ফিসরিজ, এনিমেল হজবেন্দ্রী এন্দ দেরীইং অমসুং পঞ্চায়তী রাজকী কেন্দ্র মন্ত্রী, শ্রী রাজিব রঞ্জন সিংহ এলাইজ ললন সিংহনা অন্ধ্র প্রদেশকী বিসাখপত্নমদা সেপ্তেম্বর ৬, ২০২৪দা শ্রিম্প ফার্মিং অমসুং ভেল্যু চেন মপাঙ্গল কনখৎহন্বদা মীৎয়েঙ থমদুনা ফিসরিজ এক্সপোর্ত প্রমোসনগী মতাঙদা স্তেকহোল্দর কন্সলতেসন থৌরম মপু ওইদুনা পাঙথোক্কনি‍। দিপার্তমেন্ত ওফ ফিসরিজ, ফিসরিজ, এনিমেল হজবেন্দ্রী এন্দ দেরীইং অমসুং পঞ্চায়তী রাজ মন্ত্রালয়না স্তেকহোল্দর কন্সলতেসন অসি পাঙথোক্কদবন‍ি‍। ফিসরিজ, এনিমেল হজবেন্দ্রী এন্দ দেরীইং অমসুং পঞ্চায়তী রাজকী রাজ্য মন্ত্রী প্রোফ. এস.পি. সিংহ বঘেল অমসুং ফিসরিজ, এনিমেল হজবেন্দ্রী এন্দ দেরীইং অমসুং মাইনোরিতী এফ্যার্সকী রাজ্য মন্ত্রী শ্রী জোর্জ কুরিয়নসু মরী লৈনবা মন্ত্রালয়/দিপার্তমেন্তশিংগী মকোক থোংবা ওফিসরশিংগা লোয়ননা স্তেকহোল্দর কন্সলতেসন অসিদা শরুক য়ারবা য়াই হায়না থাজরি‍।

ভারতকী শেন্মিৎলোনগী কোর্নরস্তোন অমা ওইরিবা ফিসরিজ সেক্তর অসিনা লৈবাক্কী ইনকম, এক্সপোর্ত, অমসুং ফুদ সিক্যুরিতীদা মরুওইবা থৌদাং অমা য়ারি‍। ‘সনরাইজ সেক্তর’ হায়না খঙনরিবা সেক্তর অসিনা, মরুওইনা শোত্থহৌরবা ফুরুপশিংগী, মীওই মিলিয়ন ৩০ দা ঙাক্লৌ পীরি‍। মালেমগী অনিসুবা খ্বায়দগী চাউবা ঙা পুথোকপা লৈবাক অমা ওইনা ভারতনা (২০২২-২৩দা) রেকোর্দ ওইনা মিলিয়ন তন ১৭.৫ ফংবা ঙমদুনা, মালেমগী ঙা পুথোকপগী চাংদা ৮% থৌদাং য়াখি‍। সেক্তর অসিগী মরুওইবা অসি লৈবাকসিগী গ্রোস ভেল্যু এদেদ (GVA) দা ১.০৯% পুখৎখিবা অমসুং লৌউ-শিংউগী GVA দা ৬.৭২৪% পুখৎখিবসিনা তাক্লি‍। অচৌবা গ্রোথ পোতেন্সিএলগা লোয়ননা, তুং কোইগদবা, থৌদাং চাউবা, অমসুং পুম্নমক কোনশিন্বা চাওখৎপা পুরক্নবগীদমক ফিসরিজ সেক্তরনা ফোকস পোলিসী অমসুং শেলগী তেংবাং মথৌ তাই‍।

