انتظامی اصلاحات اور عوامی شکایات کے محکمہ (ڈی اے آر پی جی) نے اگست 2024 کے لیے سینٹرلائزڈ عوامی شکایات کے ازالے اور نگرانی کے نظام (سی پی جی آر اے ایم ایس) کی ماہانہ رپورٹ جاری کی ہے، جس میں عوامی شکایات کی اقسام اور زمروں اور نمٹانے کی نوعیت کا تفصیلی تجزیہ فراہم کیا گیا ہے۔ یہ ڈی اے آر پی جی کے ذریعہ شائع کردہ مرکزی وزارتوں / محکموں پر 28  ویں رپورٹ ہے۔

اگست 2024 کی پیش رفت سے پتہ چلتا ہے کہ مرکزی وزارتوں / محکموں کے ذریعہ 2،32،885 شکایات کا ازالہ کیا گیا ہے۔ مرکزی وزارتوں / محکموں میں شکایت نمٹانے کا اوسط وقت یکم جنوری تا 31 اگست 2024 تک 12 دن کا ہے۔ یہ رپورٹیں 10 مراحل پر مشتمل سی پی جی آر اے ایم ایس اصلاحاتی عمل کا حصہ ہیں جسے ڈی اے آر پی جی نے ڈسپوزل کے معیار کو بہتر بنانے اور ٹائم لائنز کو کم کرنے کے لیے اپنایا تھا۔

رپورٹ میں اگست 2024 کے مہینے میں سی پی جی آر اے ایم ایس پورٹل کے ذریعے رجسٹرڈ نئے صارفین کا ڈیٹا فراہم کیا گیا ہے۔ اگست 2024 کے مہینے میں کل 90،684 نئے صارفین نے اندراج کیا ، جس میں سب سے زیادہ رجسٹریشن آسام (40،796) سے ہوئی۔

مذکورہ رپورٹ میں اگست 2024 میں کامن سروس سینٹروں کے ذریعہ درج شکایات پر وزارت / محکمہ وار تجزیہ بھی فراہم کیا گیا ہے۔ سی پی جی آر اے ایم ایس کو کامن سروس سینٹر (سی ایس سی) پورٹل کے ساتھ مربوط کیا گیا ہے اور یہ 5 لاکھ سے زیادہ سی ایس سی میں دستیاب ہے، جو 2.5 لاکھ ولیج لیول انٹرپرینیورز (وی ایل ای) کے ساتھ منسلک ہے۔ اگست 2024 کے مہینے میں سی ایس سی کے ذریعے 39,276 شکایات درج کی گئیں۔ اس میں ان اہم مسائل / زمروں کو بھی اجاگر کیا گئی ہے جن کے لیے سی ایس سی کے ذریعہ سب سے زیادہ شکایات درج کی گئیں۔

اگست 2024 میں فیڈ بیک کال سینٹر نے 94,275 فیڈ بیک جمع کیے، جمع کیے گئے کل فیڈ بیک میں سے ،  54 فیصد شہریوں نے اپنی متعلقہ شکایات کے حل پر اطمینان کا اظہار کیا۔ اگست 2024 میں فیڈ بیک کال سینٹر کے ذریعے وزارت/محکمے کے لیے 62 ہزار 223 فیڈ بیک جمع کیے گئے جن میں سے 63 فیصد شہریوں نے فراہم کردہ قرارداد پر اطمینان کا اظہار کیا۔ مذکورہ رپورٹ میں شہریوں کے اطمینان کی شرح کے حوالے سے گذشتہ 8 ماہ کے دوران وزارت/محکمے کی کارکردگی بھی موجود ہے۔

مرکزی وزارتوں / محکموں کے لیے اگست 2024 کے لیے ڈی اے آر پی جی کی ماہانہ سی پی جی آر اے ایم ایس رپورٹ کی اہم جھلکیاں درج ذیل ہیں:

1. عوامی شکایات کے معاملے:

· اگست 2024 میں ، سی پی جی آر اے ایم ایس پورٹل پر 2،36،458  عوامی شکایات کے معاملے موصول ہوئے ، 2،32،885 معاملوں کا ازالہ کیا گیا اور 31 اگست، 2024 تک 70،052 معاملے زیر التوا ہیں۔

2. عوامی شکایات پر اپیلیں:

· اگست 2024 میں 18,359 اپیلیں موصول ہوئیں اور 16,376 اپیلیں نمٹا دی گئیں۔

· مرکزی سکریٹریٹ میں اگست 2024 کے آخر تک 28,184 پی جی اپیلیں زیر التوا ہیں۔

3. شکایات کے ازالے کا جائزہ اور اشاریہ (جی آر اے آئی) – اگست، 2024

· سینٹرل بورڈ آف انڈائریکٹ ٹیکسز اینڈ کسٹمز، محکمہ ڈاک اور محکمہ دیہی ترقی اگست 2024 کے لیے گروپ اے (500 سے زیادہ شکایات کے برابر) کے اندر شکایات کے ازالے کے جائزے اور اشاریے میں بہترین کارکردگی کا مظاہرہ کرنے والوں میں شامل ہیں۔

· معذور افراد کی تفویض اختیارات کا محکمہ، وزارت آیوش اور نیتی آیوگ اگست، 2024 کے لیے گروپ بی (500 سے کم شکایات) کے اندر شکایات کے ازالے اور اشاریے میں بہترین کارکردگی کا مظاہرہ کرنے والوں میں شامل ہیں۔

***

(ش ح – ع ا)

U. No. 10795