ಶುಕ್ರವಾರ, ಸೆಪ್ಟೆಂಬರ್ 6, 2024 ರಂದು ಅಟಲ್ ಇನ್ನೋವೇಶನ್ ಮಿಷನ್ (ಎಐಎಂ),  NITI ಆಯೋಗವು ಮೆಡ್ ಟೆಕ್ ಮಿತ್ರ ಉಪಕ್ರಮದ 20ನೇ ತಾಂತ್ರಿಕ ಸಲಹಾ ಸಮಿತಿ (ಟಿಎಸಿ) ಸಭೆಯನ್ನು ಆಯೋಜಿಸಿತು. ಇದಾದ ನಂತರ, ಜೀವ ವಿಜ್ಞಾನ ಮತ್ತು ಜೈವಿಕ ತಂತ್ರಜ್ಞಾನದ ಮೇಲೆ ಕೇಂದ್ರೀಕೃತವಾಗಿರುವ 'ಇನ್ನೋವೇಶನ್ಸ್ ಫಾರ್ ಯು' ಎಂಬ ತನ್ನ ಕಾಫಿ ಟೇಬಲ್ ಪುಸ್ತಕ ಸರಣಿಯ 6ನೇ ಆವೃತ್ತಿಯನ್ನು ಬಿಡುಗಡೆ ಮಾಡಲಾಯಿತು.

ಡಿಸೆಂಬರ್ 25, 2023 ರಂದು ಪ್ರಾರಂಭಿಸಲಾದ ಮೆಡ್ ಟೆಕ್ ಮಿತ್ರ ಉಪಕ್ರಮವು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ICMR) ಮತ್ತು ಕೇಂದ್ರೀಯ ಔಷಧ ಮಾನದಂಡ ನಿಯಂತ್ರಣ ಸಂಸ್ಥೆ (CDSCO) ಯ ಜಂಟಿ ಪ್ರಯತ್ನವಾಗಿದೆ. ಈ ಉಪಕ್ರಮವು ನೀತಿ ಆಯೋಗದ ಮಾರ್ಗದರ್ಶನದಲ್ಲಿ ನಡೆಯುತ್ತಿದೆ. ಮೆಡ್ ಟೆಕ್ ಮಿತ್ರ ಉಪಕ್ರಮವು ವೈದ್ಯಕೀಯ ಮೌಲ್ಯಮಾಪನ, ನಿಯಂತ್ರಕ ಸೌಲಭ್ಯ ಮತ್ತು ಹೊಸ ಉತ್ಪನ್ನಗಳ ಸ್ವಾಧೀನಕ್ಕೆ ನಿರ್ಣಾಯಕ ಬೆಂಬಲವನ್ನು ಒದಗಿಸುವ ಮೂಲಕ ಮೆಡ್ ಟೆಕ್ ನವೋದ್ಯಮಿಗಳನ್ನು ಸಶಕ್ತಗೊಳಿಸುವ ಮತ್ತು ಆರೋಗ್ಯ ರಕ್ಷಣೆಯ ಪರಿಹಾರಗಳನ್ನು ಮುನ್ನಡೆಸುವ ಗುರಿಯನ್ನು ಹೊಂದಿದೆ.

