2024 ஏப்ரல் முதல் ஆகஸ்ட்  வரையிலான காலகட்டத்தில், இந்தியாவின் நிலக்கரி உற்பத்தி மற்றும் விநியோக போக்குகள் ஒரு நேர்மறையான பாதையைக் காட்டுகின்றன, நம்பகமான நிலக்கரி உற்பத்தி மற்றும் விநியோகம் மூலம் நாட்டின் எரிசக்தி தேவைகளை பூர்த்தி செய்ய நிலக்கரி அமைச்சகம் உறுதிபூண்டுள்ளது.

 

2024 ஏப்ரல் முதல் ஆகஸ்ட்  வரை, நாட்டின் மொத்த நிலக்கரி உற்பத்தி 384.07 மில்லியன் டன்களை எட்டியது, இது முந்தைய ஆண்டின் இதே காலகட்டத்தில் 361.11 மில்லியன் டன்னுடன் ஒப்பிடும்போது 6.36% வளர்ச்சியைக் குறிக்கிறது. இருப்பினும், 2024 ஆகஸ்ட்  மாதத்தில், ஒட்டுமொத்த நிலக்கரி உற்பத்தி சற்று குறைந்து 62.67 மில்லியன் டன்னாக இருந்தது, இது 2023 ஆகஸ்ட்  மாதத்தில் 67.76 மில்லியன் டன்னாக இருந்தது.

 

இதே காலகட்டத்தில், 2024 ஏப்ரல் முதல் ஆகஸ்ட்  வரை, நாடு முழுவதும் நிலக்கரி விநியோகத்தைப் பொறுத்தவரை, இது 412.69 மில்லியன் டன்னாக இருந்தது, இது கடந்த ஆண்டின் இதே காலகட்டத்தில் 392.40 மில்லியன் டன்னுடன் ஒப்பிடும்போது 5.17% அதிகரித்துள்ளது. இருப்பினும், 2023 ஆகஸ்ட்  மாதத்தில் 75.19 மில்லியன் டன்னுடன் ஒப்பிடும்போது, 2024 ஆகஸ்ட்  மாதத்தில், நிலக்கரி விநியோகம் 69.94 மில்லியன் டன்னாக சற்று குறைந்துள்ளது.

 

மின்சாரத் துறைக்கு நிலக்கரி வழங்குவது முக்கிய முன்னுரிமையாக உள்ளது. ஏப்ரல் மற்றும் 2024 ஆகஸ்ட்  மாதத்துக்கு இடையில், மின்சாரத் துறைக்கான வழங்கல் 338.75 மெட்ரிக் டன்னை எட்டியது. இது கடந்த ஆண்டு இதே காலகட்டத்தில் வழங்கப்பட்ட 325.33 மில்லியன் டன்னுடன் ஒப்பிடுகையில் 4.13% வளர்ச்சியாகும். 2024 ஆகஸ்ட்  மாதத்தில், மின்சாரத் துறைக்கான வழங்கல் 58.07 மில்லியன் டன்னாக இருந்தது, இது ஆகஸ்ட் 2023-ல் பதிவு செய்யப்பட்ட 61.43 மில்லியன் டன்னுடன் ஒப்பிடுகையில் சற்று குறைவாகும்.

 

***

(Release ID: 2053517)

IR/RR/KR

(Release ID: 2053656) Visitor Counter : 42