পঞ্চায়তি রাজ মন্ত্রালয়না বোধ গায়াগী ইন্দিয়ন ইন্সতিত্যুত ওফ মেনেজমেন্ত (IIM BG)গা লোয়ননা চুংশিন্নদুনা সেপ্তেম্বর 2দগী সেপ্তেম্বর 6, 2024 ফাওবা নুমিৎ 5নিগী রেসিদেন্সিএল মেনেজমেন্ত দিবেলপমেন্ত প্রোগ্রাম (MDP) পাংথোক্লি। প্রোগ্রাম অসিনা দিস্ত্রিক্ত পঞ্চায়ৎশিংগী প্রসিদেন্তশিং অমসুং ভাইস প্রসিদেন্তশিং, পঞ্চায়ৎ সমিতিশিংগী প্রমুখশিং, সর্পঞ্চ (শিং) অমসুং তোঙান-তোঙানবা পঞ্চায়ৎ ওফিসিএলশিং য়াওনা পঞ্চায়তি রাজ ইন্সতিত্যুসনশিং (PRIশিং)গী মীয়াম্না খল্লবা মীহুৎশিং অমসুং ফঙ্কসনরীশিংগীদমক দিজাইন তৌখি।

রাজ্য নিপানগী পঞ্জায়তী রাজ ইন্সতিত্যুসনশিংগী মীহুৎশিং অমসুং ফঙ্কসনেলশিং: বিহার, ছত্তিসগর, ঝারখন্দ, মধ্য প্রদেশ, ওরিশা, রাজস্থান, উত্তর প্রদেশ অমসুং নোংচুপ বেঙ্গলনা ইন্দিয়ন ইন্সতিত্যুৎ ওফ মেনেজমেন্ত, বোধ গয়াদা লৈরিবা মকোক থোংবা ইন্দিয়ন ইন্সতিত্যুৎ ওফ মেনেজমেন্ততা ত্রেনিং প্রোগ্রাম অসিদা শরুক য়াগনি।

প্রোগ্রাম অসিনা পঞ্চায়তী রাজ ইন্সতিত্যুসনশিংগী মীয়াম্না খল্লবা মীহুৎশিং অমসুং ফঙ্কসনরীশিংগী লুচিংবা, মেনেজমেন্ত অমসুং লৈঙাকপগী হৈ-শিংবা হেনগৎহন্নবা পান্দম থম্লি। মসিগী খোঙথাং অসিনা পঞ্চায়তী রাজ মন্ত্রালয়না লোকেল গভর্নান্স মপাঙ্গল কনখৎহন্নবা অমসুং খুঙ্গংগী মীয়ামদা হেন্না ফবা সর্ভিসশিং ফংহন্নবা পঞ্চায়ৎশিংবু শক্তি লৈহন্নবা হোৎনরিবা অদু উৎলি।

নুমিৎ মঙাগী ইন্তেনসিব প্রোগ্রাম অসিদা লুচিংবা, মেনেজমেন্ত অমসুং ইথিক্স, রুরেল ইন্নোবেসন, ওন সোর্স রেভেন্যু (OSR) অমসুং আর্তিফিসিএল ইন্তেলিজেন্স (AI) শরুক য়ারিবশিংনা এক্সপর্তশিংনা লুচিংবা সেসনশিং, কেস স্তদীশিং, অমসুং মখোয়গী কম্যুনিতীশিংবু হেন্না ইফেক্তিব ওইনা লুচিংবদা মথৌ তাবা লৌশিং অমসুং খুৎলাইশিং পীনবা শেম-শারিবা ইন্তরেক্তিব দিস্কসনশিংদগী কান্নবা ফংগনি। প্রোগ্রাম অসিনা ভারত্তা লোকেল গবর্নান্সকী ইফেক্তিবিতী অমসুং ইফিসিএন্সী হেনগৎহনবদা চাউনা মতেং পাংগনি হায়না পানরি।

পঞ্চায়ৎশিং অসি খুঙ্গংগী মীয়ামদা মরুওইবা খুদোংচাবশিং অমসুং লৈঙাক লৈহনবগীদমক থৌদাং লৌরিবা গ্রাসরুত এজেন্সীশিংনি। মখোয়গী মীহুৎশিং অমসুং ওফিসিএলশিং অসি সংবিধান্না পীরিবা থৌদাংশিং মপুং ফাহন্নবদা অমসুং "ভিকসিত ভারত" (দিবেলপ ইন্দিয়া) গী মঙলানবু মঙফাওনহনবদা য়াম্না মরু ওইবা স্তেকহোল্দরশিংনি। প্রোগ্রাম অসিনা মখোয়গী মরুওইবা থৌদাং অদু মশক খঙলে অমসুং মখোয়গী কম্যুনিতিশিংদা হেন্না ফজনা সেবা তৌনবগীদমক্তা মখোয়গী তৌবা ঙম্বশিং হেনগৎহন্নবা পান্দম থম্লি।

প্রোগ্রাম অসিগী মরুওইবা মীৎয়েং অসি ওন সোর্স রেভেন্যু (OSR) হেনগৎহনবনি, মসি ফাইনান্সিএল সস্তেনেবিলিতী ফংনবগীদমক অমসুং পঞ্চায়ৎশিংবু "সক্ষম" (কান্নবা) পঞ্চায়ৎশিংদা ওন্থোক্নবগীদমক তঙাইফদবা অমনি। মখোয়গী শেল-থুমগী মনিংতম্বা মপাঙ্গল কনখৎহন্দুনা, পঞ্চায়ৎশিংনা লোকেলগী মথৌ তাবশিং হেন্না ফজনা খঙবা ঙমগনি অমসুং খুঙ্গংদা চাউখৎপা পুরকপা ঙমগনি।

প্রোগ্রাম অসিনা শরুক য়ারিবশিংদা খ্বাইদগী নৌবা মেনেজমেন্ত থিওরীশিং, খুৎলাইশিং, অমসুং স্কিলশিং খঙহল্লি। মসিগী এপ্রোচ অসিনা রিসোর্সশিংবু ইফেক্তিব অমসুং ইফিসিএন্ত ওইনা শীজিন্নবা ঙম্নবা, কোর্পোরেৎ লেবেলগী প্রোফেস্নেলিজমবু রুরেল গবর্নান্সতা পুরক্নবা পান্দম থম্লি। অসিগুম্বা অওনবা পুরক্কদবা থবকশিং অসি পায়খৎতুনা, পঞ্চায়ৎশিংনা রুরেল ইন্দিয়া চাউখৎপা পুরকপদা চাউনা মতেং পাংগনি।

প্রোগ্রাম অসিনা ভারত্তা লোকেল গবর্নান্সকী ইফেক্তিবিতী অমসুং ইফিসিএন্সী হেনগৎহনবদা য়াম্না চাউনা মতেং পাংগনি হায়না পানরি। মসিনা খুঙ্গং খুমাং চাউশিনহনবদা য়াঙখৎহল্লগনি অমসুং খুঙ্গংগী মীওইশিংগী পুন্সি মহিং ফগৎহল্লগনি।

বেকগ্রাউন্দ:

চহি অসিগী হৌরকপদা 2024গী জনুৱারীদা হৌদোকখিবা লিদরশিপ/ মেনেজমেন্ত দিবেলপমেন্ত প্রোগ্রাম অসি পঞ্চায়তী রাজ মন্ত্রালয়না পঞ্চায়তী রাজ ইন্সতিত্যুসনশিংগী মীহুৎশিং অমসুং ওফিসিএলশিংগী লুচিংবা অমসুং মেনেজমেন্ত স্কিল হেনগৎহন্নবা হোৎনরিবা থৌরাং অমনি। প্রোগ্রাম অসিনা শরুক য়ারিবশিং অমসুং রাজ্যশিং/য়ু.তি.শিং অমসুং মেনেজমেন্ত ইন্সতিত্যুসনশিংদগী অফবা পাউখুমশিং ফংখি। প্রোগ্রাম অসিনা পঞ্চায়ৎকী লুচিংবশিংবু অৱাংবা থাক্কী স্কিলশিংগা লোয়ননা পুক্নিং থৌগৎতুনা ইফেক্তিব গবর্নান্স অমসুং গ্রাসরুৎ লেবেলদা অপুনবা পর্ফোমেন্স ফগৎহন্নবা পান্দম থম্লি।

শরুক য়ারিবশিংনা রাজ্যশিংগী পীয়রশিংগী মরক্তগী মমল য়াম্লবা ইনসাইৎশিং ফংলগনি, মসিনা মখোয়দা খ্বাইদগী ফবা থবক-থৌরমশিং অমসুং এক্সপরিয়েন্সশিং শেয়র তৌনবগী খুদোংচাবা ফংলগনি হায়নসু পান্দম থম্লি। মসিগী মথক্তা, প্রোগ্রাম অসিগী মনুংদা মন্ত্রালয়গী ওফিসিএলশিং য়াওবনা ত্রেনিং ফ্রেমৱার্ক অসিবু লেপ্পা লৈতনা ফগৎহনগনি। মসিগী খোঙথাং অসিনা ইন্সতিত্যুৎ অসিগী ফেকল্তী অমসুং মহৈরোয়শিংগী মরক্তা পঞ্চায়তী রাজ সিস্তেমগী মরমদা খঙহনবা খক নত্তনা প্রোগ্রাম অসিগী পান্দমশিংবু হেন্না পাক শন্না শন্দোকপদসু মতেং পাংই।

******

(Release ID: 2050801)