ಮೆಡ್‌ಟೆಕ್ ಮಿತ್ರದ 20ನೇ ತಾಂತ್ರಿಕ ಸಲಹಾ ಸಮಿತಿ

ಆರಂಭದ ದಿನದಿಂದ, ಮೆಡ್ ಟೆಕ್ ಮಿತ್ರ ಪೋರ್ಟಲ್ ದೇಶಾದ್ಯಾಂತ ನವೋದ್ಯಮಿಗಳಿಂದ ಅಭೂತಪೂರ್ವ ಪ್ರತಿಕ್ರಿಯೆಯನ್ನು ಪಡೆದಿದೆ. ಪೋರ್ಟಲ್ ನಲ್ಲಿ ಬಂದ ಪ್ರಶ್ನೆಗಳಿಗೆ ಸ್ಪಂದಿಸಲು ಮತ್ತು ಮೆಡ್ ಟೆಕ್ ನವೋದ್ಯಮಿಗಳಿಗೆ ಕಾರ್ಯತಂತ್ರದ ಸಮಗ್ರ ಹ್ಯಾಂಡ್ ಹೋಲ್ಡಿಂಗ್ ಬೆಂಬಲವನ್ನು ಒದಗಿಸಲು, 'ಮೆಡ್ ಟೆಕ್ ಮಿತ್ರ' ದ 20 ತಾಂತ್ರಿಕ ಸಲಹಾ ಸಮಿತಿ (TAC) ಸಭೆಗಳನ್ನು ICMR-ಮುಖ್ಯಸ್ಥರ ಕಚೇರಿ, CDSCO ಮತ್ತು ನೀತಿ ಆಯೋಗದಲ್ಲಿ ನಡೆಸಲಾಗಿದೆ. ಈ ಸಭೆಗಳಲ್ಲಿ, ನವೋದ್ಯಮಿಗಳನ್ನು ICMR-ವೈದ್ಯಕೀಯ ಸಾಧನ ಮತ್ತು ರೋಗನಿರ್ಣಯ ಮಿಷನ್ ಕಾರ್ಯದರ್ಶಿ (MDMS) ಆಹ್ವಾನಿಸಿ, CDSCO, AIM-NITI ಆಯೋಗ, ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ (BIS), ICMR-ಭಾರತೀಯ ಕ್ಲಿನಿಕಲ್ ಪ್ರಯೋಗ ಮತ್ತು ಶಿಕ್ಷಣ ನೆಟ್ವರ್ಕ್ (INTENT), ಕಲಾಂ ಆರೋಗ್ಯ ಮತ್ತು ತಂತ್ರಜ್ಞಾನ ಸಂಸ್ಥೆ (KIHT)/ ಆಂಧ್ರಪ್ರದೇಶ ಮೆಡ್ ಟೆಕ್ ವಲಯ (AMTZ), DHR-ಭಾರತದ ಆರೋಗ್ಯ ತಂತ್ರಜ್ಞಾನ ಮೌಲ್ಯಮಾಪನ (HTAIn), DHR-ಮಾರ್ಗದರ್ಶನ ಕೇಂದ್ರ, ರಾಷ್ಟ್ರೀಯ ಆರೋಗ್ಯ ವ್ಯವಸ್ಥೆ ಸಂಪನ್ಮೂಲ ಕೇಂದ್ರ (NHSRC), ಸರ್ಕಾರಿ ಇ-ಮಾರುಕಟ್ಟೆ (GeM) ಮತ್ತು ಪರಮಾಣು ಶಕ್ತಿ ನಿಯಂತ್ರಣ ಮಂಡಳಿ (AERB) ಮತ್ತು ICMR-MDMS ಸೇರಿದಂತೆ ಮೆಡ್ಟೆಕ್ ಮಿತ್ರ ಜ್ಞಾನ ಪಾಲುದಾರ ಸಂಸ್ಥೆಗಳ ಹಿರಿಯ  ಅಧಿಕಾರಿಗಳ  ಮುಂದೆ  ಪ್ರಸ್ತುತಿ  ಮಾಡಲು ಆಹ್ವಾನಿಸಲಾಯಿತು. ಪ್ರಕ್ರಿಯೆಯನ್ನು ಸುಗಮಗೊಳಿಸಲು, ಭಾಗಿಯಾಗಿರುವವರ ಪಾತ್ರಗಳು ಮತ್ತು ಹೊಣೆಗಾರಿಕೆಯನ್ನು ನಿರ್ಧರಿಸಲು ಕಾರ್ಯಾಚರಣಾತ್ಮಕ ಶಾಶ್ವತ ಕಾರ್ಯಾಚರಣೆ ವಿಧಾನಗಳನ್ನು (SOPs) ಸ್ಥಾಪಿಸಲಾಗಿದೆ.

