কেন্দ্রগী মহৈ-মশিং মন্ত্রী, শ্রী ধরমেন্দ্র প্রধান্না ইন্সতিত্যুস্নেল দিভেলপমেন্ত প্লান ফোর হাইয়র এজুকেসন ইন্সতিত্যুতসকী ৱর্কসোপ হৌদোকখ্রে‍। মহাক্না UGC গী কাঙলোন পুম্নমক্কী সিঙ্গল, এসেসিবল অমসুং রিলাইএবল সোর্স অমা ওইনা UGC কম্পেন্দিয়ম ওফ রিগুলেসন্স (১৯৫৭-২০২৩) সু ফোঙখি‍। শ্রী সঞ্জয় মুর্থী, সেক্রেতরী, দিপার্তমেন্ত ওফ হাইয়র এজুকেসন, মহৈ মশিং মন্ত্রালয়, দোক্তর এন.এস. কাল্সি, হান্নগী চেয়রমেন, NCVET অমসুং IDP গাইদলাইন শেম্নবগী থবক পায়খৎলিবা কম্মিতীগী চেয়রমেন; শ্রী এম. জগদেশ কুমার, চেয়রমেন, UGC; ভাইস-চান্সেলরশিং, নোদেল ওফিসরশিং, অমসুং অতৈ মীথুংশিংসু থৌরমদুদা শরুক য়াখি‍।

শ্রী ধরমেন্দ্র প্রধান্না তিল্লিবা মীয়ামদা ৱা ঙাংলদুনা লৈবাকসিগী হাইয়র এজুকেসন ইন্সতিত্যুৎশিংনা NEP ২০২০গী নুংগী ওইবা ভেল্যুশিং কোনশিন্দুনা প্রধান মন্ত্রী শ্রী নরেন্দ্র মোদীগী ভিক্সিত ভারতকী মঙলান মঙফাওনহন্বদা মরুওইবা থৌদাং লৌগনি হায়খি‍।

মহাক্না মহৈ মশিংগী পান্দম অমসুং মওং মতৌ নৌনা শেমদোকপদা, নহাশিং মপাঙ্গল হাপ্পা অমসুং মখোয়গী তুংগীদমক শেম শাদুনা থম্বদা, গ্রোস এনরোলমেন্ত রেসিও শরুক অনি হেনগৎহনবদা, মীশিংগী অচৌবা শরুক অমা হাইয়র এজুকেসন নেত্তা পুশিল্লকপদা, দিমোগ্রাফিক্কী খুদোংচাবা মতিং লৈনা শীজিন্নবদা, একাদমিক, রিছর্চ অমসুং ইনোভেসনগী লমদা অথোয়বা তান্বদা অমসুং HEI ৫০০০ বু হোলিস্তিক অমসুং ইনক্লুজিব এপ্রোচকী খুত্থাঙদা সেন্তর-ওফ-এক্সেলেন্সতা ওন্থোকপদা HEI শিংনা লৌরিবা থৌদাংগী মরমদসু ৱা ঙাংখি‍।

শ্রী প্রধান্না মহৈ মশিংনা ভারতপু কঞ্জ্যুমিং ইকনমীদগী প্রদ্যুসিং ইকনমীদা খুমাঙ চাওশিলহনগনি হায়নসু হায়খি‍। ইন্সতিত্যুস্নেল দিভেলপমেন্ত প্লান অসিনা ঐখোয়গী পাক চাউরবা দিমোগ্রাফীবু মতিক চাবা হেনগৎহন্বা, লর্নর-সেন্ত্রিক অমসুং মল্তিদিসিপ্লিনরী এজুকেসন পুরকপদা, হাইয়র লর্নিংদা ভারতকী লোলশিং পুশিন্বা, ইনোভেসন্দা মরুওইবা মীৎয়েঙ থম্বা, ওন্ত্রপ্রিন্যুরসিপ অমসুং থবক পীবা, ওজাশিংগী কেপাসিতী বিল্দিং অমসুং রিছর্চ অমসুং দিভেলপমেন্ততা মালেমগী স্তেন্দর্দ ফংবা হায়বসিদা মীৎয়েঙ থমগদবনি হায়না মহাক্না মখা তাখি‍।

