انڈین کوسٹ گارڈ (آئی سی جی) آف شور پٹرول ویسل سُجے نے، ایک مربوط ہیلی کاپٹر کے ساتھ، مشرقی ایشیا میں اپنی جاری بیرون ملک تعیناتی کے حصے کے طور پر، 04 ستمبر 2024 کو انچیون، جنوبی کوریا میں بندرگاہ کا دورہ کیا۔ چار روزہ دورے کے دوران، آئی سی جی کا عملہ کوریا کوسٹ گارڈ (کے سی جی) کے ساتھ پیشہ ورانہ بات چیت میں مصروف ہو گا، جس میں میرین پولوشن ریسپانس، میری ٹائم سرچ اینڈ ریسکیو اور میری ٹائم لا انفورسمنٹ پر توجہ دی جائے گی۔ سرگرمیوں میں کراس ڈیک ٹریننگ، مشترکہ یوگا سیشن، دوستانہ کھیلوں کے پروگرام اور کے سی جی کے ساتھ پیسج  مشقیں بھی شامل ہیں۔

آئی سی جی جہاز پر سوار این سی سی کے کل 10 کیڈٹس حکومت کی پہل 'پنیت ساگر ابھیان' اور بین الاقوامی رسائی کو بڑھانے کے لیے مقامی نوجوان تنظیموں کے ساتھ مل کر سمندری پلاسٹک کی آلودگی کے مضر اثرات کے بارے میں کمیونٹی کو آگاہ کرنے کے لیے ماحولیات کے تحفظ کے واکتھون میں حصہ لیں گے۔

انچیون میں کوسٹ گارڈ ایجنسی کے 20 ویں سربراہ کی میٹنگ کے دوران آئی سی جی جہاز کا بندرگاہ کا دورہ، مشترکہ عالمی بھلائی کے لیے بحری عصری چیلنجوں سے نمٹنے کے لیے آئی سی جی کے عزم اور مشترکہ تشویش کو اجاگر کرتا ہے۔

13 مارچ، 2006 کو، آئی سی جی نے کے سی جی کے ساتھ بحری کوآپریشن کو بڑھانے اور اپنے تعاون کی مصروفیات کو ادارہ جاتی بنانے کے لئے   ایک مفاہمت نامے پر دستخط کیے تھے۔ اس دورے سے پہلے، آئی سی جی جہاز سُجے نے جکارتہ، انڈونیشیا کے بندرگاہوں کا دورہ کیا تھا جس کا مقصد  خطے میں سفارتی بحری مصروفیات کے تسلسل کا  بغیر کسی رکاوٹ کے مظاہرہ کرنا تھا۔

 ************

ش ح۔ ا ک    ۔ م  ص

 (U: 10527   )  

(Release ID: 2051742) Visitor Counter : 37