پیرس 2024 پیرا اولمپکس میں منیش نروال کی چاندی کا تمغہ جیتنے کی کامیابی محض ایک ذاتی کامیابی سے کہیں زیادہ ہے۔ یہ ان گنت دوسرے لوگوں کے لیے ایک تحریک ہے جو اسی طرح کے چیلنجوں کا سامنا کرتے ہیں۔ ان کی کہانی ایک طاقتور یاد دہانی ہے کہ عزم اور مناسب مدد کے ساتھ، رکاوٹوں پر قابو پانا اور کامیابی حاصل کرنا ممکن ہے!

شوٹنگ کی دریافت

منیش نروال 17 اکتوبر 2001 کو فرید آباد، ہریانہ میں پیدا ہوئے اور اپنے دائیں ہاتھ میں پیدائشی طور پر خرابی کا سامنا کرنے کے باوجود، انہوں نے اسے کبھی اپنی خواہشات کی راہ میں رکاوٹ نہیں بننے دیا۔ بلب گڑھ، ہریانہ میں پلے بڑھے، منیش کو شوٹنگ کی دنیا میں 2016 میں متعارف کرایا گیا جب ان کے اہل خانہ انہیں مقامی شوٹنگ رینج میں لے گئے۔ یہ کھیل انہیں فوراً پسند آ گیا، اور وہ باقاعدگی سے اس رینج کا دورہ کرنے لگے۔ ابتدائی طور پر، وہ پیرا اولمپک تحریک سے ناواقف تھے اور صرف دوسرے کھلاڑیوں کے ساتھ مقابلہ کرنے سے لطف اندوز ہوتے تھے۔ تاہم، ان کی صلاحیت اور شوٹنگ کے شوق نے جلد ہی ان کے آس پاس کے لوگوں کی توجہ مبذول کر لی۔

رینک کے ذریعے آگے بڑھنا: مقامی ٹیلنٹ سے لے کر بین الاقوامی اسٹار تک

منیش کی صلاحیتیں بے توجہ نہیں رہیں۔ انہیں جلد ہی کوچ جے پرکاش نوٹیال کے زیر سایہ لے لیا گیا، جنہوں نے ان کی صلاحیت کو پہچانا اور پیرا شوٹنگ کے سفر میں ان کی رہنمائی کرنا شروع کر دی۔ منیش نے 2017 کے بنکاک ورلڈ کپ میں اپنا بین الاقوامی آغاز کیا، جہاں انہوں نے P1 – 10 میٹر ایئر پسٹل SH1 ایونٹ میں طلائی تمغہ جیتا تھا۔ انہوں نے نہ صرف ٹاپ پوزیشن حاصل کی بلکہ انہوں نے کوالیفکیشن اور فائنل دونوں میں جونیئر ورلڈ ریکارڈ بھی قائم کیا۔

حکومت کی حمایت: ان کی کامیابی میں ایک اہم عنصر

منیش کے کامیابی کے سفر کو اہم حکومتی مداخلتوں سے مدد ملی جس نے بطور کھلاڑی ان کی ترقی میں اہم کردار ادا کیا ہے۔ ٹارگٹ اولمپک پوڈیم اسکیم (ٹی او پی ایس) اور کھیلو انڈیا جیسے پروگراموں نے انہیں تربیت اور مقابلے کے لیے مالی مدد فراہم کی ہے، ساتھ ہی دہلی میں ڈاکٹر کرنی سنگھ شوٹنگ رینج جیسی اعلیٰ درجے کی سہولیات تک رسائی فراہم کی ہے۔ اس کے علاوہ، انہوں نے جنوبی کوریا، کروشیا، متحدہ عرب امارات، چین، فرانس، جرمنی اور پیرو جیسے ممالک میں غیر ملکی نمائش کے مواقع سے فائدہ اٹھایا۔ اس جامع سپورٹ سسٹم نے منیش کو اعلیٰ سطح پر تربیت حاص کرنے اور دنیا کے بہترین سے مقابلہ کرنے کے قابل بنایا ہے۔

پیرس 2024 پیرا اولمپکس میں فتح: یاد گار چاندی کا تمغہ

پیرس 2024 پیرا اولمپکس میں، منیش نروال نے ایک بار پھر P1 - مردوں کے 10 میٹر ایئر پسٹل SH1 ایونٹ میں چاندی کا تمغہ جیت کر اپنی غیر معمولی صلاحیتوں اور عزم کا مظاہرہ کیا۔ دنیا کے بہترین پیرا شوٹروں کے خلاف مقابلہ کرتے ہوئے، منیش کی درستگی اور توجہ کا بھرپور مظاہرہ سامنے آیا جب انہوں نے چاندی کا تمغہ حاصل کیا، جس نے ان کے پہلے سے ہی متاثر کن کیریئر میں ایک اور باوقار تعریف کا اضافہ کیا۔

تحریک کی وراثت

جیس جیسے منیش پیرا شوٹنگ کی سرحدوں کو عبور کرتے جا رہے ہیں، وہ اپنے ساتھ ایک ملک کی امیدیں اور خواب لے کر چل رہے ہیں۔ ان کی کامیابیاں ہندوستان کے لیے فخر کا باعث ہیں اور ثابت قدمی اور لگن سے کیا حاصل کیا جا سکتا ہے اس کی ایک روشن مثال ہیں۔ مستقبل میں اس قابل ذکر کھلاڑی کے لیے اور بھی بڑی امیدیں ہیں، اور دنیا بلاشبہ دیکھ رہی ہو گی کہ وہ تاریخ رقم کرتا رہے گا۔

حوالہ جات

ہندوستانی ایتھلیٹس: پیرس پیرا اولمپکس 2024 پی ڈی ایف

https://pib.gov.in/PressReleasePage.aspx?PRID=2050723

منیش نروال نے پیرس 2024 پیرا اولمپکس میں چاندی کا تمغہ جیتا

***********

ش ح۔ ف ش ع- م ر

U: 10455