মহৈ মশিংনা ২১শুবা চহিচাগী অনিংবা অপাম্বশিং ফংহনগদবনি অমসুং লমদমসিগী অমসুং মালেমগী শিংনবশিংগী পাম্বৈ পুথোক্কদবনি হায়নসু মহাক্না হায়খি‍। মালেম অসিনা অনৌবা মোদেলশিংগী অমসুং মতমসিগী শিংনবশিংগী পাম্বৈগীদমক ভারতকী তেলেন্ত পুলদা মীৎয়েঙ থম্লি হায়না মহাক্না হায়খি‍। মহাক্না একাদমিক্কী লমদা লৈরিবা মীওইশিংগী মফমদা মখোয়গী ইন্সতিত্যুসনশিং অনৌবা মওংদা পুথোক্নবা, হাইয়র এজুকেস্নেল লেন্দস্কেপতা অওন্বা পুরক্নবা অমসুং নেস্নেল প্রাইওরিতীশিং ফংনবগীদমক পুক্নিং চঙনা অমসুং মতম কক্নবা থবক তৌনবা ৱাফমসু থমখি‍।

ৱর্কসোপ অদুগী মথৌ তাবা অমসুং মরুওইবগী মতাঙদা ৱা ঙাংলদুনা, শ্রী কে সঞ্জয় মুর্থীনা মথঙগী চহি কুনমঙাগী মঙলানগা লোয়ননা খুন্নাইগী কাঙলুপকী শরুক অমা ওইনা মহৈ মশিং মন্ত্রালয়না প্রধান মন্ত্রীগী মফমদা পীখৎখিবা মঙলান চাউবা থৌরাংগী মরমদা শন্দোক্না তাকখি‍। পায়খৎলক্কদৌরিবা অচৌবা থবক অসিগীদমক হৈ-শিংবা অমসুং মতিক চাবা মথৌ তারক্কনি অমসুং ইন্সতিত্যুসনশিং অসিনা হৈশিংবগী মথৌ তাবশিং ফংহন্নবগীদমক হোৎনবা মথৌ তাই হায়না মহাক্না মখা তাখি‍। মহাক্না থবক্কী তুংদা ওইরক্কদবা মওং মতৌশিংগী মরমদসু ৱাফম কয়া থমখি অমসুং IDP অসিনা ইন্সতিত্যুৎশিংগী ক্বালিতী হেনগৎহন্বদা মীৎয়েঙ থমগদবনি হায়খি‍। IDP অসি পুথোরকপসিনা ইন্সতিত্যুৎশিং অসিবু মালেমগী য়ুনিভর্সিতীশিংগা মান্নবা থাক অমদা পুখৎপদসু মতেঙ ওইগনি হায়না মহাক্না ফোঙদোকখি‍।

ৱর্কসোপ অসিগী মরমদা:

ইন্সইত্যুস্নেল দিভেলপমেন্ত প্লান (IDP)গী মরমদা পাঙথোকপা ৱর্কসো অসিনা হাইয়র এজেকেসন ইন্সতিত্যুসনশিংবু ইন্সতিত্যুস্নেল গ্রোথ অমসুং দিভেলপমেন্তকী লমদা লাল্লোং খন্ননবা পুনশিল্লি‍। কম্পেন্দম অসিনা ইন্সতিত্যুসনশিংনা মখোয়গী IDP চৎনরকপা মতমদা মমল নাইদ্রবা রিসোর্স অমা ওইগনি‍। ভারত পুম্বদগী HEI শিংগী মীহুৎ ১৭০ হেন্বনা ৱর্কসোপ অসিদা শরুক য়ারি‍। নেস্নেল এজুকেসন পোলিসী (NEP) ২০২০গী পান্দম পরিংদা, IDP অসিনা ইন্সতিত্যুসনশিংদা তুংগী শেম শারবা সিস্তেম অমাগীদমক মখোয়গী মঙলান, মিসন অমসুং পান্দমশিং শেম্নবগী তশেং তশেংবা লম্বী অমা পীরি‍।

থিমেতিক সেসন অনিগী খুত্থাঙদা, শরুক য়ারিবশিংনা গভর্নেন্স ইনেব্লর, ফাইনেন্সিএল প্লান্নিং অমসুং মেনেজমেন্ত, হ্যুমেন রিসোর্স অমসুং সপ্পোর্তিব-ফেসিলিতেতিব ইনেব্লরশিং, নেতৱর্কিং অমসুং কোলাবোরেসন ইনেব্লরশিং, ফীজিকেল ইনেব্লরশিং, দিজিতেল ইনেব্লরশিং, অমসুং রিছর্চ অমদি ইন্তেলেকচুএল প্রোপর্তী ইনেব্লরশিং, ইনোভেতিব ফন্দিং মোদেলশিং, অমসুং করিকুলম দিভেলপমেন্তগী মরমদা তমশিলহৌনবগী তাঞ্জা ফংগনি‍। ইন্দস্ত্রী, একাদমিয়া, অমসুং লৈঙাক্কী মশক নাইরবা অখঙ অহৈশিংনা মখোয়গী ৱাখল্লোন অমসুং থেংনরকপশিং হায়রিবা মরুওইবা হীরমশিংসিদা পাউদমগনি‍।