ಶುಕ್ರವಾರ 6 ನೇ ಸೆಪ್ಟೆಂಬರ್ 2024 ರಂದು ನಡೆದ 20 ನೇ ತಾಂತ್ರಿಕ ಸಲಹಾ ಸಮಿತಿ (TAC) ಸಭೆಯು ವೈದ್ಯಕೀಯ ತಂತ್ರಜ್ಞಾನ ಮಿತ್ರ ಅವರ ಕಾರ್ಯತಂತ್ರ ಮತ್ತು ಸಮಗ್ರ ಬೆಂಬಲವನ್ನು ನೀಡುವ ಬದ್ಧತೆಯ ಮುಂದುವರಿಕೆಯಾಗಿದೆ  ICMR-MDMS ಮೆಡ್ ಟೆಕ್ ಮಿತ್ರದ ಪ್ರಯಾಣವನ್ನು ಪ್ರಸ್ತುತಿ ಮಾಡಿತು. ಅಲ್ಲಿ ಎಲ್ಲಾ ಆರೋಗ್ಯ ಪರಿಹಾರಗಳನ್ನು ಮತ್ತು ಇತರ ಸಂಬಂಧಿತ ಪಾಲುದಾರರ ಸೇರ್ಪಡೆಯ ಮೂಲಕ ಪರಿಸರ ವ್ಯವಸ್ಥೆಯನ್ನು ಮತ್ತಷ್ಟು ಬಲಪಡಿಸಲು ಕೈಗೊಂಡ ಕ್ರಮಗಳನ್ನು ಪ್ರಕಟಿಸಿತು. ವಿವರವಾದ ಪ್ರಸ್ತುತಿಯು ತಂತ್ರಜ್ಞಾನಗಳನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯುವಲ್ಲಿ ಸಾಧಿಸಿದ ಪ್ರಗತಿ ಮತ್ತು ಪ್ರಶ್ನೆ ಪರಿಹಾರ ಮತ್ತು ಜ್ಞಾನ ಪಾಲುದಾರರಿಂದ ಸ್ವೀಕರಿಸಿದ ತಾಂತ್ರಿಕ ಮಾರ್ಗದರ್ಶನದ ಬಗ್ಗೆ ತೃಪ್ತಿ ವ್ಯಕ್ತಪಡಿಸಿದ ನವೋದ್ಯಮಿಗಳಿಂದ ಸ್ವೀಕರಿಸಿದ ಸಕಾರಾತ್ಮಕ ಪ್ರತಿಕ್ರಿಯೆಯನ್ನು ಸಹ ಉಲ್ಲೇಖಿಸಿದೆ. ಈ ಕಾರ್ಯಕ್ರಮದಲ್ಲಿ NITI ಆಯೋಗದ ಸದಸ್ಯ (ಆರೋಗ್ಯ) ಡಾ. ವಿ ಕೆ ಪಾಲ್, DHR ಮತ್ತು DG, ICMR ಕಾರ್ಯದರ್ಶಿ ಡಾ. ರಾಜೀವ್ ಬಾಹ್ಲ್, DHR ಕಾರ್ಯದರ್ಶಿ ಸ್ಮತೀ ಅನು ನಾಗರ್, CDSCOಯ DCGI ಡಾ. ರಾಜೀವ್ ಸಿಂಗ್ ರಾಘುವಂಶಿ, AIM-NITI ಆಯೋಗದ ಮಿಷನ್ ನಿರ್ದೇಶಕ ಡಾ. ಚಿಂತನ್ ವೈಷ್ಣವ್, NITI ಆಯೋಗದ ಪ್ರೋಗ್ರಾಮರ್ ನಿರ್ದೇಶಕ (ಎಸ್&ಟಿ) ಶ್ರೀ ಸುರೇಂದ್ರ ಮೆಹ್ರಾ ಮತ್ತು ICMR- INTENT ನೆಟ್ವರ್ಕ್, ICMR- MDMS, CDSCO, AIM-NITI ಆಯೋಗ, BIS, KIHT/AMTZ, DHR- HTAIn, DHR-ಮಾರ್ಗದರ್ಶನ ಕೇಂದ್ರ, NHSRC, GeM ಮತ್ತು AERB ಸೇರಿದಂತೆ ಮೆಡ್ಟೆಕ್ ಮಿತ್ರದ ಜ್ಞಾನ ಪಾಲುದಾರರ ಇತರ ಗಣ್ಯರು ಭಾಗವಹಿಸಿದ್ದರು. ಈ ಸಭೆಯು ಇಲ್ಲಿಯವರೆಗಿನ ಪ್ರಗತಿಯನ್ನು ಪರಿಶೀಲಿಸಲು ಮತ್ತು ಭಾಗವಹಿಸುವ ಎಲ್ಲ ಪಾಲುದಾರರೊಂದಿಗೆ ಚರ್ಚಿಸಲು ನಡೆಸಲಾಯಿತು .ಕಾರ್ಯತಂತ್ರದ ಚರ್ಚೆಗಳನ್ನು ನಡೆಸುವ ಮೂಲಕ ಉಪಕ್ರಮವನ್ನು ಮುಂದಕ್ಕೆ ಕೊಂಡೊಯ್ಯುವತ್ತ ಗಮನಹರಿಸಿದ ಯಶಸ್ವಿ ಸಭೆ ಇದಾಗಿದೆ.

