Kynhun Myntri
Ai jingmynjur ka Kynhun Myntri ia hynniew tylli ki skhim ba heh ban kyntiew ia ka jingim bad ka ioh ka kot jong ki nongrep ia kaba ka jingmang tyngka ka long T 13,966 Klur
Posted On:
02 SEP 2024 4:22PM by PIB Shillong
Ka Kynhun Myntri ba la khlieh da u Myntri Rangbah Duh, Narendra Modi mynta ka sngi ka la ai jingmynjur ia hynniew tylli ki skhim ban kyntiew ia ka jingim bad ka ioh ka kot jong ki nongrep ia kaba ka jingmang tyngka ka long T 13,966 klur.
1. Digital Agriculture Mission: Ha ka jingdon nongrim ha ka Digital Public Infrastructure, ka Digital Agriculture Mission ka pyndonkam ia ka teknoloji ban kyntiew ia ka jingim jong ki nongrep. Ka jingmang tyngka na ka bynta kane ka Mission ka long T 2.817 klur. Ka don ar tylli ki rishot
- Agri Stack
- Jingpynrung kyrteng ia ki nongrep
- Ka jingkyntiew jingtip ia ki map jong ki jaka ha ki shnong
- Ka jingkyntiew jingtip shaphang ki mar rep ba la bet
- Ka rynsan ai jingiarap ha ki rai Krishi
- Geospatial data
- Ka jingpeit ia ka jingtyrkhong ka khyndew / jingshlei um
- Weather/satellite data
- Ka data shaphang ka jingdon ka um poh sla shyndew/um
- Ka jingpeit ia ka jingseisoh ki mar rep bad ka insurance
Ka Mission ka pynbiang ia ka
- Ka jinglong jingman jong ka khyndew
- Ka jingantad da ki lad digital ia ki mar rep
- Ka jingpeit lyngba ki lad digital ia ka jingseisoh
- Ka jingpyniasoh ban ioh shim ram na ka bynta ki kam rep
- Ki teknoloji katkum ka juk mynta kum ka AI bad Big Data
- Ka jingpyniasoh bad ki nongthied
- Ka jingwanrah ia ki jingnang jingstad kiba thymmai lyngba ki mobile phone
2. Ka science shaphang ki mar rep na ka bynta ka jingshngain ia ki mar rep bad ka jingioh ia ki bam kiba tei met: Ia kaba ka jingmang tyngka ka long T 3,979 klur. Kane ka sienjam kan pynkhreh ia ki nongrep na ka bynta ka jinglah iaineh ia ki jingkylla ka suinbneng bad wanrah ia ka jingshngain ha ka jingioh ia ki mar bam shuwa u snem 2047. Ka saw tylli ki rishot kiba long
- Ka jingwad bniah bad ka jingai jinghikai
- Ka jingpeit ia ki jingdon jingem kiba iadei bad ki kam genetic jong ki jingthung
- Ka jingkyntiew ia ki kam genetic na ka bynta ki mar bam bad ki mar rep kiba ai ia ki jingri
- Ka jingkyntiew ia ki jingthung shana dai bad ki oilseed
- Ka jingkyntiew ia ki mar rep kiba pyniaid iew
- Ka jingwad bniah shaphang ki khniang, ki microbe ki pollination bad kiwei kiwei
3. Ka jingpynkhlain ia ki kam ai jinghikai ha ki kam rep, ka jingpeit ia kine ki kam bad ka Social Science: Ia kaba la mang T 2,291 klur, kane ka sienjam kan pynkhreh ia ki samla kiba pule ha ki kam rep bad ki nongwad bniah ba kin lah ban ialeh ia ki jingeh bad kane ka kam ka kynthup ia kine harum
- Hapoh ka Indian Council of Agri Research
- Ka jingpynthymmai ia ki kam wad bniah bad ai jinghikai ha ki kam rep
- Kaba iahap bad ka New Education Policy 2020
- Pyndonkam ia ka teknoloji ba thymmai … Digital DPI, AI, big data, remote, bad kiwei kiwei
- Pyniasoh lang ia ka rukom rep tynrai bad ka jinglah iaishah ia ki jingkylla ka suinbneng
4. Ka jingiaineh jong ka koit ka khiah ki jingri bad ka jingpynmih mar: ia kaba ka jingmang tyngka ka long T 1,702 klur, kane ka rai ka thmu ban kyntiew ia ka ioh ka kot na ki kam ri jingri bad ki kam kiba iadei bad ka dud. Ka don kine ki bynta
- Ka jingpeit ia ka koit ka khiah jong ki jingri bad ka jingai jinghikai veterinary
- Ka jingkyntiew ia ka kam pynmih dud bad ka tekloloji
- Ka jingpeit ia ki jingdon jingem genetic ha ki mrad, ka jingpynmih mar bad ka jingkyntiew ia kane
- Ka jingioh ki mrad ia ka bam kaba tei
5. Ka jingkyntiew ia ka kam Horticulture ha ka rukom kaba iaineh: ia kaba la mang T 860 klur, kane ka sienjam ka thmu ban kyntiew ia ka ioh ka kot jong ki nongrep na ki jingthung horticulture. Ka don kine ki bynta
- Ki jingthung horticulture tropical, sub-tropical bad temperate
- Ki jingthung root, tuber, bulbous bad arid
- Ki jhur, ki syntiew bad ki tit
- Ki jingthung ha ki jaka ba heh, ki musli musla, ki jingthung ba long dawai bad ki jingthung ba sma iwbih
6. Ka jingpynkhlain ia kaKrishi Vigyan Kendra ia kaba la mang T 1,202 klur
7. Ka jingpeit ia ki jingdon jingem ba la ai ka Mei Mariang ia kaba la mang T 1,115 klur
***
(Release ID: 2051520)
Visitor Counter : 8
Read this release in:
Bengali
,
English
,
Urdu
,
Hindi
,
Hindi_MP
,
Marathi
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam