কেন্দ্রগী ফীশরীজ, এনিমল হসবেন্দরী অমসুং দেরিয়িং অমসুং পঞ্চায়তি রাজকী মন্ত্রী, শ্রী রাজিব রঞ্জন সিং এলিয়াস ললন সিংনা নই দিল্লীগী চানক্যাপুরিগী সুশ্মা স্বারাজ ভাৱনদা হয়েং প্রধান মন্ত্রী মাতস্যা সমপদা য়োজনাগী ৪শুবা কুমওনদা প্রধান মন্ত্রী মাতস্যা কিসান সমৃধি সাহ-য়োজনা হৌদোক্লগনি অমসুং ফিসরীশিংগী সেক্তরদা প্রোদক্সন অমসুং প্রোসেসিং ক্লস্তরশিংগী মতাংদা স্তেন্দার্দ ওপরেতিং প্রোসিজর থাদোক্লগনি। কেন্দ্রগী ফিশরীজ, এনিমল হসবেন্দরি অমসুং দেরিয়িং অমসুং পঞ্চায়তি রাজকী রাজ্য মন্ত্রী, প্রোফেসর এস.পি. সিং বাঘেল অমসুং  কেন্দ্রগী ফিশরীজ, এনিমল হসবেন্দরি অমসুং দেরিয়িং অমসুং মাইনোরিতী এফিয়র্সকী রাজ্য মন্ত্রী, শ্রী জোর্জ কুরিয়নশু থৌরম অদুদা শরুক য়ারগনি। রাজ্যশিং/য়ু.তি.শিংগী ফিশরীজ দিপার্তমেন্ততগী মীহুৎশিং, দিপার্তমেন্ত ওফ ফিশরীজকী ওফিসিয়েলশিং, নেস্নেল ফিশরীজ দেবেলপমেন্ত বোর্দ, ICAR ইনস্তিত্যুতশিং অমসুং অতোপ্পা মরি লৈনবা দিপার্তমেন্তশিং/মন্ত্রালয়শিং, PMMSY বেনিফিসরীশিং, ঙামীশিং, ঙা য়াওপা মীশিং, এন্ত্রপ্রেনরশিং অমসুং লৈবাক অসিগী মফম কয়াদগী ফিশরীজ সেক্তরদা য়াওরিবা মরু ওইবা স্তেকহোল্দরশিংনা থৌরম অদুদা শরুক য়ারগনি। থৌরম অদু হাইব্রিদ মোদতা শিল্লগনি অমসুং মসিনা মরম ওইরগা লৈবাক অসিগী মফম কয়াদগী পার্তিসিপেন্তশিংনা থৌরম অদুদা মশা ওইনা অমসুং ভর্চুৱল ওইবা মওংদা থৌরম অসিদা শরুক য়ারগনি।

কেন্দ্রগী মন্ত্রী, শ্রী রাজিব রঞ্জন সিংনা প্রোদক্সন অমসুং প্রোদক্তিবিতী হেনগৎহনবগা মরি লৈনবা, মহৈ-মরোং লোকপা লোইরবা মতুংগী ইনফ্রাস্ত্রকচর অমসুং অতোপ্পা ভেল্যু চেন ওগমেন্তেশন ইন্তর্ভেন্সনশিংগা মরি লৈনবা PMMSYগী মখাদা এপ্রুব তৌরবা প্রোজেক্ত কয়া অমা লাওথোক্লগনি। PMMSYগী ৪শুবা কুমওন থৌরমগী সেলেব্রেশনদা উৎকদবা মরু ওইবা থবক-থৌরমশিং অদুদি ফাইনান্সিয়েল য়িয়র ২০২৪-২৫তা PMMSYগী মখাদা পাইখৎখিবা লৈবাক অসিগী ওইনা খ্বাইদগী হেন্না মরু ওইবা প্রোজেক্তশিং, বুকলেতশিং ফোংবা, সেন্তর ওফ এক্সেলেন্স অমসুং ন্যুক্লিয়স ব্রীদিং সেন্তরশিংগী নোতিফিকেশন, ক্লাইমেত রেজিলিয়েন্ত ওইবা সমুদ্র খোংবানদা লৈবা ঙামীশিংগী খুঙ্গংশিং অমসুং ফিশরীশিংগী ক্লস্তরশিং ওইনা দেবেলপ তৌনবগীদমক্তা সমুদ্র খোংবানদা লৈবা ঙামীশিংগী খুঙ্গংশিংগী নোতিফিকেশন অমসুং দিজিতেল পোর্তলনচিংবা লোঞ্চ তৌবগী মতাংদা ওইরগনি।