ಪುಸ್ತಕ ಬಿಡುಗಡೆ - ನಿಮಗಾಗಿ ನಾವೀನ್ಯತೆಗಳು: ಜೀವ ವಿಜ್ಞಾನ ಮತ್ತು ಜೈವಿಕ ತಂತ್ರಜ್ಞಾನ

NITI ಆಯೋಗದ ಸದಸ್ಯ (ಆರೋಗ್ಯ) ಡಾ. ವಿ ಕೆ ಪಾಲ್ ಅವರು ಭಾರತವು ಔಷಧೀಯ ಮತ್ತು ವೈದ್ಯಕೀಯ ಸಾಧನಗಳಲ್ಲಿ ಜಾಗತಿಕ ನಾಯಕರಾಗುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಒಪ್ಪಿಕೊಂಡರು. ಈ ಉಪಕ್ರಮದ ಬಗ್ಗೆ ಮಾತನಾಡುತ್ತಾ, ಅವರು "ಕಲ್ಪನೆಯಿಂದ ಕ್ಲಿನಿಕಲ್ ಬಳಕೆಯವರೆಗಿನ ಪ್ರಯಾಣವು ಸಾಮಾನ್ಯವಾಗಿ ಅನೇಕ ಸವಾಲುಗಳಿಂದ ಕೂಡಿರುತ್ತದೆ. ಇವುಗಳಲ್ಲಿ ನಿಯಂತ್ರಕ ಅಡೆತಡೆಗಳು, ಪರೀಕ್ಷಾ ಅವಶ್ಯಕತೆಗಳು, ಉತ್ಪಾದನಾ ಸಂಕೀರ್ಣತೆಗಳು ಮತ್ತು ಕ್ಲಿನಿಕಲ್ ಮೌಲ್ಯಮಾಪನ ಪ್ರಕ್ರಿಯೆಗಳು ಸೇರಿವೆ. ಮೆಡ್ ಟೆಕ್ ಮಿತ್ರವು ಮಾರ್ಗದರ್ಶನ, ನೆರವು ಮತ್ತು ಅಗತ್ಯ ಸಂಪನ್ಮೂಲಗಳಿಗೆ ಪ್ರವೇಶವನ್ನು ಒದಗಿಸುವ ಮೂಲಕ ಈ ಸಮಸ್ಯೆಗಳನ್ನು ಪರಿಹರಿಸುತ್ತದೆ. ಮೆಡ್ ಟೆಕ್ ಮಿತ್ರವು ಊಹಿಸಲಾದ ವೇಗಗೊಂಡ ಬೆಳವಣಿಗೆಯ ಹಾದಿಗೆ ಅಗತ್ಯವಾದ ನೆಲದ ಮಟ್ಟದ ಅನುಷ್ಠಾನಕ್ಕಾಗಿ ಔಷಧ ಇಲಾಖೆಯ ಸಾಮರ್ಥ್ಯಗೊಳಿಸುವ ನೀತಿಗಳೊಂದಿಗೆ ಸಂಪೂರ್ಣವಾಗಿ ಹೊಂದಿಕೊಂಡಿದೆ " ಎಂದು ಹೇಳಿದರು.

