উপ-রাস্ত্রপতিগী লোইশঙ
রাস্ত্রিয় ইন্দিয়ন মিলিতরী কলেজ, দেহরাদুন্দা পীখিবা উপ-রাস্ত্রপতীগী ৱারোল
प्रविष्टि तिथि:
01 SEP 2024 1:19PM by PIB Imphal
ময়াম পুম্নমক য়াইফবা কোরৌ ওইমিন্নরসি,
ঐগী ইফমদদি মতম অসি, ঐনা সাইনিক স্কুল, চিত্তোরগরদা মিং চনখিবা দেকেদ তরুক্কী মমাঙদা হল্লক্লি। ঐনা ঙসি মফমসিদা লাক্লিবসিগী মরমদি, ঐনা হায়খিবগুম, ঐনা চিত্তোরগরগী সাইনিক স্কুলদা তাখিবা মতম, দেকেদ তরুক্কী মমাঙদা ঐসু অদোমগুম্না তৌরম্মি। ঐগী পোক্নফম লমদমদি ঝুনঝুনু দিস্ত্রিক্তকী কিথনা খুঙ্গংদনি, অদুবু ঐনা তশেংনা তাইবঙ ফাওরকখিবদি সাইনিক স্কুল চিত্তোরগরদনি।
ঙসি ঐনা ওইরিবা থাক অসি ঐগী ইমা-ইপা, ইপু-ইবেন, ঐগী ওজা, অমসুং মরুওইনা ঐগী হৌমিন কামিন্নরকপশিংননি। মদুদা লৈখিবা মরী মতম শাংনা চৎপা মরীনি, অমসুং ঐনা ঐবু শেম্বিরকপা মপুগী মনাক্তা য়ৌখিবা মতমদসু হায়রিবা অফবা মরী অদু অদুমক লৈহৌগনি হায়না ঐনা থাজৈ। নুপামচা অমসুং নুপীমচাশিং, ঙসি অদোমগী মরক্তা লৈরিবা মরী অসি মতম চুপ্পগীনি। অদোম্না পুন্সি চুপ্পা কাউঙম্লোইদবা করিগুমবা খরা মফমসিদগী ফংগনি।
‘এক পের মা কে নাম’ ঐনা কম্মান্দেন্তকী মফমদা, মহৈরোয় খুদিংমক ‘এক পের মা কে নাম’ অসিদা শরুক য়াহন্নবা অমসুং মসিগী পাউজেল মখোয়গী মরমদম মরৈকায়দা পুহনখিনবা ৱাফম থমজরি। ইকায়খুম্নরবা প্রধান মন্ত্রীনা লাউখিবা খোল্লাউ য়াম্না ৱাহন্থোক লৈবা, অইং-অশাগী খল হোংলকপগী শাফু লাকশিন্নবা পান্দম থম্লিবা খোল্লাউ অমনি অদুগা মসিগী ইচম চম্বা মরমদি ঐখোয়না লৈমিন্ননবা অতোপ্পা প্লানেত অমা লৈতে, অদোম ঐনা অমুক মসিগী মরুওইবা হায়রুদ্রবসু য়ারবা মফম অমদা লৈরিবনি।
চহি চাম্ম হেল্লবা, অতৈদগী তোপ তোপ্পা ইন্সতিত্যুসন অসিদা ঙসি লাকপা ফংজবা তশেংনা লাইবক ফবনি, অমসুং মীৎকুপ অসি পুন্সি চুপ্পা কাউঙমদনা লৈহৌরগনি।
ইন্সতিত্যুসন অসিগী তোন অসি ১৯২২দা ৱেল্সকী প্রিন্সনা অহান্বা কেদেত কুন্থ্রা-তরেৎকী মফমদা ৱা ঙাঙবদা ফোঙদোক্লমদুনা “মীওইবগী পুন্সিদা পুন্সিগী লানফম খুদিংদা পুদুনা চৎলিবা খুৎলায়গী মথৌ অমসুং মতিক হাপ্লিবসি পুন্সিগী অহান্বা শাহুম খরদুননি” হায়রমখি।
কেম্পস অসিদা “পুন্সিগী অহান্বা শাহুম খর” ফংখিবদুনা অদোমগী মিংচৎ তাক্লিবনি অমসুং ইন্সতিত্যুসন অসিগী মমিং শোন্নরিবনি।