ভারত সরকারনা ২০১৪দগী লুপা করোর ৩৮,৫৭২ থাদনবগীদমক্তা স্কীমশিং হৌদোক্তুনা অমসুং থবক ওইনা পাইখত্তুনা ব্লু রিভোল্যুশনগী খুত্থাংদা ফিশরী সেক্তরদা অওনবা পুরকপদা লুচিংদুনা মরু ওইবা থৌদাং লৌখি। মরু ওইবা অনৌবা থৌরাংশিং অদুদা ব্লু রিভোল্যুশন: লুপা করোর ৫০০০গী ইনভেস্তমেন্তকা লোইননা ২০১৫-১৬দগী ২০১৯-২০দা ইমপ্লিমেন্ত তৌখিবা ইন্তিগ্রেতেদ দেবেলপমেন্ত অমসুং মেনেজমেন্ত ওফ ফিশরীজ, ২০১৮-১৯দগী ইমপ্লিমেন্ত তৌদুনা লাক্লবা লুপা করোর ৭,৫২২.৪৮কী শেনফমগা লোইননা ফিশরীজ অমসুং এক্বাকলচর ইনফ্রাস্ত্রকচর দেবেলপমেন্ত (FIDF), লুপা করোর ২০,০৫০গি ইনভেস্তমেন্তকা লোইননা চহি মঙাগীদমক্তা (২০২০-২১দগীনা ২০২৪-২৫) ইমপ্লিমেন্ত তৌখিবা প্রধান মন্ত্রী মাতস্যা সমপদা য়োজনা (PMMSY) অমসুং PMMSYগী মখাদা লৈবা সব-স্কীম, প্রধান মন্ত্রী কিসান সমৃধি সাহ-য়োজনা (PM-MKSSY) অসি লুপা করোর ৬০০০কী ইনভেস্তমেন্ত প্লান অমগা লোইননা হন্দক্কী চহি (২০২৪-২৫)তগী চৎনবা হৌদুনা ইমপ্লিমেন্ত তৌখ্রে। মসিগী প্রোগ্রামশিং অসিনা প্রোদক্সন, প্রোদক্তিবিতী, ক্বালিতী হেনগৎহনবা, এক্সপোর্তশিং হেনগৎহনবা, পোস্ত-হারভেস্ত লোসশিং হন্থহনবা অমসুং ইনোভেশন অমসুং ইনোভেতিব ওইববু য়োকখৎপা, তেক্নোলোজী শিজিন্নবা, এন্ত্রপ্রেনরশিপ চাউখৎহনবা, ঙামীশিংদা মকোয়গী হিংননবগী পাম্বৈশিং লৈহনবা অমসুং থবক্কী খুদোংচাবশিং পীবা, ঙা য়োক্লিব মীশিং অমসুং অতোপ্পা স্তেকহোল্দরশিং অমসুং ঙামীশিং, ঙা য়োকপা মীশিং, ঙাগী থবক তৌরিবা মীশিং, ঙা য়োনবা মীশিং অমসুং ফিশরী ভেল্যু চেনগী হকথেংননা মরি লৈনবশিংগী য়াইফ-থৌরাংদা মিৎয়েং থম্লি।

ভারত সরকারগী ফিশরীজ, এনিমল হসবেন্দ্রী অমসুং দেরিয়িং মন্ত্রালয়গী দিপার্তমেন্ত ওফ ফিশরীজনা প্রধান মন্ত্রী মাতস্যা সমপদা য়োজনা (PMMSY)বু মাইপাক্না ইমপ্লিমেন্ত তৌবগী ৪শু চহিনি। ভারত সরকারগী দিপার্তমেন্ত ওফ ফিশরীজনা প্রধান মন্ত্রী মাতস্যা সমপদা য়োজনা (PMMSY)বু মাইপাক্না চহি মরি মপুং ফাখিবগী মতুং ইন্না থৌরম অদুবু নিংশিংনবা থৌরম অমা শিল্লগনি।