সেসন খুদিংদা, তোঙান তোঙানবা য়ুনিভর্সিতীশিংনা IDP শেম্নবগীদমক মখোয়গী খ্বায়দগী ফবা থৌওংশিং পাউদমগনি‍। তোঙান্বা Q&A সেসন অমদা UGC চেয়রমেন, NCVETগী হান্নগী চেয়রমেন অমসুং পেনেলদগী ৱাঙাংলোয়শিংনা শরুক য়ারিবশিংগী ৱাহংশিংগী পাউখুম পীগনি‍।

UGC কম্পেন্দমগী মরমদা:

স্তেকহোল্দর পুম্নমক্তা সিঙ্গল সোর্স রিফরেন্স অমা ফংহন্নবগীদমক, UGC না ১৯৫৭-২০২৩ ফাওবগী UGCগী রিগুলেসন্স, রুল্স, অমসুং নোতিফিকেসন পুম্নমক্কী কেম্পেন্দিয়ম অমা শেম্লে‍। কম্পেন্দিয়ম অসিদা ইন্সপেক্সন, গ্রান্ত পীননবগী ইন্সতিত্যুসনগী ফিতনেস, রিতর্ন ওফ ইনফোর্মেসন, বজেৎ অমসুং একাউন্ত, এস্তাব্লিসমেন্ত, এফিলিএসন, ওতোনোমী, এক্রেদিতেসন, এদমিসন অমসুং ফী দীগ্রীগী স্পেসিফিকেসসন, অমসুং অতৈ অতোপ্পা ৱাফমশিং য়াওনা হীরম কয়া পাক চাউনা কোনশিন্বা রুল্স ১৫, রিগুলেসন্স ৮৭, অমসুং নোতিফিকেসন ২৮ য়াওরি‍। কম্পেন্দিয়ম অসসিনা রিগুলেতরীগী মথৌ তাবা পুম্নমক্কী ৱন-স্তোপ রিফরেন্স অমা পীদুনা, ইন্সতিত্যুসনশিংনা UGC গী চৎন-পথাপশিং লায়না ফংহনগনি অমসুং ইলহনগনি‍। মসিনা কমপ্লাইএন্স অমসুং খ্বায়দগী ফবা থৌওংগী এনভাইরনমেন্ত অমা শেমদুনা ওপরেসন মওং মরিল নাইহনগনি অমসুং মরম খঙনা ফিরেপ লৌবদা চৈঙাক ওইগনি হায়না থাজরি‍। চেনা ১১০০ হেন্না পান্বা কম্পেন্দিয়ম অসি UGC ৱেবসাইত্তা PDF অমসুং ই-বুক ওইনা ফং‍ই‍।

IDPগী মরমদা:

ইন্সতিত্যুস্নেল দিভেলপমেন্ত প্লান (IDP) গাইদলাইন্স অসি UGC না ফেব্রুৱারী ৬, ২০২৪দা লোঞ্চ তৌখিবনি‍। IDP গাইদলাইন্স অসিনা ইন্সতিত্যুসনশিংবু বোর্দ মেম্বরশিং, ইন্সতিত্যুস্নেল লীদরশিং, ফেকল্তী, মহৈরোয় অমসুং স্তাফ পুন্না শরুক য়ামিন্নদুনা স্ত্রেতেজিক ওইবা ইন্সতিত্যুস্নেল দিভেলপমেন্ত প্লান অমা শেম্বদা মতেঙ পাঙদুনা মদুদা য়ুম্ফম ওইরগা ইন্সতিত্যুসনশিং অদুনা থৌরাং কয়া পায়খৎপা, মখোয়গী খোঙজেল নৈনবা, অমসুং থম্লিবা পান্দম ফংবা ঙমহনগনি‍।

চঙবিয়ু: https://www.ugc.gov.in/pdfnews/1713699_IDP-Guidelines.pdf

*****