হ্যুমেন রিসোর্স চাউখৎ-থৌরাংগী মন্ত্রালয়
উপ্প রাস্ত্রপতিনা ঙসি নৈ দিল্লীগী বিগ্যান ভাবন্দা পাঙথোকপা অন্তর্জাতিগী লিতরেসীগী নুমিৎ পালন্দা অথোইবা মীথুংলেন ওইনা ঙান্থোইখ্রে
ঐখোয়না মীওই অমমম লিতরেত ওইহন্নবা ৱারেপ লৌসি; মসিনা বিকশিত ভারত্তা মরুওইবা মচাক অমা ওইগনি হায়না উপ্প রাস্ত্রপতিনা ফোংদোকখি
য়ারিবা মখৈ ঙন্না লিতরেসী ১০০% ফংনবগীদমক অচেৎপা ফিরেপ অমগা লোইননা মিসন মোদতা হোৎনবগী মতম্নি হায়না উপ্প রাস্ত্রপতিনা হায়রি
লাইরিক লাইশুগী মঙালনা লনাই মীওই অমবু মনীং তমহল্লি, ইকাইখুম্নবা পীবী, মশানা মশাবু খঙজনবা হোৎনবদা মতেং পাংই হায়না উপ্প রাস্ত্রপতিনা ফোংদোক্লি
এন.ই.পি. অসি অহোংবা পুরক্নবগী মচাক অমনি; মসিবু লৌখৎত্রিবা রাজ্যশিংনা হন্না খন্থগদবনি, মখোয়গী খোঙথাং হন্না য়েংশিনগদবনি – উপ্প রাস্ত্রপতি
ভারতকী তোপ তোপ্পা লোলগী লন কয়া লৈ; ইমা লোল হায়বসি ঐখোয়না মঙলান শাগৎলিবা লোল অমনি হায়না উপ্প রাস্ত্রপতিনা হায়রি
মীপুম খুদিংমকপু ময়েক চৎহন্নবগী থৌরাং অসি মালেমগী মিসন অমগী শরুক অমনি হায়না এম.ও.এস. শ্রী জয়ন্ত চৌধরিনা হায়রি
Posted On:
08 SEP 2024 3:38PM by PIB Imphal
উপ্প রাস্ত্রপতি, শ্রী জগদীপ ধঙ্করনা ঙসি মীপুম খুদিংমক্তা কনাগুম্বা অমবু ময়েক চৎহন্নবা হোৎনগদবনি হায়না আপিল তৌরক্লি। "ঐখোয়না কনাগুম্বা অমবু ময়েক চৎহনবা মতমদা ঐখোয়না মহাকপু মনীং তমহনবীরবনি, মহাকপু মশামক্না মশামকপু খঙজনবগী খুদোংচাবা পীরিবনি, ঐখোয়না মহাকপু ইকাইখুম্নবা উৎলি, অমনা অমদা তাংবা অমসুং মনীং তম্বা পীরিবনি। মসিনা মীওই অমবু মশামক্না মতেং পাংজবা ঙমহল্লি। মসি অমনা অমগী মতেং তৌনবগী অশেংবা মশক্নি", হায়না মহাক্না মখা তাখি।
![Image](https://static.pib.gov.in/WriteReadData/userfiles/image/image001AUJ4.jpg)
অন্তর্জাতিগী লিতরেসীগী নুমিৎতা ঙসি নৈ দিল্লীগী বিগ্যান ভাবন্দা পাঙথোকপা থৌরমদা অথোইবা মীথুংলেনগী ফম্ফম লাংদুনা ৱা ঙাংলদুনা উপ্প রাস্ত্রপতিনা হায়খি "নুপাবু ওইরো, নুপীবু ওইরো, অঙাং নৎত্রগা নুপীমচা অমবু ওইরো কনাগুম্বা মীওই অমবু মহৈ মশিং পীবীদুনা নুংঙাইহল্লিবা অসি চাংদম্নবা য়াবা নত্তে। মসিনা কয়াগী মতীক নুংঙাইবা পীবগে হায়বদুসু নখোয়না ভাপ্না লাম্বা ফংলোই। মসিনা অফবা লোঞ্চৎ শন্দোকই। হ্যুমেন রিসোর্স দিবেলপমেন্ততা অদোম্না খ্বাইদগী ফবা থবক লৌখৎপা হায়বদু ওইগনি"।