ಡಾ. ರಾಜೀವ್ ಬಹಲ್, ಕಾರ್ಯದರ್ಶಿ DHR ಮತ್ತು ಮಹಾನಿರ್ದೇಶಕರು, ICMR ಈ ಉಪಕ್ರಮದಲ್ಲಿ ತೊಡಗಿರುವ ಸದಸ್ಯರ ಬದ್ಧತೆಯನ್ನು ಶ್ಲಾಘಿಸಿದರು. ನವೋದ್ಯಮಿಗಳ ಪ್ರಶ್ನೆಗಳ ಪರಿಹಾರಕ್ಕಾಗಿ ತಂಡವು ತೆಗೆದುಕೊಂಡ ಕ್ರಮಗಳನ್ನು ಮೆಚ್ಚುತ್ತಾ, ನವೋದ್ಯಮಿಗಳ ತೊಡಗಿಸಿಕೊಳ್ಳುವಿಕೆಯಲ್ಲಿ ಹೆಚ್ಚಳವನ್ನು ನೋಡುವ ತಮ್ಮ ಬಯಕೆಯನ್ನು ವ್ಯಕ್ತಪಡಿಸಿದರು. ಮೆಡ್ ಟೆಕ್ ಮಿತ್ರವು ದೇಶಾದ್ಯಂತ ಮೆಡ್ ಟೆಕ್ ಸ್ಟಾರ್ಟಪ್ಗಳಿಗೆ ಮೌಲ್ಯಯುತ ಸಂಪನ್ಮೂಲವಾಗಿ ವಿನ್ಯಾಸಗೊಳಿಸಲಾಗಿದೆ ಎಂದು ಅವರು ಹೇಳಿದರು. ಹೊಸ ನಿಯಂತ್ರಕ ವ್ಯವಸ್ಥೆಯ ಅಡಿಯಲ್ಲಿ, ವೈದ್ಯಕೀಯ ಸಾಧನಗಳ ಗುಣಮಟ್ಟ ಮತ್ತು ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ತನಿಖಾತ್ಮಕ ವೈದ್ಯಕೀಯ ಸಾಧನಗಳು / ಹೊಸ IVD ಗಳ ಕ್ಲಿನಿಕಲ್ ಮೌಲ್ಯಮಾಪನವು ಅತ್ಯಂತ ಮಹತ್ವದ್ದಾಗಿದೆ. ಈ ದಿಕ್ಕಿನಲ್ಲಿ ICMR ತನ್ನ ತಜ್ಞತೆ ಮತ್ತು ಸಂಪನ್ಮೂಲಗಳನ್ನು ಬಳಸಿಕೊಂಡು ಪ್ರಮುಖ ಪಾತ್ರ ವಹಿಸಬಹುದು. ಕ್ಲಿನಿಕಲ್ ಮೌಲ್ಯಮಾಪನ ಬೆಂಬಲ, ನಿಯಂತ್ರಕ ಸಲಹೆ ಮತ್ತು ಉತ್ಪನ್ನ ಸ್ವೀಕಾರ ಸೌಲಭ್ಯಕ್ಕೆ ಪ್ರವೇಶವನ್ನು ನೀಡುವ ಮೂಲಕ, ಮೆಡ್ ಟೆಕ್ ಮಿತ್ರವು ಸಂಕೀರ್ಣ ಆರೋಗ್ಯ ರಕ್ಷಣಾ ಕ್ಷೇತ್ರದಲ್ಲಿ ನ್ಯಾವಿಗೇಟ್ ಮಾಡಲು ನವೋದ್ಯಮಿಗಳಿಗೆ ಸಹಾಯ ಮಾಡಬಹುದು. ಮೆಡ್ಟೆಕ್ ಮಿತ್ರವು ಫಲಿತಾಂಶ-ಆಧಾರಿತ ಸಂಸ್ಥೆಯಾಗಲು ಪ್ರಯತ್ನಿಸಬೇಕು. ಪ್ರತಿಯೊಂದು ಮೆಡ್ ಟೆಕ್ ಮಿತ್ರ ಜ್ಞಾನ ಪಾಲುದಾರರು ಭಾರತ ಸರ್ಕಾರದ ವಿಕಸಿತ ಭಾರತ ವಿಷನ್‌ಗೆ ಕೊಡುಗೆ ನೀಡುವ ಜವಾಬ್ದಾರಿಯನ್ನು ಹೊಂದಿದ್ದಾರೆ ಎಂದು ಅವರು ಹೇಳಿದರು.

