وزیر اعظم جناب نریندر مودی کے زیر صدارت مرکزی کابینہ نے آج 1940 کروڑ روپئے کے بقدر کے مرکز کے حصے سمیت 2817 کروڑ روپئے کی لاگت کے ڈیجیٹل زرعی مشن کو منظوری دے دی۔

اس مشن کو ڈیجیٹل زراعت کی پہل قدمیوں ، جیسے ڈیجیٹل پبلک انفراسٹرکچر کی تشکیل، ڈیجیٹل عام فصل تخمینہ جائزہ (ڈی جی سی ای ایس) کا نفاذ، اور مرکزی حکومت، ریاستی حکومتوں، اور تعلیمی اور تحقیقی اداروں  کے ذریعے دیگر آئی ٹی اقدامات کو شروع کرنا کی حمایت کرنے کے لیے ایک سرپرست اسکیم کے طور پر تصور کیا گیا ہے۔

حالیہ برسوں میں، ہندوستان کے ڈیجیٹل انقلاب نے نظم و نسق اور خدمات کی فراہمی کو ڈیجیٹل شناخت بنا کر، اور محفوظ ادائیگیوں اور خدمات بہم رسانی کے طریقہ کار کو تبدیل کر دیا ہے۔ اس نے مالیات، حفظانِ صحت، تعلیم، اور خوردہ شعبے میں ایک ابھرتے ہوئے ڈیجیٹل ماحولیاتی نظام کو فروغ دیا ہے، اور ہندوستان کو شہریوں پر مرتکز ڈیجیٹل حل کے معاملے میں ایک رہنما کی حیثیت دلائی ہے۔

زراعت کے شعبے کی اسی طرح کی تبدیلی کے لیے، حکومت نے مرکزی بجٹ 2023-24 میں زراعت کے لیے ڈیجیٹل عوامی بنیادی ڈھانچے کی تعمیر کا اعلان کیا۔ مزید برآں، بجٹ 2024-25 میں، زرعی شعبے کے لیے ڈیجیٹل عوامی بنیادی ڈھانچہ (ڈی پی آئی) پہل قدمی میں اضافے کا بھی اعلان کیا گیا ہے۔ ڈیجیٹل عوامی بنیادی ڈھانچہ(ڈی پی آئی) برائے زراعت کا مقصد کاشتکاروں کے بارے میں جامع اور مفید معلومات فراہم کرنا ہے جس میں آبادیاتی تفصیلات، زمینوں کی ملکیت اور بوئی گئی فصلیں شامل ہیں۔ یہ ریاستی حکومتوں اور حکومت ہند کی وزارتوں کے متعلقہ ڈیجیٹل عوامی بنیادی ڈھانچے سے بھی مربوط ہوگا تاکہ مویشیوں، ماہی پروری، مٹی کی صحت، دیگر پیشوں، خاندان کی تفصیلات اور اسکیموں اور دستیاب فوائد کے بارے میں کاشتکاروں کے ڈیٹا کو استعمال کیا جا سکے، جس کے نتیجے میں زرعی شعبے میں کاشتکاروں پر مرتکز اختراعی ڈیجیٹل خدمات بنائی جا سکتی ہے۔ وکست بھارت @2047 کی تصوریت سے ہم آہنگ، زراعت کے لیے ڈی پی آئی ڈیجیٹل زرعی مشن کی بنیاد  قائم کرتی ہے۔

مشن کے تحت بنائے جانے والے تین ڈی پی آئی ہیں- ایگری اسٹیک، کرشی ڈسیزن سپورٹ سسٹم، اور سوئل پروفائل میپنگ۔ کسانوں پر مرکوز ڈیجیٹل خدمات کو فعال بنانے کے علاوہ، یہ ڈی پی آئیز زرعی شعبے کے لیے بروقت اور قابل اعتماد معلومات فراہم کریں گے۔

ایگری اسٹیک کاشتکار پر مرتکز ڈی پی آئی ہے جو کاشتکاروں کو مؤثر، آسان اور تیز رفتار خدمات اور اسکیم بہم رسانی میں مدد فراہم کرے گی۔ یہ مرکزی اور ریاستی حکومتوں کی مختلف ایجنسیوں کے درمیان ایک باہمی تعاون کے منصوبے کے طور پر ایک وفاق والے ڈھانچے میں تعمیر کیا جا رہا ہے۔ یہ زرعی شعبے میں تین بنیادی رجسٹریوں یا ڈیٹا بیس پر مشتمل  ہے یعنی کاشتکاروں کی رجسٹری، ارضیاتی حوالے کے ساتھ گاؤں کے نقشے اور بوئی گئی فصلوں کی رجسٹری، ان سب کو ریاستی حکومتوں / مرکز کے زیر انتظام علاقوں کے ذریعہ تیار کیا جاتا ہے اور ساتھ ہی ان کے ذریعہ رکھ رکھاؤ بھی کیا جاتا ہے۔