মহাক্কী ৱারোলদা, মহাক্না মীপুম খুদিংমকপু লিতরেসী ফগৎনবা হোৎনমিন্ননবা আপিল তৌখি। মহাক্না ফোংদোকখি মদুদি য়ারিবা মখৈ ঙন্না লিতরেসী ১০০% ফংনবগীদমক অচেৎপা ফিরেপ অমগা লোইননা মিসন মোদতা হোৎনবগী মতম্নি অদুবু মসি ঐখোয়না খল্লিবসিদগী হেন্না ঙন্না ফংবা ঙমগনি হায়না ফোংদোকখি। ঐখোয়না মীওই অমদি লিতরেত ওইহন্নবা ৱারেপ লৌসি; মসিনা বিকশিত ভারত্তা মরুওইবা মচাক অমা ওইগনি হায়না মহাক্না ফোংদোকখি।
মহাক্না মখা তানা হায়খি মদুদি "লাইরিক লাইশু হায়বসি হুরানবা অমত্তনা হুবা য়াবা পোৎশক অমা নত্তে। লৈঙাক অমত্তনা নফমদগী লাকপা ঙম্লোই। মরী মতা, নত্ত্রগা মরুপ মপাং অমত্তনা নঙোন্দগী লৌবা ঙম্লোই। মসিদা হন্থরকপা অমত্তসু লৈরোই। মসি নখোয়না পীথোক্লিবা মখৈ চাউবা হেনগৎলক্কনি।" মহাক্না থাজবা ফোংদোকখি মদুদি করিগুম্বা লাইরিক ময়েক চৎনবা পুক্নিং চঙনা হোৎনরবদি, ভারতনা মফম অসিবু নলান্দা অমসুং তকশশিলাগুম্না তাকপী তম্বীবগী ময়োল অমা ওইরম্বা অরিবা মশক অদু হঞ্জিনবা ঙমগনি।
![Image](https://static.pib.gov.in/WriteReadData/userfiles/image/image002DSBJ.jpg)
এজুকেসন পোলিসী (এন.ই.পি.) লৌখৎত্রিবা রাজ্যশিংনা হন্না খন্থগদবনি, মখোয়গী খোঙথাং হন্না য়েংশিনগদবনি হায়রদুনা মহাক্না ফোংদোকখি মদুদি পোলিসী অসি অসি লৈবাক অসিবু অহোংবা পুরক্নবগী মচাক অমনি। "অসিগুম্বা নেসনেল এজুকেসন পোলিসী অসিনা নহাশিংবু মখোয়গী হৈশিংবা অমসুং শক্তি মপুং ফানা লৌথোকপা ঙমহল্লি, মসিনা লোল খুদিংমক্তা পীগদবা মরুওইবদু পীরি," হায়না মহাক্না ফোঙদোকখি।
ইমালোলগী মরুওইবগী মতাংদা ফোংদোক্লদুনা শ্রী ধঙ্করনা হায়খি মদুদি ঐখোয়না মঙলান শাগৎলিবসি লোলদনি। শ্রী ধঙ্করনা ভারতকী পাক চাউরবা লোলগী মশক অসিদা ফোংদোক্লদুনা শ্রী ধঙ্করনা হায়খি, "ভারতকুম্বা লৈবাক অমত্তা মালেম অসিদা লৈঈতে। লোল চাউখৎপগী মতাংদা য়েংলবদি লোল মশীং থিঙমদনা লৈবগা লোইননা ঐখোয়দি অখন্নবা লৈবাক অমনি।"
মহাক্না রাজ্য সভাগী চীয়রমেন অমা ওইরিঙৈ মতম নীংশিংলদুনা মহাক্না হায়খি মদুদি মেম্বরশিংদা লোল ২২ দা ৱা ঙাংনবগী খুদোংচাবা পীরি। "মখোয়না মশাগী লোলদা ঙাংবা তাবা মতমদা, ঐহাক্না লোল অদু হন্দোকপদা তাই, অদুবু মখোয়গী হকচাংগী মওংনা মখোয়না হায়রিবদু খঙবা ঙম্মি", হায়না মহাক্না ফোংদোকখি।
ভারতকী নাত্তা ঋষিগী চৎনবীগী মরুওইবশিংগী মতাংদসু ফোংদোকখি অমসুং মীয়ামদা "থা তরুক্কী মনুংদা মীওই অমা ময়েক চৎহন্নবগী ৱারেপ লৌগদবনি, মসিনা চহি লোইরকপদদি মীওই অনিবু লাইরিক্কী মঙাল ফংহনবা ঙমগুনি।"