প্রধান মন্ত্রী মাতস্যা সমপদা য়োজনা (PMMSY)না গেম চেঞ্জর অমা ওইনাফাওগৎলক্লি, মসিনা ভারতকী ফিশরীগি সেক্তরবু অমুক্তা থোকখিদ্রিবা মওংদা গ্রোথ অমসুং স্স্তেনেবিলিতী পুরকখ্রে। ভারত সরকারগী ফিশরীজ, এনিমল হসবেন্দ্রী অমসুং দেরিয়িং মন্ত্রালয়গী লুচিং মখাদা ২০২০গী মেদা হৌদোক্তুনা মসিগী ভিজনরী ওইবা স্কীম অসিনা ঙাগী প্রোদক্সন অমসুং প্রোদক্তিবিতী, ক্বালিতী, তেক্নোলোজী, পোস্ত-হার্ভেস্ত ইনফ্রাস্ত্রকচর অমসুং মেনেজমেন্ততা লৈরিবা গেপশিং অদুবু য়েংশিনবা, ভেল্যু চেনশিংগী মোদর্নাইজেশন তৌবা অমসুং  হেন্না মপাঙ্গল কনখৎহনবা, ত্রেসেবিলিতী, য়াম্না লিংবা ফিশরীশিংগী ওইবা মেনেজমেন্ত ফ্রেমৱার্ক অমসুং ঙামীশিংগী য়াইফ-থৌরাং অমা থম্বা হায়শিং অসিদা লেরিবা অহাংবশিং অদুবু কোকহন্নবা পান্দম থম্লি। চহি কয়া অসিদা PMMSYনা লৈবাক অসিদা ফিশরী অমসুং এক্বাকলচরবু মপুং ওইনা চাউখৎহন্নবগীদমক্তা কমপ্রেহেন্সিব ওইবা ব্লুপ্রিন্ত অমা ওইনা থোরক্লি। PMMSYনা ফিশরী সেক্তরদালুপা করোর ২০,০৫০গী হৌজিক ফাওবদা খ্বাইদগী ৱাংবা ইনভেস্তমেন্ত তৌখ্রে, মসিগী অনৌবা থৌরাং অসিনা ইনলেন্দ ফিশরী অমসুং এক্বাকলচরগী হিরমদা মিৎয়েং চংলি, মরমদি মসিনা প্রোদক্সন হেনগৎহনবদা অমসুং য়াম্না লিংবা ফুদ সেক্যুরিতী লৈহনবদা য়াম্না মরু ওইবা থৌদাং লৈ।

PMMSYগী মখাদা পুরকখিবা অহোংবশিং অমসুং পাইখৎলকখিবা অনৌবা থৌরাংশিং অদু ইনফ্রাস্ত্রকচর দেবলপমেন্তকী মরু ওইবা অমসুং মপুং ওইবা শরুক্তা য়াওরি, ভারতকী ফিশরীশিং অমসুং এক্বাকলচর সেক্তরগী মোদর্নাইজেশন, মরু ওইনা অনৌবা ফিশিং হারবরশিং/লেন্দিং সেন্তরশিংগী দেবেলপমেন্ত, ত্রেদিস্নেল ফিশরমেনগী ক্রাফশিং-ত্রোলরশিং-অরুবা সমুদ্রদা চৎপা ভেসেলশিংগী মোদর্নাইজেশন অমসুং মেকানাইজেশণ তৌবা, লৈবাক অসিদা এক্বাকলচর ফগৎহন্নবা ক্বালিতী লৈবা ফীদ অমসুং সীদগী সপআলি তৌনবা ফেসিলিতীশিং, পোস্ত-হারভেস্ত লোস হন্থহন্নবা পোস্ত-হারভেস্ত ফেসিলিতীশিংগী প্রোভিজন, কোল্দ চেনশিংগী ফেসিলিতীশিং, ভেল্যু এদিসন, অনানবা অমসুং হাইজীনিক ওইবা ফিশ মার্কেতশিং অমসুং অতোপ্পা কয়া অমাশু মসিদা য়াওরি। ঙামীশিংদা ঙা ফাবা য়াদবা মতমদা হিংননবগী পাম্বৈশিং পীবা , ইন্সুরেন্স কোভর, শেলগী ওইবা তেংবাং অমসুং লোইন-লোইননা কিসান ক্রেদিৎ কার্দগি খুদোংচাবশিং পীরি। PMMSYনা খুঙ্গংগী ইকোনোমী ফগৎহন্দুনা মাগী য়ুতিলাইজেশন হেনগৎহন্নবা লম্বি য়াৎলি।

মসি য়াম্না শিংথানিংঙাই ওইবা থৌরম অমা ওইগদবা অদুগুম্লবা পুক্নিং থৌগৎনিংঙাই ওইবা য়াম্না য়াইফরবা থৌরম অমনি, মসিনা ঙামীশিং, ঙা য়োকপা মীশিং, এন্ত্রপ্রেনরশিং, অতোপ্পা স্তেকহোল্দরশিং, সরকারগী ওফিসিয়েলশিং অমসুং য়াম্না ঈচং-থৌরবা ফিশরীজ অমসুং এক্বাকলচর সেক্তরদগী থৱায় য়াওরবা পার্তিসিপেন্তশিংবু অমত্তা ওইনা পুল্লরে। থৌরম অদুনা PMMSYগী মাইপাকপশিং অমসুং ভারত সরকারগী দিপার্তমেন্ত ওফ ফিশরীজনা পাইখৎখিবা স্কীম কয়া অমগী মতাংদা উৎথোক্লগনি। থৌরম অসিনা PMMSYগী মাইপাকপশিং অমসুং ভারত সরকারনা লৌখৎখিবা স্কীমশিং অদু উৎথোক্লগনি।

*****