ایگری اسٹیک کے تحت، کاشتکاروں کو آدھار کی طرح ایک ڈیجیٹل شناخت (کاشتکار آئی ڈی) دی جائے گی، جو ایک قابل اعتماد 'کسان کی پہچان' ہوگی۔ اس 'کاشتکار آئی ڈی' کو ریاست کے زمینی ریکارڈ، مویشیوں کی ملکیت، بوئی گئی فصلوں، آبادیاتی تفصیلات، خاندانی تفصیلات، اسکیموں اور حاصل کردہ فوائد وغیرہ سے متحرک طور پر منسلک کیا جائے گا۔ کاشتکاروں کی بوائی گئی فصلوں کو موبائل پر مبنی زمینی سروے یعنی ڈیجیٹل کراپ سروے کے ذریعے ریکارڈ کیا جائے گا۔ اس سروے کا اہتمام ہر موسم میں کیا جائے گا۔

زراعت کے لیے ڈی پی آئی کی تشکیل اور نفاذ کے لیے مرکز اور ریاستی حکومتوں کے درمیان مفاہمتی عرضداشت (ایم او یو) پر دستخط کیے جا رہے ہیں۔ اب تک، 19 ریاستوں نے وزارت زراعت ، حکومت ہند کے ساتھ مفاہمتی عرضداشتوں پر دستخط کیے ہیں۔ ایگری اسٹیک کو نافذ کرنے کے لیے بنیادی آئی ٹی بنیادی ڈھانچہ تیار کیا گیا ہے اور پہلے ہی پائلٹ بنیادوں پر اس کا تجربہ کیا گیا ہے، جس کی تفصیلات مندرجہ ذیل ہیں:

1. کاشتکاروں کی آئی ڈی تیار کرنے کے لیے، چھ ریاستوں میں ایک ضلع میں پائلٹ پروجیکٹوں کا اہتمام کیا گیا، یہ ریاستیں ہیں: اترپردیش (فرخ آباد)، گجرات (گاندھی نگر)، مہاراشٹر (بید)، ہریانہ (یمنا نگر)، پنجاب (فتح گڑھ صاحب)، اور تمل ناڈو (وِرودھ نگر)۔ اس کا مقصد 11 کروڑ کاشتکاروں کے لیے ڈیجیٹل شناخت تیار کرنا  ہے: مالی برس 2024-25 میں چھ کروڑ کاشتکاروں کے  لیے، مالی برس 2025-26 میں تین کروڑ کاشتکاروں کے لیے، اور مالی برس 2026-27 میں دو کروڑ کاشتکاروں کے لیے۔
2. فصل کی بوائی والی رجسٹری کی تیاری کے لیے، 2023-24 میں 11 ریاستوں میں ڈیجیٹل کراپ سروے پر ایک پائلٹ کا انعقاد کیا گیا۔ مزید، دو برسوں کے اندر ملک بھر میں ڈیجیٹل کراپ سروے شروع کرنے کا ہدف ہے، جس میں مالی سال 2024-25 میں 400 اضلاع اور مالی سال 2025-26 میں تمام اضلاع شامل ہیں۔

کرشی ڈسیزن سپورٹ سسٹم فصلوں، مٹی، موسم، آبی وسائل وغیرہ پر ریموٹ سینسنگ پر مبنی معلومات کو یکجا کرنے کے لیے ایک جامع جغرافیائی نظام بنائے گا۔

مشن کے تحت، ملک کی زرعی اراضی میں سے تقریباً 142 ملین ہیکٹر کے 1:10,000 پیمانے پر مٹی کے تفصیلی نقشے کو مکمل کرنے کا تصور کیا گیا ہے۔ تقریباً 29 ملین ہیکٹر کی مٹی کی تفصیلی انوینٹری پہلے ہی مکمل ہو چکی ہے۔

ڈیجیٹل عام فصل تخمینہ سروے (ڈی جی سی ای ایس) سائنسی طور پر تیار کردہ فصل کاٹنے کے تجربات کی بنیاد پر پیداوار کا تخمینہ فراہم کرے گا۔ یہ اقدام زرعی پیداوار کا درست تخمینہ لگانے میں بہت مفید ثابت ہوگا۔