হৌখিবা চহি তরারোম অসিদা লাক্লিবা ভারতকী অহোংবা কয়া অসিগী মতাংদা ফোংদোক্লদুনা শ্রী ধঙ্করনা য়ুম্থোং খুদিংমক মৈ ফংহনবগী মায় পাকপা অসি মতম অমদদি ভাপ্না লাম্বা ফংলমদে অদুবু হৌজিক্তি মীৎমাংদা উবা হায়বদু ওইরে। মহাক্না খুঙ্গং চাউখৎহন্নবগী মতাংদা ফোংদোক্লদুনা য়ুম্থোং খুদিংদা অমাংশঙ থম্বা অমসুং দিজিতেল কনেক্তিবিতীগী মতাংদা ফোংদোকখি। অথাপ্পা খুঙ্গংশিংদা ৪জি ফংহনবনা সর্ভিস য়ৌহনবদা অহোংবা পুরক্তুনা নোংমগী থবকশিং হেন্না লায়হল্লে, অমসুং তঙাইফদবা থবকশিংদা শাংনা শাংনা লেপ্পগী থবক মুথৎলে।"
ঐখোয়গী সংবিধানগী মশকপু থিহল্লিবা মীওইশিংবু চেকশিন্নবা হায়রদুনা শ্রী ধঙ্করনা লান্না লমজিংবীরিবা মীওইশিং অসিবু ভারতকী মশক থোক্না চাউখৎলক্লিবা ফিভম অসিবু উহল্লদুনা ভাপ তাহন্নবা হোৎনগদবনি।
শ্রী জয়ন্ত চৌধরী, রাজ্যগী এজুকেসন মন্ত্রী, শ্রী সঞ্জয় কুমার, সেক্রেতরী, স্কুল এজুকেসন অমসুং লিতরেসী (দোসেল) অমসুং শক্নাইরবা মীওইশিংসু থৌরম অসিদা শরুক য়াখি।
এজুকেসন মন্ত্রালয়গী দিপার্ত্মেন্ত ওব স্কুল এজুকেসন অমসুং লিতরেসীনা য়ুনেস্কোগা খুৎশম্নদুনা ইন্তর্নেসনেল লিতরেসী দে ২০২৪ পালন তৌখি। চহি অসিগী থৌরমগী থিমদি, "মলতিলিঙ্গুএলিজমগী খুত্থাংদা লিতরেসী ফগৎনবা হোৎনবা" হায়বসিনি, মসিনা ভারতকী পাক চাউরবা খুন্নাই অসিদা লিতরেসীগী চাং ৱাংহন্নবা হোৎনবদা লোলনা লৌরিবা থৌদাং অদুনি।
হৌদোকপগী ৱারোল পীরদুনা শ্রী জয়ন্ত চৌধরীনা নুপীশিংবু শক্তি পীনবা অমসুং জি.দি.পি. হেনগৎনবগীদমক হকশেল ফগৎহন্নবা হোৎনবদা লিতরেসীগী থৌদাংগী মতাংদা ফোংদোকখি। লিতরেসী অসি চাউখৎপগী পান্দম অমখক্কী ৱা নত্তে; মসি চাউখৎলবা ভারত অমগী হৌরকপগী লোনচৎ অদুনি হায়না মহাক্না ফোংদোকখি।
মন্ত্রীনা উল্লাগী অখন্নবা মশক্কী মতাংদা ফোংদোকখি। মহাক্কনা প্রধান মন্ত্রী শ্রী নরেন্দ্র মোদীবু ২০৪৭ ফাওবগী মনুংদা বিক্সিত ভারত ফংহন্নবগী মঙলান পীবীবগীদমক থাগৎপা ফোংদোকচখি। মঙলান অসি এন.ই.পি. ২০২০গী খুত্থাংদা মঙফাওনহনবা ঙমগনি, মসিনা লোলগী পল অসি মুত্থৎপা ঙমগনি অমসুং লোল হায়বসিনা তম্লিবা অমগী খোংচৎতা পল অমা ওইহনবা য়ারোই হায়না শ্রী চৌধরিনা ফোংদোকখি।
শ্রী চৌধরীনা ফোঙদোকখি মদুদি মীপুম খুদিংমকপু ময়েক চৎহন্নবগী থৌরাং অসি মালেমগী মিসন অমগী শরুক অমনি। মহাক্না পনখি মদুদি, য়ুনেস্কোগা শম্নদুনা মসিবু অন্তর্জাতিগী থাক্তা পুখৎনবা হোৎনরি অমসুং মীপুম খুদিংমকপু মখোয়গী চপ চাবা শক্তি য়ৌনা ফুদোক্নবা এজুকেসন অমসুং খুদোংচাবগী অধিকার লৈজৈ। লিতরেসী হায়বসি জাতি অসিগী মরুওইবা খক নত্তে, মসি তুংগীসু ওইগদবা অমনি হায়না মহাক্না ফোংদোকখি।
