زراعت اور کسانوں کی بہبود اور دیہی ترقی کے مرکزی وزیر جناب شیوراج سنگھ چوہان نے کہا کہ زراعت اور کسانوں کی بہبود وزیر اعظم جناب نریندر مودی کی اولین ترجیح ہے۔ کسانوں کی خدمت ہمارے لیے رب کی عبادت کے مترادف ہے۔جناب شیوراج سنگھ چوہان نے کہا کہ حال ہی میں مدھیہ پردیش کے کسان پریشان تھے، سویابین ایم ایس پی سے کم قیمت پر فروخت ہو رہی تھی۔ اس سے قبل ہم نے مہاراشٹرا، کرناٹک جیسی ریاستوں کو کم از کم امدادی قیمت پر سویا بین خریدنے کی اجازت دی تھی۔

مرکزی وزیر جناب چوہان نے کل صبح 9 بجے ایم ایس پی پر سویا بین خریدنے کا اپنا پیغام  دیا۔ اس کے بعد، مدھیہ پردیش حکومت کی موہن کابینہ میں ایم ایس پی پر سویا بین خریدنے کی تجویز آئی اور شام کو مرکزی حکومت کو ایم ایس پی پر سویا بین خریدنے کے لئے ریاستی حکومت کا خط موصول ہوا۔

جناب چوہان نے کہا کہ جیسے ہی ہمیں کل رات مدھیہ پردیش حکومت کی طرف سے ایم ایس پی پر سویا بین خریدنے کی تجویز موصول ہوئی، ہم نے آج صبح اس تجویز کو منظوری دے دی۔ جناب چوہان نے کہا کہ مدھیہ پردیش کے کسانوں کو فکر نہیں کرنی چاہیے۔ سویا بین ایم ایس پی کی شرحوں پر خریدی جائے گی اور کسان کو اس کی محنت کی پوری قیمت ادا کی  جائے گی۔

*****

ش ح-ع و –ا ک

U.No:10778

(Release ID: 2053801) Visitor Counter : 34