ভারত লৈঙাক্না PMMSY, FIDF, ব্লু রিভোলুসন, PMMKSSYনচিংবা তোঙান তোঙানবা স্কীম অমসুং থৌরাংশিং লোয়ননা ২০১৫গী মতুংদা খ্বায়দগী চাউবা ওইনা লুপা করোর ৩৮,৫৭২গী ইনভেস্তমেন্তকী খুত্থাঙদা ফিসরিজ সেক্তরদা অওনবা পুরকনবা থবক পায়খৎলি‍। খুজিল থৌরাংশিংসিনা মরম ওইরগা, ভারতনা মখৌ পোঙনা মালেমগী ২শুবা খ্বায়দগী চাউবা ফিস প্রদক্সন ওইনা লেপ্লি‍। ভারতকী সীফুদ এক্সপোর্ত তোঙান তোঙানবা শিংনবশিং লৈজরগসু শেন্বা চহি ২০২৩-২৪ মনুংদা মশক নাইবা এক্সপোর্ত মার্কেত হৌজিক ফাওবগী খ্বায়দগী ৱাংবা ভোল্যুম ফংখি‍। ভারতনা ২০২৩-২৪দা লুপা করোর ৬০,৫২৩.৮৯গী ওইগদবা সীফুদ মিলিয়ন তন ১.৭৮ মপান্দা থাদোকখি‍। হৌখিবা দেকেদ অমসিদা খজিং য়োকপা অমসুং মপান্দা থাদোকপগী থৌওং হেনগৎলক্লি‍। খজিং থাদোকপগী চাং (২০১৩-১৪দা) লুপা করোর ১৯,৩৬৮ ওইরম্বদগী (২০২৩-২৪দা) লুপা করোর ৪০,০১৩.৫৪ য়ৌদুনা ১০৭% হেনগৎলক্তুনা শরুক অনি হেনগৎলে‍। মসিনা সীফুদ এক্সপোর্ত্তা চাউনা খুমাঙ চাওশিল্লক্তুনা, হৌখিবা চহি ১০সিদা চহিদা ১৪%গী চাংদা হেনগৎলকখি‍।

ফিসরিজ এক্সপোর্ত প্রমোসনগী স্তেকহোল্দর কন্সলতেসন অসি ঙা য়োকপা মী, ঙা ফাবা মী, ইন্দস্ত্রী লুচিংবা, সীফুদ এক্সপোর্তর, পোলিসীমেকর, অমসু রিছর্চর অসিনচিংবা য়াওনা তোঙান তোঙানবা স্তেকহোল্দরশিংগী মরক্তা ৱারী ৱাতায় শানবা অমসুং তেংবাংনবগী ফীভম পুরক্নবা পাঙথোক্কদবনি‍। ইনোভেসন, সস্তেনেবিলিতী, অমসুং ভেল্যু এদিসন্দা মীৎয়েঙ থমদুনা, মীফম অসিনা মালেমগী সীফুউদ মার্কেত্তা ভারতকী ফীভম ফগৎহন্নবা অমসুং ঙা য়োকপা মীওইশিং অমসুং সমুদ্র খোঙবানগী ফুরুপশিংগী ইনক্লুজিব গ্রোথ পুরক্নবা পান্দম থম্লি‍। শরুক য়াগদৌরিবশিংনা প্রদক্তিবিতী হেনগৎহন্নবা, ফুদ সেফ্তী লৈহন্নবা, অমসুং সীফুদ এক্সপোর্ত অমসুং মসিগী ভেল্যু চেন্দা খোঙ্গুল লীবগী ফীভম ফগৎহন্নবগীদমক খ্বায়দগী ফবা থৌওংশিং, তুং কোইগদবা এক্বাকলচর তেক্নোলোজীশিং অমসুং ইনফ্রাস্ত্রকচর শেমগৎপগী মতাঙদা খন্ন-নৈনগনি‍। কন্সলতেসন অসিনা মালেমগী সীফুদ মার্কেত্তা ভারতকী খোঙ্গুল পাকথোক চাউথোকহন্নবা থবক ওইনা পায়খৎপা য়াবা লাল্লোংংশিং শেমগৎপদা মীৎয়েঙ থমদুনা, মখল মখাগী ঙা/সীৱীদ/সীফুদ পোত্থোকশিং মপান্দা থাদোকপগী মতিং হেনগৎহন্নবা অমসুং লৈবাকসিগী ঙামী, সমুদ্র খোঙবালগী ফুরুপশিং অমসুং ঙা য়োকপা মীওই মিলিয়ন কয়াগী পুন্সি মহিংদা ঙাক্লৌ পীগনি‍।

থৌরাং অসিনা ফিসরিজ সেক্তর অসি লৈবাকসিগী শেন্মিৎলোনগী মরুওইবা কন্ত্রিব্যুতর অমা ওইনা লৈহন্নবা অমসুং মিলিয়ন কয়াগী পুন্সি হিংনবগী লম্বী ওইহন্নবা সেক্তর অসিবু খুমাঙ চাওশিলহন্নবগীদমক ভারত লৈঙাক্না লেপ্লিবা খোঙফমবু চেৎশিনহল্লি‍। তেংবাংনবগী লম্বী অসিগী খুত্থাঙদা, ভারত লৈঙাক্না লৈবাকসিগী ফিসরিজ সেক্রদা ইনক্লুজিব গ্রোথ অমসুং রেজিলিএন্স য়োকখত্তুনা লৈবাক্কী ব্লু ইকনমীদা থৌদাং য়হান্নবা পান্দম থম্লি‍।

*****