মহাক্না রাজ্য অমসুং য়ুনিয়ন তেরিতোরী খুদিংমক্তা উলাস থৌরাংবু লৌখৎনবা অমসুং ২০৩০ ফাওবদা মপুং ফানা ময়েক চৎহন্নবগী পান্দম ফংহন্নবা চোকথবা নাইদনা হোৎনগদবনি হায়খি। মসি লৈঙাক্কী থৌরাং অমখক নত্তে, মসি পুম্নমক্কী থৌদাংনি হায়না মহাক্না নীংশিংখি।
শ্রী সঞ্জয় কুমারনা মহাক্কী তরাম্না ওকপগী ৱারোলদা লিতরেসী প্রোগ্রাম অসি এন.ই.পি. ২০২০ গী ১০০% লিতরেসী ফংনবগী পান্দমগা তুননা চৎলি। উলাসনা ঐখোয়গী চোকথবা নাইদ্রবা থৌনাশিং উৎলি। থৌরম অদুদা শরুক য়াখিবা অঙাংশিংদা ফোঙদোক্লদুনা মহাক্না থৌরম অসিদা পীরিবা খুদোংচাবা অসিনা লৈবাক অসিগী লিতরেসীগী মিসনদা মতেং পাংনবা হায়খি। মহাক্না লদাখ য়ুতিবু মপুং ফানা লিতরেসী ফংখিবা (৯৭%)গীদমক হরাওবা ফোংদোকখি। শ্রী কুমারনা পনখি মদুদি চহি অসিগী আই.এল.দি.গী থিম অসিনা মলতিলিঙ্গুএলিজমগী মতাংদা ফোংদোক্লি অমসুং ভারতকী লোলগী পাক চাউরবা মশক অসিনা লৈবাক অসিগী খ্বাইদগী চাউবা লন্নি। ১০০% লিতরেসী ফংহন্নবা হোৎনরিবা অসিগী মতাংদা ফোংদোক্লদুনা মিসন অসিনা আসা কয়া পীরি, লনাই মীওই কয়াবু শক্তি পীরি অমসুং ভারতকী তুংগী লম্বীবু হেন্না লংনা ঙালহল্লি।
উলাগী মতাংদা অখন্নবা ফিল্ম অমা – নব ভারত সকশর্তা কার্যক্রম থৌরম অসিগী মনুংদা উৎখি, মসিনা খোংচৎ অসিগী মায় পাকপগী ৱারী কয়া উৎখি। ফিল্ম অসিনা অহলশিংবু মহৈ মশিং তম্বীনবগী মতাংদা লৈরিবা থৌরাংশিংগী মতাংদা উৎখি।
লোল কয়াদা নম্বা লিতরেসী প্রোগ্রামগী মতাংদা লৈবাক অসিদা লৈরিবা লর্নরশিংদা য়ৌহন্নবা খোঙথাং অমা ওইরিবা উল্লাস দি.তি.ঐচ. চেন্নে অসিসু ঙসি হৌদোকখি। থৌরাং অসিনা লিতরেসী গেপ মেনশিনবদা অচৌবা থৌদাং লৌগনি।
ভোলুন্তীয়র ওজা অমসুং নিও লিতরেত মীওইশিংনা উলাস প্রোগ্রামগী মখাদা মলতিলিঙ্গুএল এজুকেসনগী খঙ হৈবশিং লান্থোকখি। হায়রিবা ৱারীশিং অসিনা কনাগুম্বা অমগী মমালোলদা তম্বগী কান্নবশিং অমসুং মসিনা অহলশিংদা পীবা শাফুগী মতাংদা উৎখি।
ভারতকী ইনাক খুল্লবা লোলগী মতাংদা উৎপা নাৎকী থৌরম অমনা লৈবাক অসিগী লিতরেসীগী থৌরাংগী য়াংলেন শরু ওইরিবা তোঙান-তোঙানবা লোলগী মশকশিং উৎখি।
ইন্তর্নেসনেল লিতরেসী দে ২০২৪না লৈঙাক্কী তোঙান-তোঙানবা লোলগী মশকশিংবু কোনশিল্লিবা, লিতরেত অমসুং খুনাই অসিবু শক্তি পীনবা মলতিলিঙ্গুএল এজুকেসনগী থৌরাং হেন্না মপাঙ্গল হাপ্লে।
***
(Release ID: 2052997)
Visitor Counter : 13