CDSCOಯ DCGI ಡಾ. ರಾಜೀವ್ ಸಿಂಗ್ ರಾಘುವಂಶಿ ಅವರು ಮೆಡ್ಟೆಕ್ ಮಿತ್ರ ಉಪಕ್ರಮದ ಪ್ರಗತಿಯನ್ನು ಸಾರ್ವಜನಿಕರಲ್ಲಿ ಪ್ರಸಾರ ಮಾಡುವ ಪ್ರಾಮುಖ್ಯತೆಯನ್ನು ಹೈಲೈಟ್ ಮಾಡಿದರು. ಮೆಡ್ಟೆಕ್ ಮಿತ್ರ ಉಪಕ್ರಮವು ಪ್ರಾರಂಭವಾದಾಗಿನಿಂದ ಗಮನಾರ್ಹ ಪ್ರಗತಿಯನ್ನು ಸಾಧಿಸಿದೆ. ಈ ಪ್ರಮುಖ ಉಪಕ್ರಮವು "ಹೆಚ್ಚು ಸಂಖ್ಯೆಯಿಂದ ನವೀನತೆಯ ಮೌಲ್ಯಗಳಿಗೆ" ಪರಿವರ್ತನೆಯನ್ನು ತರಬಹುದು, ಇದು ಬದಲಾಗುತ್ತಿರುವ ಆರೋಗ್ಯ ಪರಿಹಾರಗಳ ಅಗತ್ಯತೆಗಳನ್ನು ಪೂರೈಸಲು ಸಹಾಯ ಮಾಡುತ್ತದೆ. ಈ ಉಪಕ್ರಮವು ಭಾರತವನ್ನು ವೈದ್ಯಕೀಯ ಸಾಧನಗಳು ಮತ್ತು ರೋಗನಿರ್ಣಯಗಳ ನಿವ್ವಳ ರಫ್ತುದಾರರನ್ನಾಗಿ ಮಾಡುವತ್ತ ಹೆಚ್ಚಿನ ಸಾಮರ್ಥ್ಯವನ್ನು ಹೊಂದಿದೆ ಎಂದು ಅವರು ಹೇಳಿದರು. 

ಮಿಷನ್ ನಿರ್ದೇಶಕ ಅಟಲ್ ಇನ್ನೋವೇಶನ್ ಮಿಷನ್ ಡಾ. ಚಿಂತನ್ ವೈಷ್ಣವ್ ಅವರು ತಮ್ಮ ಭಾಷಣದಲ್ಲಿ ಸಭೆಯ ಮಹತ್ವವನ್ನು ತಿಳಿಸಿದರು. "20ನೇ ಮೆಡ್ ಟೆಕ್ ಮಿತ್ರ TAC ಸಭೆಯು ಮೆಡ್ ಟೆಕ್ ನವೋದ್ಯಮಿಗಳನ್ನು ಬೆಂಬಲಿಸುವ ನಮ್ಮ ನಿರಂತರ ಪ್ರಯತ್ನದಲ್ಲಿ ಪ್ರಮುಖ ಮೈಲಿಗಲ್ಲನ್ನು ಪ್ರತಿನಿಧಿಸುತ್ತದೆ. ಸಮರ್ಥ ಚರ್ಚೆಗಳನ್ನು ಸುಗಮಗೊಳಿಸುವ ಮತ್ತು ಸಮಗ್ರ ಮಾರ್ಗದರ್ಶನವನ್ನು ಒದಗಿಸುವ ಮೂಲಕ, ವೈದ್ಯಕೀಯ ಸಾಧನ ತಂತ್ರಜ್ಞಾನದಲ್ಲಿ ಪ್ರಭಾವಶಾಲಿ ಪ್ರಗತಿಯನ್ನು ಸಾಧಿಸುವ ಗುರಿಯನ್ನು ನಾವು ಹೊಂದಿದ್ದೇವೆ. ಹೆಚ್ಚುವರಿಯಾಗಿ, ಜೀವ ವಿಜ್ಞಾನ ಮತ್ತು ಜೈವಿಕ ತಂತ್ರಜ್ಞಾನದಲ್ಲಿ ಭಾರತೀಯ ನವೀನಕಾರರ ಅಸಾಧಾರಣ ಕೊಡುಗೆಗಳನ್ನು ಆಚರಿಸುವ ನಾವು ನೀಡುವ 6ನೇ ಆವೃತ್ತಿಯನ್ನು ಅನಾವರಣ ಮಾಡಲು ನಾವು ಉತ್ಸುಕರಾಗಿದ್ದೇವೆ " ಎಂದು ಹೇಳಿದರು.