اس مشن کا زرعی شعبے میں براہ راست اور بالواسطہ روزگار پیدا کرنے میں ایک اتپریرک اثر پڑے گا۔ مزید یہ کہ مشن کے تحت ڈیجیٹل فصل سروے، ریموٹ سینسنگ کے لیے زمینی سچائی سے متعلق ڈیٹا اکٹھا کرنا وغیرہ سے تقریباً 2.5 لاکھ تربیت یافتہ مقامی نوجوانوں اور کرشی ساکھیوں کو روزگار کے مواقع فراہم کرنے کی امید ہے۔

مشن کے مختلف اجزاء کو زمینی سطح پر نافذ کیا جائے گا، اور حتمی فائدہ کسانوں کو ہوگا۔ کسانوں، کھیت کی زمینوں اور فصلوں پر بھروسہ مند ڈیٹا کا فائدہ اٹھاتے ہوئے اور جدید ڈیجیٹل ٹیکنالوجیز، جیسے ڈیٹا اینالیٹکس، مصنوعی ذہانت، اور ریموٹ سینسنگ کا استعمال کرتے ہوئے، مشن کا مقصد کسانوں اور زراعت کے شعبے میں اسٹیک ہولڈرز کے لیے خدمات کی فراہمی کے طریقہ کار کو زیادہ موثر اور شفاف بنانا ہے۔ چند مثالیں مندرجہ ذیل ہیں:

1. ایک کسان اپنے آپ کو فوائد اور خدمات تک رسائی کے لیے ڈیجیٹل طور پر شناخت اور تصدیق کرنے کے قابل ہو جائے گا، بوجھل کاغذی کارروائی سے بچتا ہے اور جسمانی طور پر مختلف دفاتر یا سروس فراہم کنندگان کے پاس جانے کی بہت کم یا کوئی ضرورت نہیں ہے۔ کچھ مثالوں میں سرکاری اسکیموں اور فصلوں کے قرضوں کا حصول، زرعی ان پٹ فراہم کرنے والوں اور زرعی پیداوار کے خریداروں سے رابطہ قائم کرنا، حقیقی وقت میں ذاتی مشورے تک رسائی، وغیرہ شامل ہیں۔
2. بھروسہ مند ڈیٹا سرکاری ایجنسیوں کو اسکیموں اور خدمات کو مزید موثر اور شفاف بنانے میں مدد کرے گا، جیسے کہ کاغذ کے بغیر ایم ایس پی پر مبنی خریداری، فصل کی بیمہ، اور کریڈٹ کارڈ سے منسلک فصلوں کے قرضے، اور کھادوں کے متوازن استعمال کے لیے نظام تیار کرنا، وغیرہ۔ مزید، 'فصل کے بونے والے رقبے پر ڈیجیٹل طور پر حاصل کردہ ڈیٹا'، 'ڈیجیٹل عام فصل تخمینہ سروے پر مبنی پیداوار' اور ریموٹ سینسنگ ڈیٹا کے ساتھ، فصل کی پیداوار کے درست تخمینے میں مدد کرے گا۔ اس سے فصلوں کے تنوع کو آسان بنانے اور فصل اور موسم کے مطابق آبپاشی کی ضروریات کا اندازہ کرنے میں بھی مدد ملے گی۔
3. کرشی-ڈی ایس ایس پر دستیاب معلومات فصل کے بونے کے نمونوں کی نشاندہی کرنے، خشک سالی/سیلاب کی نگرانی اور ٹیکنالوجی/ماڈل پر مبنی پیداوار کے تخمینہ لگانے کے لیے فصلوں کے نقشے کی تیاری میں مدد کرے گی تاکہ کسانوں کے فصلوں کے بیمہ کے دعووں کو حل کیا جا سکے۔
4. مشن کے تحت تیار کیا گیا ڈیجیٹل پبلک انفراسٹرکچر برائے زراعت زراعت کے ماحولیاتی نظام کے اسٹیک ہولڈرز کو زرعی آدانوں اور فصل کے بعد کے عمل کے لیے موثر ویلیو چینز قائم کرنے کے ساتھ ساتھ فصل کی منصوبہ بندی، فصل کی صحت سے متعلق کسانوں کے لیے حسب ضرورت مشاورتی خدمات کے حل تیار کرنے کے قابل بنائے گا۔ کیڑوں اور بیماریوں کا انتظام، اور آبپاشی کی ضروریات، اس بات کو یقینی بنانا کہ ہمارے کسانوں کو بہترین ممکنہ اور بروقت رہنمائی اور خدمات حاصل ہوں۔

**********

 (ش ح –ا ب ن۔ م ف)

U.No:10451