দিফেন্স রিছর্চ এন্দ দিভেলপমেন্ত ওর্গনাইজেসন (DRDO)না 30mm হায় এক্সপ্লোজিব পর্ফোর্ম্দ ফ্রেগমেন্তেসন (HEPF) সেলগী প্রদক্সন দোকুমেন্ত পুনেগী পসান্দা লৈবা অর্মামেন্ত রিছর্চ এন্দ দিভেলপমেন্ত এস্তাব্লিসমেন্ত (ARDE) দা পাঙথোকপা থৌরম অমদা দাইরেক্তর জেনেরেল ওফ নেভেল অর্মামেন্ত ইন্সপেক্সন (DGNAI)দা খুৎশিন্নখ্রে‍। পুনেদা লৈবা DRDO গী লেবোরেতরী ARDE না শেমগৎপা 30mm HEPF সেল অসিনা দ্রোনগী মায়োক্তা ইন্দিয়ন নেভীগী কোম্বেত কেপেবিলিতী মখা তানা হেনগৎহল্লগনি‍।

HEPF সেলগী ফীচরশিং অসি ইন-সর্ভিস এম্ম্যুনিসন (HE/I সেল)গা মান্নবনা মরম ওইরগা মসি হৌজিক লৈরিবা AK-630 নেভেল গনদগী কাপ্পা য়াগনি‍। HEPF সেল অসিনা HE/I সেলদগী হেন্না ফবা ফ্রেগমেন্তেসন লিথেলিতী ফংদুনা মসিবু দ্রোন মপৈশিং থুগায়বা ঙমহল্লি‍। HEPF সেল হার্দৱেয়র অসি ARDE গী স্পেসিফিকেসন মতুং ইন্না ভারতকী ফর্ম অহুম্না পুথোকপনি অমসুং নেভেল অর্মামেন্ত ইন্সপেক্তোরেত, জবলপুরগা লোয়ননা গন ফাইয়রিং প্রুফ তেস্ত চত্থখি‍। তেস্ত রিজল্ত অদুনা HEPF সেলবু AK-630 গনদগী কাপ্পা য়াই হায়বা খঙদোক্তুনা মসি লৌশিন্নবা লম্বী য়াৎখি‍।

খুৎশিন্নখিবা অসিগা লোয়ননা, MpD (নেভী)গী ইন্তিগ্রেতেদ হেদক্বার্তর্স/DGNAI না HEPF সেল ইন্দক্সন তৌনবগী অয়াবা ফংলে‍। মসিগী মতুং ইন্না, 30mm HEPF সেলগী প্রদক্সন দোকুমেন্ত অসি সর্ভিসকী মথৌ তাবশিং ফংবা ঙম্নবা সেলশিং অসি পুথোকপা হৌনবগীদমক ARDE না শেম্বনি‍।

সেক্রেতরী, দিপার্তমেন্ত ওফ দিফেন্স R&D অমসুং চেয়রমেন DRDO দোক্তর সামির ভি কমতনা ARDE গী মফমদা প্রদক্সন দোকুমেন্ত অসি খুৎশিন্নবগীদমক নুংঙাইবা ফোঙদোকখ্রে‍। মকোক থোংবা DRDO সাইন্তিস্তশিং অমসুং নেভল হেদক্বার্তর্সতগী ওফিসিএলশিংসু থৌরমদুদা শরুক য়াখি‍।

*****