ಸಭೆಯ ನಂತರ AIM ನ 6 ನೇ ಆವೃತ್ತಿಯ 'ಇನ್ನೋವೇಶನ್ಸ್ ಫಾರ್ ಯು' ಕಾಫಿ ಟೇಬಲ್ ಪುಸ್ತಕವನ್ನು ಬಿಡುಗಡೆ ಮಾಡಲಾಯಿತು. ದೇಶಾದ್ಯಂತ ಹರಡಿರುವ ವಿವಿಧ ಅಟಲ್ ಇನ್ಕ್ಯುಬೇಷನ್ ಕೇಂದ್ರಗಳ ಅಡಿಯಲ್ಲಿ 50 ಪ್ರವರ್ತಕ ಉದ್ಯಮಿಗಳನ್ನು ಪುಸ್ತಕವು ಹೈಲೈಟ್ ಮಾಡುತ್ತದೆ. ಅವರು ಜೀವ ವಿಜ್ಞಾನ ಮತ್ತು ಜೈವಿಕ ತಂತ್ರಜ್ಞಾನದಲ್ಲಿ ತಮ್ಮ ಕೊಡುಗೆಗಳ ಮೂಲಕ ಬದಲಾವಣೆಗೆ ಕಾರಣರಾಗಿದ್ದಾರೆ. ಈ ವಲಯದೊಳಗೆ, ಪ್ರಕಟಣೆಯು ನಾವೀನ್ಯತೆಗಳನ್ನು ಉಪವರ್ಗಗಳಾಗಿ ವಿವರಿಸುತ್ತದೆ-ರೋಗನಿರ್ಣಯಶಾಸ್ತ್ರ, ಚಿಕಿತ್ಸಕಶಾಸ್ತ್ರ, ಜೈವಿಕ ಎಂಜಿನಿಯರಿಂಗ್ ಮತ್ತು ಡ್ರಗ್ ಡಿಸ್ಕವರಿ. ಈ ಪ್ರಕಟಣೆಯು ಈ ಆವಿಷ್ಕಾರಗಳ ಕಥೆಗಳನ್ನು ಪ್ರಸ್ತುತಪಡಿಸುವ ಮೂಲಕ ಸಮಾಜದ ಮೇಲೆ ಅವುಗಳ ವ್ಯಾಪಕವಾದ ಅನ್ವಯತೆ ಮತ್ತು ಪ್ರಭಾವವನ್ನು ತೋರಿಸುತ್ತದೆ. ಹೊಸ ಸ್ಟಾರ್ಟ್ಅಪ್ಗಳನ್ನು ಮಾರ್ಗದರ್ಶನ ಮಾಡಲು ಮತ್ತು ಪ್ರೇರೇಪಿಸಲು ಉದ್ದೇಶಿಸಲಾದ ಈ ಪುಸ್ತಕವು ಈ ಕ್ಷೇತ್ರಗಳಲ್ಲಿ ಹೊಸತನ ಮತ್ತು ಸಂಶೋಧನೆಗೆ ಉತ್ತೇಜನ ನೀಡುವಲ್ಲಿ AIM ಬೆಂಬಲಿತ ಇಂಕ್ಯೂಬೇಟರ್ ಗಳ ಪ್ರಮುಖ ಪಾತ್ರವನ್ನೂ ಒತ್ತಿ ಹೇಳುತ್ತದೆ. ಈ ಇಂಕ್ಯೂಬೇಟರ್ಗಳು ಭಾರತವನ್ನು ಜೀವವಿಜ್ಞಾನ ಮತ್ತು ಜೈವಿಕ ತಂತ್ರಜ್ಞಾನದಲ್ಲಿ ಬಹುಮಟ್ಟಿಗೆ ಅಭಿವೃದ್ಧಿಗೊಳಿಸಿದ್ದು, ಉದಯೋನ್ಮುಖ ನವೋದ್ಯಮಿಗಳಿಗೆ ಮತ್ತು ಸಂಶೋಧಕರಿಗೆ ಶಕ್ತಿ ನೀಡಿವೆ.

ಪುಸ್ತಕವನ್ನು ಇಲ್ಲಿ ಓದಬಹುದು: https://aim.gov.in/pdf/Life-Sciences-and-Biotechnology_6th-CTB_AIM_v1.pdf.

ಮೆಡ್ಟೆಕ್ ಮಿತ್ರ ಪೋರ್ಟಲ್ ಲಿಂಕ್ - https://medtechmitra.icmr.org.in/

*****