নুংঙাইবা অমসুং অপেন্বা পোকপা ৱাফম অমনা, প্রিন্স অদুনা ‘গুরু অমসুং চেলা’ হায়রিবা ভারতকী চৎনবী অসিদা কোক নোন্দুনা মতমদুদা ফাওবা ঐখোয়গী মীহৌরোনগী মশক অমসুং মমল কনাগুম্বা অমত্তগী মীৎয়েঙনা নাথৈবা ঙমদে হায়বা ঐখোয়দা মতম চুপ্পদা নীংশিংহল্লি। হৌজিক্তি মীৎয়েঙ শান্বা লুচিংবশিংনা মরম ওইরগা মফমসি মালেমগী পুক্নিং চিংশিনফম ওইরে।
লেমজনিংঙাই ওইরবা মিলিতরী একাদমী অসিগী থৌরাংশিং দিফেন্স সর্ভিসকী লমদা ভারত অমসুং ব্রিতিসস অনিমক্না দিমান্দ য়াম্না লৈখি।
মরুওইনা, মতমদুদা লৈখিবা দিমান্দদি চহি ২০০ রোম ফংহন্দনা লাকখিবা অমসুং ব্রিতিশ খক্তগী ওইনা খাক্তুনা থম্লম্বা ব্রিতিশ-ইন্দিয়ন আর্মীগী ওফিসর ফম কানবগীদমক ওইরম্মি।
ইন্সতিত্যুসন অসিনা ওল্লক্লিবা থৌওং অসি ৱাখল অমরোমদা ব্রিতিশনা লৈঙাক্লিঙৈ মতমদা ফাওবা মরৈবাক নিংবা অমসুং থোং মান্নবগী ৱাখল্লোন লৈরম্মি।
ভারত মচাশিংগী পুক্নিংদা চুখিবা মৈরী অদুনা ইন্সতিত্যূসন অসিগী মরুওইবা য়াম্না হেনগৎহনখি। সাইনিক স্কুল অমসুং মিলিতরী স্কুলশিংগা লোয়ননা মসিগী চহি চাম্ম ফারকপা মতমদা, ঐনা তম্লকখিবা সাইনিক স্কুল, চিত্তোরগরদা, নুপীমচাশিং মিং চন্বা জুলাই ২০২২দগী য়াহনখি। মসিনা লৈবাকসিদা পায়খৎলক্লিবা থৌরাংশিংগী পন্দুপ য়ুম্বী, গেম চেঞ্জর ওইবগী মমি চাউনা তারি।
ঐগী নহা ওইরিবা মরূপশিং, মফম অনি অসি ৱাখল অমরোমদা মান্নবা মওং মতৌ অমা লৈ। মহৈরোয় নুপামচাশিং য়াওহন্বা হায়বসিনা হৌজিক ফন্দামেন্তেল কন্সতিত্যুস্নেল ওর্দেনমেন্ত অমা ওইরবা খেন্নবা লৈতবা মান্নবা মফম অমা পীরি।
ঐগী নহা ওইরিবা মরূপশিং, লৈবাক অমা ওইনা ঐখোয়গী নুপীশিংনা মালেমগী ওইনা নুপী সিভিল পাইলোত মশিং খ্বায়দগী য়াম্না পুথোকই হায়বা ৱাফমসিদা মালেমগী লমজিং মৈরা অমা ওইবগী চাউথোকচবা ফাওজগদবনি। ঐখোয়গী নুপীশিংনা লানগী এয়রক্রাফ্তশিং পাইরি, মখোয়না স্পেস মিসনগী থোঙজিন্দা লেপ্লি। ঐগীদমক্তা চাউথোকচনিংঙাই ওইবা মীৎকুপ অমনা, নুং ৪৮গী মনুংদা নুপীমচা অমা, মমিংদু হায়বা থোকত্রে, ঐগী মমি পিকচর অমা পীরকই অমসুং মদু য়াম্না তশেং তশেংই।
মরুপশিং, লৈবাক অসিনা চহি অসিগী রিপব্লিক দে থৌরমদা কর্তব্য পথদা নুপীগী শক্তিগী মশক মপুং ফানা উবা ফংখি। কয়াদা নীংথিরবা শক্তম্নো। পুন্সিগী হীরম খুদিংদা, জেন্দর অসিনা মথক থোংদুনা লাকখি। থৌরমদুনা পুন্সিগী হীরম খুদিংদা নুপীগী শক্তিনা শাহুম চাউবা থৌদাং য়ারিবা অসি উৎখি। হায়রিবা থৌদাং অসিননি ২০৪৭ ফাওবদা চাওখৎলবা লৈবাক অমগী থাক্তা ঐখোয়বু লমজিংগদৌরিবা।
পুৱারী ওইরবা পন্দোল অমা লোম্বা মতম অমদা ঐনা রাজ্য সভাগী চেয়রমেন ওইবগী তাঞ্জা ফংখি। ফনা কন্না হোৎনরবসু দেকেদ অহুম হেন্না নাথৈদুনা লাক্লবা, লোক সভা অমসুং স্তেত লেজিসলেচরশিংদা নুপীগী রিজর্ভেসসন শরুক অহুম থোকপগী অমা থম্লিবসিনা চাউনা অহোংবা পুরক্কদবা ৱাফম অমা ওইরি।
নহা ওইরিবা নুপামচা অমসুং নুপীমচা রিমকোলিয়নশিং, অদোমগী পুক্নিং থৌগৎনফম্না তোঙান তোঙানবা লমশিংদা, মরুওইনা দিফেন্স সর্ভিসশিংদা মতোল লোমদুনা অদোমগী মফম কল্লি।
মশক নাইরবা রিমকোলিয়ন, লৈখিদ্রবা জেনেরেল বিপিন রাৱতনা ভারতকী অহান্বা চীফ ওফ দিফেন্স স্তাফ ওইখি। মহাক লমদমসিদগী হৌরকপনি।
মফম অসিগুম্না ইন্সতিত্যুৎ ওফ এক্সেলেন্স ওইরিবা RIMC অসি লৈবাক্কী থৌগলগীদমক নহা ওইরিবা মীওইশিংবু মখোঙ শোম্বিবগীদমক লৈবাক্কী লন অমা ওইরি। মফমসিদা সেত তৌরিবা বেঞ্চমার্ক অসিনা অতৈ মান্নবা ইন্সতিত্যুসনশিংগী ফিদম্নফম ওইরিবনি।
ঐগী নহা ওইরিবা মরুপশিংগী মফমদা মতমদুগী রাস্ত্রপতী ভি.ভি. গীরিনা ১৯৭২দা RIMC গোল্দন জুবিলী থৌরমদা ফোঙদোকখিবা লৌশিং ওইনিংঙাই ওইরবা ৱাহৈশিং নীংশিংজগে। থৌরমদুদা মহাক্না ফোঙদোকখি:
“নহা ওইরিবা কেদেতশিং, হৌজিক অসি অদোমগী পুন্সিগী খ্বায়দগী মমায় চুমগদবা অমসুং কান্নগদবা মতম্নি অমসুং অদোম্না অদোমগী হোৎনরিবা পুম্নমক ইরোমদোম লেপচবা ঙম্নবা অমসুং লৈবাকসিগী মমল লৈবা লান্মী ওইদুনা ঐখোয়না নখোয়দা থম্লিবা থাজবা অসি ফংবা ঙম্নবা হোৎনগদবনি। নখোয়না নখোয়গী কলেজকী মোতো – বল বিবেক – হায়রিবসিগী মতিক ঙাক্কদবনি হায়বদি নখোয়না পুন্সিগী লান্ফমশিং মায়োক্নবা ঙম্নবা পাঙ্গল অমসুং লৌশিং নশানা শেমগৎচগদবনি। কন্না হোৎনৌ, ঐখোয়গী খুৎলায় পায়বা লান্মীগী চৎনবী ঙাকউ, ঐখোয়গী লৈবাকপু হেন্না মপাঙ্গল কনহল্লু অমসুং লান অমসুং ইং-তপ্পা মতমদা মহাক্কী ইকায়খুম্নবা ঙাকউ।”
মহাক্কী ৱাহৈশিংদা লেমজনিংঙাই ওইরবা ইন্সতিত্যুসন অসিনা মাগী কেদেতশিংদা পীরিবা মমল অমসুং পরমশিংগী খোন্থাং য়ৈরি।
অদোম্না অদোমগী তুংলমচৎকী থোঙজিন্দা লেপ্পা মতমদা, লৌশিং ওইগদবা ৱাহৈশিং অসিনা তুংদা লাক্কদৌরিবা শিংনবশিং থেংনবা অমসুং খুদোংচাবশিং লৌশিন্বগী লম্বীদা মঙাল পীনবিবা ওইসনু। খুদোংচাবগী চাং নোংম-নোংমগী হেনগৎলক্লি অমসুং মালেমনা মসিবু শকখঙলি।
লৈখিদ্রবা ভি.ভি. গীরিগী ৱাহৈশিং অদোমগী নাকোংদা নিন্দুনা লৈহল্লু অমসুং অথোয়বা তান্বদা অদোমগী থৱানমিচাক নিংথৌ শিদবা ওইহল্লু অমসুং শিংনবশিংগী মরক্তা লমজিং মৈরা ওইহল্লু।
ৱাহৈশিং অসিনা RIMC না চাং নাইনা ‘লৈবাক্কী থৌগলদা মপুক্নিং চেৎনা লুপচবা লুচিংবশিং অমসুং মরৈবাক নীংবা মীওইশিং পুথোক্লিবা’ অসিবুসু উৎলি।
“মহৈশঙগী মরুওইবা অসি লাইরিক্কী লৌশিং লৌশিন্বা নৎত্রগা অঙাং অমবু লাইরিক হৈহন্বা অমসুং মশা মউ ফহন্বখক্তদা লোইদে। মহৈশঙ অমা হায়বসি, মরুওইনা RIMC গুম্বা রেসিদেন্সিএল স্কুল অমগী ওইনদি অঙাং অমদা মপুং ফাবা এক্সপিরিএন্স পীবদুনি অমসুং পীসু পীরি” হায়না মতমদুগী রাস্ত্রপতী দোক্তর শঙ্কর দয়াল শর্মনা RIMCগী প্লাতিনম জুবিলী থৌরমদা ফোঙদোকখি।
, য়ুনিফোর্ম শেৎপা মীওই অমা ওইরিবা ইকায়খুম্নরবা গভর্নর লেফ্তনেন্ত জেনেরেল গুরমীত সিংহনা ২০২২গী সেন্তিনিএল ৱারোলদা মরম চানা কেদেত অমসুং রিমকোলিয়ন খুদিংদা চঙদুনা লৈখ্রবা থৌগলগী ৱাখল্লোনবু ৱাংনা থাঙ্গৎখি।
ঐনা তাঞ্জা অসি লৌজরগা তোপ তোপ্পা ইন্সতিত্যুসন অসিগী মশক নাইরবা এলুম্নাইশিংগী মফমদা নহাশিংগী মফমদা লৈবাক নিংবগী ৱাখল্লোন অমা চেলহন্নবা লোয়ননা লৈবাক্কী মায়োক্তা লৈবা খুজিল থৌরাংশিং মুত্থৎনবা খোঙথাঙশিং পায়খৎনবা থিঙ্ক তেঙ্ক অমা ওইনা থবক তৌবিনবা ৱাফম থমজরি। রিমকোলিয়ন পুম্নমক লৈবাক নিংবগী পাউজেল পুরিবা ব্রান্দ এম্বেসেদরশিংনি। মসিনা ঐখোয়গী দিমোগ্রাফিক্কী খুর্জি পায়রিবা নহাশিংগী মফমদা খুদোংচাবা কয়া পীগনি। ঐখোয়গী দিমোগ্রাফিক দিবিদেন্দ অসিনা, মালেমগী ইন্সতিত্যুসন পুম্নমক্না শিংথানরিবা অমসুং ঐগী মীরোলগী মীওইশিংনা মঙদা ফাওবা মঙলুদ্রিবা শেন্মিৎলোন ফগৎহন্বা অমসুং চাওখৎপগী খোঙচৎ অসিদা মায় পাকহন্গদবা নমথবা ঙম্লোইদবা খোঙজল অমা ওইনা মালেমগী মাঙদা লেপ্লি।
ঐগী নহা ওইরিবা মরুপশিং, RIMC গী কেদেতশিং ওইনা, অদোম, চহি কয়া চঙনা শেমগৎলকপা মশক নাইরবা লেগেসীগী মৈরা পায়রিবা মীওইশিংনি। মফমসিনা পীরিবা মমলশিং, নখোয়না তৌখিবা ত্রেনিং, অমসুং নখোয়না শেম্লিবা মরীশিং অদুনা খ্বায়দগী থাক ৱাংবা মরৈবাক নিংবা ওইহনগনি।
ঐগী নহা ওইরিবা কেদেতশিং, নখোয়-নখোয়গী – লনাই অমসুং শিন্ফমগী খোঙচত্তা, নখোয়না নখোয়বু চাংয়েং তৌরক্কদবা মীৎপুকশিং থেংনরক্কনি। নখোয়না খাঙবা ঙম্বগী পাঙ্গল শোন্থরকপা অমসুং চোকথবনা থন্বা নুমিৎ য়াওরক্কনি।
নখোয় খুদিংমক্না, ত্রেনিং মনুংদা অমসুং লাক্কদৌরিবা চহিশিংদা নখোয় নশাগী ওইবা লান্ফমশিং মায়োক্নরক্কনি, অদুবু নিংশিংগদবদি পুম্নমক মায়োক্নদুনা লেপ্লিবা, অমসুং অৱা-অনাশিং মায়োক্নবগী খুদোংথিবা থেংনরিবা মীওইদুনা থৌনা, হোৎনবা অমসুং লুচিংবগী মশক তাক্লিবনি।
ৱাফম অসি পুন্সিগী লম্বীদা লেঙদ্রবা অচুম্বা ৱাফম অমখক্তা নত্তে হায়বা নখোয়না তপ্না তপ্না খঙলক্কনি। মফমসিদা নখোয়না শেমগৎলিবা হৌদ-লোনচৎ অমসুং খাঙবা কন্বা অদুনা পুন্সিদা থেংনরক্কদবা লান্ফম খুদিংদা নখোয়গী চুঙ্গোয় ওইগদৌরিবনি। খুদোংচাবশিং অসি লেপ্পা নাইদবা তেক্নোলোজীশিং থোক্লকপগা লোয়ননা মীয়ামগী পুন্সিগী হীরম খুদিংদা নোংম-নোংমগী পাকথোক চাউথোরক্লি।
ঐগী নহা ওইরিবা মরুপশিং – নখোয় মতিং লৈরবা মহৈ মশিং ফংলিবা অসি তশেংনা লাইবক ফরবনি। ঐখোয়গী শিংনবনা থল্লবা মতমদুগা মান্নদবা মওংদা, নখোয়দি আইনগী থোঙদা মান্নবা থাক অমসুং খুদোংচাবা কয়া পীরিবা ইকো-সিস্তেম অমগী কান্নবা ফংলিবা মীওইশিংনি। হৌজিক্তি পুম্নমক আইনগী মখাদা লৈরে, অমদি মসিনা “নহাক্না ফনা ৱাংলবসু আইন্না নহাক্কী নথক্তা লৈ” হায়বা ৱাফমসিবু নীংশিংহল্লি।
ৱাফম অসি গ্রেত ব্রিতেনগী মীয়াম্না শকখঙনরবা জজ অমা ওইরিবা লোর্দ দেন্নিংনা হায়খিবনি, অদুবু অচুব্বা ৱাফম অমদি মহাক্ককী ৱাহৈ অসি ১৯৯৩দা দোক্তর থোমাস ফুল্লরনা ইরম্বশিংদগী লৌদুনা ফোঙদোকখিবনি। ৱাফম অসি ভারত্তা ঐখোয়গী ইরক্তগী নাথৈদুনা মতম শাংনা লাকখ্রে অদুবু হৌজিক্তি অচুম্বা ৱাফম অমা ওইরে। পুম্নমক থোং মান্নবা ফীভম অমদা লৈরিবা অসিদগী হেন্না নহাশিংগীদমক খুদোংচাবা, নুংঙাইবা অমসুং কান্নবা ফীভম অমত্তা লৈররোই।
মশক নাইবা কাঙলুপ্তা চল্লি হায়দুনা কনাগুম্বা অমত্তনা লাইরিক হৈববু তুংওইনরম্লগা মাঙদা থাদুনা চৎলরোই। দিমোক্রেসীদা, নহাক নশানা খ্বায়দগী মরুওইবা স্তেকহোল্দর ওইরিবনি, ৱাফম অসি ঐনা হায়রিবগী মরমদি ভারতনা ২০৪৭দা বিক্সিত ভারতকী মায়কৈদা খোঙ থাংজিল্লকপা মতমদা, অদোম শোয়দনা মফম চানা লৈরগনি অমসুং চাওখৎলকপা অসিদা অদোম্না চাউনা থৌদাং য়ারগনি।
ঐনা নখোয়গী নফমদা থমগদবা অকন্বা ৱাফম অমদি ঐগী মরুপশিং, অকিবা, অৱাবা অমসুং নুংনাংবনা নশাবু ফাজিন্দুনা থমহনগনু। অকিবা হায়বসিনা খুমাঙ চাওশিন্বগী খ্বায়দগী ফত্তবা য়েক্নবনি, অকিবনা ঐখোয়গী ইফমদগী থৌরাং কয়া মৎলি, অকিবনা ঐখোয়না থাজনা লৈগদবা মতমদা চরক চহিংনহল্লি। ঐনা হায়রিবসি নীংশিংবিয়ু, অকিবা হায়বসি করিসু লৈবা নত্তে। ঐখোয়দা অকিবদা হেন্না খঞ্জিনগনবগী হৈনবী অমা লৈ। করিগুম্বা অদোম্না অকিববু মাঙহনখ্রবদি, অকিবা হায়বসি য়ুম্ফম লৈতবা খুরৌ অমনি, অকিবা হায়বসি অহোম্বা লৈখোমগুম্বনি। মায় পাক্তবগীদমক কৈদৌঙৈদা কিগনু। মায় পাক্তবা হায়বসি ঐখোয়গী খোঙচৎকী মচৎ অমনি। মীহৌরোন্না খুমাঙ চাওশিল্লক্লিবসি মায় পাক্তবদা মনিং হন্দুনা চৎলম্লগদি ওইরম্লোই অমদি করিগুম্বা অমা ফংনবা তাল্লিবা মীওই অদু মায় পাক্তবনা মরম ওইরগা মচোই মচোই তাখিগনি। ঐনা থেংনরকপদা, মায় পাক্তবা হায়বসি, ঐনা হায়রিবসিনি, অদোমগী পুন্সিগী হৌখিবা চহি অনিদা হঙ্গৎনা য়েংবিয়ু, মায় পাক্তবা হায়বসি মায় পাকপগী খোঙদাফমশিং ওইরমগনি। মসি ৱাখলদা লৈবনি। অকিবা হায়বসি ঐখোয়গী খোঙচৎনা খুমাঙ চাওশিন্বগী তঙায় ফদ্রবা মচাক অমনি হায়বা ৱাফমসিমসু মতম পুম্বদা নিংশিংউ।
পুৱারী ওইরবা চন্দ্রয়ান মিসনগী মরমদা খন্থবিয়ু, চন্দ্রয়ান ২ চাউনা মায় পাখি, অদুবু মপুং ফানা মায় পাকপদি ওইখিদে। অসিগুম্বা মায় পাক্তবদা থাজবা থম্বা মীওই খরনদি মসিবু মায়থিবা অমনি হায়গনি লৌশিং লৈবশিংনদি হায়রোই। মসি মায় পাকপগী মায়কৈদা থাংজিন্বা খোঙথাং অমনি। অদুগা লৈবাকসিদা লৈরিবা ঐখোয় পুম্নমক্না ওগস্ত ২৩, ২০২৩দা পুক্নিং চাউথোকচনিংঙাই ওইরবা মীৎকুপ থেংনখি, হৌজিক্তি নুমিৎ অসি মতম চুপ্পগী ওইনা ঐখোয়গী স্পেস দে ওইহৌরগনি।
চন্দ্রয়ান ৩ না থাগী খাথংবা পোলদা তারুবা মতমদা, ভারতনা মসিদা মায় পাকখিবা অহান্বা লৈবাক ওইখিবা মীৎকুপ্তা, ঐখোয়দা নুংঙাই য়াইফবগী, সিব শক্তিগী, অমসুং তিরঙ্গ পোইন্ত ওফ ভিউগী মুৎপা ঙম্লরোইদবা মমি অমা তাখি অদুবু চন্দ্রয়ান, চন্দ্রয়ান ৩ মায় পাক্লম্লোই।
ঐগী নহা ওইরিবা মরূপশিং, অদোম অওন্বা নুংশিৎনা অফবা মায়ওন অমসুং লোইনাইদ্রবা ওইথোকপা য়াবশিংগা লোয়ননা চাউনা অওন্বা পুরকপা মতম অমদা হিংবগী তাঞ্জা ফংলিবনি। তশেংবসু তেক্নোলোজীগী ফীভম ফগৎলকপনা নুমিৎ খুদিং ঐখোয়গী শক্তম শেম্লি। দিসরপ্তিব তেক্নোলোজীশিং অসি নহাশিংনা লৌশিন্বদা, মদুবু শীজিন্নবদা, অমসুং খুদোংচাবা ওন্থোকপদা হৈ-শিংই।
ঐখোয়গী খুমাঙ চাওশিন্বগী মচাকশিং অসি মালেমগী ইন্সতিত্যুসনশিংনা শিংথানরি, মালেমসিনা শকখঙলি হায়বসিদা চিংননিংঙাই লৈতে। প্লানেত অসিগী খ্বায়দগী চাউবা মথৌ তৌরিবা দিমোক্রেসী ওইরিবা ভারতনা হন্বা নাইদ্রবা ৱাখল্লোনগা লোয়ননা মাঙদা চঙশিল্লি অমসুং মালেমগী লুচিংবা ওইবগী শক্লোন লৌরি। ঐখোয়গী শেন্মিৎলোন চাউখৎলকপা অসিনা মালেমদা অওন্বা পুরক্লি অমসুং মালেমগী থাক্কী ইনফ্রাস্ত্রকচরশিং পুম্নমক্না পাম্নরি।
ঐহাক্কী ৱারোল অসি দিসেম্বর ১০, ১৯৬২দা RIMC গী কেদেতশিংগী মফমদা দোক্তর সর্বপলি রাধাকৃষ্ণন্না খোঙদোকলখিবা লৌশিং পুক্কৈগী ওইবা মনি মুক্তাগী মশক ওইরবা ৱাফমশিং পঞ্জরগা তেনশিঞ্জগে।
“অরিবা পুরানশিংনা ঐখোয়দা হায়, ‘বির ভাগ্য বসুন্ধ্র’ হায়বদি মালেম অসি থৌনা ফবা, ৱাখল মপাঙ্গল কন্বশিংগীনি, অতন্বা, শুনিংদবা অমসুং মতিক চাদবশিংগী নত্তে। হিদান্নবা অমসুং লম্বা তৌনবগী মালেম অসিদা, ঐখোয় খুদিংমক্না ইশাবু লাকশিঞ্জবা অমসুং কত্থোকপগী পুন্সি অমা হিংগদবনি। হায়রিবা অথোইবা ৱাখল্লোনশিং অসি পুন্সিদা লোয়নদুনা থম্মু।”
ঐনা ময়ামগী মফমদা পীজগদবা পাউজেলদি, লৈবাক্কী থৌগল চাউথোকচবগা লোয়ননা অকিবা লৈতনা তৌবিয়ু! ভারত ইমানা অদোমবু কৌরি। লৈবাকসিগী তুংলমচৎ নখোয়গী লেংজুমদা থোংলিবনি। মতম পুম্বদা লৈবাক্কী য়াইফবনা মাঙদা থম্মু। অদোমগী থৌওংনা থকশি-খাসি, হৌন-লোনচৎ, অমসু মীনুংশিগী মশক উৎকদবনি।
অদোম্না মতম পুম্বদা অদোমগী ইন্সতিত্যুসনগী মোতো বল বিবেক, পাঙ্গল অমসুং পুক্নিংগী পরমগী অপুন্বা থৌনানা শিংনবা কয়া মায়োক্নরকপদা হেঞ্জিল্লকপা ঙম্লোই হায়বসি ঙাক্তুনা থম্মু।
মতম পুম্বদা থৌজান্বিবা ওইরসনু অমসুং ভারতকী থৌগলগীদমক তিং থোক্না লৈবা ওইরসনু।
ময়ামবু থাগৎচরি। জয় হিন্দ!
****
(रिलीज़ आईडी: 2050637)
आगंतुक पटल : 92