا اولمپک تیر اندازی چیمپیئن محترمہ شیتل دیوی اور جناب راکیش کمار كو ای سی آئی کے قومی آئیکن کے طور سے ملک بھر میں ووٹروں کو تحریک دینے کے لیے یكجا كیا گیا ہے۔نرواچن سدن میں آج منعقدہ ایک تقریب میں، سی ای سی جناب راجیو کمار نے ای سی ایس جناب گیانش کمار اور ڈاکٹر سکھبیر سنگھ سندھو کے ساتھ ارجن ایوارڈ یافتہ اور ای سی آئی کے قومی پی ڈبلیو ڈی آئیکن محترمہ شیتل دیوی اور ان کے مکسڈ ڈبلز ٹیم پارٹنر جناب راکیش کمار کو  پیرس سمر پیرا اولمپکس 2024 میں تیر اندازی میں کانسی کا تمغہ جیتنے میں شاندار کامیابی کے اعتراف میں مبارکباد دی۔ اس موقع پر کمیشن نے معذورین کے لیے ای سی آئی نیشنل آئیکون کے طور پر معروف پیرا اولمپین جناب راکیش کمار كے نام کا بھی اعلان کیا۔

محترمہ شیتل دیوی، اپنی والدہ محترمہ شکتی دیوی اور کوچز محترمہ ابھیلاشا چودھری اور جناب كلدیپ کمار کے ہمراہ آج نرواچن سدن میں سی ای سی جناب  راجیو کمار کے ساتھ ساتھ ای سی جناب گیانیش کمار اور ڈاکٹر سکھبیر سنگھ سندھو نے پرتپاک استقبال کیا۔

کمیشن نے سب كے لیے قابلِ رسائی اور شمولیتی انتخابات کے لیے اپنی وابستگی پر زور دیتے ہوئے کہا کہ جموں و کشمیر کے نوجوان مستقبل کے ووٹر کے طور پر شیتل دیوی نوجوانوں اور معذورین دونوں کو جمہوری عمل میں شامل ہونے کی ترغیب دیتی ہیں۔

سی ای سی جناب راجیو کمار نے اپنے خطاب میں کہا کہ ان کے کھیل کی طرح جموں و کشمیر سے تعلق رکھنے والے تیر انداز بھی انتخابی عمل میں بالخصوص جموں و کشمیر میں ہونے والے اسمبلی انتخابات میں ووٹروں کی شرکت کو بڑھانے کے لیے ٹیم بنائیں گے۔ چیمپئنز کی ہمت اور عزم کی تعریف کرتے ہوئے، سی ای سی نے کہا کہ جب مساوات اور مساوات کے اصولوں کو برقرار رکھا جاتا ہے تو معذوری کو رکاوٹ کے طور پر نہیں دیکھا جاتا بلکہ چیلنجوں پر قابو پانے کے لیے اضافی طاقتیں پیدا کرنے کے موقع کے طور پر دیکھا جاتا ہے۔

انہوں نے مزید کہا کہ اتنی چھوٹی عمر میں محترمہ شیتل دیوی نوجوانوں اور معذورین کے لیے ایک تحریک ہیں جو انہیں کھیلوں میں مشغول ہونے اور جمہوریت کے تہوار میں حصہ لینے کی ترغیب دیتی ہیں۔

ای سی جناب گیانیش کمار نے پیرا اولمپئینز کو مبارکباد دیتے ہوئے کہا کہ ان کا سفر معذورین کے لیے ایک تحریک ہے اور ہندوستانی الیكشن كمیشن  کا قومی آئیکن ہونا ووٹروں کی شرکت کی حوصلہ افزائی کرنے میں مدد کرے گا۔

ای سی ڈی آر ایس۔ ایس سندھو نے چیمپئنز کو ان کی لگن اور عزم کے لیے سراہتے ہوئے ان کی حوصلہ افزائی کی کہ وہ بہت سے لوگوں خاص طور پر نوجوانوں اور معذورین کے لیے ایک رول ماڈل بن کر رہیں ۔

تقریب کے دوران محترمہ شیتل دیوی اور جناب راکیش کمار نے جموں و کشمیر کے چھوٹے شہروں سے پیرس پیرا اولمپکس میں حصہ لینے اور تمغے جیتنے تک کے اپنے غیر معمولی سفر سے سامعین کو مسحور کر دیا۔

محترمہ شیتل دیوی كے نام  کا اعلان اس سال 16 مارچ کو لوک سبھا 2024 کے عام انتخابات کے اعلان سے عین قبل ای سی آئی كے نیشنل آئیکن کے طور پر کیا گیا تھا۔

صرف 17 سال کی عمر میں شیتل دیوی ہندوستان کی سب سے کم عمر پیرا اولمپک میڈلسٹ بن گئیں۔ ان کے کارناموں میں 2023 ایشین پیرا گیمز میں انفرادی اور مخلوط ٹیم دونوں ایونٹس میں گولڈ میڈل، 2023 ورلڈ آرچری پیرا چیمپئن شپ میں چاندی کا تمغہ اور ایشین پیرا چیمپئن شپ میں متعدد تعریفیں شامل ہیں۔

جناب راکیش کمار جن كے نام كا  آج معذورین کے لیے قومی نمائندے کے طور پر اعلان کیا گیا ہے، ٹوکیو اور پیرس میں پیرالمپکس مقابلوں میں تیر اندازی میں دو بار ملک کی نمائندگی کر چکے ہیں۔انہوں نے 2023 ورلڈ آرچری پیرا چیمپئن شپ اور ایشین پیرا گیمز 2022-23 میں مکسڈ ٹیم ایونٹ میں گولڈ میڈل جیتا ہے اور  ایشین پیرا گیمز 2022-23 میں انفرادی اور مرد ٹیم میں چاندی کا تمغہ بھی حاصل کیا۔

******

ش ح۔ع س ۔س ا

U.No:10801

(Release ID: 2054025) Visitor Counter : 30